Health empowerment by sisters

ناس كتير بتستخدم الجوز البرازيلى كمصدر للسيلينيوم خاصة فى حالات الاصابة بأمراض مناعية للغدة الدرقية زى هاشيموتو او جريفز
لكن هل تعرفوا انه فيه مشكلة واحدة بس يصعب توقعها ، وهى الجرعة ..
عشان كدة معرفة الخيار المناسب لكل مرحلة مهم جدا قبل تحديد خطة العلاج ..

ماذا لو
رجع بيك الزمن لوقت تشخيصك بهاشيموتو / مشكلة مناعية او هرمونية للغدة الدرقية ، او اى مرض مناعة ذاتية ؟
ايه اول خطوة كنت هتعملها وقتها ؟

الوقت لسا معداش انك تبدأ 🦋🦋

ماذا لو ،، رجع بينا الزمن لوقت تشخيصنا بمشكلة مناعية للغدة الدرقية !
ايه الخطوات الى كان لازم نهتم بيها كأولوية ..

وايه اكتر حاجة جربتوها وفرقت معاكم؟

هاشيموتو او جريفز مش مجرد مشاكل خمول او نشاط في الغدة الدرقية — دي حالات مناعة ذاتية بتأثر على الجسم كله.
عشان كده التغذية الوظيفية بتتعامل معاها من الجذور 👇

✨ ودى أهم النقاط الاساسية الى بنركز عليها فى بروتوكولات التغذية الوظيفية لدعم هرمونات الغدة الدرقية والمناعة:
1️⃣ قلّلي الالتهاب: ركّزي على الأكل الحقيقي – خضار، دهون صحية، سمك، مكسرات.
2️⃣ اهتمي بصحة أمعائك: خذي probiotics طبيعية*** (زبادي بلدي أو مخلل طبيعي).
3️⃣ قلّلي الجلوتين والسكر والأكل المصنع (بعد تقييم ايه العوامل إلى ممكن تكون مسببة مشكلة ولازم تتمنع نهائى، مثال: منع الجلوتين تماما عند مرضى السيلياك)
4️⃣ خضار ورقي وكرنب وبنجر مطبوخ كويس (غير نئ) → دعم للكبد وتنظيم الهرمونات.
5️⃣ حافظي على ثبات سكر الدم (وجبات منتظمة ومتوازنة).
6️⃣ فيتامين D، سيلينيوم، زنك، ماغنسيوم، B12 = عناصر أساسية لتحويل هرمونات الغدة.
7️⃣ نامي كويس، خدي وقت راحة، واهتمي بصحتك النفسية.

كل ده بيعمل reset لجهاز المناعة وبيساعد الغدة تشتغل بكفاءة أكتر 🌸

متنسوش تبعتوها لأى حد بيعانى من مشاكل الغدة الدرقية رغم استقرار الهرمونات ولسا مش لاقى حلول 🦋

ساعات بيكون التشخيص .. هو اول سبب فى استمرار المعاناة
سواء كان تشخيص خاطئ او حتى غير مكتمل
عشان كدة أهم خطوة فى علاج الامراض وانتهاء المعاناة، هى التشخيص مش وصف العلاج
لان التشخيص الصح .. هو الطريق لمعرفة العلاج المناسب

عارفين ان مش كل دورة شهرية بتكون حقيقية ، ولا كل حدوث "حيض" معناه انها دورة شهرية حتى لو منتظمة
وان فى علامات مهمة جدا تخص الدورة الشهرية وطبيعتها، ممكن تعرفك كتير عن جسمك وحتى عن بعض المشاكل المحتملة زى اضطرابات الغدة الدرقية

قولولنا ايه المشكلة الى قابلتها مع "دورتك الشهرية" وعرفتى منها وجود مشكلة مرضية او هرمونية ؟

هل محتاجين نمنع كل حاجة من أكلنا عشان نخف ! هل كلنا شبه بعض !
سؤال خد سنين عشان يتحطله أسس واضحة
والاجابة بسيطة .. مش كلنا زى بعض ولا اجسامنا بتستجيب بنفس الصورة !
ومينفعش يكون العلاج روشتة ثابتة بتاخدها مع تشخيصك باى مشكلة مرضية ..

ايه اكتر حاجة اكتشفتوا انها مسببة استمرار اعراضكم واستفدتوا فعلا لما وقفتوها؟

إنتاج الميلاتونين يبدأ فى الانخفاض تدريجيًا مع التقدم فى العمر، ويُعتقد أن هذا الانخفاض يساهم فى زيادة اضطرابات النوم مع منتصف العمر وما بعده. لكن ليس كل التعب أو الأرق بعد الأربعين سببه الميلاتونين وحده؛ فالنوم، والغدة الدرقية، والحديد، ومرحلة ما قبل انقطاع الطمث كلها عوامل قد تتداخل معًا
ف معرفة السبب ضرورة ، لتحديد التدخل المناسب والدعم العلاجى السليم..

ايه اكبر مشكلة قابلتكم دى بعد ال ٤٠ ؟

بعد ال ٤٠ ، بتبدأ مرحلة جديدة ومختلفة فى حياة السيدات ،، مرحلة محتاجة دعم وفهم عميق للتغيرات الفسيولوجية الى بتحصل وأسبابها
ودعم الجسم بشكل قوى عشان يتأقلم مع التغيرات دى ويكون جاهز للانتقال لمرحلة ما بعد انقطاع الطمث ..
مش مجرد مرحلة..
قابلتكم مشاكل الوزن وصعبة نزوله فعلا بعد ال ٤٠ ؟ وايه اكتر اعراض كانت غريبة وجديدة