The Fitne

Chest exercise ✅

تمرين السكوات من البيت والله يعتبر من أفضل التمارين حتي لو مش في جيم 🏠🔥

كمان تمرين هيرفع هرمون التيستوستيرون في جسمك وساعتها هتدعيلي والله ❤️😅

لو سألت أي مدرب يا صديقي عن تمرين واحد يعوضك عن أجهزة كتير في الجيم، هيقولك السكوات. لأنه بيشغل أكبر عضلات في جسمك في نفس الوقت، وبيساعدك تبني قوة وتحسن لياقتك حتى لو بتتمرن في البيت. ولو مسكت إزازتين مياه في إيدك، هتزود المقاومة وتخلي التمرين أصعب شوية من غير ما تحتاج دامبلز.

ف بالله عليك تركز معايا جامد علشان تستفيد من الكلام وخليك ذكي محدش مستفيد غيرك دا لان انا كدا كدا عارف الكلام دا 😅❤️

السكوات بيستهدف عضلات الفخذ الأمامية والخلفية، وعضلات المؤخرة، والسمانة، وكمان عضلات البطن وأسفل الظهر بتشتغل عشان تثبت جسمك وتحافظ على توازنك، وده بيخلي جسمك كله يشتغل مع بعض بدل ما تمرن عضلة واحدة بس.

يبقي انا كدا وفرت وقت وحطيت مجهود اكبر علي باقي جسمي علشان يستفيد

عشان تعمل السكوات صح، افتح رجليك بعرض الكتفين، وخلي صدرك مرفوع وبص لقدام، وانزل كأنك هتقعد على كرسي، ولما توصل لآخر مدى مريح ليك اطلع تاني واضغط بالكعب. حاول دايمًا تخلي ركبتك في اتجاه أصابع رجلك ومتنيش ضهرك أثناء النزول.

من أكتر الأخطاء اللي الناس بتقع فيها إنها تنزل بسرعة، أو تطلع من غير تحكم، أو ترفع الكعب من الأرض، أو تخلي الركب تدخل لجوه، وكل الأخطاء دي بتقلل استفادتك من التمرين.

لو أنت مبتدئ اعمل 3 مجموعات من 10 إلى 12 عدة، ولو مستواك أحسن اعمل من 12 إلى 15 عدة، ومع الوقت زود المقاومة بإزازتين مياه أكبر أو أي وزن متاح في البيت.

علميًا، السكوات مش بس بيقوي عضلات الرجل، لكنه كمان بيحسن التوازن، ويزود القوة، ويساعد على حرق سعرات أكتر لأن عضلات الرجل من أكبر العضلات في الجسم. ولأفضل نتيجة اهتم بأكلك، وكل بروتين كفاية، ونام من 7 لـ9 ساعات عشان العضلات تقدر تتعافى وتنمو.

ابدأ بالمتاح، واتقن الحركة الأول يا صديقي ، وبعدها زود المقاومة تدريجيًا ومع الاستمرار والله هتشوف فرق حقيقي في قوة رجلك وشكل جسمك

🥷🔥

مجموعة الملاكمة 💥🥊
:
ابقَ مرتاحًا. عودة إلى الحارس بعد كل ضربة. السيطرة والتوازن! 💯