Cars world

🇩🇪

بسم الله الرحمن الرحيم


معنى -cbc- esp -Abs

بصراحه شديده انا مكنتش اقدر افرق بين الabs واى كلمه تانيه ممكن تتقال عن نظام المكابح ( الفرامل ) فى اى عربيه بس وانا بدور فى بعض المنتديات لقيت شرح ظريف للموضوع وواضح جدا فحبيت انقله لنايل موتورز لعلى افيد واستفيد .

1- نظام [ ABS ] المانع لانزلاق المكابــح .
2- نظام [ CBC ] للتحكم بالفرامل عند المنعطفات .
3- نظام [ ESP PLUS ] للتحكم بالتماسك .

1- Anti-lock Braking System

لو ضغطت بشده على الفرامل بتقف العجله تماما عن الحركه

وده بيكون منافى لقوانين الفيزيائيه لحركه الاجسام فبيكون رد فعل العربيه ككل هو القصور الذاتى وانها تكمل فى نفس الاتجاه بنفس السرعه طالما لم تؤثر عليها قوه تانيه

الفرامل المانعه للأنغلاق بتخلى الفرامل تمسك وتسيب العجله عده مرات فى الثانيه الواحده وبكده يكون فى احتكاك يبطء من سرعه العجله وفى نفس الوقت فى حريه لحركه العجله للأمام فتستجيب فى حاله تغيير اتجاهها

بحيث ان فى حاله الفرامل الشديده تقدر توجه العربيه يمين وشمال وتفادى اى حاجه

كذلك على الاسطح الزلقه هتوفر لك توجيه للعربيه افضل فى حالات الفرمله عموما

عيوبها ان فى معظم الاحوال وكتير من الاسطح مسافه توقف العربيه اللى فيها abs اطول من العربيه اللى من غيرها

ال abs تم تطوير اكتر من 5 اجيال منه حتى الان يزيد فى كل منهم بعض الوظائف اللى بتحسن من عمله

أليه العمل ببساطه ecu ( جهاز تحكم الكترونى ) فى العربيه موصل ب 4 حساسات على العجلات بيتابع سرعه كل عجله

ولو عجله فى حاله الفرمله سرعتها ابطء من باقى العجلات ده معناه انها وقفت من خلال مضخطين هيدروليك او واحده متوصله على دايره عمل الفرامل بيفتح النظام الفرامل ويقفلها عده مرات علشان كل سرعات العجل تتناسب وتستجيب العربيه للتوجيه

2- Cornering Brake Control

هو نظام مطور من bmw وعلى فكره وانا بكتب لك كدا اول مره اعرف النظام ده او اسمع عنه

المهم ما عرفته عنه من معلومات اول يوم اشوفها انه بمنتهى البساطه تعديل على نظام esp اللى كانت مرسيدس عاملاه بس الشركات الكبيره دى بتحب تتعايق يعنى قال هما افتكسوه

نظام الكترونى لمتابعه سرعه العجلات اللى فى الداخل والخارج اثناء الانعطاف

وحساب قوه الطرد المركزى على جسم العربيه حسب قوه الملف وسرعه العربيه

واول ما يدوس السواق فرامل يبدء النظام بتوزيع قوه الفرامل على العجلات وكبح وتحرير كل منهم على حده لتوفير اكبر قدر من القوى ضد قوه الطرد المركزى

فيقدر يوجه العربيه فى الملف بدون ما تنحرف اثناء الفرمله ويحصل المعروف ب ال oversteer اللى هو ان ظهر العربيه يتزحلق

وهو نظام مكمل لل abs ويعمل مكملا له ويفرق عن نظام مرسيدس انه بيتدخل بس فى حاله الفرمله

3- Electronic stability program

أو

Electronic stability control


نظام بيتابع حركه العجلات وجسم العربيه طول الوقت

مثلا وانت بتفادى حد قصادك على سرعه عاليه ظهر العربيه اتزحلق منك

حسابات فى جزء من الثانيه بتحصل لكل وضع العربيه وبعدين تلقائيا بدون تدخل منك العربيه بتققل من قوه المحرك بالقدر المطلوب وتبدء تفرمل العجلات اللى فقدت السيطره واحيانا فى انظمه ممكن تعشق نقله اقل علشان تعمل عزم على العجل

