Beauty Secrets

Hello beauties😍
-مساء الورد ؟💓
-عايزة اكلمكم عن موضوع مهم جدا✨
زي ما بنهتم بعنايتنا الخارجية لازم نهتم داخليا
لانة الاساس والاهم ولو كان تمام و مفيش اي نقص
بيظهر دة علي صحتك وبشرتك وشعرك 🌸 ولو العكس مهما استعملتي مش هتلاقي النتيجة اللي مستنياها 😔
بوست انهاردة عن ⏬
••
{{ ڤيتامين D }}🌻 ڤيتامين الشمس ☀️
-من الڤيتامينات المهمة جدا بجد وبتأثر علي حاجات كتير ومش بنكون عارفين ان المشكلة في نقص ڤيتامينD
اعراضه نقصه في الجسم بتكون⏬
{{تساقط الشعر - الام المفاصل-هشاشة العظام -ضعف الاسنان - ثبات الوزن و بطئ الحرق في الجسم -عدم الانتظام في النوم - الاكتئاب وتقلب المزاج بدون سبب - تعب عام و ارهاق في الجسم ومش قادرة تعملي اي حاجه
-مشاكل في الجلد >(حب الشباب.التهابات الجلد زي (الصدفية) -الاصابة بنزلات البرد بشكل متكرر بسبب انخفاض المناعة }}
-اغلب البنات بيكون عندهم نقص في ڤيتامينD اكتر من الرجال بسبب عدم التعرض للشمس🌞
ومهم جدا تهتمي بيه ففترة الحمل وللاطفال كمان ✨
••
-لو حاسة بأي اعراض من دي لازم تحللي الاول ✅
مينفعش تاخدي ڤيتامين د من غير تحليل❌
عشان تعرفي نسبة ڤيتامين د عندك قليلة ولا لا ؟ لان علي اساسها الدكتور هيكتبلك التركيز المناسب ليكي وتاخديه مدة قد ايه ؟ وكام مرة في الاسبوع ؟
((ڤيتامينD مهم جدا كمان لانه بيقوي الجهاز المناعي وكلنا محتاجين الفترة دي اكتر نقوي المناعة👌🏻💚))
••
-لو حللتي ولقيتي نسبته قليلة الدكتور هيكتبلك التركيز المناسب ليكي بس مهم جدا مع العلاج انك تتعرضي للشمس🌞يوميا 10 دقائق او ربع ساعة بس قبل الظهر الساعة 8 ل 10 صباحا الشمس بتكون خفيفة ومفيدةاو الساعة 4 العصر مع كشف 25%من الجسم جزء من القدمين والايدين والشمس تكون دايركت علي الجلد ممكن تقعدي في البلكونة تتشمسي شويه☀️😄🧡
ومهم جدا مع التعرض للشمس والعلاج تهتمي جدا بشرب المية يوميا مش اقل من لتر ونصف
ممكن تقسميهم علي اليوم لان مع ڤيتامين د لازم مية عشان بعد الشر ميأثرش علي الكلي 👌🏻
واهتمي بالاكل المفيد (السلطة والفاكهة والزبادي والحليب والاسماك والجبنة والبيض مهمين جدا ✨
••
-تحليل ڤيتامين د غالي شوية ب 1000 تقريبا فقولت لازم اقولكم عن الموضوع دة ممكن تحللو في مستشفي 57357 التحليل عندهم ب 200 بس وكل التحاليل التانية عندهم ارخص من اي مكان تاني وكمان ودة المهم ان فلوس التحاليل دي بتكون صدقة لعلاج الاطفال فخديها بالنيتين انك تساعدي في علاج الاطفال وكمان لما تروحي تحللي تزوريهم ❤️

مساء السعادة 🌸 يارب تكونو كلكو كويسين ♥️.
بوست انهاردة عن تبخير وتعطير الشعر و الجسم😻.
(بجد لو داومتو علي تبخير الشعر والجسم مش هتقدرو تستغنو عنه وحلو جدا للعرايس 👰🏼)
ريحة الشعر بتبقي تجنن والجسم كمان وبتبقي ثابته جداااا .
‏‎هتاخدي الشاور بتاعك
‏‎وحطي اللوشن والبادي ميست
‏‎(يكون خالي من الكحول) .
‏‎او لوشن عطري 💞
‏‎لو عندك مسك او عود او مخمرية
او مكعب مسك من عبد الصمد القريشي تبشري جزء منه علي بيبي اويل ريحته وهمية♥️
‏‎وحطي علي اماكن النبض
👇🏻
‏‎ (خلف الاذن -علي الرقبه- علي ايدك من جوه عند الشرايين كدة -عند نص الكوع من جوه -ورا ركبتك -فنصف الصدر) .
‏‎دي اماكن النبض في الجسم لو حطيتي فيها بيثبت جدا
‏‎💞 او حطي زيت عطري اي ريحة تحبيها 💞
(خاليه من الكحول)
‏‎بعد كدة هتجيبي بخور سريع الاشتعال
‏‎🌠بعد ما تسيبيه شويه علي النار حطيه في المبخرة وحطي البخور بقي ❤ .
بحب المباخر المقفولة اكتر لتبخير الشعر والجسم امان اكتر وبحطها بردو في الدولاب وبقفله
🌸اللبس بتبقي ريحتة جميلة
‏‎🌸بعد الشاور ‎وجسمك مندي مش هتلبسي هدومك ‎البسي (اسدال بس)
‏‎وحطي المبخرة بعد ما تقفليها عند رجلك وخليه يدخل فجسمك كلو من تحت الاسدال 😉😻
‏‎بخري نفسك كويس 🌸
‏‎وشعرك بعد ما تغسليه ويكون مندي بردو مش ناشف بخريه
وممكن تحطي علي اطرافة مخمرية او زيت عطري او مسك ابيض
‏‎هتبقي ريحته تحفة🌸
‏‎البخور هيخلي ريحتك جميلة وثابته
‏‎بجد التبخير بيخلي مودك حلو اوي 🌸🌸🌸 ‎
وريحه المكان كلها جميلة ♥️♥️
ولو هتبخري البيت او سريرك او اي حاجة رشي الاول معطر وبعدها بخري هثبت الريحة اكتر😻

