GINNY Beauty SALON

مع كامل أحترامي التريند الجديد بتاع كبسولات الفوار غير مناسب للبشره قولاً واحداً .
طيب ليه ؟؟؟ هقولّكم السبب العلمي بالضبط وبطريقة بسيطة وواضحة ليه كبسولات فيتامين سي الفموية مينفعش تتحط على البشرة😅😅
أولا لأن تركيبها الكيميائي مش مخصص أنه يتحط علي الجلد ولا يدوب في الوسط ده .
ثانياً كبسولات فيتامين سي الفموية بتبقى عبارة

Ascorbic acid
بنسب عالية جدًا (500–1000 mg)
وطبعاً دي نسبة مركزة جدا وغير مناسبة أبداً للجلد طيب ليه هقولك يا ستي لأنها بتسبب تحسس شديد وبتضعف حاجز البشرة بل وبتدمره 😥
يعني بدل ما نعمل حاجه تقوي حاجز البشرة لا هندمره بأ يدينا
طيب هتيجي تفكري مع نفسك وتقولي طيب مافي منتجات بنستخدمها لبشرتنا وفيها فيتامين سي هقولك حصل طبعاً ولكن التركيزات يافندم 😅😅.

البشرة تستحمل تركيز 10–20% فقط من فيتامين سي
يعني 100–200 mg .

لكن الكبسولة الفموية من 500ل1000 يعني تركيز فوق طاقة الجلد.
وبتحتوي كمان علي مواد غير مصممة للجلد لأن الأقراص الفموية بتحتوي علي الاتي

نشا (Starch)

سيليلوز (Cellulose)

مواد لاصقة (Magnesium stearate)

مواد بتحسن الطعم
طب ماهو أيه يعني ماهي فيها مواد ممكن تتحط في أي منتج بشره هقولك فعلاً ولكن
الحاجات دي مش مواد Skincare grade

وللأسف هتسد المسام وممكن تعمل التهاب أو حساسية وغير قابلة للذوبان على الجلد بشكل صح.

الـ pH بتاعها غير مناسب للبشرة.

فيتامين سي الفموي pH بتاعه حمضي جدًا (أحيانًا pH = 1.5–2)

البشرة الطبيعية pH . 5.5

لما تحطي حاجة حمضيتها عالية قوي
بتكسر الـ acid mantle (الطبقة الحمضية الحامية للجلد)
بتسبب تهيج، احمرار، والتهاب وتخيلي بعد كل ده ممكن يحصل ايه هتزود التصبغ 😥.

ولو جربتيها ممكن تسبب: تهيج – احمرار – التهابات – غمقان تصبغ ما بعد الالتهاب (PIH).

ده غير أن الفيتامين سي في الأقراص غير مستقر unstable

وبيتأكسد بسرعة جدًا لما يتعّرض للهواء والرطوبة.

طيب ماهو اللي بيحصل من الأوكسجينوا فوران واللي بيحصل من كبسولات فيتامين سي فوران ايه الفرق يعني هنا هقولك بقي فوران الأوكسجينواجاي منين ورايح فين .

الفوران في جلسة الاوكسجينوا بييجي من تفاعل حمض الكربونيك CO2.
مع بودرة مخصوصة مش من فيتامين سي نفسه مع تفاعل الكبسولة مع جل مناسب لتفاعل الكربونيك معاه.

كبسولات فيتامين سي مش هتعمل التفاعل الكيميائي ده نهائيًا.
الخلاصة طيب ايه

كبسولات فيتامين سي الفموية غير مناسبة للبشرة لأنها

تركيزها عالي جدًا

pH غلط

فيها مواد غير آمنة

غير مستقرة

غير مصممة للاختراق الجلدي

ومش هتدي أي نتيجة من اللي أنتي مستنياها للأسف
عايزه بديل علشان جلسه الاوكسجينوا غاليه اعملي اي نوع تقشير فيزيائي اخر بس بلاش ضرر لأي حد مش فاهم 😥😥

تنافس بشرف واكسب الدنيا والاخره
وفي السماء رزقكم وما توعدون
هداكم الله واياني

نفكنا🤚 باه من الاستغلال وغلاء لاسعار 🫰 ولارقام الفلكيه الي بتسمعها👂 دي احنا بتوع الغلابه😽😋🥰😍 ♥️♥️

انا مدام جيهان كيميائية وخبيره تجميل وصاحبه جيني بيوتي سنتر

عمله عروض حلوه جدا على المعالجات للشعر والبشره

عشان كل البنات والماميز تبسط واللي غير مقتدر يقدر يعمل اللي هو عاوزه اللي نفسه فيه باسعار اللهم بارك🤲

والماتيريال كلها طبيه اورجنال 💯💯💯تقدروا تشوفوها قبل ما تعملوا عالطبيعه

شعر شارب حنه حمراء و وصبغه حجر اسود
والعمليه نفسها في الاشقر
رغبات عملاؤنا أوامر

موسم التقشير