Al Rahma cosmetics

بنتشرف بوجودنا في كلية الصيدلة جامعة الإسكندرية يوم الثلاثاء القادم إن شاء الله، انتظروا مننا مفاجآت وهدايا كثير.💜💜💜
Stay tuned 🤩

حدث كبير .. يتطلب شركاء لكي يزيدوه قيمة ✨
وقد قررنا أن يكون شركائنا هم مثلنا .. طلاب من صيدلة الاسكندرية وقد شقوا طريقهم في المجالات المختلفة ❤️

يشرفنا أن نقدم لكم شركاء المؤتمر الطلابي الأول لكلية الصيدلة ❤️
📅 وذلك يوم الثلاثاء 25/2 - الساعة 2 ظهرا
📍 مدرج الدور الارضي في المبنى القديم

للحضور يرجى تسجيل البيانات على الفورم الآتي:
https://forms.gle/Arp2D73KAgUthG2PA

مراجع المادة العلمية/ د سماح الصحفي

مشرف اللجنة العلمية/ أ عبدالله نوح
مدير مكتب رعاية الشباب/ هبة الله الدغيدي

أمين اللجنة العلمية/ تشارلز مجدي
أمين مساعد اللجنة العلمية/ أسامة فراج
نائب رئيس الاتحاد/ محمد الفقي
رئيس الاتحاد/ آسر محمد

بعد ما كلنا عملنا اختبار اللهجة الفلاحي والإسكندراني مش يلا نعمل اختبار لكريم التفتيح بتاعنا؟

بعد ما فهمنا أخيرًا إزاي أختار الكريم إللي هيديني مفعول فعلًا مش يلا نقيمه ولا إيه؟😉

لو كريم التفتيح بتاعك فيه على الأقل مادة واحدة من كل المكونات الأربعة دي هياخد عدد النقاط زي ما هو مكتوب.
كدا بقى معانا كام نقطة total؟🥳

ليه ممكن أحتاج أحماض تقشير في كريم تفتيح؟
- بيساعد على تجديد خلايا الجلد بشكل أسرع.
- بيستهدف البقع الغامقة وآثار الحبوب.
- بيساعد البشرة إنها تستفيد من المنتجات إللي بنستعملها.

لكن لو حسيت إنه الكريم بدأ يقشر الجلد وتبان طبقات جلد مقشرة فدا مؤشر خطر مش حاجة تفرحنا❗
عشان دا معناه إنه الكريم دا مش مناسب لينا، وتركيز الأحماض فيه عالي أو المواد المرطبة فيه قليلة ودا بيدمر حاجز بشرتنا، وعشان كدا ممكن الكريم يطلع لك حبوب.

ودا كان آخر مكون معنا، كدا الكريم بتاعنا معاه كام نقطة؟🤩

الصيف= التهابات واحمرار في البشرة
طيب إيه علاقة دا بالتفتيح؟
الاحمرار دا لو مترطبش هيقلب باسمرار وإحنا محتاجين نفتَّح!
عشان كدا كريم التفتيح الطيب بتاعنا لازم يكون فيه مواد مرطبة خصوصًا لو فيه أحماض مقشرة (هنعرفها البوست الجاي) عشان تزود فعاليتها وتقلل التهيج.

قولوا لنا لحد دلوقتي، الكريم بتاعكم معاه كام نقطة؟🤩

تفتكروا إزاي ممكن كريم التفتيح يكون سبب وقاية من السرطان؟

عندي سؤال تاني 👀
كان عندكم فكرة إنه في مضادات أكسدة كتيرة غير فيتامين سي؟

طيب إيه فائدة مضادات الأكسدة في كريمات التفتيح؟
هقولكم، في مشكلة بتقابلنا اسمها: «أكسدة البشرة»
ودا اسمرار مؤقت بيحصل لنا لما نتعرض للشمس، له تفسيرات كتيرة الحقيقة.
بس المهم إنه مضادات الأكسدة دي بتضحي بنفسها وتتأكسد هي بدل بشرتنا وبالتالي تقدر إنها تحمي بشرتنا من الغمقان المؤقت دا.
زائد إنها بتحمينا من الشوارد الحرة الموجودة في الجو اقروا الكومتس عشان تعرفوا إيه دي🔽
ودي ممكن تعمل تزود فرص السرطانات، وكمان بتخلي علامات تقدم السن تبان علينا.

