Nana Fathy - Makeup Artist

مستنية تفاعلكم 🔥🔥

اي لاينر 😉

اي رايكم يا بنات ؟

11 نصيحة مكياج من خبيرة التجميل نانا 💅.. اعرفيهم معانا

1- اختيار درجة كريم الاساس الصح:
اول نصيحة وتعتبر هي اساس مكياجنا كله هي اختيار درجة كريم الاساس المناسبة للون بشرتك لازم الدرجة تكون نفس لون البشرة وزي ما قولنا قبل كده جربي اللون على الرقبة او خط الفك مش على الايد, وكمان لازم تعرفي نوع بشرتك دافية ولا باردة عشان تجيبي الدرجة الصح ..

2- ادمجي البرونزر كويس:
البرونزر هو من الخطوات اللي بتبرز ملامح الوش ويعتبر كونتور خفيف وطبيعي, اختاري برونزر خفيف بلون رمادي بني, وحطيه على منطقة فوق عضمتين الخد عشان تدي تأثير رفع للمنطقة دي..

3- اختاري شكل الحواجب المناسب:
شكل الحواجب بيحدد المكياج كله وبيظهره عشان كده مهم جدا انك تختاري رسمة الحواجب المناسبة لشكل وشك, وكمان اختيار اللون مهم اختاري لون الحواجب يكون نفس لون شعرك, وللبشرة السمرا لو اختارتي لون افتح بدرجة او اتنين من لون شعرك هيطلع مثالي جدا, وبالنسبة للشقراوات اختاري نفس لون الشعر او اغمق بدرجة واحدة هتكون مناسبة ليكي جدا..

4- خلي العيون تبان اكبر:
لما نيجي نرسم العين عشان نبينها اكبر ونظهرها الافضل ترسمي خط الكحل على طول الرموش اللي فوق ده بيظهر العين اكتر وبيخلي الرموش تبان اتقل, ولو هترسمي من تحت الافضل تدمجية كويس ميكونش خط متحدد اوي عشان ده هيضيق العين.

5- اختاري رسمة الايلاينر المناسبة لشكل عينك:
مهم جدا اننا نختار رسمة الايلاينر المناسبة لشكل العين عشان تظهر جمالها اكتر ومتديناش نتيجة عكسية, يعني مثلا مترسميش خط الايلاينر في نهايتة يكون عالي او طالع لفوق اوي لانه هيغير شكل العين خالص وهيطلع الشكل النهائي مش حلو, الزاوية الخارجية لازم تكون ماشية مع خط الجفن اللي تحت, ودايما ارسمي الجناح او الخط النهائي للايلاينر وانتي فاتحة عينك لان الطريقة دي هتخليكي تشوفي الخط اللي انتي بترسميه.

6- حطي اكتر من درجة ايشادو:
لما تيجي ترسمي الايشادو حاولي انك تختاري اكتر من درجتين لون يعني استخدمي 3 درجات, وممكن تستخدمي درجات نيود للوك ناعم وطبيعي..

7- حطي طبقة ماسكارا واحدة:
زيادة طبقات الماسكارا على الرموش ممكن تديكي نتيجة عكسية وتخلي الرموش ملزقة في بعض وتبينك كمان اكبر من سنك, عشان كده الافضل انك تحطي طبقة واحدة من الماسكارا هتبين شكل الرموش وتخليها واضحة وده يعتبر افضل حاجة للمكياج اليومي..

8- حطي البلاشر صح:
البلاشر من اللمسات النهائية اللي بتظهر مكياجنا عشان كده لازم نعرف نحطه صح عشان منبوظش كل الخطوات اللي قبليه, حطيه على طول عضمة الخد بتاتش خفيف وطبيعي مش مبالغ فيه..

9- اختاري درجة قلم تحديد الشفايف المناسبة للروج:
من اكتر الحيل المهمة جدا في مكياج الشفايف هو اختيار درجة لون قلم تحديد الشفايف لازم يكون لونه نفس لون الروج بالظبط مش افتح ولا اغمق, كمان بعد ما ترسمي الشفايف بقلم التحديد حاولي انك تدمجيه الاول على شفايفك وبعدين تحطي الروج بتاعك..

