NOSHA Makeup-Artist

أزاي تختاري لون الروج المناسب ليكي!!!!!!!

اختيار لون الروج من الحاجات المهمة جدا في مكياجنا اللي لازم نهتم بيها لان الروج يعتبر اللمسة النهائية اللي بتظهر مكياجنا ولو اختارنا لون غلط هتبوظ لوك مكياجنا كله لان ممكن نختار لون يغمقنا او يطلع بشرتنا بلون باهت لان كل لون بشرة ليها الوان الروج اللي تليق عليه يعني الالوان اللي بتليق على البشرة البيضا غير السمرا غير الخمرية عشان كده احنا النهاردة هنقول لكل بنات حوا ايه الوان الروج اللي تليق على كل لون بشرة.

ياللا نتعرف مع بعض على الوان الروج اللي تليق على كل لون بشرة:
1- الوان روج البشرة البيضا:
بالنسبة للبشرة البيضا انسب الالوان ليها هي اللون الوردي, والالوان النيود, والخوخي الفاتح, والاحمر, وتجنبي الوان البني الشوكولاتة الغامق لانها هتبهت لون البشرة ممكن تحطي لون بني فاتح او بيج و تجنبى الاوان الفاتحة لأنها هتبينك لونك شاحب

2- الوان روج البشرة المتوسطة او البيج:
يمشي معاها جدا اللون البينك, والاحمر, والنبيتي, والبني, والفوشيا, والنحاسي, والبرونزي, والخوخي و كمان الالوان النيود. و ابعدى عن الالوان الغامقة اوى.

3- الوان روج البشرة الخمرية:
اللون البشرة المحايد او الخمرى بيليق معاه معظم الالوان, بيكون حلو معاها جدا اللون البرتقاني الفاقع, البينك, والالوان الدافية عموما بتطلع حلوة جدا على البشرة الخمرية زي النبيتي, والفوشيا, والاحمروكمان الالوان النيود.

4- الوان روج البشرة السمرا:
اصحاب البشرة السمرا بتليق عليهم الالوان الجريئة الواضحة بيكون حلو عليها اوي بردو الالوان الدافية زي اللون الاحمر, والنحاسي, والبرونزي, واللون النبيتي, اللون الوردبي وكمان الالوان النيود, حاولى تتجنبى الالوان الشاحبة الفاتحة اوى.

5- الوان روج البشرة السمرا الداكنة:
تعتبر البشرة المحظوظة في الوان الروج لانه تقريبا بيليق عليها كل الالوان وخصوصا الالوان الغامقة. درجات الموف, الاحمر و البينك الغامق و كمان لون التوت الغامق.

***هقولكم نصايح بسيطة لما نيجي نحط الروج عشان يطلع بشكل حلو:
1- اول حاجة عشان تعرفي لون بشرتك بالظبط وتختاريلها لون الروج الصح شوفي لون العروق عند المعصم لو لونها ازرق تبقي انتي من نوع البشرة الباردة واختاري الوان الروج الفاتحة, ولو لون العروق اخضر يبقى انتي نوع بشرتك دافية واختاري الوان الروج الدافية زي ما قولنا الالوان فوق.

2- الالوان الغامقة في الروج بتصغر الشفايف والالوان الفاتحة بتديها حجم اكبر, لو انتي حاطة لون غامق ممكن تحطي عليه ملمع عشان تدي الشفايف حجم اكبر.

3- لما نيجي نختار لون الروج منختارش نفس لون اللبس بتاعنا نختار الافتح او الاغمق بدرجة لكن مش بنفس الدرجة بالظبط.