Diet secrets with Dr.sara

أؤكد لك الملح الصيني آمن و مش بيسبب السرطان .........🙂

الملح الصيني او ال MSG طالته إشاعات مغرضة كثيرة للتخويف منه ومنها اللي قالت إنه بيسبب السرطان ... وإللي بالمناسبة ده كلام ملوش أي أساس من الصحة ولا في أي دراسة بتأكده ... طيب طالما كده هل نستخدمه بأمان ؟؟🤔🤔
خليني اعرفك عليه الأول وإنتي احكمي وقرري....
الملح الصيني هو ملح الصوديوم من حمض الجلوتامك {وده حمض أميني موجود جوانا عادي} تركيبه الملح الصيني دي موجوده بشكل طبيعي فالطماطم والمشروم وأنواع من الجبن...

لكن الشكل المُصنع منه بيضاف ك معزز نكهه ومكسب للطعم{ طعم اللحم خاصة} فالشوربات والاندومي او النودلز والصوصات والشيبس وغيرها من الاكلات المصنعه...🍔🥫🥣🥡🍝
بيشتغل علي براعم التذوق بتاعتنا وبيحسن إحساسها بالطعام المملح والدهني umami taste و ال FDA اكدت انه اذا استخدم بشكل معتدل مفيش منه علميا أي خطورة تتعلق بالسرطان ده كمان فيه صوديوم اقل من ملح الطعام العادي...🤩 ولكن ......
بيعمل مشكلة كبيرة وهي إنه بيغير فالهرمونات المتحكمة فالجوع والشبع بيأدي إلي زيادة الاحساس بالجوع وبيزود الشهية جدا وبيرفع ال set point بتاعت الجسم {بيشجعه يكتسب وزن أعلي } وبالتالي حدوث السمنة و ما يليها من كل المضاعفات المزمنة زي الضغط والسكر نوع تاني وارتفاع الدهون بالدم ....🙈
ف لو إنت حريص علي وزنك او عندك بالفعل سمنه او امراض مزمنة فأنت محتاج تقلل ال MSG فاكلك بإنك تبعد عن الاكل المصنع والفاست فود اللي فيه الملح الصيني واستخدم التوابل المعروفة ف إضافة نكهات لاكلك زي التوم والبصل الباودر والجنزبيل والزعتر والاوريجانو وغيرها ...😍
فالنظام الغذائي اللي بيراعي استدامة اللايف ستايل مفيش حاجة اسمها {ممنوع للأبد} او {ممنوع مطلقا} انما في اننا نفهم الاسباب او المشكلة إللي ورا الشئ ده وبالنهاية القرار قرارك 👌 وأنا متأكدة إنك هتختار الانسب لصحتك 😉
للمزيد من المتابعه التغذوية الاحترافية للامراض المزمنة والمناعية ابعتي لي رسالة عالخاص بحالتك الصحية وهبعتلك التفاصيل 📩

زهقت م الدايت ومبقاش عندي طاقة أبدأ من جديد....😐😐

الجملة دي بسمعها من ناس كتير جدااااا عندهم تاريخ لمحاولات متعددة فالدايت ⬆️⬇️⬆️⬇️

أول حاجه بعملها هي إني التعاطف معاهم 🫂🫂🫂لأني فاهمه قد ايه مشكلة السمنة مزمنة ومرهقة ولكن طول ماحنا عايشين مفيش استسلام 🤩

تعالي اقولك تعملي إيه...

١/إيه رأيك أصلا تبطلي كلمة {دايت} وتبدليها ب نمط اكل صحي قدر المستطاع ؟؟ بكده مش هتبقي محاولة انما طريقة معيشة دائمة🌿🌿

٢/ابدأي بتصحيح خطوة واحدة صغيرة بس زي مثلا هركز علي زيادة حركتي او هقلل كمية النشويات بكده هتحس إنك بتعمل انجاز بدون شعور بالضغط ... التزامك البسيط ده هيرجع ثقتك بنفسك🥰💪💪

