Nutritionist Esraa Gohar

🚫 لو عايز تعيش Healthy Lifestyle... حاول تبعد عن العادات دي:
🍟 1- المقليات الكتير لأنها غنية بالدهون والسعرات والإكثار منها مش مفيد لصحة القلب والوزن.
🥓 2- اللحوم المصنعة زي اللانشون والسجق والبسطرمة والهوت دوج... يفضل تكون على فترات متباعدةجدا و الافضل نوقفها .
🥒 3- المخللات والأملاح الزائدة الإفراط فيها ممكن يساهم في ارتفاع ضغط الدم واحتباس السوائل.
🍫 4- السناكس المصنعة زي الشيبسي، والمقرمشات، والحلويات المغلفة، والبسكويت المحشو... غالبًا بتكون عالية في الدهون والسكريات والملح.
🥤 5- المشروبات الغازية والمشروبات السكرية بتضيف سعرات عالية بدون قيمة غذائية حقيقية.
⚡ 6- مشروبات الطاقة الإكثار منها قد يسبب مشكلات صحية بسبب احتوائها على كميات كبيرة من الكافيين والسكر.
🚭 7- التدخين من أهم العادات اللي لازم تتوقف، لأنه بيأثر على كل أعضاء الجسم تقريبًا، مش الرئة بس.
🍽️ 8- الأكل بدون إحساس بالجوع زي الأكل من الملل أو التوتر أو وإنت بتتفرج على التلفزيون. حاول تاكل وإنت فعلًا جوعان، وركز في أكلك.
📱 9- قلل وقت الشاشات قبل النوم. النوم الجيد جزء أساسي من الحياة الصحية، والسهر قدام الموبايل بيأثر على جودة النوم والشهية في اليوم التالي.

💚 افتكر... الحياة الصحية مش معناها الحرمان، لكنها معناها إن اختياراتك الصحية تبقى هي الغالبة معظم الوقت.

📩 ولو محتاج نظام غذائي يناسب حالتك الصحية وأسلوب حياتك، ابعتلي رسالة وأنا أساعدك.




#صحة

مش لازم تعمل دايت قاسي علشان تبقى صحي... لكن لو قدرت تحافظ على العادات دي كل يوم هتفرق معاك جدًا سواء هدفك تخس تحافظ على وزنك أو تحسن صحتك.

✅ منتجات ألبان (لو مفيش حساسية أو مانع طبي): كوب أو كوبين لبن أو زبادي أو رايب.

🥗 طبق سلطة أو خضار مع كل وجبة علشان الألياف والفيتامينات.

🍗 مصدر بروتين في كل وجبة (بيض، فراخ، سمك، لحمة، جبنة، بقوليات...) لأنه بيساعد على الشبع ويحافظ على العضلات.

🍎 من 2 إلى 3 حصص فاكهة يوميًا الفاكهة مش عدو الدايت بالعكس هي جزء من الأكل الصحي.

⏰ التزم بمواعيد ثابتة للأكل ومتخليش الأكل يبقى طول اليوم بدون تنظيم
تنظيم الوجبات بيساعدك تتحكم في الجوع والشهية.

🏃‍♀️ اتحرك كل يوم حتى لو 20:30 دقيقة مشي ولو مش هتعرف تنزل شغل أي فيديو تمارين في البيت وابدأ.

💧 ومتنساش شرب مياه كفاية.
حاول توصل لـ 2–3 لتر يوميًا (أو حسب احتياج جسمك ونشاطك) شرب المياه بيساعد على ترطيب الجسم وتحسين الهضم وتقليل الإحساس بالعطش اللي ناس كتير بتفتكره جوع.

🌱 هدفي مش بس إن الرقم على الميزان يقل... هدفي إن صحتك تتحسن وطاقة جسمك تزيد وتبني عادات تقدر تكمل عليها.
📩 ولو عايز نظام غذائي معمول مخصوص ليك حسب وزنك وطولك وتحاليلك وحالتك الصحية ابعتلي رسالة وأنا هساعدك توصل لهدفك بطريقة تناسبك.



#صحة

🚨 أول الشهر... يا ترى هتكون بتبدأ ولا هتأجل؟

كل شهر بيبدأ بنفس الطريقة...
ناس بتاخد القرار وبتبدأ.
وناس بتقول: "هفكر كمان يومين."

وفي آخر الشهر...
اللي بدأ بيكون نزل وزن، وحاسس بفرق في جسمه ونفسيته.
واللي أجّل... بيبدأ من جديد بنفس الندم.

متخليش الشهر ده يعدي زي اللي قبله.

لو هدفك:
✔️ تخس من غير حرمان.
✔️ تتعلم تاكل صح.
✔️ توقف دوامة البداية والرجوع.
✔️ تلاقي حد يتابعك ويشجعك ويعدل لك النظام حسب ظروفك...

فأنا معاك خطوة بخطوة لحد ما توصل لهدفك بإذن الله. ❤️

✨ أماكن الاشتراك للشهر الجديد بدأت.
والأفضل تبدأ من أول الشهر علشان تستفيد من كل يوم.

📩 ابعتلي كلمة "ابدأ" أو "اشتراك" في الرسائل، وهبعتلك كل التفاصيل.

