Ask An Expert

لازم تعرف أن مافيش حاجه اسمها تطعيمات أساسيةواخري اضافيه.. كل التطعيمات أساسية بس الحكاية أن الدوله بتتكفل بجزء من هذة التطعيمات وسيادتك بتتكفل بالباقي
والحقيقة أن كل جنية بتنفقه علي التطعيم أنت بتوفر قصاده عشرات الجنيهات ممكن تنفقها لاقدر الله في الكشف والعلاج وما ادراك
التطعيم مش بس بيحمي الشخص اللي اطعم لا دا كمان بيحمي الآخرين في أحيان كتيره
وكمان التطعيم مش بس للاطفال لااااا التطعيم بقي لاي سن وخاصة الكبار وأصحاب الأمراض المزمنة
واخيرا .. كل خطوة بتمشيها في اتجاه التطعيم بتبعدك أميال عن المرض ومخاطره

إنهم يدعون الي دين جديد 😀🤪

كل عام وانتم بخير

كورونا الجديد !!!!!!!!!!

🔺هل في كرونا جديد ؟؟؟؟
👈لا خالص لافي كورونا جديد ولا حاجه كل ما في الأمر أن فيه فيروس منتشر بشكل ملحوظ في الصين الفتره دي عامل إصابات كتيرة اسمه ميتانيموفيروس البشريHMPV وهو أحد الفيروسات التنفسيه زي المخلوي التنفسي وفيروسات البرد

🔺وده فيروس جديد ؟؟
👈هو يبدو أنه جديد ولكنه موجود لة سنين كتير بس لم يكتشف ولم يتم التعرف عليه بشكل كامل إلا من سنتين تلاته ( ٢٠٢١ )

🔺طب اشمعني الصين ؟؟؟
👈هو مش الصين لوحدها امريكا كمان السنه اللي فاتت انتشر فيها الفيروس ده وعمل تقريبا ٢٠ الف اصابه بس ماحدش اتكلم .. افهم بقي !!!

🔺هل الفيروس ده خطير ؟؟؟
👈الفيروس ده بينتشر بشكل موسمي مع ذروات تحدث في فصل الشتاء والربيع وهو غالبا يكون مرتبط بفيروسات تنفسيه أخري
🔸وبيعمل أعراض زي دور البرد العادي وعشان مالوش علاج مخصص ولا لقاح فجهاز المناعة بيقاومة بنفسه وبيحقق التعافي بنسبة كبيره وبيحقق كمان وقاية من إصابات تانيه بنفس الفيروس
🔸بتزيد بس خطورتة بين الأطفال الصغار لانه ممكن يعمل التهابات في الجهاز التنفسي وقد يحتاج البعض لدخول المستشفيات خاصة في شهور الذروة
🔸وحسب مركز كليفلاند كلينيك الأمريكي فحاليًا حوالي ما بين 10-12% من أمراض الجهاز التنفسي عند الأطفال سببها الفيروس ده، بس معظم الحالات بتبقى خفيفة ومفيش منها خطر كبير

🔺أعراضه ايه ؟؟؟؟
👈يمكن أن تؤدي العدوى إلى أمراض تنفسية خفيفة إلى متوسطة تشمل السعال - ارتفاع طفيف بدرجة الحراره - زكام أو رشح وقد تسبب أحيانًا أمراضًا أكثر خطورة في الفئات الضعيفة

🔺علاجة ايه والوقاية ازاي ؟؟؟
مافيش علاج متخصص ولكن بنعالج الأعراض
والوقاية بتكون بالاجراءات العاديه اللي بنطبقها مع كل الفيروسات التنفسيه
🔸غسل الأيدي بشكل مستمر
🔸تغطية الفم والأنف عند الكحة أو العطس
🔸عدم ملامسة العين والفم والأنف خاصة دون تنظيف الأيدي
🔸التباعد المجتمعي قدر الإمكان
🔸استخدام الكمامة في الأماكن المزدحمة غير جيدة التهوية
🔸التزام المنزل عند الشعور بأعراض الاصابه التنفسية بشكل عام والراحة ودعم جهاز المناعة بالتغذية المتوازنة وزيادة السوائل الدافئه والخضروات الطازجة والفواكه

🔺نقلق ؟؟
مافيش الحمدلله ما يدعوا للقلق ولكن علينا الحذر فنحن في ذروة انتشار الفيروسات التنفسيه وايضا الحذر من خطورة ما يكتب وما يسمع بأهداف خبيثة .
دمتم سالمين .
دكتور مصطفي محمدي
استشاري الأمراض الباطنة
اخصائي مكافحة العدوى والوبائيات
مدير عام مراكز تطعيمات المصل واللقاح

#٥ حقائق عن جهاز المناعة لازم تعرفها

هل نحتاج أن نتلقى لقاح الإنفلونزا كل عام؟ 💉 #معًا_نطمئن #اسأل_الصحة

السعار مرض قاتل اعرف ازاي تحمي نفسه منه 👇👇👇