مساء الورد 🌸 يارب تكونو كلكو كويسين 💕.
اول بوست في البيدچ👏🏻.
🌸روتيني الليلي قبل النوم 😴🌸
10 دقايق بس قبل النوم هيفرقو جدا في ببشرتك ونضارتها وهيأخر ظهور العلامات التعبيرية والتجاعيد 💗
-مينفعش تنامي وانتي حاطة ميك اب ❌ بيدمر البشرة
-لو كنت حاطة ميك اب بشيله كويس بمزيل الميك اب
وبعد كدة بغسل بشرتي بالغسول
-وبقطنة بحط التونر او ماء ورد طبيعي بارد
وبستني دقيقة -وارطب منطقة تحت العين بالراحة جدا بالطبطبة
لان منطقة تحت العين رقيقة جدا
وترطيبها من برة لجوة
ولو في انتفاخات تحت العين قبل النوم بنصف ساعة البسي ماسك العين اللي فيه چل بعد ما تحطي الچل في الثلاجة شوية لما يكون بارد بيساعد في علاج الانتفاخات وشد منطقة تحت العين
او اعملي كمادات قطن ماء ورد طبيعي بارد وييبيها ١٠ دقايق
ولو في انتفاخات تحت العين حطي كريم العين في الثلاجة .
-وبعد كدة بحط سيروم هيالورونيك اسيد او سيروم ڤيتامين سي
وبعمل مساچ خفيف للبشرة -اول ما البشرة تمتص السيروم بحط الكريم المرطب

-مساچ وترطيب البشرة من تحت لفوق مش العكس
عشان البشرة تفضل مشدودة
واستني دقيقة بين كل حاجة والتانية عشان البشرة تمتصها كويس . متحطيش كل حاجة ورا بعض بسرعة
-وبرطب شفايفي
🌸روتين البشرة اليومي🌸
👇🏻
.
-غسول-تونر-سيروم البشرة-المرطب
-لو هتستعملي اي سيروم او كريم تفتيح
بيكون بعد التونر واخر خطوة المرطب 💕
-روتين النهار
نفس الخطوات بس من غير السيروم
وقبل ما تخرجي بنصف ساعة بتحطي صن بلوك وتجدديه كل ٣ ساعات لان مفعولة بيروح
تغسلي بشرتك وتحطي تاني صن بلوك
او تمسحي بشرتك بوايبس ازالة الميك اب الخالية من الكحول
-وبعد كدة برطب ايدي ورجلي كويس وبلبس لكلكوك او شراب 😻💕
وممكن تلبسي جلوڤز بلاستيك قبل النوم لايدك عشان يحتفظ بالترطيب اكتر 😉
وبحط زيت الاظافر💅🏻
-قبل ما انام باخد شاور دافي وبرطب جسمي كويس ولو حسيت ان جسمي جاف شوية خاصة في الشتاء بضيف كام نقطة من زيت ڤيتامين E للوشن وممكن اضيف نقطة صغيرة جدا مع مرطب البشرة حلو اوي لو بشرتك جافة اوي وممتاز في ترطيب الشفايف والاظافر👌🏻
-خصصي لبس مريح للنوم واشربي قبل ما تنامي حاجة دافيه لافندر وكاموميل من امتنان حلو اوي وبيساعد علي النوم بشكل افضل او شاي اخضر او هوت شوكليت💕او عصير فريش او فاكهه
-حطي برفيوم بتحبيه او بادي سبلاش ريحته ناعمه

ورشي علي المخدة بتاعتك زيت لاڤندر او ورد مخفف بمية حطيهم في سبراي 🌸 وحاولو تنامو بدري ووقت كافي بجد بيفرق اوي😻
واغسلي اسنانك قبل النوم متنسيش😄
واعملي مساچ لفروة شعرك وسرحيه 🌸 .