10- اخفاء الهالات السودا:
عشان تخفي الهالات السودا تحت العين بشكل فعال مهم انك تحطي الكونسيلر بطريقة صح, وافضل طريقة هي انك ترسميه على شكل مثلث تحت العين وبعدين تدمجيه كويس على البشرة..

11- حطي الهايلايتر في الاماكن الصح:
سلطي الضوء على الوش في الاماكن اللي مش بيبقى فيها دهون يعني ابعدي عن اماكن التي زون, وركزي على الاماكن اللي بتكون بارزة بشكل طبيعي زي عضمة الخد, عضمة الحاجب, الزوايا الداخلية للعين, منطقة منتصف الانف, وفوق منتصف الشفة العليا عند منطقة قوس كيوبيد

طريقة رسم الايشادو بالخطوات..وازاي تختاري اللي يناسبك؟ الايشادو من الحاجات المهمة اوي في المكياج لانه بيبرز جمال العيون لكن في بنات كتير عندهم مشكلة انهم مش...

Happy new year 🎊

Lovely ❤️❤️

5 وصفات ميست للشعر وفروة الراس تجربيها بنفسك في البيت للحصول على شعر صحي

الشعر الجاف والهايش من اكتر المشاكل اللي بيعاني منها كتير من البنات ، ولكن الخبر الحلو انك تقدري تعالجي المشاكل دي بوصفات طبيعية تعمليها طبيعية بنفسك في البيت ، والنهاردة هنشارك معاكم 5 وصفات ميست لشعر صحي ، وعلاجات لفروة الراس.

1- ميست جل الالوفيرا:
للتحكم في جفاف وهيشان الشعر ، بننصحك باستخدام ميست الصبار ، كل اللي هتعمليه حطي ½ كوباية ماية في ازازة ببخاخ ، وضيفي لها حوالي 1 معلقة كبيرة من جل الصبار, معلقة صغيرة من الجلسرين, معلقة صغيرة من زيت السمسم, كبسولة واحدة من زيت فيتامين E, رجي كل المكونات كويس لحد ما تمتزج مع بعض ، واستخدمي الميست على فروة راسك وشعرك.

2- ماسك الموز والبيض:
الموز والبيض يعتبر من المكونات المفيدة جدا لفروة راسك ، ويعتبروا مصادر فعالة لتغذية شعرك ، لو انتي شعرك جاف وتالف ، اعملي ماسك الموز والبيض ، هتحتاجي 2 حبة موز, وبيضة واحدة ، امزجي المكونات كويس لحد ما تكوني عجينة ناعمة ، وزعيها على الشعر كله وسيبيها لمدة 15 – 20 دقيقة ، وبعدها اغسليه بشامبو خفيف ، وهتلاحظي النتايج من اول استخدام.

وصفات ميست لشعر صحي 2
3- ميست العسل وزيت جوز الهند:
لعلاج بهتان وضعف الشعر ، بننصحك بميست العسل وزيت جوز الهند ، هتحتاجي ½ كوباية ماية حطيها في ازازة ببخاخ ، وضيفي لها معلقة كبيرة من العسل, معلقة كبيرة من زيت جوز الهند, كبسولة من زيت فيتامين E, كام نقطة من زيت اللافندر ، رجي الازازة لحد ما كل المكونات تمتزج كويس ، ورشيه على الشعر من الجذور للاطراف.

4- ماسك السكر البني وزيت الزيتون:
الماسك ده عبارة عن مقشر وماسك للشعر ، مش بس هيخفف من حكة فروة الراس الجافة ، لكن كمان هيضيف لمعان لشعرك ، خدي معلقتين كبار من السكر البني ومعلقة كبيرة من زيت الزيتون في طبق واخلطيهم كويس ، وبعدها وزعي الخليط بالتساوي على شعرك ودلكي فروة الراس بلطف ، سيبيه لمدة 20 – 25 دقيقة وبعدها اغسليه بشامبو خفيف.

