Makeup for brides

يلا بينا نتكلم عن الوصفه ال كتير اووي طلبها مني 😉😉😉
الحبوب....🤦
عندنا وصفتين حلوين اوووي لحبوب الوجه ⁦✌️⁩
بصوا يا حلوين اكتر بشره معرضه للحبوب هي البشره الدهنيه لان اصلا الحبوب ما هي إلا عباره عن إفرازات دهنيه بتظهر علي سطح الجلد 🤷
١- الوصفه الأولي ودي خاصه بالبشره الدهن💁
ونجيب معلقه صغيره عسل طيب ليه عسل 🍯 لانه اصلا مضاد للبكتريا ال هي أساس ظهور الحبوب 😉 ومعلقه كبيره طمي ودا هنجيبه من عند العطار الطمي دا من الحاجات المحترمه اوووي للبشره الدهنيه لأنه بيمتص الدهون من البشره علشان كدا مينفعش ابدا للبشره الجافه💁 ونص معلقه صغيره خل تفاح ودا حلو جداااا للبشره الدهنيه زي ما قلنا قبل كدا لانه بعمل توازن لل BH ولا البشره تبقا دهنيه اووي ولا جافه اووي💁
ونخلطهم ببعض كويس اوووي ولو حسينا أن قوام الماسك مش زي ما احنا عايزين نزود شويه ميه ورد 🌸 ونحطهم علي البشره لمده ١٠ دقائق وبعدين نشطف وشنا بميه فاتره 💁 ودي الوصفه الأولي 👍
٢- الوصفه التانيه الزباااااااااادي يا جماعه من اسهل واهم الوصفات ال في الدنيا 🙅 طيب هنا بالذات ليه زبادي 🤔 لان الزبادي كلها زنك والحبوب يعني زنك اصلا الزنك دا بيدخل علي الحبايه كدا يقولها انا جيت يلا امشي من هنا 😂🚶
هنجيب زباديه ونخلطها كويس اووووووي ونحطها علي وشنا ونسيبها لمده ١٥ دقيقه بعدين نشطف وشنا بميه فاتره برضو 👌
طبعا مع الاستمرار الحبوب هتختفي تماما مش من اول مره 💁
ملحوظه بقا 🙅
بلاش ابدا نلعب في الحبوب او حتي نلمسها لان حتي لو حسيتي انها ريحتك لما لعبتي فيها دا هيسبب أنها تسيب اثر بعد ما تختفي فلاش ونبي 🤦
تاني حاجه علطول ننضف بشرتنا لأنها لو علطول نضيفه مش هيجي حبوب اصلا 😉😉

Black heads...
الرؤوس السودا موجوده عند كتير مننا وخصوصا عند البشره الدهنيه و المختلطه 🙄 طيب ايه هي الرؤوس السودا اصلا ؟! دي بتكون دهون في البشره الدهون العاديه البيضاء دي بس حصلها اكسده علشان كدا بقت سودا 💁 طيب دي حلها ايه ؟! قبل اي حاجه اوعي تعملي حوار التفعيص دا في وسط ومنخيرك وتضغطي عليها علشان تطلع والكلام دا لان دا غلط جدا وبيوسع المسام وبيعمل حفر مكانها 🤦 طيب هنعمل الآتي.......
- اول حاجه هنغسل وشنا كويس اوي وبعدين هنجيب حله فيها ميه وهنجيب اعشاب من عند العطار زي ايه ؟! نعناع ناشف و مرمريه و كركديه و بابونج وخل تفاح ونحط من كل حاجه شويا ومعلقه خل تفاح ونعمل حمام بخار بيهم دا فائدته ايه اولا حمام البخار بيعمل تنضيف للبشره ودا نعمله علي الأقل مره في الاسبوع بعيدا حتي عن الرؤوس السودا طيب فايده حمام البخار ايه ليها بيطريها جدا علشان لما تعملي ماسك ليها بعده تبقي البشره طريه والدهون ال فيها سايحه فتطلع بسهوله 😉
- تاني هنجيب معلقتين خميره بيره و ومعلقه خل تفاح وعصير ليمونه ونقلبهم لحد ما يبقي قوامه يعني ماسك نفسه كدا ونحطه علي البشره ونسيبه لمده ١٠ دقائق ونغسله بميه فاتره 💁
- ماسك تاني بياض البيض برضو حلو اووي للرؤوس السودا نحطه علي بشرتنا لمده ١٠ دقائق برضو بس لو عملناه بلاش نتكلم او نتضحك أو نزعق لان بياض البيض بيشد البشره ودا ممكن يعمل ترهلات في الوش مع الكلام والحركه 🙅

طيب بما أن ناس كتير اووي أجمعت علي الهالات السودا 🤷 فا يلا بينا نتكلم عن الهالات السودا 💁
بصوا بقا الهالات السودا نوعين🐼
١- ممكن تبقا وراثه ودي انا مليش علاقه بيها بس برضو هتخف بالي هنعمله
٢- ودي بتبقي نتيجة إرهاق اوعدم نوم كفايه أو الموبايل او غيرها...
طيب الحل ايه بقا 🤔 حاجه كلنا عارفينا بس للاسف بنستخدمها غلط 🤦
عندنا حلين⁦✌️⁩ايه هما بقا 🤔
1- البطاطس🥔 ايوا البطاطس هي دي هنجيب بطاطس ونقطها شرائح رفيعه اووووي اووووي اووووي زي الشبسي كدا أو ارفع كمان ونحطها تحت العين ونسبها من 10 الي 15 دقيقه👌 وبعدين نشيلها ونمسح مكانها بالقطن بتاعنا بطريقه الطبطبه بس كدا 🙅
2- الخياااااااار 🥒 دا بالنسبالي احسن حاجه الهالات السوداء 🐼 وممكن نستخدمه بكذا طريقه 💁
- ممكن نعملها زي البطاطس بالظبط شرائح رفيعه ونشيلها............
-وممكن نجيب خياره ونفرمها بعصاره الجزر أو الكبه لحد ما تبقي عصير كدا
وبعدين نجيب القطن المدور بتاعنا ونغرقه في العصير دا وبعدين نعصر القطنه شويا بحيث اننا نخلي فيها شويا من العصير ونحطها في الفريزر لمده 10 دقائق ونحطها مكان الهالات لمده برضوا من 10 دقائق ل 15 دقيقه ونشيلها وننشف بالقطنه عن طريق الطبطه 💁
بالنسبالي الطريقتين احسن من بعض 👌 وفعلا الخيار ليه تأثير عظيم الهالات السوداء ومع الاستخدام يوم ورا يوم هتخف وتروق جدااا وعن تجربه 🤩🤩
- طيب انا ليه بقولكم الشرائح تبقا رفيع اوووي علشان لما بتكون سميكه دا بيخلها متثبتش خالص وكل شويا تقع وبقي قاعده عامله زي الصنم كدا وخايفه تتحركي علشان متقعش 😂😂 ودا بيعصبنا ونقول والله ما انا مكمله 🙅😂