keep fit & Cheer it

عايزه اوضح حاجه مهمه في نظام الطيبات للناس اللي قررت تمشي عليه ..🌿🌿🌿هتعامل معاه ازاي لان ده الاهم ..لازم اكون فاهمه مش حافظه..هو قال الاهم الممنوع مش المسموح ده الاساس عنده وكمان الاهم منهم كلهم القاعده العامه الاساسيه اللي قايم عليها النظام 💕
( الصيام / كل لما تجوع بس ولما تاكل لا تشبع /"كلوا واشربوا ولا تسرفوا ")
وأصحاب الامراض وبالذات المزمنه وبيخدوا ادويه بديهي لازم متابعه تحت اشراف طبيب ..هو الله يرحمه كان فاتح عياده ليه !!😃فدي واضحه مفيش فيها كلام مينفعش توقف دوا من نفسك وربنا يشفي كل مريض يا رب 🌿🌿🌿

🍃🌸 بالنسبه للمسموح بقي هو بيتعامل مع ناس ملغبطه في الاكل تماما وعندهم امراض بسببه فدول كانوا بياكلوا اي حاجه قدامهم ..لما سمحلهم بالعصير و الشيبسي مثلا ..علشان الناس دي بتسأل ناكل ايه ..ناكل ايه طيب ...فهو كده حجم الكارثه ...فهما كده بيروحوا من الاسوء للاحسن ..لكن انا واحده محافظه على اكلي ومش باكل شيبسي ولا بشرب عصير معلب اصلا انزل للاسوء واشربه او اكله ليه ..غباء !!😃وهو ده بقي اللي لازم نفهمه واحنا بنطبق اي نظام وهو قالها في فيديو علي فكره ..بس ده بديهي فاستنتجتها قبل ما يقولها حتي🤷🏻‍♀️علشان كده هو أكد وقال الاصل في نظامي الممنوعات ..

🍃🌸وعرفنا بأجود اللحوم اللي ممكن ناكلها🤷🏻‍♀️

🍃🌸وعرفنا الجبن الصفرا والمطبوخه دي ليه اهون من البيضا لان الكازين مشاكله كتيره 🤷🏻‍♀️ فتعدي عادي..

❣️❣️❣️فالنظام عايز فهم مش كده وخلاص والاصل فيه قله الاكل والصيام 🤷🏻‍♀️

🍃🌸والاهم بقي انه علمنا ميكانيزم الجسم ماشي ازاي ..فاللي بيحب يفكر يتعلم منه ويفهم ويعمل نظامه بنفسه ..واللي عايز يكبر دماغه يمشي علي النظام بس بفهم ووعي اهم حاجه 🤷🏻‍♀️
واحنا لو ركزنا بس ايه بندخله لجسمنا وتأثيره علينا مش هنحتاج نمشي علي نظام اصلا ..وهنمنع السيء بس واللي مش مناسب لينا ..وخلصت الحدوته 🤷🏻‍♀️
ربنا يرحمه ويسكنه الفردوس الأعلى من الجنه يارب 🌿🌸

بصوا كلاكيت آخر مره 🎬🤭 علشان لاحظت اللي مش دارس تغذيه مش فاهم فعلا وده طبيعي انا دارسه وفي حاجات بسيطه كنت بقف قدامها هو ازاي ييقول كده !! فده للي عايز يفهم 🌷🌷🌷

🌿🌸بالنسبه للجبن الابيض ليه لأ والكيري المربعات علشان الكازين بيبقي زياده اوي فيه وده صعب اوي علي الهضم .. فبيعلي الالتهابات في الجسم...🤷🏻‍♀️

🌿🌸الادويه : الدوا اللي بيقوم بوظيفته ويخلص من غير اي مشاكل ده اسمه دوا فعلا لكن اقتنع ازاي بحاجه بيسموها علاج وهمشي عليها طول العمر والside effects بتاعته مدمره😃طيب logic كده مش ده يبقي اسمه مسكن لحد ما يخلص عليا واحده واحده ..يعني لا بيعالج ولا بيسيب الجسم يشوف شغله ويقاوم ويحاول يتعامل مع المرض ..مش فيه استفهام هنا ⁉️
طيب البديهي لو انت already دخلت دايره الادويه دي فطبعا كيمياء جسمك كلها اتغيرت يبقي علشان تخرج منها لازم تتابع مع دكتور علشان يخرجك منها شويه شوية ويشوف حالتك هتحتاج ايه 🤷🏻‍♀️