٣/ابدأ جلسات هيلث كوتشنج لأن فيها هقدر اشتغل معاك بشكل أعمق علي المشكلة ونحلها زي ..
ايه اكتر حاجه عطلتك او سببت لك انتكاسة ؟ ايه الحلول الممكنة ؟ ازاي تقدر تبدأ من تاني؟ ايه الخطة الأنسب ليك؟
وحقيقي ده بينور لك أجزاء مكنتش منتبه ليها خالص وبالتالي بتقدر تاخد actions مختلفة
👌👌
ولكن قبل ده كله خليك صريح مع نفسك ....🫣
هل الهدف ده أصلا مهم لك فعلا ؟؟؟

لأن طول ما الهدف ده مش أولوية عمر ما هيكون عندك حافز من جواك ... دايما هتعتمد علي أسباب خارجية زي كلام اللي حواليك او تدور علي حد يزقك باستمرار او ادوية بتقفل شهيتك او عمليات تجبرك علي قلة الاكل وغيرها ....

ده غير ان اعذارك دايما هتكون حاضرة قبل قرارك بالاستثمار فنفسك وصحتك

ف لو حقيقي الوزن الصحي هدف فارق لك جدا وهيفرق فحياتك ومستعد تستثمر فنفسك عشان متكونش دي محاولة كمان تضاف لمحاولاتك السابقة وانما طريقة جديدة ومختلفة لوصولك لوزن وصحة افضل انضمي معايا لجلسات الكوتشنج الفردية اللي هتخليكي توصلي لهدفك
At your own pace
بدون ضغط ولا إجهاد

ابعتي لي رسالة بهدفك وهبعتلك التفاصيل 👌👌
#دايت

ليه بنثبت فالوزن رغم نزولنا كويس اوي فالاول ؟😔
أول كام شهر فالدايت بيكون نزول الوزن زي الفل خاصة لو دي أول مرة تعمل فيها دايت او مفيش عندك تجارب سابقة كتير.
عكس الناس إللي عاشت عمرها بتعمل دايت باشكاله المختلفة واللي بنسميهم chronic dieters او yo-yo dieters الناس دي حرقها بيكون ميت بسبب إن فكل محاولة بيخسروا جزء من عضلاتهم مع شوية دهون.
وبسبب اعتبار الدايت فترة مؤقتة بيرجعوا لنفس العادات القديمة فيزيدوا دهون تاااني ولكن بدون تعويض العضلات 😑
تخيل إن العملية دي بتتكرر اكتر من مرة لحد ما يوصلوا لجسم ناااافش جدااا بالدهون وقليل العضل {إللي هي مركز الحرق}قد ايه ده بيكون شئ مُحبط لكن للأسف حضرتك لك دور كبير فيه..راجع نفسك كده المحاولات السابقة جربت فيها إيه من الأنظمة؟كام مرة أخدت فيها ادوية مجهولة؟
لأن كل ما كان الدايت قاسي كل ما كان فقد العضلات كبير جدا
وكل ما كان نزول الوزن سريييييع كل ما بردو كان فيه فقد عضلات كبير🫣
الناس دي عشان ترجع تخس تآني لاااااازم تغير عقليتها تماما عن الدايت واساليبه..لازم تبدأ بتصليح جسمها المسكين من الداخل وتغيير عاداتها وسلوكها الغذائي من الخارج قبل توقع أي نزول ولازم تتقبل حقيقة إن معدل نزولها مش هيكون زي الاول أبدا لكن مش مستحيل..فكل ما تصلح جسمك من جوه كل ما تاخد نتيجة أفضل 👌👌
وكل اللي سمع الكلام وغير أسلوبه وأخد actions مختلفة الحمد لله وصل لنتيجة مُرضية جدااا 🙏🙏
أما لو إنت لسه شخص بيبدأ أولي محاولاته فالوصول لوزن صحي فالبوست ده بينبهك وجايلك عشان تتجنب المشكلة دي
١/عدم اتباع أساليب دايت قاسية لا تصلح إنها تكون نمط حياة ❌️
٢/إياك و الانجراف ورا وعود النزول السريع ❌️ده كله شغل تسويق بيستغل ضعفك امام مشكلتك بشكل غير اخلاااقي و {اضراره رهييييبة علي صحتك } غير كمان فقد العضلات
٣/متعتبرش الدايت ده فترة مؤقتة هحقق الهدف وارجع تآني زي ما كنت❌️ ده مشوار حياة ونمط مكمل معاك علطول قدر الامكان هتحافظ علي اسلوب اكلك ونشاطك فهتحافظ علي وزنك وشكل جسمك
٤/السمنة مرض مزمن الانتكاسات فيه متكررة بيحتاج التزام دائم ولو أخدت له علاج فهيكون بشكل مزمن زي الضغط والسكر ما لم تتبني نمط حياة صحي وتثبت عليه ساعتها بس ممكن توقف علاجه
٥/ممارسة الرياضة مش هتخسسك بدون ما تعمل نظام غذائي مضبوط لكن بالتأكيد مهمه للحفاظ علي كتلك العضلية أثناء خسارة الوزن وده غير فوائدها فتحسين حساسية الإنسولين وتحسين المود وبالتالي بتقوي ارادتك💪
كن رحيم بنفسك إنت ملكش أي ذنب فمرضك ولكن إنت لك دور كبير جدا في تعافيك منه وده اللي بنشتغل عليه سوا...لو حابة نبدأ سوا DM