ودي كانت قاعدة جديدة في اللعبة إللي بدأناها البوست إللي فات.
يا ترى، لقينا مكونات مضادة للأكسدة في كريم التفتيح بتاعنا؟🧐

تعالوا نلعب لعبة، هتقوموا تجيبوا أي كريم تفتيح عندكم في البيت أو حتى اعملوا search عن مكونات كريم مهتمين بيه ويلا نقرأ المكتوب عليه.

خلونا نحط شروط اللعبة إللي هتكمل معانا لحد نهاية السلسلة، لو المنتج فيه على الأقل 3 من الأربع مكونات لكريمات التفتيح في البوست إللي فات يبقى الكريم دا هيكون فعَّال معانا.

يلا نجرب نشوف أول مكون وهي المواد الفعالة إللي بتساعد على التفتيح، ممكن تلاقوا جوا المستخلصات دي المواد الفعالة إللي تحت السهم، وممكن تلاقوا المواد دي من غير المستخلص نفسه.

اعلموا save للبوست أو الصورة، وشوفوا بقية مكونات التفتيح في أول كومنت وقولوا لنا في الكومنتس كريم التفتيح المفضل بتاعكم إيه مادته الفعالة؟ ❤️

الصيف كل سنة لازم يطلعنا رحلة إجباري عشان نفتَّح بشرتنا، الموضوع عامل شبه الرحلة الإجبارية بتاعت المدرسة إللي كنا بنقول لأهلنا عليها.😂
بيكون هدفنا نتبسط ونغير جو، بس كمان بشرتنا حقها تتعافى من آثار الصيف.
وبصراحة لازم دائمًا نختار رفقاء السفر بتوعنا كويس خصوصًا إنه رحلة مدتها 3 شهور.
عشان كدا أنا بلخص لكم أهم المكونات إللي بتكون موجودة في أي كريم تفتيح كويس عشان تسهل عليكم اختيار كريم التفتيح الطيب بتاعكم.🫶

اعلموا save للبوست واستنوا البوستات الجاية هكلمكم عن كل مكون بالتفصيل.💕

بصراحة... أنا جاية النهارده أقلب عليكِ المواجع.
فاكرة الإكس؟ فاكرة كان بيتغير إزاي؟ ويسيبك ويختفي إزاي؟
أهو دا نفس الكريمات إللي بوشين، كريمات التبييض وكتير من الناس ميعرفش الفرق بين التبييض و التفتيح.

التفتيح بيرجعك لدرجتك الأصلية وبيعالج التصبغات.
التبييض بيخلي لونك أبيض، حتى لو دي مش درجتك الأصلية، ودي بتكون نتيجتها بتبان مجرد ما تحطي الكريم وتختفي بعد ساعة أو اتنين وهوب تلاقي نفسك واحدة تانية خالص.

فكرته شبه الفاونديشن، بيدي white cast لكنه ممكن يأكسد على بشرتك ويدي لون أغمق من لونك لما تتعرضي للشمس، أو يختفي مفعوله المؤقت وترجعي لونك العادي.

مشكلة الكريمات دي إنها مع التعرض للشمس ممكن تعملك تصبغات، ومش بتفتح على المدى البعيد زي ما بيروجوا لها، هي كإنك بس واخدة وش بياض من نقاش.

ومع ذلك بترجعي تستعمليها، تسيبك وتمشي، وبرضو ترجعي تجيبه تاني وتنبهري بمفعوله إللي بيظهر على طول، وأنا قصدي على الكريم، نفوق لنفسنا يا ريت.👀

امتحان مفاجئ عشان أعرف مين مركز ومين لأ👀

ملخص الكلام إللي فات كله، الكريمات دي مش آمنة إننا نستخدمها لوحدنا من غير إشراف طبيب، وحتى لو كانت موصوفة لينا، مش آمنة إننا نكمل عليها ونضيفها للروتين اليومي بتاعنا، عشان في بدائل تانية أحسن هنعرفها في البوستات الجاية.❤️

إحنا بقينا شاطرين وواعيين دلوقتي، فمتنسوش تشيروا البوست مع صحابكم إللي بيستخدموا الحاجات دي ومش عارفين خطورتها.😔

بنعتذر على التأخير، كنا بنعالج إللي حصل في وش الهانم إللي بتحط أي حاجة على وشها، مكسوفة تطلع لكم وجالها اكتئاب وقررت ترجع كورس البرمجة.😞

بس سمعت من دكاترة التيك توك، إننا لو مش عارفين سبب لمرض ما، ممكن نعالجه بكورتيزون.