🌿🌸السكر : هو مش اي حاجه كارب بتتحول لسكر ؟!! هو الرز مش كارب والبطاطس كارب والفاكهه كارب ...يبقي انتوا بتاكلوا سكر اد ايه !!!! هو بيقولكوا قللوا لحد ربع كيلو سكر بس في اليوم اللي الجسم محتاجهم 🤷🏻‍♀️وهو القاعدة الاساسية للنظام اصلا عنده " كلوا واشربوا ولا تسرفوا " و"صوموا تصحوا "و " وناكل بس لما نجوع ولما ناكل منشبعش " يقول ايه تاني !!!😃

🌿🌸ده منع كل الاكل تقريبا حتي الفراخ والبيض : ماحنا عرفنا بقي مشكلتها فين ..وبعدين هو البدو في الصحرا كانوا بياكوا ايه ؟!! ومعمرمين وفي احسن صحه "تمر ولبن النوق ولحوم وشحوم الابل والطيور " هو بقي خلاه نظام عصري شويه يناسب عصرنا ده ونقدر نطبقه ..والنظام ده اصلا قايم علي فكره اكبر واعمق ان "المعده بيت الداء "وهي اهم عضو في منظومة الصحة كلها ..شوف بدخللها ايه غلط وامنعه وهي دي كل الحكايه 🤷🏻‍♀️

❣️❣️❣️وبعدين الكلام ده كله مش جديد 😃د.مصطفى محمود الله يرحمه قاله قبله ورسولنا الكريم عليه افضل الصلاه والسلام قالوا قبلهم هما الاتنين لان هو قايم علي الفكره الاعمق نفسها "المعده "وهو اكتشفه بالصدفة لما لقاه متطابق مع العلم والابحاث اللي عنده ..بدأ يطبقه بشكل عصري بشويه الspicies اللي قومت الدنيا دي 🤭..فالمشكلة فين بقي لكل القلبان ده انا اللي عايزه افهم دلوقتي !!😃وبعدين هأكل يوكي "😽" ايه دلوقتي.. 🫣دي مش بتاكل اساسي غير صدور الفراخ و البيض🫣🤭😄

❣️بصوا انا هريحكوا 🤗محدش يركز خالص على النظام نفسه لان في معني اكبر ورا النظام ده وهو ده اللي بنتكلم فيه 🤷🏻‍♀️النظام قايم علي ❣️"فكره "❣️في اول comment 👇🏻عندك نظام غيره بنفس "الفكره "دي حلو اوي امشي عليه وقولنا عليه يمكن يعجبنا اكتر ..🤭peace يعني 🌿🌿🌿الدنيا اسهل من كده بكتير 🤷🏻‍♀️😄
يلا دمنا في صحة واحسن حال يارب 🌿🌿🌿🤗

الله يرحمه 🌿🌸 كان دايماً سابق عصره 🤗😊يبقي هنرجع ونقول تاني "Listen To Your Body " 🤷🏻‍♀️ويكفينا لقيمات ذي القبائل في الصحراء 😃د.مصطفى محمود بيقول كانوا بيكلوا وجبه واحده و بيشربوا لبن النوق والواحد عنده 100 وواقف ذي الرمح 🤷🏻‍♀️🤭😄 عايزين حد شاطر يكمل المسيره العلم بحره واسع والابحاث مش بتخلص ..هي الحقيقه بانت خلاص ان الجسم قادر علي الاستشفاء الذاتي بس عايزين تطبيق علمي وعملي بقي 👍🏻😃

القولون العصبي والطعام المتهم مصطفي محمود Enjoy the videos and music that you love, upload original content and share it all with friends, family and the world on YouTube.