وفى نفس الوقت العربيه بتحسب محتاجه قوه مضاده قد ايه لقوه انحراف العربيه وتبدء توفرهالك بفرمله العجلات المعاكسه بالقدر المطلوب لغايه ما العربيه تتعدل تانى وترجع تسيطر عليها

وده بيكون فى قمه وضوحه على الجليد لان ساعتها اى تغيير فى المسار بيزحلق العربيه لكن مع النظام ده صعب انك تفقد السيطره لانه فعلا بيعدل وضع العجلات الكترونيا بين القوه والفرمله علشان العربيه ترجع لمسارها

أليه عمل النظام من وحده تحكم متطوره جدا بعده حساسات على العجلات وفى جسم العربيه لقياس الضغط واتجاه السياره

بيتم تحليل البيانات حوالى 25 مره فى الثانيه الواحده :whistle:

عن اتجاه السياره واتجاه العجلات الاماميه والقوه الموجهه عليها وحاله الطريق زلق ولا جاف وحاجات كتير ممكن تفيد النظام

وعلى فكره الموضوع ده باسم ا احمد فكرى بموقع دى فى دى العرب للامانه ويارب اكون افدت .
HeMa

فلاتر الهواء الرياضيه
بسم الله الرحمن الرحيم
اعتقد ان اغلبنا يعرف تلك الفلاتر مخروطية الشكل . فلاتر الهواء الرياضية او على الاقل سمعتم عنها فلقد انتشرت تلك الاقاويل التى تتمحور حول ان تلك النوعية من فلاتر الهواء ترفع القدرة الحصانية للمحرك . وفى هذا الموضوع سنتاول شرحا وتفصيلا
فلاتر الهواء الرياضية

ترجع بدايات تلك النوعية من الفلاتر الى اوائل الثمانيناتِ عندما ابتكرت شركة K&N تلك النوعية من فلاتر الهواء التى تسمح بدخول كميات من الهواء اكثر من تلك الانواع الورقية العادية المستخدمة فى السيارات التجارية العادية
ولنجاح تلك النوعية من الفلاتر والقدرة الملموسة على رفع اداء السيارة - إذا تم تركيب الفلتر بطريقة صحيحة - بالإضافة الى الصوت الرائع الذى يلهب حماس الشباب كثرت الشركات التى تصنع تلك الفلاتر او الإنتاك بأكمله

نظرية العمل
تعتمد نظرية العمل لتلك الفلاتر او الإنتاك على زيادة الهواء الداخل الى غرف الاحتراق وبالتالى زيادة كمية الاكسوجين الذى يؤدى بدورة الى زيادة قوة الاحتراق داخل غرف الاحتراق مما ينتج عنه قوة حصانية اكبر
ولكن هذه الفلاتر تعتمد على نقطه هامة جدا وهى انه يجب استعمال هواء بارد وذلك بإبعاد مكان الفلتر بقدر كافى عن المحرك الذى يحيط به هواء ساخن ويرجع السبب فى هذا إلى انه كلما ارتفعت حرارة الهواء قلت كثافته وبالتالى مقدرته على توليد انفجار قوى بينما يحدث العكس عند استعمال هواء بارد

أشكال الفلاتر الرياضية
نظرية واحد تجتمع عليها تلك الفلاتر ولكن اشكال مختلفة تتخذها فهناك المخروطى وهو الشكل الاكثر شيوعا وهناك المسطح والدائرى والاسطوانى ولكن ما يهمنا انها كلها تعمل بنفس طريقة العمل ونفس الفكره وفى الصورة التالية نرى اشكال تلك النوعية من الفلاتر الهوائية الرياضية



