Med Simplified by Chahinez

صحا عيدكم كل عام ونتوما بالف خير 🤍🤲🐏

4اعراض اذا ظهرت عندك حياتك راهي في خطر ما تهملهاش💔👇:

1/تورم القدم من ركبة وهبط (la jambe)
2/الام حادة في نفس المنطقة
3/تغير لون المنطقة
4/ارتفاع درجة حرارة المنطقة

غالبا هي اعراض تجلط دموي في احد الاوعية الكبيرة لي جاية فالاطراف خاصة السفلية 🦵
اذا شفت اي من هادي الاعراض متلمسش المنطقة ومتدلكهاش توجه مباشرة لطبيب يديرلك اشعة للتصرف في اسرع وقت
لانو الجلطة تقدر باللمس تنقسم وتنتقل الى اوعية اصغر اخطرها اوعية الرئة وتسبب انسدداد ووفاة( embolie pulmonaire)🩸

اسكو كان علابالك؟

_بلي شرب دواء فقر دم مع فيتامين c يعطي امتصاص افضل للدواء؟
_وبلي كي يجيك امساك او تلون الفضلات باللون الاسود احد الاعراض الجانبية لدواء فقر دم؟

5اسباب للتبول اللاارادي المرضي للاطفال👇 :

1/الضغوطات النفسية
2/الامساك
3/خلل عصبي
4/التهاب المسالك البولية
5/السكري

وقتاه نتوجه للطبيب؟اذا كان ولدك فوق خمس سنوات ويتبول ليلا فالفراش لا اراديا على الاقل مرتين فالشهر✅ندوه للطبيب لمعرفة وعلاج السبب🤷‍♀️

البكية لي غادي نبكيها كي نقول للمريض منعاودلكش لوردونونس ويشكي بيا 😏🤫😂

هبط للكمنتار تفهم👇✅

طاقوهم هنا 👇👇🎀

07اعراض اذا ظهرت في جسمك ممكن تكون راس الخيط لي نكشفو بيه احد امراض الكبد👇 :

العرض 6 غادي يخلعك🤷‍♀️👌🚫👇

1/التعب المستمر (تحس بالعيا دايما)🥱
2/ اصفرار الجلد والعينين (بوصفير كيما تسموه)
3/ لون البول يكون داكن 😣
4/حكة في الجلد😓
5/نفخ فالرجلين والسيقان😮
6/كثرة ظهور الكدمات(زروقية تاع الجلد)😨😱
7/الام في البطن ونفخ سيرتو في الجيهة ليمنى فوق تحت اخر عظمة القفص الصدري🤐

🔴سكري الحمل يقدر يختفي بعد الحمل كيما قادر يتحول لسكري نوع ثاني وتكمل بيها المرأة حياتها قاع وفي قليل من الاحيان يمدلنا سكري نوع الاول
🔴المرأة الحامل نمدولها نظام غذائي وحمية واذا تحتم الامر لحمايتها وحماية الجنين نمدولها انسولين باش يتريقل السكر تاعها
🔴الكاشيات منمدوهملهاش فالمرة الاولى لانو مهيش امنة ليها
🔴الانسولين لايسبب الادمان ❌الانسولين هرمون يحتاجو جسم تاعنا باش يريقل السكر طبيعيا ولا الجسم عجز باش ينتجو نعوضوهلو بالاصطناعي (ابر انسولين )
🔴الادمان نهدرو عليه كي يكون دوا يأثر على الدماغ وو
🔴ما نطيقوش نحبسو الانسولين باسكو جسمو اصلا ما فيهش انسولين كون نحبسولو انسولين سكر يطلع ويكمل عليه ❌🚫
🔴منعايروش الطبة ونطيحو مارقين ومثقفين ونعتو بلي راهم يخلطو
🔴احترم تحترم 🤝
🔴في صفحتي منسمح لحتى وحدة تنقص مني ولا من زميل مهنة
🔴راني نشارك معاكم نصائح ومعلومات باش نفيدكم ما وصلتكم ماتوصلوني ولي يتعدى الحدود ويعرف روحو مش محترم يكيتي لاباج وما يناقشنيش
وشكرا 🚫‼

منشور تابع لمنشور تاع جرح في ليسطومة ulcère gastrique

يخص طلبة طب طبعا ❤🤝

علاج ulcère gastrique القرحة المعدية يعتمد اول حاجة على تحديد السبب لانو معرفة السبب نصف خطة العلاج وثاني حاجة يعتمد على توقيف افراز السائل الحمضي تاع المعدة بتوقيف مضخة البروتونات باستعمال IPP
(Inhibiteurs de la Pompe à Protons)
بالاضافة الى علاج السبب اذا كان السبب بكتيريا نمدو ATB لي هوما المضادات الحيوية علاج رباعي ولا ثلاثي واذا السبب كان الاسبيرين ولا دواء اخر نحبسوه واذا كان سبب خلاف نكتفي بIPP ونزيدو نواصلو البحث على الاسباب عن طريق biopsie واختبارات اخرى ونزيدو نديرو RHD لهي اساليب الوقاية اليومية باش منعديوش غيرنا في حالة وجود بكتيريا وميتفاقمش المرض بالتوقف عن التدخين والاكل غير صحي ...مع متابعة ومراقبة اختفاء السبب خاصة البكتيريا بتاست تاع urée

كنت دايما نسمع فلان عنده سكر نوع لول ولاخر عنده سكر نوع الثاني بصح مكنتش نفهم ولا نعرف الفرق بيناتهم حتى دخلت الطب وعرفت بلي‼👇:

🌼السكري نوع 1: غالبا يجي للاطفال والشباب لي يكونو ناقصين فالوزن بسبب مرض مناعي يهاجم الخلايا تاع البنكرياس لي تصنع الانسولين يعني معندهمش انسولين لي ينقص السكر فالدم ويعطينا اعراض باينين عطش بول تعب الخ....

في حين‼

🌼السكري نوع 2: يكون وراثي غالبا يجي لكبار السن بصح يقدر يجي للشباب مي حاجة قليلة ولي يكونو عندهم سمنة وسبب انو الانسولين كاين بصح الخلايا متستعموش ومتقبلوش ومتستجيبش ليه ما يوليش يخدم ايا سكر يطلع فالدم وما يمدش اعراض باينين للاسف🤫🤝ولا تكون قليلة 🤷‍♀️🌷

ونتوما وينتا عرفتو الفرق بيناتهم؟؟؟🙄🤔