هي دي نوعيه الناس اللي هاجمته للاسف🤣ده مستوي ذكائهم في الفهم 🤣🤣🤣 ويخدوا من كلامه حته من هنا وحته من هنا ويتوهموا الفكره ...انا كان نفسي بس يحسن اسلوبه في عرض الفكره او العلم الصراحه حقيقي 🙈بس هو المفروض نفصل ده في الاول والآخر بشر له ما له وعليه ما عليه ومش باخد منه غير علم ..بس بالشكل ده انا كده كمان هكلمكوا ذيه معلش ..باشا 🤭الباحث الواثق لما بيتكلم بيبقي كل تفكيره في الفكره العامه مش هيتكلم في بديهيات..ذي السجاير دي مكتوب علي العلبه هتجبلك سرطان مش مستنين حضرتك تقولنا😃 ...اتقوا الله وبطلوا كبر وانقلوا صح وبأمانه ...والدكاتره النفسيين يتكلموا في الطب النفسي بس ويسيبوا علم التغذيه لأهله ..وهو لو دكتور نفسي شاطر هيعرف انه لازم التشخيص يقوم علي معرفة حياه الشخص كلها واللي مر بيه كله علشان يشخص صح ودي المصيبه التانيه اللي بنواجها في الطب النفسي..انت حكمت عليه ان معلوماته كلها غلط ودخلت في حاجه مبتفهمش فيها اذن تشخيصك لازم يطلعه مجنون طبعا علشان ترضى غرورك وتطلع ترند انت كمان!!🤷🏻‍♀️😊 وبعدين هو ليه بيتهاجم كده اي حد درس علم تغذيه هيقولك هو كلامه مختلفش كتير عن اللي درسناه بس هو اتأكد من العلم اللي عنده لما ربطه بالفطره واليقين بالله لان الانسان روح قبل جسد والرسول عليه افضل الصلاة والسلام قال "ما جاع بيت فيه تمر " هو ده مش سكر وهو الاهم علي الاطلاق!!
والقاعدة الثابته عنده "كلوا واشربوا ولا تسرفوا " في كل حاجه بقي .. والبديهي بردوا انت لما بتاخد ادويه ودخلت نفسك في الدايره دي يبقي لازم تروح لدكتور يتابع معاك لحد ما تبطلها شويه شويه ..هي عايزه فهم بس وكل الكلام ده متقالش كده خالص وكل واحد بينقل المعلومات المغلوطة دي هيتحاسب ..اتقوا ربنا في الناس 🌿🌿🌿

الله يرحمه ويعفو عنه ويسكنه الفردوس الأعلى يارب 🌿🌸وشهد شاهد من اهلها ..🌿😊علشان الناس اللي مقدروش يفهموه لانه مش دكتور عادي ده مش اي قسم ..ده قسم "عناية مركزه "تقدير امتياز وكان عنده هدف ورسالة في الحياة .. استفزوه ودمروه وقتلوه معنوياً ولما كان ليه رد فعل حاولوا يتهموه بالجنون 😃ربنا رحمه 😊

Dr Mahmoud Hegazy 8 likes, 2 comments. "الحلقة الاخيرة...محاكمة نظرية ضياء العوضي بالعلم..لماذا تفشل الطيبات امام البروتوكول!!.الحكم النهائي"

الله يرحمه 🌿 الدكتور ده فعلا كان في فيديوهات بتقدمه باسلوب استحاله تسمع منه اول كلمتين حتي ...كان مقدم نفسه بشكل مش حلو ومنفر جدا ...لكن لما سمعتلوا فيديوهات حقيقيه بيتكلم فيها علم بجد ..لقيته كلامه مختلفش كتير عن اللي درسناه ...امنعوا دقيق ✔️..امنعوا ألبان✔️ ..امنعوا دهون مهدرجه ✔️بس في دي هو مع التقليل بس منها ..واللي آثار الجدل السكر بس لان في ناس فهمت ان نخده بلا حساب والعصاير فيها الوان ومواد حافظه و دي سموم بردوا ‼️ ..ده بس اللي بالنسبالي كان في تساؤلات حواليه 🤷🏻‍♀️ بس بردوا حسيت انه ممكن عايز يوصل رساله ان العصاير والدهون المهدرجة في الجبن المطبوخه مش صح اوي بس افضل من الكازين في الألبان فتمشي عادي اللي هو ده هيبقي life style فنسهلها شويه علي الناس .."والانسان عامه يصيب ويخطيء "..بس انا معاه اوي ان مفيش حاجه اسمها امراض مزمنه والجسم عنده القدرة في التشافي الذاتي بس نفهمه و ده اللي بحاول دايما اعمله مع نفسي ..🌿🌸 و ربنا يبعدنا عن ماڤيا الادويه 🤷🏻‍♀️و المشكله الحقيقيه دلوقتى دايما مش في البيضه والفرخه وحبه القمح دي بقت في تدخلات البشر في الطبيعة علشان انتاج اكتر وللاسف امراض اكتر وكل شويه قائمه الممنوعات تزيد🤦🏻‍♀️و دي مش دعوه ان حد يمشي علي نظامه "Listen to your body "🤷🏻‍♀️ بس اللي متأكده منه فكره ان مع التغذيه العلاجيه الصح 100% مفيش أمراض مزمنه وده اللي نفسي نوصل له 🤷🏻‍♀️وبردوا العلم ملوش حدود وكل يوم بنكتشف جديد و يمكن ده سبب حبي للعلم☺️والاهم ندعي دايما ربنا يلهمنا بالطريق الصح والعلم النافع و ربنا يغفر له ويعفو عنه يارب 🌿🌿🌿

