Dare To Flare

إزاي التزم بروتين السكين كير أصلا 🤔
في بنات كتير بتكومنت إن خطوات الروتين كتير جداا ومش بيعرفوا يلتزموا بيها
لو انتي لسه بتبدأي مش محتاجة تمشي علي كل الخطوات دي عشان ماتزهقيش وماتكسليش

1.هانكتفي بالأساسي
غسول
مرطب
صن بلوك
2. خلي المنتجات في أقرب مكان ليكي يعني انا بحط نص الروتين في الشاور بعمله وانا باخد شاور
والباقي جنب السرير حتي لو انا نايمة هأعمله 😂😂
3. الاوبشن ده الاستثناء الوحيد عشان تتعودوا بس
نستخدم المنتجات Multi-tasking Products
ال 3×1 ودي بتوفرلك أكتر من خطوة في خطوة واحدة
4. وأخيرا هاننزل
tracker app
وده هايساعدنا إننا نفتكر كل يوم ومانكسلش 💪

افتكروا تعملوا جوين للجروب عشان تكسبوا روتين عناية بالبشرة 😍
https://www.facebook.com/groups/534883917094408/?ref=share

و نكمل مع بعض إزاي تعرفي وتفهمي بشرتك
واحدة من مشاكل البشرة المنتشرة واللي كتير مش بنفهمها
او بنتعامل معاها غلط بالرغم ان علاجها سهل بس بيطول
وبتخلطوا بينها وبين الرؤوس البيضا او الحبوب اللي تحت الجلد

فهأقولكوا هو ايه وبيطلع ليه وعلاجه بناءاً عن تجربتي
ملحوظة :: الصور من النت لتوضيح شكل البشرة

اولا هي اسمها Milia وشكلها شبه البابلز كده علي البشرة بتكون نتيجة تجدد خلايا البشرة فبتتراكم الخلايا الميتة دي تحت سطح البشرة
او نتيجة احتباس الكيراتين تحت الطبقة الخارجية للبشرة
بعكس الورؤوس البيضا او الحبوب اللي بتظهر نتيجة انسداد مسام البشرة بالاتربة او الاوساخ
بتظهر غالبا تحت العين والانف واحيانا بين الحواجب والجبهة وفي الدقن

ومهم اوي نعرف::
👈 انها مش بتطلع بين يوم وليلة ده بيبقي نتيجة حالة البشرة المش كويسة لفترة طويلة
👈وانها بتاخد وقت عشان تروح وممكن جدااا تروح لوحدها
👈ليها علاقة بالوراثة كمان واد ايه انتي بشرتك عندها استعداد ليها Milia prone skin

إيه العوامل اللي بتساعد علي ظهورها::

👈التعرض لأشعه الشمس الضارة
👈استخدام كريمات ترطيب سميكة مش بتمتص في البشرة بسهولة خاصة حوالين العين
👈استخدام طبقات ميك اب تقيل لفترات طويلة
👈كمان تنضيف منطقة حوالين العين بقوة

💥ازاي نعالجها او ازاي نتجنب ظهورها (الوقاية خير من العلاج) ::

🎃الانتظام علي روتين مناسب لبشرتك
🎃استخدام مقشر كيميائي (ونتجنب الفيزيائي)
(هأنزلكوا بوست يشرح الفرق بين المقشر الكيميائي والفيزيائي)
🎃استخدام سيروم او كريم يحتوي علي الريتينول لانه بيسرع من دورة تجدد الخلايا
🎃لو عندك تونر بأحماض الفاكهة حطي منه علي عود قطن ومرريه علي المنطقة اللي فيها الميليا كذا مرة في الاسبوع
🎃حاولي تتجنبي الميك اب التقيل والكريمات التقيلة
🎃اتأكدي من تنضيف بشرتك قبل ما تجددي الصن بلوك او تحطي الروتين بتاعك

بالنسبة لتجربتي ::
هي راحت بعد ماانتظمت في روتين للبشرة وده بيشمل تقشير كل اسبوع
وقللت الميك اب جدااا
ماتنسوش تشوفوا الجزء الأول
لو ليكوا أي سؤال ادخلوا علي الجروب اكتبوه وهانرد عليكوا ❤
https://www.facebook.com/groups/534883917094408/?ref=share

ليه ساعات بنجيب منتجات ونتفاجأ إنها مش جايبة أي نتيجة
مع إن عماد مأكدلي إنها هايلة 😂😂🤷‍♀️

السبب :
👈 إننا بنختار منتج مش مناسب مع بشرتنا
👈 او مش عارفين إيه مشكلة بشرتنا بالظبط
فهانبتدي سلسلة نعرف فيها بشرتنا ونفهم مشاكل البشرة وبعدها هاتقدرى بكل سهولة تحددي اذا كان المنتج ده مناسب معاكي أو لاء

في حاجتين محتاجة تعرفيهم عشان هايفرقوا معاكي جداا
🎈نوع بشرتك
🎈مشاكل بشرتك

أولا : أنواع البشرة ::
البشرة بتنقسم ل 4 أنواع
دهنية
عادية
جافة
مختلطة
وأي واحدة منهم ممكن تكون حساسة
حساسية البشرة دي حالة مش نوع

