Salon Lord

✂️ الكلام لو مش خارج من قلب الصنعة.. يبقى ملوش لازمة!
بنشوف اليومين دول نغمة غريبة طالعة من بعض الصنيعية: "الدنيا مريحة.. ومفيش شغل!" 💸
وتلاقي نفس الصنيعي ده هو هو اللي لو جاله زبون يكسل يعمل لقمته بضمير، أو يستغله مادياً وياخد منه فوق حقه عشان يقلبه، والنتيجة؟ الزبون بيطفش ومبيتبقاش في المكان غير الكسل والندم.
تعالوا نقول الأصول اللي اتعلمناها وعشنا عليها ١٥ سنة واقفين على رجلينا:
الرك ع الإيد مش ع الشكوى: الشغل مبيحبش الكسل. الصنيعي اللي عينه على لقمة عيشه بيطور من نفسه، بيضبط الـ Fade بالمسطرة، وبيطلع الـ Curly والضفاير بأعلى جودة عشان الزبون يرجعله وهو مبسوط.
الزبون مش صيدة.. الزبون رأس مالك: الاستغلال المادي و"التقليب" بيعملوا قرش سريع النهاردة، بس بيقفلوا بيوت بكرة. الصنيعي الذكي هو اللي بيكسب زبونه بأمانته وشغله النضيف، مش اللي بيطفشه بأسلوبه وطمعه.
الالتزام هو اللي بيعمل اسم: مفيش حاجة اسمها "مفيش شغل" طول ما إنت ملتزم بمواعيدك، واقف في مكانك، وبتعمل شغلك على أكمل وجه. الرزق بيحب السعي والنظافة.
كلمة لوجه الله لكل صنيعي لسه بيبدأ أو مأنتخ:
الزبون بيفهم، وبيحس باللي شغال بضمير واللي شغال "تقضية واجب". لو عايز اسمك يفضل كبيـر، حافظ على لقمة عيشك، صون زبونك، واعمل لقطتك بأصول.
إحنا في Lord اتعلمنا إن الصنعة أمانة.. والالتزام هو سر النجاح. 💪🔥