Beauté milissa

🍂🌸 موسم تساقط الشعر راه بدا !! واش لازم تديري باش تحافظي على شعرك؟
في أول تعليق 👇🏽

كيفاش نغطيو الشيب ونتحصلو على أشقر متوسط رمادي؟ 🩶

حلاقاتي العزيزات 👑 إذا كانت عندك زبونة فيها شيب وحابة لون بارد، موحد وتغطية مليحة، لازم تعرفي دور كل رقم في التركيبة 👇
❤️‍🔥تركيبة: 👉🏼

🤎 7.00 ➜ القاعدة الطبيعية، وهي الأساس في تغطية الشيب.
🤎8.11 ➜ رمادي قوي، يساعد على إعطاء نتيجة باردة وتقليل الدفء.
🌸 OX 20 Vol ➜.

📢📍❤️ قاعدة الشعر:
الأفضل تكون قريبة من المستوى 7 باش نتحصلو على أشقر متوسط رمادي متوازن.

🤍 حسب نسبة الشيب:

🌸 50% شيب ➜ نصف قاعدة طبيعية + نصف الانعكاس.

🌸 75% شيب ➜ نزيدو نسبة القاعدة الطبيعية.
مثال: 40غ 7.00 + 20غ 8.11

🌸 90–100% شيب ➜ نحتاجو عادةً نسبة أكبر من القاعدة الطبيعية لضمان تغطية أقوى.

❤️‍🔥📢📍الرمادي وحدو ما يكفيش لتغطية الشيب 🤍
لازم تكون عندنا قاعدة طبيعية باش نعطيو تغطية وثبات أحسن.

🌸 حلاقات مبتدئات، احفظو هاد القاعدة لأنها من أساسيات الكولوريمتري.

#كولوريمتري

🌸📚 درس مهم للحلاقات المبتدئات | قصّة الشعر الكيرلي ✂️💇‍♀️

حابة تحافظي على طول الكيرلي وفي نفس الوقت تعطيه حركة + حجم + شكل دائري مرتب؟ 🤎✨

📍📢 السر في التقسيم والـElevation الصحيح:

👉🏼 0° ➜ الشعر بالسقوط الطبيعي، نحافظو على الطول والوزن.
الأرقام 1، 2، 3 و4 تمثل مناطق العمل قبل بداية القص.
الخطوط 0° تعني نخدمو الشعر بالسقوط الطبيعي بدون رفع، وهذا يساعدنا نحافظو على الوزن والطول في الأطراف.
👉🏼الرفع للفوق وللقدّام ➜ نبدأو نصنعو طبقات تدريجية من المنطقة العلوية.
👉🏼 ما نجيبوش كامل الشعر للخصلة المرجعية اللي نتبعوها باش نحصلو على طول متساوي أو تدرج منظم. 🌸➜ باش نحافظو على الكثافة والطول في الأسفل.

❤️مهم للحلاقة المبتدئة:
الكيرلي كي ينشف ينكمش، لذلك لازم نكونو حذرين في كمية القص وما نفرغوش الشعر بزاف.

✨ النتيجة: كيرلي أكثر حركة، حجم من فوق، وتدرج متوازن مع الحفاظ على الطول. 🌸

💗 حفظي هاد القاعدة، راح تعاونك بزاف في قصات الكيرلي.

#كوافير

🌸 درس مهم للحلاقات المبتدئات: قاعدة التحييد الثانية 🎨

عزيزتي الحلاقة 👩‍🎨، من أهم القواعد في الكولوريمتري هي معرفة الألوان المتعاكسة.
🤎القاعدة تقول:
كل لون عندو لون مقابل ليه، واللون المقابل يساعدنا نحيّدو الانعكاس غير المرغوب فيه.

احفظي هاذ الثلاثة مليح:
🟠 البرتقالي ➜ الأزرق 🔵
إذا الشعر خرجلك برتقالي، الأزرق هو اللون اللي يساعد يكسر البرتقالي.
💛 الأصفر ➜ البنفسجي 💜
إذا بقى عندك صفار في الشعر، البنفسجي يساعد يحيّد الصفار ويعطي نتيجة أبرد.
❤️ الأحمر ➜ الأخضر 💚
إذا كان الشعر فيه انعكاس أحمر قوي، الأخضر يساعد على كسره.