٥ طرق تخلي الدايت ممتع ومش ممل أبدااااا🥰🥰

أغلب الناس بتزهق من الدايت
لأنهم بيفكروا فيه على إنه "حرمان" من إللي بيحبوه

وأنا هنا جاية اقولك بدل ما تشوفه حرمان خلينا نحوله ل لعبة تحديات ممتعة عشان تخلي مشوارك فيه لذيذ 😉

ودي ٥ تكتيكات من خبرتي كأخصائية تغذية تخلي الدايت رحلة ممتعة بدل ما يكون عقاب 🙃

1️⃣ طبقك هو لوحتك 🎨
كل وجبة العب بالألوان:
طبق خضار {متنوع الالوان} حط بقي زي مانت عاوز حسب المتاح جزر علي خيار وطماطم وفلفل الوان وغيره كل مرة جرب تباديل مختلفة ، بروتين {أبيض او احمر}، حبوب او بقول {بني} … العين بتاكل قبل الفم وبتشبع كمان فلما الأكل شكله حلو، مخك بيترجمه لمتعة قبل حتى ما تدوق.😋😋

2️⃣ اخترع طقوس خاصة بيك ☕ وعيشها بروقان وحضور فاللحظة....
زي فنجان قهوة الصبح في مكانك المفضل فالمنزل ، أو وجبة صغيرة فطبق مميز وجديد … استخدم ادوات السفرة الشيك بدل تحنيطها فالنيش ... الطقوس الصغيرة دي بتعمل رابط عاطفي يخليك متحمس وحابب السياق اللي بتاكل فيه الأكل الصحي.

3️⃣ اعمل Upgrade للأكلات اللي بتحبها لنسخة صحية أكتر🍔➡🥙
بدل ما تمنع البيتزا، اعملها بقاعدة شوفان أو خبز أسمر او جبنة قريش، وموتزريلا أقل دسم …
المحشي قلل الارز وزود خضار كتير ... بكده هتاكل بدون تقل أو ذنب.

4️⃣ حوّل الدايت لتجربة استكشافية🧐🧐 🗺
كل أسبوع جرب مكون جديد ما كلتوش قبل كده… عدس أسود، كينوا، بذور شيا… مخك بيحب الجديد و التنوع ده هيقلل الملل.

5️⃣ اربط الدايت بهدف أكبر من مجرد رقم الميزان 🎯
مثلاً: نوم أعمق، جلد أنقى، طاقة أعلى ، نشاط اكتر وحركة بخفة… لما يكون الهدف أعمق من رقم، الدافع بيبقى أقوى وأدوم.