هوب ضعفت قدام كريم التفتيح إللي فيه كورتيزون، دا اختراع عظيم، بيعالج حاجات كتير منعرفش سببها، وإحنا منعرفش الغمقان دا جالنا منين.🤷

السيناريو محروق والبطلة حطت الكريم على بشرتها، يوم، يومين، والنهارده تلاتة، كريمك بيسحب مني صبغة الميلانين ودا عيبه.

ودا إللي بيخليه يفتح، بس إحنا اتعلمنا من البوست إللي فات إيه بيحصل لما نسحب الميلانين؟
بس النهارده الكريم بتاعنا عامل offer وكمان بيرقق الجلد، لدرجة إنه ممكن العروق تبان من وشك، وبيضعف مناعة البشرة فبتبقى معرضة للعدوى والحبوب أولها!

عشان كريمات الكورتيزون مينفعش تستخدمها أكثر من (٥-٧) أيام، وبالتالي مينفعش نحطها في روتين التفتيح بتاعنا، ويستخدم تحت إشراف طبي.

الأهم من كل دا إننا نتقبل لون بشرتنا، ونفهم إنه مش عشان درجة لون أفتح، أعرض نفسي للخطر، وأعيش أعالج في الأعراض دي سنين، مع إن في حلول آمنة كتير جدًا.❤️

وأنت قاعدة بتشوفي كورس الـprogramming على يوتيوب إللي هيقبضك 100 ألف دولار، طلع لك إعلان عن كريم بيفتح البشرة عشرين ألف درجة، يلا بقى كلها اشتغالات، فروحتِ تجيبيه ومأخدتيش الكورس.

وخلال كام يوم لقيتِ بشرتك افتحت جدًا، لحد ما لونك بقى شبه فيران التجارب. بس مع الوقت بدأتِ تحسي بحساسية أما تتعرضي للشمس، وظهرت لك التهابات كتيرة معرفتيش تعالجيها، فالالتهابات عملت لك تصبغات أبشع من الأول، فبقيتِ محروقة وفقيرة كمان.

عشان الكريم كان بيحتوى على مادة الـ Hydroquinone واحدة من أقوى مواد التفتيح!
- وهي دي حاجة وحشة؟
- آه، عشان المادة دي بتقلل إنتاج صبغة الميلانين.
- إيه المشكلة؟ مش الصبغة دي هي إللي بتغمق لوننا؟ وأنت كنتِ بتعايرنا بجيناتنا وبتقولي مش هنعرف نغيرها؟ أدينا كسرنا قاعدة باسم سمرا وأنت طلعتِ ست كدابة!

- أنت ناسية إنه الصبغة دي هي إللي بتخلي جلدك يتحمل أشعة الشمس؟ وهي مش مجرد لون بنلعب فيه.
بس في بعض حالات الكلف والتصبغات العنيفة بنحتاج نستخدم المادة دي تحت إشراف طبي ومتابعة لإنها بنحتاج نستعملها ونوقفها بالتدريج، لإنها مادة علاجية مش آمنة تضيفيها للروتين بتاعك من غير استشارة طبيب.

فيا ريت تتعلمي programming وتسيبي موضوع بشرتك دا نبقى نظبطه مع بعض.♥️

هسيب لكم في الكومنتس صور لنتائج عكسية وحروق بسبب الهيدروكينون يكش نتعظ ونبطل.⬇️

تعرفوا إنه كريمات التفتيح مش كلها بتعمل نفس الوظيفة؟
عندنا الكريمات الغدارة، مفعولها سريع وقوي جدًّا في التفتيح، لكن مع الوقت بتقلب بنتيجة عكسية وحروق ومشاكل كتير، ولازم نستخدمها تحت إشراف طبي، بجانب إنها بتتوصف لحالات معينة.

وكريمات بتفكرنا بالإكس، مفعولها مؤقت، تحطيها على وشك تدي لون، بعدين اللون بيتغير لوحده، وفجأة يختفي.
والكريمات الطيبة، وهي النوع الآمن، إللي هيدينا نتائج حلوة من غير أي ضرر.

جاهزين عشان نتعرف أكتر على كل نوع؟🥳