Les savonnettes de Sarah

زعما يجي نهار نخدملكم كريمة الترطيب وسيرومات والمخمريات كميات كبيرة كيما هك 😍؟

الحمد لله 😍 درت تصميم عطرين خاصة بعرسان جدد ماشاء الله عجبهم بزاف ... وبكل فخر انا الوحيدة لي نخدم عطر بالاسم+بتصميم خاص على حساب شخصية وذوق الزبونة 🥰

كل يوم توصلني رسائل من زبونات يقولولي: "لاحظت الإبط ولا أفتح من قبل!" وهاد الشي يفرحني بزاف. 🤍
أنا عمري ما وعدت بالتبييض، لأن مزيل العرق الطبيعي أساسًا دوره يحارب الروائح ويحافظ على راحة البشرة.
لكن لما تكون التركيبة لطيفة، بدون مواد قاسية وكحول، والبشرة ترتاح من التهيج والاحتكاك، كثير من الناس يلاحظوا مع الوقت أن لون المنطقة يبان أكثر تجانسًا وإشراقًا.
شكرًا لكل وحدة وثقت فينا وشاركتنا تجربتها. 🌸 ونأكد دائمًا: النتائج تختلف من شخص لآخر حسب طبيعة البشرة وأسباب الاسمرار.
#الجزائر

وهل تخفى الاشراقة 😍😍😍
رأي زبونة بشرتها حساسة ❤️❤️

صباح التفاؤل 🥰 حبيت نقلك رزقك ما تربطوش لا بإنسان، لا بخدمة، لا بزبون، ولا بسبب من الأسباب.
العبد مجرد سبب... أما الرزّاق هو الله.
اللي كتبلك رزقك يوصلك حتى لو الناس كامل يحاولوا يمنعوه، واللي ما كتبوش، ما يجيش ولو الدنيا تعاونت كاملة.
خدم، اسعى، وخذ بالأسباب... بصح قلبك يكون متعلق بربي وحده، ماشي بالعباد.
قال تعالى: ﴿ وَفِي السَّمَاءِ رِزْقُكُمْ وَمَا تُوعَدُونَ ﴾
ربي يرزقنا وإياكم من واسع فضله، ويباركلنا في أرزاقنا، ويجعل قلوبنا معلقة به وحده. 🤍

اليوم اخر يوم في عالم البطالة و غدا تصبحون اساتذة
قولو امين 🙏

روتور زبونتي بعد استعمال سيروم اشراقة 😍 لاحظت الفرق في تحسن مظهر التجاعيد وشافت لمعة في بشرتها بصحتها ❤️

علابالك بلي كاين تجاعيد مبكرة تقدر تتحسن بشكل كبير؟
إيه، التجاعيد الرفيعة اللي تبان بكري غالبًا تكون بسبب: ☀️ التعرض للشمس. 💧 نقص الترطيب. 😴 السهر والإرهاق. ❌ وإهمال العناية بالبشرة.
الخبر المليح؟ ✨ إذا بديتي العناية في الوقت المناسب، تقدر تخف بشكل واضح، والبشرة تسترجع نضارتها ومرونتها.
🔹 الترطيب وحده ما يكفيش. 🔹 واقي الشمس ضروري كل نهار. 🔹 والمكونات الصحيحة كيما الريتينول، الهيالورونيك أسيد، وفيتامين C تساهم في تحسين مظهر الخطوط الرفيعة مع الاستعمال المنتظم.
✨ العناية بالبشرة ماشي رفاهية... هي استثمار باش تحافظي على بشرتك لسنين.
#الجزائر

😂😂كاين بزاف كيما هي في الجزائر كل خبر نورمالمو تدفعولهم كيما خالتي الكولومبية 😂😂😂
لكان جات هنا تشري مصانع ربراب 😂😂😂

اممم زعما بولحية...... 🤔
بالجلباب ويديروهم لتحت لتحت...... 🤔
مجتمع العقدة تاعو الوحيدة هي اللحية والجلباب
الغريب في الأمر، أي واحد يهدر على تربية البنات على الحشمة من صغرهم، يلقى روحو متهم وكأنه قال حاجة كبيرة. مع أن الحياء عمره ما كان عيب، والستر عمره ما كان إهانة للطفل.
مكاش واحد بعقولو وسليم الفطرة يشوف طفل ويقول فيه إغراء، هذي البراءة بعينها. بصح ماشي كامل الناس بعقلهم وفطرتهم سليمة؟ وماشي كامل البشر يخافو ربي
كل نهار نسمعو على جرائم تمس أطفال صغار، ما دارو حتى ذنب. هنا نفهمو بلي الوقاية ماشي معناها نتهمو الطفل، وإنما معناها نتحملو مسؤوليتنا كأولياء ونربيو ولادنا على القيم اللي أمرنا بيها ديننا.
الحياء ما يحميش غير البنت، يربيها على العفة والاحترام، ونفس الشي بالنسبة للولد، يتربى على غض البصر، واحترام البنات، وحسن الأخلاق. هذي تربية، ماشي تشدد.
الاختلاف في الرأي عادي، بصح اللي ماشي عادي هو أننا نوليو نستهزاو بالقيم الدينية، ونضحكو على بولحية ومولات الجلباب
ربي يحفظ أولاد المسلمين كامل، ويثبتنا على الحق، ويرزقنا الحكمة في تربية أجيالنا لانو صح بعض الحشرات الالكترونيه حبو نتخلاو على القيم الدينية بسيف......