S3idiya avec Les filles de 58 wilaya

شاربات 👌👌🍋🍋🍋🍋🍋

#رسائلكم
حبيت نحكي على مرت خويا لما تدخل للكوزينة دير شيخ في تلفون يحكي قصص الأنبياء أو ينصح ويوجه وقصص دينية ومتحكي ولا كلمة تخدم شغلها وترجع لبيتها حتى امي والفت كل ماتدخل تدخل حتى هي معاها وتقلها فهميني واش يقول بحكم الوالدة كبيرة شوي ترجع تفهمها وتحكيلها هذك القصة ولا عمرها من وقت ماتزوجت عندنا سمعتها حكات في انسان ولا داخلت في واحد وأمي بحكم خالطتها رجعت عندها ثقافة في الدين ولما يروح وليدي عند جداتو تحكيلو هذا القصص من هذا المنبر حبيت نشكر أهلها اللي عرفو يربيوها تربية صالحة

مانيش نخمم فزواج .. كيما راني نخمم في ليلة العرس شا يفوتها ..
العرس عندنا هو وأهوال القبر غير كيف كيف ..
الخيمة تدي فيها الريح و ترد ... الناس ترڨص .. الحاج نتاعي يڨولهم ماديروش الغنا .. جارنا يڨولهم رسلولي عشايا
السبالة مڨطوعة
الدوش مروس .. المااا عند الجوارين يبرد .. عمتي زعفانة .. خالتي تتنهد .. مرت عمي تبكي مرت خالي تتغاشى
انا نتقلق ونقولهم صايي نحوس نبطل .. زوج سكرانين رايحين يخسرولي العرس ...ومنبعد خالي يجي يدي مرتو بكري .. القاطو ناقص .. الطفل تودر .. واحد زيدلي طرف لحم.. فاطمة عفست على سحور .. سميرة خونولها لخاتم تع ذهب.. وحدة داولي شارجاري.... وحدة مدت خيماري يتحزمو بيه يدوهلها... الفراش مكانش وين يرڨدو...البزاوز واحد يبول من واحد يخرا من الكوش.... مقيوس ف القنوتة
خمسين مرا لابسين طابيلة و مكانش ڨاع لي تقضي وحدة تخون ف الڨاطو 😂
الرباني ذا زواج ولا عذاب الدنيا 🤣🤣

منقول

لبارح درت موسكوتشو للدراري باه يشربو حليبهم شم الريحة سلفي بعتلي مع وليدي بعتلو في طبسي لعشية من داك بعتنا الطبسي وفيه عنقود عنب كتر خيرو جات مرتو الصباح زعما بالضحكة قاتلي واقيلا راكي تتوحمي قلتلها علاه قاتلي شفت راجلي بعتلك لعنب مع وليدك ضحكت قلتلها بوه راني برانية يديرلي لعنب في طبسيا قاتلي واش مديتيلو فيه قلتلها موسكوتشو هي كانت فلخدمة يعني ماشافتش الطبسي واش فيه كلاه قبل ماجي واحد الربع ساعة نسمع لعياط قلت كي لعادة داوست مع راجلها يعني كل يوم مشكل الله المستعان حكمتني عجوزتي قاتلي ربي يهديك وانت علاه تقولي على الموسكوتشو قلتلها هو شمو طلبو بفمو ومرتو شافتو كي بعت لعنب وانا على نيتي قاتلي حتى طلعت سلكت بيناتهم قاتلو بهدلتني وعلاه تطلب باه يقولو راني مضيعاتك كي جيت خدامة لاحول ولا قوة إلا بالله قلتلها واش فيها رانا دار وحدة كي انا كي هي قاتلو والله ونزيد نشوف حاجة من عند نسا خاوتك نرميها فالدروج على هذي الكلمة ضربها قالها ماشي مربية قدام عجوزتي درك مع الصباح درت فطير. حتى صبتو ذخل مع خوه لي هو راجلي قالي حطيلي نسقهوا حطيتلو حليب وفطير وراني خايفة المشاكل صدقوني درك ملي جات ملخدمة وهي رافدة شنايفها ماتهدر مع حتى واحد انا لعروسة لكبيرة فالدار لواسي صبتهم صغار و ولفتلهم حوايج الدار فطير كسرة محاجب نسا لواسي كامل نورمال العكس يفرحو ويزيدو يجو هما ياكلو هذي العكس ماعحبهاش الحال وانا ماقدرتش نحط العين من لوسي عيب عليا واش رايكم