الرسالة اللي عاوزة اوصلها بالنهاية الأكل الصحي مش مجرد ورقة محسوبة بأرقام…
هو أسلوب حياة تقدر تعيشه وتحبه وتستمر عليه كمان، لو بس عرفت إزاي تخليه "لعبتك" مش "مسار اجباري" واجب عليك إتباعه. وده إللي بقدر اساعدك بيه فبرنامج mermaids secrets لمتابعه التغذية العلاجية اللي هتساعدك تمشي الرحلة براحة واستمتاع مش بجوع وحرمان 😉
Enjoy the ride
Inbox me for more details 💌 💌
#سمنة

الدايت مش بيفشل عشان مفيش إرادة…
لكن فيه 3 أسباب بيوقعوا أي حد:
1️⃣ الحرمان النفسي والجسدي.
2️⃣ البدء بدون خطة واضحة.
3️⃣ مفيش متابعة من حد محترف يعدل مسارك.

💡 الحل؟ نظام يناسب حياتك + متابعة ودعم حقيقي.
📩 اكتبلي كلمة ابدأ وخلينا نشتغل على هدفك صح من أول مرة
#الارادة

الحقوني ... أنا ضعفت قدامها 🥲😅🥴

قبل ما أي حد ينظر ويرفع حواجبه ازاي دكتور تغذية علاجية وحاطة صورة منتج غير صحي ... فده تنويه ... اه يا جماعه عادي لأني بني ادمه عادي اتفقنا ؟؟؟

طيب نبدأ كده بسم الله ...
بالنسبة للمشروبات الغازية كلنا متفقين إنها{غير صحية} بس هل معني كده إني مش بشربها ؟؟

عايزة أقولكم زمان من يجي ١٠ /١٥ سنه كان لازم اشرب واحدة يوميا إما فالكلية مع ويفر او بعد الغدا مع مولتو🙈🙈🙈
الحمد لله ربنا تاب عليا لما اتشخصت بالضغط والسكر
من حوالي ٥ /٦ سنين مبقتش أشربها إلا نادرا فالمناسبات كده... ومن يومين كان عيد ميلادي 🥰 وشدتني الحلوة البينك دي فاشترتيها وعشان حجمها كبير آوي بالنسبة لي {مش بقدر أخلص أبدا ال ٣٠٠ مل دي دايما لما بختار بتبقي الصغنونة آوي ماركة بيج مثلا لو متاحه } فطبعا شاركتها مع ولادي ال٢ بعد الغدا {الوجبة الرئيسية } وبصراحه ندمت إني شاركتها معاهم 🙈🙈🙈 بجد يا جماعه طلعت تحفة😅😅😅😅
نتكلم بقي فالجد ...

طبعا هي السعرات مضبوطة ١٦٢كالوري فالحجم ده يعني تقريبا ٤٠جم سكر يعني ٨ معالق بحالهم فالمفعوصة دي
خلي بالكم حتي لو مكتوب محلاة بالعسل فهو يعامل معاملة السكر بردو ....
تآني حاجه مكتوب إنها مدعمه ب فيتامين b 6&12 بس طبعا الكمية تقريبا نص ال RDA يعني نص الاحتياج اليومي الموصي بيه ف تمام هو نوع من الدعاية والماركتنج بس حبيت أوضح إنها مش مصدر يعتمد عليه خاصة إنه بالنهاية غير صحي ..

وأنا اديتكم فالبوست ال tips & tricks
إللي تخليكم تستمتعوا بأي مشروب غازي محلي بالسكر عادي {وأنا اتكلمت قبل كده عن أن المحلاة بسكر دايت لها اضرارها بردو}
١/هتختار أصغر حجم متاح
٢/لو مش متاح الصغير يبقي هتشاركها مع إللي حواليك فتاخد ثلثها او نصها كفاية آوي
٣/هتشربها بعد وجبة رئيسية فيها الياف ودهون
٤/هتتشرب فالمناسبات فقط يعني كل فين وفين ...
بكده هتقدر تشرب أي نوع بتحبه وتستمتع بيه وبدون
ما تضر وزنك او صحتك

