Dr. Sarah Nabil / Healthy Life

🎉 حلاوة المولد مش ممنوعة… بس الكمية هي السر! ❤️
بمناسبة المولد النبوي الشريف ﷺ عارفة إن أول سؤال بييجي في بالنا:
"آكل إيه من حلاوة المولد؟ وقد إيه؟" 😋
كـ دكتورة تغذية أحب أقولك:
مش لازم تحرمي نفسك ومش لازم كمان تاكلي طبق كامل 😅
اختاري قطعة صغيرة💁 واستمتعي بيها وكملي يومك بشكل متوازن.
✨ الكميات المناسبة تقريبا👇
🥜 ملبن: 1 قطعة صغيرة ≈ 30 جم
🥜 فولية او حمصيه او سمسميه او نوجا بالمكسرات قطعة صغيرة ≈ 25–30 جم
🥜 لوزية/بندقية: قطعة صغيرة ≈ 25–30 جم
🥥 جوزية: قطعة صغيرة ≈ 25–30 جم
🍬 عروسة أو حصان السكر: الأفضل كمية صغيرة جدا لأنها أساسا سكر بدون قيمة غذائية تذكر.
💡 والأهم من نوع الحلوى؟
اختاري قطعة واحدة في اليوم ويفضل بعد وجبة متوازنة بدل ما تكون على معدة فاضية.
ولو نفسك في أكتر من نوع:
ممكن تاخدي نصف قطعة من نوعين بدل قطعة كاملة من كل نوع ❤️
❌ ومتعمليش اليوم اللي أكلتي فيه حلاوة المولد:
"خلاص بوظت الدايت!"
فتكملي باقي اليوم أكل عشوائي.
✅ قطعة حلوى مش هتبوظ نظامك…
لكن الإفراط المتكرر هو اللي يفرق.
وافتكري:
الدايت الناجح مش إنك تمنعي نفسك من كل حاجة بتحبيها لكن إنك تعرفي تاكليها بكمية مناسبة وتكملي طريقك. ❤️
كل سنة وأنتم طيبين بمناسبة المولد النبوي الشريف 🌙🤍
د. سارة نبيل
Nutritionist

بكل سعادة وتشرف يسعدني تلقي دعوة للمشاركة في MANTO Conference 2 تحت عنوان: Nutri-Gen: Redefining the Future of Health and Wellness
أتطلع ليوم مليء بالعلم وتبادل الخبرات ومناقشة أحدث ما توصل إليه مجال الصحة والتغذية.
كل الشكر والتقدير للقائمين على المؤتمر على هذه الدعوة الكريمة وأتمنى أن يكون يوما مثمرا ومليئا بالإلهام لكل الحضور.
📅 7 أغسطس 2026 📍 El Manara International Conference Center
نلتقي على خير بإذن الله. 💜✨
Dr. Sara Nabil 🩺🌿

🥭 المانجة ممنوعة في الدايت؟ 🤔
ولا المشكلة في الكمية؟ 😅
قبل ما تفتح الكومنتات... جاوبني الأول:
❓هل المانجة بتتخن؟ ❓لو بتعمل دايت تمنعها ولا تاكلها؟ ❓كام ثمرة مانجة ممكن تاكلها في اليوم؟
✍️ اكتب إجابتك في التعليقات... وبعدها انزل لأول كومنت وشوف الإجابة الصحيحة. 😉👇

سعدت جدا بحضور Gut Liver Axis Scientific Day وكان يوم دسم بالمعلومات القيمة والنقاشات العلمية المميزة.
كل الشكر والتقدير للدكتورة الغالية د. ماريان وللدكتور د. سامر على هذا التنظيم الرائع وحسن الاستقبال والمحتوى العلمي المتميز.
استمتعت بكل محاضرة وكان يوما ملهما أضاف لي الكثير على المستوى العلمي والمهني.
أتمنى لكم المزيد من النجاح والتألق وفي انتظار فعاليات قادمة بنفس هذا المستوى الرائع. 🤍👏
DrSaraNabil

التفريز الصح هو سر الالتزام بالدايت 👌
لما تكون وجبتك الصحية جاهزة، هتقل فرص اللجوء للأكل السريع.
مين نفسه أشوف معاه سلسلة (تفريزات الدايت)؟ 💙"
الطريقه في الكومنتات

