Forsan gym

يا ترى لو لعبت ١٠٠٠ عدة بطن إيه اللي هيحصل!!

فورمة الآخرة ( السكس باك ... اللى مجنناك ) 😁💪فورمة_الآخرة فورمة الآخرة ( السكس باك ... اللى مجنناك ) 😁💪

كابتن كابتن عايز تمرين للدراع يجيب من الأخر؟

لو عايز تزود حجم عضلات الذراع العب التمرين X

عايز تفجر عضلات الذراع العب الأسلوب O

عايز تجيب مالأخر مفيش غير نظام MW

وعناوين كتير جذابة مع صورة واحد دبابة

هنقارن نفسنا بيه نفتكر إن إحنا غلابة

فسيبك منهم واسمعني راح تسمع أحلى إجابة👌

مش معنى إني بقولك سيبك منهم واسمعني إن كلامهم غلط
لكن اللي بيقولوه دا عبارة عن تجارب شخصية أنتجت مع كل واحد فيهم لكن مش شرط تجيب معاك نتيجة،

الغلط هو حصر أسلوب أو تمرين بعينه وإدعاء إنه يصلح للجميع ومن غيره متحلمش تحقق أهدافك، لأن دا منافي للطبيعة البشرية اللي التنوع جزء أساسي من تكوينها.

مجموعة من الناس دي وصلوا للنتايج دي بعد فترة تجارب طويلة قدروا فيها ينسجموا مع عضلاتهم ويفهموا إحتياجتها والتمارين المؤثرة "بالنسبالهم" بكرر تاني "بالنسبالهم"،
ومجموعة تانية أقل خبرة اللي بدأوا بيه جاب معاهم ومجربوش غيره فافتكروا إنهم جابوا أخر المجال.

لكن الموضوع أوسع وأعقد من كدا بكتير، باختصار متقيدش نفسك بتمرين مش بتحبه أو بيسببلك ألم أو مش قادر تتقنه "بشرط متكونش بتتدلع" لأن عندنا بدائل لا حصر لها يمكن وضعها وسحب غيرها من جدولك التدريبي ومع الأداء الصحيح والتدرج والتنوع التدريبي والتغذية المناسبة هتوصل هتوصل بإذن الله.

قل يتوفاكم ملك الموت الذي وكل بكم ثم إلي ربكم ترجعون

الأعمار بيد الله

نعم آمنا بربنا واستسلمنا لقدره

توفي إلي رحمة الله الدكتور لؤي الزيات

لم نكن نعلم عنه إلا كل خير فنسأل الله أن يرحمه ويغفر له

مبادرة مع أحدث عريس عندنا في الجيم

🌹 محمود شعبان 🌹

شباب كتير دايماً بعد الجواز بيطلعلهم كرش في فترة قصيرة جدا ودا نتيجة النَّهم في الأكل بصورة هيستيرية بسبب:

_ الظن الخاطئ إن كتر الأكل يعني علاقة حميمية أفضل

_ رغبة الزوجة في إثبات كفائتها في فنون الأكل وبيكون الزوج المسكين هو فأر التجارب 😅

_ هرمون السعادة بيكون في اعلي مستوياته واللي بيولد شعور دائم بالجوع حتي لو لسه واكل خروف لوحدك

المهم قررنا نشجع أي عريس جديد عندنا في الجيم ونهاديه بشهر بشرط يرجع التمرين بعد شهر بالكتير من الزواج

يلا يا شباب اتجوزوا واتمرنوا 😁
وألف مبروك يا عريس ❤️