طريقة التركيب
يعتمد هذا النظام على عدة اشكال واساليب للتركيب وكما ذكر من قبل الاهم هو ابعاد هذا الفلتر بأقصى قدر ممكن عن الحرارة الصاعدة من المحرك ويستعمل فى هذه انابيب تصنع حسب الطلب او تطلب جاهزة مع الفلاتر الرياضية ويمكن تصنيع تلك الانابيب إما من المعدن ( الاستانليس ستيل ) او من البلاستيك المقوى واحيانا اخرى من المطاط وكلما ابتعد الفلتر عن حرارة المحرك كلما كان ادائه افضل واهم وفى هذه الصورة نرى شكل تقريبى لتلك الانابيب


من الصورة قد تلاحظوا انه يمكن تركيب سنسورات لقياس ضغط الهواء او درجة حرارته وهى اضافات وليست اساسيات فى تركيب الفلاتر الهوائية الرياضية

مميزات أخرى لفلاتر الهواء الرياضية
كما سبق فإن فلاتر الهواء تمتاز بمقدرتها على رفع اداء المحرك ايضا تمتاز بعمرها الافتراضى الطويل للغاية حيث يمكن لفلتر هواء رياضى ان يدوم مادامت السيارة إذا ما تمت صيانته جيدا والمحافظة على تنظيفة جيدا بالماء كل فتره والاهم المحافظة على وضع الزيت المخصص لتلك الفلاتر والذى يقوة بحجز الشوائب والاتربة لعدم دخولها الى المحرك وفيما يلى صورة لهذه الزيوت

فمع الاستخدام الامثل لهذه الزيوت قد يدوم الفلتر بالفعل مدة طويلة للغاية

وهنا اكون قد انتهيت من تقديم تلك الفلاتر اليكم
اتمنى ان يكون الموضوع مفيدا لكم....
HeMa

NoS
بصورة سريعة نبدأ شرح نظرية عمل النايتروز وتقوم هذة النظرية بكل بساطة علي إضافة غاز أكسيد النيتروجين المتفجر إلي خليط الهواء والوقود وطبعا يمكننا جميعا تخيل النتيجة المذهلة.وأصبحت هذة الأنظمة تباع علي نطاق تجاري حيث يتم توصيل اسطوانة غاز النيتروجين بطريقة خاصة لتقوم بضخ محتوياتها بنسب محددة مع الخليط وطبعا يتم هذا الضخ لثواني لا تتجاوز الخمس عشرة ثانية كفيلة بمضاعفة سرعة سيارتك كالصاروخ.
ويعد هذا النظام من اخطر الأنظمة وخطورتة علي المحرك كبيرة جدا خصوصا عند استخدامة لفترات طويلة وينصح باللجوء للمختصين عند تركيب واستخدام هذا النظام.
ومكونات هذا النظام كما هو موضح بالشكل هي:-
(1)اسطوانة الغاز وتظهر في الصورة بشكلها المميز.
(2)حلقات تثبيت الاسطوانة داخل السيارة ويرجى ملاحظة أنة يجب تثبيت الاسطوانة في السيارة بعناية ويجب أن تكون بعيدة عن الحرارة وألا تتعرض للاهتزاز.
(3)الوصلات والخراطيم وهي المسئولة عن ضخ الغاز داخل المحرك.
(4)وحدة التحكم لتشغيل النظام من داخل السيارة وبها زر التشغيل ومفاتيح للتحكم في القوة المطلوبة ومدة الضخ حيث يجب ألا تزيد عن ثواني معدودة لتجنب حدوث إضرار بالمحرك.
(5)صمامات الأمان ووحدة التحكم في الضغط.
وفي النهاية يجب أن نحرص علي أن يتم تركيب هذا النظام عند المختصين لان الخطأ في تركيبة قد يؤدي إلي إتلاف المحرك وقد يعرض حياة مستخدمي السيارة للخطر.وبالفعل حدثت مشاكل لمن قاموا باستخدام هذا النظام بصورة خاطئة وتسببوا في إتلاف محركات سياراتهم بسبب أخطاء التركيب أو بسبب الاستخدام المفرط أو بسبب تركيب هذا النظام علي محركات حالتها لاتسمح بذلك

HeMa