🌸 إذا حفظتي هاذ القاعدة، راح تسهلك بزاف خدمة تصحيح الألوان.
#كولوريمتري 💕

🤎🍁 لون الموسم… مطلوب بزاف من متابعات صفحتي!
لون دافئ وأنيق، يليق بالبشرة البيضاء والسمراء ✨
والأجمل أنه يقدر يخرج فوق عدة قواعد شعر:

🩷 قاعدة الشعر المناسبة:
فاتحة/ عسلي/ بني فاتح بدرجاته/شاتان كلاغ/ديكاباج اورنج
🌸 التركيبة:
علبة رقم 37 عسلي
علبة رقم 22 – أشقر بندقي من صبغة لوريات
أوكسيدان 30 Vol:
📍📢مدة : من 30 حتى 40 دقيقة حسب حالة الشعر والنتيجة المطلوبة،

❤️‍🔥ملاحظة مهمة للشيب:
إذا كانت الزبونة عندها شيب، نستعمل أوكسيدان 20 Vol،
ميليسا بن قاسم ❤️

#لوريات #كولوريميترية

بني شوكولاتة 👉🏼🤎
في أندريا 5.4+9.0
لوريات 27+11
Bb rose 7.52 / Maxx Deluxe 6.7

🌸✂️ درس مهم للحلاقات المبتدئات | تقنية الطبقات الطويلة ✂️🌸

إذا كنتِ حابة تحافظي على طول الشعر وفي نفس الوقت تعطيه حركة وخفة وأبعاد جميلة، فالـ Long Layers من التقنيات المناسبة جدًا. 💇‍♀️✨

🌸1️⃣ المنطقة العلوية
نقسم الشعر إلى أقسام ونرفع الخصل باتجاه نقطة علوية، وهذا يسمح بإنشاء طبقات أقصر في الأعلى ثم ربطها تدريجيًا مع الأطوال.

🌸 2️⃣ المنطقة الأمامية
يتم العمل على Framing حول الوجه، باش تكون الطبقات منسجمة مع ملامح الزبونة وتعطي نعومة للحلاقة.

🌸3️⃣ المنطقة الخلفية
التقسيمات على شكل V مع توجيه الخصل نحو نقطة علوية تساعدنا على الحصول على تدرج جميل، مع المحافظة على طول المحيط الخارجي.

📚 نصيحة للحلاقات المبتدئات:
سر نجاح الطبقات ماشي غير في القص، بل في التقسيم + زاوية الرفع + اتجاه سحب الخصلة. ✂️🌸

إذا عجبكِ الشرح، خليه عندكِ وشاركيه مع حلاقة تحتاج تتعلم هاد التقنية ❤️

🌸✂️

🌸✨ سر تغطية الشيب والحصول على لون عسلي متناسق ✨🌸
عندك زبونة فيها حوالي 50% شيب وحابة لون عسلي جميل؟ 🤎🍯
السر هو اختيار التركيبة اللي تجمع بين التغطية + الدفء + توازن الانعكاس 👌
#كولوريست

🌸📢كيفاش نتحصلو على هاد اللون جميل لأصحاب صالونات وحلاقات مبتدئات 😍

🔥هنا عندنا درجة لون 8
يعني الشعر وصل لدرجة أصفر برتقالي / أصفر دافئ، وبالتالي نختارو تركيبة تناسب هاد الخلفية.

▫️ 30g من 9.3 → أشقر فاتح ذهبي
▫️ 10g من 8.34 → أشقر فاتح ذهبي نحاسي
▫️ 40ml OX 10 vol
مدة : 10 دقائق مع المراقبة المستمرة.

🌸 علاش 9.3 + 8.34؟

🤎 9.3 يعطي انعكاس ذهبي جميل ويغذي اللون بالدفء.

🧡 8.34 يزيد لمسة ذهبية نحاسية، ويعطي النتيجة دفء وحيوية أكثر.

وبما أن الخلفية هي 8، فالهدف هنا ماشي نطفيو الدفء كامل، وإنما نستغلو الخلفية ونوجهوها للون دافئ ومشرق.

🌸 Salon Milissa Beauté 🌸
#كولوريمي #توناليزاسيون