البشرة العادية Normal Skin
البشرة العادية انا بسميها الجوكر
مش جافة ولا دهنية بشرة فيها نضارة
تكاد تكون بدون عيوب مفيش مسام تقريبا او قليلة جداا

البشرة الدهنية Oily Skin
المسام بتطلع تقولك هاااي 🙋‍♀️😂
بتلمع كإنك حاطة هايلايتر
وتلاقي فيها كل اللي يعجبك بثور بيضاء بثور سوداء حبوب فوق الجلد وتحن الجلد مش حارماكوا من حاجة يعني 🤣
بس ميزتها المهمة جداا آخر بشرة تظهر فيها التجاعيد 💪

البشرة الجافة Dry Skin
تقريبا مفيش مسام بس البشرة بتكون باهتة وجافة وغالبا الجلد نفسه رقيق ممكن يكون فيها بقع حمرا من الجفاف الشديد وقشور طبعا ومفيش نضارة

البشرة المختلطة Combination Skin
دي بتكون mix من الجافة والدهنية
انا بشوفها جمعت الوحش بصراحة 🤦‍♀️
قشور الجافة ودهون الدهنية وتشترى لها نوعين منتجات 😁
حاجة عذاب اووي 😂

كل نوع بشرة منهم ليه عيوب وليه مميزات
والحاجة اللي اتفقوا عليها هي الروتين البسيط من 3 خطوات
غسول
مرطب
صن بلوك
قولولي نوع بشرتكوا في الكومنتات وهأقولكوا الروتين المناسب

و اشتركوا في الجروب بتاعنا عشان تكسبوا منتجات كل شهر 😍

https://www.facebook.com/groups/534883917094408/?ref=share

👈كل مشاكل الشعر (تقصف- تساقط - شعر ناشف - شعر ابيض - شعر اتحرق) هتلاقي حلها مع دكتورة الجلدية مي أبو زكري هتشرحلكم بالتفصيل كل حاجة عن مشاكل الشعر وحلها طبيعياً وطبياً 😉👌 وكمان دكتورة مي جاوبت على كل اسئلتكم اللي بعتوهالنا عن الشعر.. شوفي الفيديو كامل

حل مشاكل الشعر (تقصف- تساقط - شعر ناشف - شعر ابيض - شعر اتحرق) مع دكتورة مي أبو ذكري 👈كل مشاكل الشعر (تقصف- تساقط - شعر ناشف - شعر ابيض - شعر اتحرق) هتلاقي حلها مع دكتورة الجلدية مي أبو زكري هتشرحلكم بالتفصيل كل حاجة عن مشاكل الشعر وحلها طبي...

دكتورة الجلدية مي أبو زكري كامل.. هتشرحلك كل حاجة عايزة تعرفيها عن الـ #سيلوليت أو قشرة البرتقالة بالتفصيل وعلاجها بمواد طبيعية او طبية 🥰

اسباب وعلاج مشكلة السيلوليت او قشرة البرتقاله مع دكتورة مي أبو زكري 👈دكتورة الجلدية مي أبو زكري هتشرحلكم بالتفصيل كل حاجة عن السيلوليت Cellulite أسبابه وعلاج مشكلة السيلوليت أو قشرة البرتقاله 🍊اللي مضايقة كل البنات😉

👈دكتور محمود سليمان أستاذ أمراض النساء والتوليد هيشرحلكم بالتفصيل كل حاجة عن متلازمة تكيسات المبيض💥

علاج متلازمة تكيسات المبايض مع دكتور أمراض النساء محمود سليمان دكتور محمود سليمان أستاذ أمراض النساء والتوليد هيشرحلكم بالتفصيل كل حاجة عن متلازمة تكيسات المبيض💥.. وهيجاوب على كل اشتركي في جروب Miss Natural علشان تستفاد...

دكتورة الجلدية مي أبو زكري كامل.. هتشرحلك كل حاجة عايزة تعرفيها عن إزالة الشعر بـ #الليزر بالتفصيل 🥰

اعرفي كل حاجة عن إزالة الشعر بالليزر مع دكتورة الجلدية مي أبو زكري دكتورة الجلدية مي أبو زكري هتشرحلكم بالتفصيل كل حاجة عن إزالة الشعر بالليزر من أول التكلفة وعدد الجلسات وهل مناسب للبشرة البيضا ولا للبشرة السمرا؟ وهل مناسب ...

اشتركي في جروب Dare To Flare واتعلمي عن بشرتك واستفادي من نصايح الدكاترة الطبية المجانية لبشرتك وشعرك وصحتك https://www.facebook.com/groups/534883917094408
وهيكون عندك فرصة تكسبي معانا منتجات للعناية للبشرة والشعر

Gentle Reminder ✨💛

مثلا ؟

دمية باربي لكاثرين جونسون !
عالمة الرياضيات الأمريكية اللي بسبب أبحاثها قدرت ناسا تنجح في أول رحلاتها للفضاء وكل رحلاتها من بعدها.