ميساج للمتزوجات وهدرتي على سبيل المثال لا الحصر لي راهم يضلو يروحو لدار باباهم ومايدو لامصروف لاقضيان ومايساعدو في شغل معليش دار باباك وكلش ومن حقك تزوريها مي ماشي من حقك متديش مصروفك سيرتو كي تعرفي ظروف اهلك مرنكة وتكملي عليهم انت تقعدي بالشهر والشهرين وتجي يد لقدام ويد لور وزيد من تروحي وانت قاعدة تكونكتي ويماك 60 ولا 70 سنة واقفة طيبلك في فطور ولا عشاء قسما بالله غير عيب علاه تزوجتو مالا وترجعو تسكنو عند دار باباكم فهموني برك ونكرر ونعاود ماقلتش متزوريش بصح نهدر على لي دايما خمارها فوق راسها وكل يوم في دار باباها خففي على باباك المصروف حتى قيس ماتاكلي معاهم زوجوك باه يتهناو عليك عشيتي راجعتلهم بالبز وزيد يدين خاليين والله نحير في وحدة تشوف يماها دير شغل وهي مبطخة فوق لفراش تتفرج وتستناها تحطلها الماكلة وتغسل ماعن واش من قلب برك عندها ارحمو والديكم راهم زايدين يكبرو مش يصغارو هوما طامعين فيكم تجيبولهم يالوكان باطات ياغورت يفرحو بيهم مالا كل وحدة دير حسابها وتدي واش كتب معاها لدارهم راه كلش غالي والوالدين يطمعو في ولادهم ماشي العكس وربي يهدي ماخلق ان شاء الله💝🥰
#منقول

مرت خويا ساكنة ف ايطاج وحدها خدامة تخلي في ولدها عامين عندنا و درك زادت ولدت و ناوية تحط عندنا البيبي
و اختي كانت تسكن في ولاية خلاف و السنة جاو للولاية تاعنا و تاني هي خدامة و ناوية تخلي عندنا ولادها زوج 3 سنين و عام و نص
و يما المهم يرضاو اصلا مراهيش تاعبة فيهم
تنوض تسقوى و تخرج لسوق ولا تزور ولا تبقى تتفرج و انا من 6 تاع صباح و انا ورا الشغل و طياب و الولاد
اليوم لميتهم قلتلهم كل صغير ب 300 الف ولا شوفو وين تحطوهم نادو ياكلو في رواحهم دار جدهم و مش عاجبك اخبطي راسك قلتلهم امالا قولو لحيوط دار جدهم تقوم بيهم انا تاني رايحة نخرج نحوس على خدمة ولا ندور نحوس نفاجي على خاطري ماشي نباصي بولاد غيري
و درك ڨاع راهم مشنفين من يما و هبط الا بابا الي عطاني الحق قالهم مجبتها بونيشة لولاد النسا
ياك مغلطتش

جزائري حضر جنازة فالكويت سمع الامام يڨولهم اتدرون أين
سيذهب الميت إلى مكان لا يوجد فيه عمل ولا سيارات جديدة ولا سكر ولا زيت ولا حليب
ڨالو ياشيخ ماتڨوليش راه رايح الجزائر 😂