✨منهج متكامل لمواجهة الازمات النفسية والضغوط الحياتية بين نور الوحي ودقة العلم✨

تتعاظم الضغوط وتتراكم الازمات في حياة الانسان حتى تظن النفس انها بلغت مداها بينما يكشف التدبر العميق ان للانهيار اسبابا وللثبات اصولا راسخة تجمع بين هدي السماء ومنهج العلم

🍃🌸 اولا تثبيت القلب بالايمان واليقين
يقرر القران ان الطمأنينة ليست وليدة الظروف بل ثمرة صلة بالله الا بذكر الله تطمئن القلوب فالذكر المنتظم يعيد برمجة العقل ويخفض التوتر ويمنح النفس اتزانا داخليا وهو ما تؤكده دراسات علم الاعصاب حول اثر التكرار اللفظي الهادئ في تهدئة الجهاز العصبي

🍃🌸 ثانيا اعادة بناء المعنى
الازمة لا تدمر الانسان بذاتها بل بطريقة تفسيره لها وفي السنة يتجلى ذلك في قوله عجبا لامر المؤمن ان امره كله له خير وهو ما يتوافق مع مدارس العلاج المعرفي التي تقرر ان اعادة تفسير الحدث تحول الالم الى طاقة احتمال

🍃🌸 ثالثا ادارة الفكر لا الاستسلام له
الفكرة السلبية اذا تُركت تضخمت واذا نوقشت تلاشت وفي الهدي النبوي توجيه صريح بعدم الاسترسال مع الوساوس وهو ما يوازي تقنيات ايقاف التفكير واعادة التوجيه في العلاج النفسي الحديث

🍃🌸 رابعا التوازن بين الاخذ بالاسباب والتوكل
الاسلام لا يدعو الى السلبية بل الى العمل الواعي ثم التسليم ااعقلها وتوكل وهذا يحقق التوازن النفسي بين السيطرة الواقعية وقبول ما لا يمكن تغييره وهو اساس الصحة النفسية الحديثة

🍃🌸 خامسا بناء شبكة دعم انساني
الانسان كائن اجتماعي والانقطاع يولد الهشاشة وقد رسخ النبي قيمة الصحبة والاخوة والدعم وهو ما تؤكده الدراسات الحديثة من ان العلاقات الداعمة من اقوى عوامل الوقاية من الاكتئاب والانهيار

🍃🌸 سادسا العناية بالجسد مدخل لصحة النفس
النوم المنتظم الحركة التغذية المتوازنة ليست رفاهية بل ضرورة وقد كان الهدي النبوي قائما على الاعتدال وهو ما يثبت علميا تأثيره المباشر على استقرار المزاج والقدرة على التكيف

🍃🌸 سابعا التفريغ الانفعالي المنضبط
البكاء الدعاء الشكوى الى الله ليست ضعفا بل تفريغ صحي وقد مارسها الانبياء وهي تقابل ما يعرف حديثا بالتفريغ الانفعالي الذي يحمي من الانفجار الداخلي

🍃🌸 ثامنا استحضار الامل المستقبلي
اليأس انقطاع والامل حياة ولا تيأسوا من روح الله وهذه القاعدة القرآنية تعيد توجيه النفس نحو المستقبل وهو ما يعد ركنا اساسيا في العلاج بالامل في علم النفس الايجابي

🍃🌸 تاسعا الانشغال بالفعل النافع
الفراغ بيئة خصبة للقلق والعمل المنظم يقطع دائرة التفكير السلبي وقد كان النبي اذا حزبه امر فزع الى الصلاة وهي قمة التحول من القلق الى الفعل

🍃🌸 عاشرا التسليم الحكيم
حين يبلغ الانسان غاية السعي يبقى مقام الرضا وهو اعلى درجات الاتزان النفسي حيث لا صراع مع القدر بل انسجام معه بما يحقق السلام الداخلي العميق

هذا المنهج ليس تنظيرا مجردا بل بناء متكامل يجمع بين الوحي والعقل بين القلب والسلوك بين الايمان والعمل ليصنع انسانا قادرا على مواجهة العواصف دون ان ينكسر😊🕊️💓