شاركوني إيه مشروبك المفضل وازاي بتشربه بشكل صحي وآمن؟
ومين جرب دي زيي ورايكم فيها إيه؟ 🙈😅
وتابعوني عالصفحة للمزيد من الحيل والادوات لعلاقة صحية مع طعامك❤️

كل حاجه بدأت من اللحظة دي😌
من فترة تعبانة جدا نفسيا وجسديا لدرجة ظنيت فربنا إنه مش بيحبني ولجأت لأسهل وسايل تخليني أحس بالراحة {الفورية المؤقتة} من ضمنها الاكل العاطفي...
لحد ما سمعت داعية بتقول{الله الواسع...اطلب منه المستحيل..ليه يكون قدامك مغارة علي بابا وتختار منها مثلا خاتم بس ؟ليه متاخدهاش كلها ولله المثل الاعلي}
ساعتها قولت لنفسي أنا ليه فعلا زانقة نفسي فالحته دي بس...إني زعلانة من ربنا واني بعاني مع ظروفي لوحدي تماااما وأني وقعت لدرجة بعمل سلوكيات عكس إللي بعلمه لعملائي والعلم اللي متعلماه ومسحولة بقي فالمشاعر السلبية والاكل العاطفي..مش يمكن ربنا باعت لي دروس من ورا كل اللي بيحصل ده ؟؟ فكري بوسع أفق شوية...
وهنا قعدت مع نفسي ربع ساعه كده بفكر جوه عقلي بس...ايه الحكمة؟ايه الدروس؟بعدها مسكت ورقة وقلم وطلعت بدول....
١/انا محتاجة اتعاطف مع نفسي اكتر...
آه يا سارة آنتي جبل بجد...كتر خيرك إنك بتمري بكل ده لوحدك...حقك تزعلي وتتوتري وتتقهري وتنهاري كمان..وبمجرد اني محكمتش على مشاعري ولا هربت منها حسيت بتحسن كبير جدًا😌
٢/الأكل العاطفي مش عدو لكنه رسالة... كل مرة لجأت فيها للأكل بسبب مشاعر، كانت فرصة لفهم أعمق لاحتياجاتي النفسية...ورا كل غضب كنت محتاجه اعبر عن حقي بصوت عالي..ورا كل حزن كنت مستنية من حد يسأل عني ويعرض مساعدته
ورا كل شعور بالوحدة كنت محتاجه تواصل وحب و connections🫂🫂🫂🥰🥰
٣/فيه فرق بين "القبول" و"الاستسلام" آنتي مين فيهم ؟
الاستسلام بيخليني أقول: " كل شئ مش فارق" لكن القبول بيقول: "أنا شايفة اللي بيحصل وبتعامل معاه بصبر واحيانا سلام"، وده فرق جوهري لازم أركز عليه ....🧘‍♀️
٤/المعرفة لوحدها مش كفاية، لكن بتساعدني وقت الأزمات
العلم اللي عندي اه ممنعش وقوعي، لكنه خلاني أقوم أسرع وبقيت بتفهُّم اللي بيحصل لي واتقبله بدل القسوة علي نفسي .🫂
٥/مفهوم " اني أعمل أفضل ما عندي حسب قدرتي الحالية" اللي اتبنيته فالازمة دي هو قمة النضج مفيش حاجة اسمها "All or none" يا أعمل كما يقول الكتاب يا أسيب كل حاجه {ده وهم المثالية وخطأ من اخطاء التفكير} قدرت اتحداه وأغيره👌بعد كده بدأت اسأل نفسي ايه أصغر خطوة ممكن أخدها دلوقتي وبدأت في تنفيذها علطول وده حسسني بتحسن حقيقي لأني بقيت أتحرك لقدام
وعشان أنا إنسانة بتتعامل مع بشر زيها ومؤمنه بأن عميلي مش محتاج يشوفني {مثالية}بل{حقيقية}وان ده هيساعده اكتر بقدم لك تمرين بسيط صممته مخصوص ليكي عشان يساعدك تطلعي بدروس وبإلهاماتك الخاصة بعد انتكاسة أكل عاطفي مريتي بيها
ابعتي لي كلمة {wisdom} فرسالة💌 وهبعته لك فورا ❤️❤️

عمري ما كنت ناوية أشارك ده ... بس لازم تعرفوا إن ....

