Marwa Nazmi Makeup Artist

حلوه وبتحلى أي مكان تنوره

مبروك ياحبيبتى عقبال الزفاف يارب

عروستى القمر مليون مبروك حبيبتي

ماشاءالله بروتين من أول جلسه الحمدلله والشعر كمان مبلول ولسه منشفش بعد الغسيل تعيشي وتعملى يارودى

يابناويت ياحلوين يلا اجمعو هنا تعالى اقولك تعملى تنت طبيعى ومرطب ومورد طبيعى فى نفس الوقت وحاجه اوريجينال ومش هتكلفك ٥جنيه اه والله بصي ياستو أنا هتجيبى جرام ذبدة الشيا الحبشي وإلى مجربتش ذبدة الشيا خصرانه كتير جرام يعنى ملعقه كبيره عليهم ربع ملعقه فازلين طبى سيحيهم مع بعض فى مكيرويف طيب إلى معندهاش ميكرويف هتسيحيهم حمام مائي هتحطيهم فى طبق استنلس الازاز هيتكسر سواء فى الميكرويف أو على حماما مائي تمام هتجيبى ربع بنجرايه ابشريها وحطيها على ذبدة الشيا والفازلين إلى سيحتيهم وحطيهم فى علبه صغيره بلاستيك نضيفه ولما يتماسك حطى على خدودك وورديهم هيخليكى قمر وبشرتك مترطبه جدا لأن فوايد ذبدة الشيا تحفه جدا ملحوظه متنزليش فى الشمس بي علشان الفازلين مع الشمس بيغمق البشره لو هتنزل بى يبقى بلاش فازلين 😘

مساء الخير عليكم بغيب عليكم اه بس برجعلكم بنصايح مهمه جدا بصي يابناويت ياحلوين جاييلكم محلول للشعر الخفيف جدا أو إلى فروة راسها باينه وده بيبقى غالبا وراثه،ركزي معايا هتجيببى معلقة حبة البركه إلى هي الحبه السوده ومعلقه زيها بذور كتان ومعلقة كزبره صحيحه و خمس ورقات ورق الغار إلى هو اللورا وعود قرفه تمام لغايت كده تمام هاتى بقى كوباية ميه حطى كل الأعشاب دى فيها واغليهم من ١٠الى ١٢ دقيقه يغلو وبعد كده صفيها لما تبرد وحطيها فى بخاخه وكل يوم بليل تبخي فروة راسك كويس وتدلكى بس أهم حاجه يكون قبل ماتنامى يعنى تنامى بي محلول حلو جدا للى شعرهم خفيف ، طيب لو عاوزه شعرك يطول فى خلا شهر هاتى نص كوب أرز بلدى وانقعيها زي ماهي كده متغسليش الرز انقعيه ١٢ ساعه خدى ميه الرز فى بخاخ برده وبخى شعرك كل يوم ملحوظه انقعى الرز على نص لتر ميه وبلاش غسيل ب شامبو كتير وبلاش ميه سخنه للشعر بالله عليكى بتضعف الشعر جدا خلى غسيل الشامبو كل ١٠ ايام بس ولو عاوزه تغسلى اغسلي ب ميه وحمام كريم أو بلسم أي سؤال أنا تحت أمركم دمتم فى رعاية الله وحفظه

لوك سموكي وألوان النود عجبانى أوي ياتوتى

أرجو الدعاء ل بنتى فضلا منكم أول يوم إمتحان بكره إن شاءالله أول ماده اساسيه عربى أولى ثانوى أرجو الدعاء لها بتيسير الامتحانات دعوة ٤٠ شخص مقبولة بإذن الله دمتم بخير وفى رعاية الله

حبايب قلبي عاملين ايه يلا يابنات أجمعوا هنا هقلكو على ماسك للعيد طبيعى، بصي ياست الكل هتجيببى معلقه صغيره دقيق ومعلقه زيها نشا وزيها لبن بودره وكبسولة فيتامين E من الصيدليه هاتيها ١٠٠٠ مجم ومعلقه عسل ابيض هاتى كل الحاجات دى قى طبق او علبه نظيفه وحطيها واعجنيها ب لبن او مياه ورد ومتخليهاش خفيفه ولا تقيله علشان تعرفى تفرديها على البشره وسيبيها على بشرتك نص ساعه وبعد كده اشطفى بمياه فتره وعلطول تقفلى المسام بثلح واوعي تنشفى بالفوطه بعد ماتشطفى نشفى بمنديل والثلج يكون فى ايدك دلكى لمدة ١٠ دقائق ومتنسيش تدعيلى كل سنه وانتم طيبين وبخير وسعاده يارب