Glammed by nour

♥️♥️♥️

مفيش حاجه اسمها هنفتح المسام بـ بخار سخن و نقفل المسام بـ تلجه
المسام مش حله بنفتحها و نقفلها 😂

المسام الواسعه :

هي طبيعيه فـ أغلب الناس اللي بشرتهم دهنيه و مختلطه ، بسبب عادات خاطئه ومنها :

1 - استخدام المنتجات التجاريه خصوصا الكريمات المرطبه ( نيڤيا - جونسون - دوڤ - ايفا - جليسوليد ، ... ) بيكون فيهم نسبة عطور و كحول أعلى من المعدل الطبيعي .

2 - استخدام غسول خالي من الزيوت صح و لكن بينشف البشره ف لازم بعده مرطب
ف لو مرطبتيش
ساعتها البشره هتعوض نقص الترطيب ده بتنشيط الغدد الدهنيه و إفراز دهون أكتر ، و بالتالي مشكلة المسامات و الحبوب هتزيد .
ف فكرة الترطيب حتي للبشره الدهنيه اساسيه ، مش زي م الناس فاكره انها هتزود الدهون
بالعكس المرطب هيعمل Control لل Oil اللي ف البشره

3 - حمام البخار ، ايوووووه زي م بقولكو كده
ده بنستخدمه ل 3% من الناس ، و بطريقه معينه ، ووقت معين
و الحراره عموما .. و اهمها الشمس ، تعتبر عامل قوي جدا
و حرارة البوتوجاز .. عشان كده المفروض نحط صن بلوك لو دخلنا المطبخ
و لو بتاخدي شاور سخن و بتقعدي كتير .. كل ده بيساعد على توسيع المسام

4 - التقشير الفيزيائي " physical scrub "
كفاية مره في الشهر ، و كمان لازم حبيباته تكون صغيره جدا مش كبيره وياريت بقا لو مفيهوش حبيبات خالص
الاسكرب الفيزيائي اللي فيه حبيبات مينفعش لـ بشره فيها حبوب ، مينفعش لـ بشره جافه ، مينفعش لـ بشره حساسه ، مينفعش لـ بشره فيها مسام

مينفعش اعمل اسكرب بـ سكر ، انا كده بدمر وشي
و عشان كده بنفضل البيل الكيميائي اللي بدون حبيبات

5 - فُرَش البشره اللي معروفه بإسم cleaning pad .
و دي متنفعش برضه لحد عنده حبوب بالذات

6 - كتر استخدام الميكب بيبهدل الدنيا ، و بالذات بقا لو ممسحتيهوش كويس و نمتي بيه

الحل :

أولا مفيش حل هينهيها خالص
لانها حاجه طبيعيه فـ البشره
و لكن فيه حلول تقلل منها أو تحسن من شكلها
( جلسات الفراكشنال ليزر ، حقن البلازما ، الديرما بن ، تقشير كيميائي )

و لو محافظتيش علي النتيجه و علي الروتين مع الجلسات ، هتلاقيها بترجع تاني .

طب ايه الحلول الأساسيه اللي تخلينا نقلل شويه من المشكله ؟

1 - نستخدم غسول كويس و طبي للبشره

3 - مرطب حتي لو بشره دهنيه ، مفيش حاجه اسمها انا بشرتي دهنيه فـ مش محتاجه مرطب

3 - Niacenamide, vitamin C, salicylic acid , Glycolic , Vit A
‏أى سيرم فيه أى حاجه من المواد دي هيحسن من المشكله شويه

4 - استخدام صن بلوك طبي و نجدده كل ساعتين .
5 - نمنع الاسباب اللي فوق .

لو فيه أى استفسار اسالوني فـ التعليقات وأنا هرد 💙

♥️