قرار واحد النهارده... ممكن يغير شكلك وصحتك بعد كام شهر.
متستناش وقت مثالي... ابدأ، والنتائج هي اللي هتشجعك تكمل. 💪🌿

#دايت

✨ النتيجة دي وصلنالها في شهر واحد فقط! ✨

👏 نزول 6.75 كجم
👏 انخفاض نسبة الدهون من 31.1% إلى 27.7%
👏 تحسن مؤشر كتلة الجسم من 29.9 إلى 27.6

النتيجة دي مش بسبب حرمان ولا دايت قاسي، لكن بسبب متابعة مستمرة، نظام مناسب، والتزام بالخطوات المطلوبة. 💚

لو نفسك تخس وتوصل لنتيجة حقيقية وتحسن صحتك وشكل جسمك، أنا هساعدك بخطة غذائية مناسبة ليك ومتابعة خطوة بخطوة لحد ما توصل لهدفك بإذن الله. 💪

📩 ابعتلي رسالة دلوقتي
واحجز مكانك، ويمكن الصورة الجاية تكون نتيجتك أنت!


#تخسيس
#دايت

💡 نصيحة اليوم
لو عايز تخس بسهولة أكبر، ركّز على إضافة البروتين لكل وجبة بدل ما تركّز فقط على تقليل الأكل.
الشبع الأفضل = جوع أقل = التزام أسهل بالنظام الغذائي. 💚

🚨 "ممكن تكوني عاملة دايت قاسي وبتموتي نفسك في الجيم.. وبرضه مش بتخسي! والسبب؟ النوم!"
​تخيلي إنك ملتزمة بالورقة والقلم، وبتحاولي تتحركي طول اليوم، ومع ذلك الميزان ثابت أو النزول بطيء جدًا ويحرق الدم! 🤦‍♀️
​الصدمة بقى.. إن السبب أحيانًا ملوش أي علاقة بالأكل! السبب مستخبي في سريرك 😴
​لما نومك يكون قليل، ملخبط، أو متقطع.. جسمك بيدخل في "حالة طوارئ" وبيحصل الآتي:
❌ هرمونات الجوع (الجريلين): بتضرب في العالي وتفضل شغالّة الله ينور.
❌ هرمونات الشبع (اللبتين): بتقل، فمهما أكلتي بتحسي إنك لسه جعانة.
❌ الـ Cravings: رغبتك في السكريات والنشويات بتعلى جدًا لأن جسمك بيدور على طاقة سريعة.
❌ المجهود بيقل: طاقتك وتركيزك بيبقوا في الأرض، فبتتحركي أقل من غير ما تحسي.
❌ حرق الدهون بيعطل: الجسم بيبقى تحت ضغط وتوتر مستمر (بسبب كورتيزول عالي)، فبيتمسك بالدهون ويرفض يحرقها.
​عكس بقى لما تدّي جسمك كفايته من النوم والراحة: ✨
✅ هرموناتك بتتظبط وشهيتك بتهدى.
✅ طاقتك ونشاطك في الجيم أو الحركة اليومية بيبقوا في أفضل حالاتهم.
✅ جسمك بيحافظ على الكتلة العضلية (اللي هي أساس الحرق).
✅ والأهم.. جسمك بيترجم كل مجهودك في الدايت لنتائج تشوفيها في المراية وعلى الميزان.
​💡 نصيحة من الآخر:
قبل ما تلومي نفسك، أو تحبطي، أو تقرري تغيري نظامك للمرة العاشرة وتدخلي في دايت قاسي ملوش لازمة..
اسألي نفسك الأول: "أنا بنام كام ساعة.. ونوعية نومي إيه؟" ⏱️
​💬 شاركيني في التعليقات: بتنامي كام ساعة في اليوم؟ وهل بتحسي إن نومك متقطع؟ 👇

#دايت #تغذية #صحة #نوم

باقي ١٨٠ يوم على آخر السنة.. هتعملي فيهم إيه؟ 👀
عارفة يعني إيه ٦ شهور عدّوا؟
يعني نص السنة طار في ثانية.. بس النص التاني لسه في إيدك!
الـ ٦ شهور الجايين دول مش مجرد وقت بيعدي.. دول:
👈 ١٨٠ يوم كاملين.
👈 ٢٦ أسبوع بالتمام والكمال.
دا وقت أكتر من كافي يخليكي تغيري مقاس هدومك، وتحسنّي صحتك، وترجعي طاقتك اللي ضاعت في زحمة الأيام.. من غير حرمان ولا دايت قاسي يكرهك في عيشتك.
تخيلي لو بدأتي من النهاردة بجد، على آخر السنة ممكن تكوني فين؟
١. ميزانك نزل للرقم اللي كان نفسك فيه من سنين.
٢. النَفَس الحامي والخمول اللي ملازمينك اختفوا، وبقى عندك طاقة تتحركي وتنجزي.
٣. مقاساتك اتغيرت والدولاب كله رجع يظبط عليكي تاني.
٤. تحاليلك وصحتك بقوا في حتة تانية خالص، وبشرتك نورت لأنك بتغذي جسمك صح.
غمضي عينك كدا وتخيلي نفسك يوم ٣١ ديسمبر الجاي..
يا ترى هتكوني فرحانة وبتقولي: "الحمد لله إني خدت القرار وبدأت يوم ١ يونيو"؟
ولا هتكوني زعلانة وبتتمني: "يا ريتني كنت بدأت من ٦ شهور فاتوا"؟
الوقت كدا كدا هيعدي، والأيام بتجري..
والفرق الوحيد هو إنتي هتكوني وصلتي لشكل الجسم والصحة اللي بتحلمي بيهم، ولا لسه واقفة في نفس المكان بتأجلي؟
النهاردة ١ / ٦..
مش متأخرين، ومفيش حاجة فاتت، ومش مستنيين "يوم السبت" ولا أول الشهر الجاي.. لأن أول الشهر هو النهاردة فعلاً!
ابدئي من الوجبة الجاية.. وخلي النسخة اللي نفسك تشوفيها في المراية آخر السنة تشكرك على قرار النهاردة. ❤️