#رسائلكم
انا طهرت وليدي فالمستشفى جبتلو موعد وديتو وحدي ني والي ني دلال أمي متوفيا الاب عاود الزواج الخاوة ماشي سامعين بيا وخياتي زوج رجالهم مزيرينهم وزوجي طلقني كي كان وليدي في كرشي وماعلابالوش كامل بيه حتى النفقة نديها مرة في 3 شهر عييت نهدر وعييت نشكي بيه خلاص عييت خرجت نخدم على وليدي ومرمدتو معايا كنت نخليه عند مرت بابا ونخلصها ولات ماتتهلاش فيه ملي نجي وهو يشكيلي ونصيبو ميت بالجوع الكبذة ديالي تبكي عليه المهم خرجتو من سبيطار مطهر زغرت عليه وحدة الناس ولاو يغزرو فيا دمعة وضحكة جاوني شويا نساء زغرتو معايا وكي شافوني نبكي كلي فاقو قعدنا فلجنينة تاع سبيطار نستنا الطاكسي يولي ليا ونحكي مع زوج نساء فرغت قلبي صراحة وحدة فيهم خلاتلي الرقم ديالها وخلفتني باه نروح نزورها مدو لوليدي الدراهم وفرحو مساكن بيه يومين من بعد عيطتلي لمرءة تسقسي على وليدي الا برا قاتلي ارواحي تفطري عندي حلتني وقاتلي انا نبعتلك طاكسي وخالصة من عندي ديت وليدي هكاك مطهر ورحت رحبت بيا ودارتني فوق راسها المهم عيطتلي عندها خوها فالدار توفات مرتو ومارزقوش ربي معاها بالذراري وعندو رجلو شويا ناقصة طاحت عليها حديدة فالخدمة عندو 57 سنة كبير عليا ب13 سنة قاتلي ختو هذي والله غير يتهلا فيك وفي وليدك كوني برك فحلة وقوميه انا مانيش مهنيا غير منو والديه متوفين وخلوتو كامل فلخارج غير ختو هذي متزوجة تروح وجي ليه انا أكيد قبلت مالڨري شويل خفتو عندو رهبة في وجهو وعندو شوك كي توافات مرتو بلڨاز كيما كان الحال تزوجنا درنا عشاء خفيف جبت معايا وليدي الانسان هذا كان الضحكة ماكاش في وجهو درك عندي عامين زواج معاه صدقوني غير بالاك يحب وليدي كتر مني كان نعيط عليه برك يضربني و وليدي تم تم تأقلم معاه ولا يعيطلو بابا ساعات نحس بلي راني نحلم بين ليلة و نهار عشيت في دار كبيرة متزوجة بانسان لباس بيه ومحترم ومثقف ودارهمي في يدي نشري واش نحب وليدي معزز مكرم وراجلي وعدني يكتبلي نصيب من الارث لوليدي خاف لاقدر الله كاشما يصرالو نتحڨرو الحمد والشكر ليك ياربي وختو ربي يخفظها تقول ختي جابتهالي يما تحبني وفرحانة بيا تقولي انت لي رديتي الضحكة لخويا وحتى وليدي يروح يقعد عندها يعيطلها عمتي معزاتو ومفشاتو لك الحمد والشكر يارب

#رسائلكم
السلام عليكم
اليوم شريت السردين عند واحد فالزاوية (ربع طرق تع الجبانة) اللي برقم واحد يبيع فيه 500 دج واللي برقم 2 يبيع فيه 200 دج (هكدا شفت فالطابلة وهكدا قال لي)
انا شريت عليه كيلو ورطل من تع 500 دج (نحتاجو كبير للوصفة) كي دخلت للدار اكتشفت انو حاط السردين الخشين من الفوق والرقيق اللي كيما تع 200 دج ملتحت وهكدا باعلي زوج حبات من تع 500 دج والباقي باش نشللو خفت يتفتت بالماء من قوة اللي رقيق.
اللي يبيع السردين شكون؟! أويحي؟؟ سلال ؟؟رزيق؛!!؟؟
ياك هو مواطن عااااادي كيما تقولولو نتوما زااااواااالي مسكين يسترزق
شفتو كي جاتو الفرصة باش يغش ماراطاهاش!!
هو نفسو اللي راهو يجري على الحليب والزيت ، هو نفسو اللي وليدو يقرى في قسم مكتظ، هو نفسو اللي يتعرض للبيروقراطية والحقرة خاطرش زاوالي مسكين، وهو نفسو اللي حرمو عليه كروصة يقضي صوالحو بيها مسكين والماروتي ولات بثمانيين.
نتمنى تكونو فهمتو بللي ڨع كيما رانا عصا...بة وهدا يحقر في هدا وهدا يس...رق في هدا وهدا يغ...ش في هدا
الفرق ان الطريقة والمكان والأشخاص يختلفو.
ومنه لازم علينا نقتنعو أن الله لا يغير مابقوم حتى يغيروا ما بأنفسهم بلا مانكدبو على روحنا ونبررو لأنفسنا بطرق ملتوية

العنف...
كنت نطل على لبالكو نشوف في لولاد صغار يلعبو بلمحارق وكان جارنا مخرج بنتو صغيرة في عمرها عامين و ولد ختو يطرطق في لمحارق يتيم(مو مطلقة و ماتت ماعندهاش بزاف وهو عايش عند خوالو ) مسكين فيعمرو 10 سنين هكداك هو طرطق محرقة وهذي طفلة صغيرة ناضت تبكي ولى راح ليه بويها لي هو خالو عطاه بكف ومنبعد خنڨقو من رقبتو وخبطو للرض ولا طفل راح قعد في بلاصة وقعد يبكي
ياربي غاضني غاضني بكيت حتى شبعت وزدت دعيت على هذاك.خالو لي ضربو الله لا تربحو

درت لي زاناليز بمليون وسبعميا وخمسين
بابا قالي ومتخرجيش مريضة نڨعرك😔☺