كل رسالة بالشكل ده بتفكرني ليه بحب شغلي ❤️
أكتر حاجة بتفرحني مش رقم على الميزان... إن المريضة تحس إنها بقت مرتاحة في جسمها مقاساتها اتغيرت وثقتها بنفسها رجعت.
التغذية العلاجية مش مجرد ورقة نظام غذائي. هي متابعة ودعم وفهم للحالة النفسية قبل الأكل.
شكرًا جدا على كلامك الجميل وسعيدة إني كنت جزء من رحلتك. 🤍
ولو إنتِ لسه بتأجلي البداية... يمكن رسالتك تكون هي الشهادة الجاية. 🌿
📩 للحجز والاستفسار ابعتي رسالة على الخاص.
#دايت متابعة_اونلاين رشاقة صحة تغذية إنقاص_الوزن

ليه وزنك ثابت رغم إنك ملتزم بالدايت؟ 🤔
كتير بيبقى ملتزم بالأكل وفجأة الميزان يقف... ويفتكر إن الدايت مش نافع!
لكن الحقيقة إن ثبات الوزن طبيعي ومش معناه إن مفيش نتيجة.
أشهر الأسباب:
✅ شرب مياه قليل. ✅ السهر وقلة النوم. ✅ التوتر والضغط النفسي. ✅ عدم الحركة الكافية. ✅ اقتراب الدورة الشهرية عند السيدات. ✅ الإمساك أو احتباس السوائل. ✅ الجسم بدأ يبني عضلات ودهونك بتنزل.
💙 متستعجلش على الميزان لأن المقاسات وشكل الجسم أوقات بيكونوا أهم من الرقم.
اكتبلي في التعليقات... بقالك قد إيه وزنك ثابت؟ وانا هارد باول حاجه تبداي بيها 🧑‍⚕️
ولو محتاج متابعة أونلاين تناسب ظروفك ابعتلي رسالة او تواصلي علي الواتس 01158700880 وأنا هساعدك بخطة مناسبة ليك. 🌿
د/ ساره نبيل

🥞 بان كيك صحي للدايت... طعم حلو من غير تأنيب ضمير!
لو فاكر إن الدايت يعني حرمان جرب الوصفة دي وهتغير رأيك. 👌
المكونات:
1 موزة متوسطة
2 بيضة
5 ملاعق كبيرة شوفان مطحون
تلت كوب لبن
فانيليا ورشة قرفة (اختياري)
الطريقة:
اضربي كل المكونات في الخلاط حتى يصبح الخليط ناعما.
سخني طاسة غير لاصقة على نار هادئة.
اسكبي كمية مناسبة من الخليط واتركيها حتى تظهر فقاعات او الاطراف تبقي دهبي ثم اقلبيها على الوجه الآخر.
قدميها مع شرائح الموز أو فراولة أو توت ويمكن إضافة ملعقة صغيرة زبدة فول سوداني أو رشة عسل نحل حسب احتياجك من السعرات.
💙 نصيحة: حتى الأكلات الصحية لازم تكون بالكميات المناسبة لهدفك سواء نزول وزن أو تثبيت أو زيادة عضل.
د. ساره نبيل
Nutritionist 🌿
#دايت خسارة_وزن HealthyBreakfast HealthyRecipes

☀️ المصيف مش معناه إنك تودعي رشاقتك!

كل سنة ناس كتير بترجع من المصيف وهي حاسة بالذنب لأنها زادت كام كيلو... مع إن الحقيقة إنك تقدري تستمتعي بكل لحظة من غير ما تبوظي مجهودك. 💙

✨ اعملي القواعد البسيطة دي:

🏖️ ابدئي يومك بفطار فيه بروتين يشبعك.
🥤 اشربي مياه كتير لأن العطش بيتلخبط مع الجوع.
🍉 اختاري الفاكهة سناك بدل الحلويات طول اليوم.
🍗 في الغدا ركزي على المشويات والسلطة وخلي المقليات على قد مرة.
🍦 لو نفسك في آيس كريم أو حلو... كليه واستمتعي لكن بكمية معقولة مش بحرمان ولا إفراط.
🚶‍♀️ استغلي المشي على البحر أو السباحة كحركة ممتعة مش لازم تتمرني.
😴 نامي كويس لأن السهر بيزود الشهية.

💡 افتكري...اللي بيزود الوزن مش وجبة ولا يوم لكن الاستمرار على الأكل الزائد.

استمتعي بالمصيف وكلي اللي بتحبيه بعقل... وهترجعي بنفس رشاقتك أو قريب منها. 🌊💙

اكتبي في الكومنتات...إيه أكتر حاجة بتضعفك في المصيف؟ 🍦🍟🌽