مش معني إني حد خبير فمجاله وعندي علم إني مش بغلط او بقع زيك تمام فنفس الاخطاء ...
Because life happens 😌

منكرش إن مر عليا اوقات عصيبة جدا كلها ضغوط خلتني مش قادرة أعمل إللي عارفاه وحفظاه ومؤمنه بيه ... فقط لأني استسلمت لضعفي الإنساني...🥹

زمان كنت لما بضعف واستسلم بخش فشعور الخزي وجلد الذات وتبقي المشكلة مشكلتين ..🥴

لكن دلوقتي بقيت ب normalize ده وإن {عادي يا سو آنتي بني ادمه اهدي خالص ده وقت صعب وهيعدي أكيد ف متزوديش علي نفسك مشاعر صعبة زيادة} ....🤗

بعترف إني أكلت اكل عاطفي بسبب شعوري بالحزن والوحدة والعجز والخذلان والكرب ...😭

وأكلت بسبب حنيني لأشخاص مفتقداهم فحياتي وايام عمرها ما هترجع ...🤦‍♀️

وفرغت مشاعر غضب و احباط فالاكل وسيطر عليا شعور باللامبالاة وان كل حاجه مش فارقة فعملت سلوكيات مُريحة كتير زي الكسل والنوم الكتير وادمان التصفح العشوائي وكانت كلها مُسكنات مش علاج حقيقي ...🙆‍♀️🙆‍♀️

ولكن... علمي ساعدني علي { القبول } وبسببه سمحت لنفسي أكون علي طبيعتي و حنينة علي نفسي ...
It's OK to be not OK ya Sara 🫂
آنتي مش محتاجه تثبتي لحد اي حاجة ولا حتي لنفسك ... فاعملي أفضل ما عندك قد قدرتك الحالية وبس 🧘‍♀️
ولكنننننن .....
مش معني كده إني فضلت غارقة فاحزاني واستمتع بالشفقة علي نفسي فأبرر لنفسي واستمر فالغلط إللي بعمله ...❌️
لأ
أنا عارفة إني بعمل غلط وأني سامحه لنفسي بيه لأني مش هضغط علي نفسي آكتر وأني هتحمل مسئوليتي فاللي بيحصل وفأول فرصة هلاقي طاقتي أفضل هقوم وهتغير وهعمل الصح إللي عارفاه لأني بحب نفسي وعايزة أحافظ علي صحتي ... ✅️
صحيح الاكل بيوفر لي احساس المكافأة والراحة الفورية ولكن المكافأة إللي هحصل عليها لما اكل بوعي هتكون أكبر {حتي لو مؤجلة}👌

اكتر شئ مهم فوقعتي دي إني طلعت منها بدروس ... واتعلمت حاجات جديدة عن نفسي واكتسبت حكمة وخبرة وتعاطف أقدر اساعد بيها عملائي اكتر واكتر ...

هذكر بعض من أهم الدروس دي:

١/ لما بتقبلي ضعفك بسلام، بتستعيدي قوتك بدون مقاومة أو قسوة وبشكل أسرع❤️

٢/الرحمة بالنفس أهم من جلد الذات لأنه مش بيصلح الغلط، لكن بيضاعف الألم😣

٣/الانتكاسة مش فشل، هي طريقة الحياة في تعليمنا. والخبرة الحقيقية بتتولد من الصراعات دي.😉

٤/المُسكنات العاطفية (النوم – التسويف – التصفح) بتأجل الألم مش بتعالجه .. 😍 وده درس مهم نشتغل عليه إزاي نفرّق بين المسكن والعلاج الحقيقي....

وعشان كده بقدم لك
{راحة بالي}😌🥰🥰
كورس كامل {مُسجل} عن ادارة الضغوط والمشاعر بخصم حصري لفترة محدودة