5- ميست الزنجبيل وزيت الزيتون:
لو عايزة تتخلصي من قشرة الشعر ، بننصحك تجربي ميست الزنجبيل وزيت الزيتون لشعرك ، عشان تحضري الميست ده ، هتحتاجي ½ جذر جنزبيل مبشور واغليه في حوالي 2 كوباية ماية ، لحد ما الكمية تقل للنص ، بعدها ضيفي معلقة كبيرة من عصير الليمون ومعلقة كبيرة من زيت الزيتون ، امزجي المكونات كويس ، ووزعي الخليط على فروة راسك ، بعدها اغسلي شعرك بالشامبو.

مجموعة بوبانا المرطبة للشعر الجاف والمجعد Bobana Moisturizing Bundle for Dry & Curly Hair

مجموعة بوبانا المرطبة للشعر الجاف والمجعد هتوفر لشعرك الترطيب اللازم ، مع زيت جوز الهند كعنصر نشط في كل منتجات المجموعة ، هيتم ترطيب شعرك بعمق وتنضيفه كويس ، المجموعة بتتكون من.

الشامبو ، بينضف الشعر بعمق وبيرطبه ، بيحتوي على نسبة منخفضة من الكبريتات ، و 0% بارابين ، و 0% سيليكون ، حجمه 400 مل.

البلسم ، بيساعد على تحسين مستوى ترطيب شعرك ، وتنعيم الشعر ، بيحتوي على 0% سيليكون ، 0% بارابين ، 0% كبريتات ، حجمه 400 مل.

ماسك الشعر ، بيحتوي على تركيبة مرطبة بعمق بتغذي الشعر المجعد والهايش ، بيحتوي على 0% سيليكون ، 0% بارابين ، 0% كبريتات حجمه 500 مل.

كريم Leave-in hydrates ، بيرطب خصلات الشعر وبيتحكم في الهيشان ، بيحتوي على 0% كبريتات ، 0% سيليكون ، 0% بارابين ، حجمه 200 مل.

لافضل النتايج استخدمي منتجات المجموعة بالطريقة دي:

الشامبو: حطيه على الشعر المبلول ودلكي بلطف من الجذور للاطراف ، وبعدها اشطفيه كويس.

البلسم: بعد غسل الشعر بالشامبو ، حطي البلسم من نص الشعر للاطراف واتجنبي الجذور ، سيبيه من 3 – 5 دقايق ، وبعدها اشطفيه كويس.

ماسك الشعر: حطيه على شعر رطب ووزعيه بالتساوي على الشعر كله وسيبيه لمدة 10 دقايق وبعدها اشطفيه كويس.

كريم Leave-in: حطيه على الشعر وهو رطب ، مع التركيز على نص الشعر والاطراف ، وبيتساب على الشعر من غير شطف.

مع خبيرة التجميل نانا 💄💄 هتقدم لنا بعض الماسكات الهامة للعناية بالبشرة
ماسكات هامة للعناية بالبشرة في نهار رمضان

في الصيام، عليكِ تخصيص وقت بسيط للغاية لتطبيق ماسك يساعد على ترطيب وحماية وجهك، فمن أهم وصفات العناية بالبشرة في رمضان:-

زيت اللوز

نجد أن زيت اللوز من أهم الزيوت الآمنة على الجلد حيث يمكن استخدامه لتدليك منطقة العين للحد من الهالات السوداء، كما يمكن استخدام الزيت بشكل يومي دون أي قلق.

العسل مع الألوفيرا

الاهتمام بالبشرة خلال شهر رمضان يساعد على تفتيح البشرة وتنعيمها وجعلها مليئة بالحيوية والإشراق، لذا يمكن استخدام العسل المفيد للبشرة مع الالوفيرا من خلال مزج ملعقة من العسل مع ملعقة من جل الألوفيرا، وبعد خلطهم معًا نطبق الوصفة على الوجه لمدة 10 دقائق، بعدها يمكن غسل الوجه.

العسل والأفوكادو على الوجه

يمكن خلط ملعقة من العسل مع ربع حبة أفوكادو، مع ثلاث ملاعق من القشطة، وبعد خلطهم يمكن تطبيق الوصفة على الوجه لمدة ساعة ثم نغسل الوجه، بعد الاستمرار على الوصفة ستحصلين على وجه خالٍ من عيوب ومشاكل البشرة.

مع خبيرة التجميل نانا .... ستكونين اجمل عروس
💄💄😉