Omayma Ayman Makeup Artist

اللهم اقسم لي في يوم عرفة خير ما قسمت، واختم لي في قضائك خير ما ختمت، واختم لي بالسعادة فيما ختمت. اللهم افتح لي في هذا اليوم المبارك باب كل خير فتحته لأحد من خلقك وأوليائك وأهل طاعتك ولا تسده عني
وارزقني رزقا تغيثني به من رزقك الطيب الحلال

Kholoud 👰🏻‍♀️
Makeup .makeupartist
Veil
For booking 01028511275

Bride Amira ♥️
Makeup .makeupartist
Veil

الحمام المغربي الافضل انه يكون قبل الفرح باسبوعين مش اقل من كدا لان البشره بتتعرض لكميه بخار كبيره جدا بتساعد علي ان المسام تتفتح ودي بيكون صعب تقفل في وقت قصير فالاحسن تسيبي وقت كافي و خلال الاسبوعين دول لازم تعملي روتين بالتلج لانه بيشد البشره و بيساعد علي قفل المسام و شد البشره

تاني حاجه تنضيف البشره خصوصا لو بالبخار بنعامله نفس معامله الحمام المغربي اقل مده ١٤ يوم اما لو كان تنضيف بالابره فيستحسن يكون قبل الفرح ب ٢١ يوم

تالت حاجه لازم توقفي استخدام الريتينول ر الريتينال قبل الفرح بشهر لانه بينشف البشره جامد و كمان لازم تشربي كميات مايه كفايا خلال اليوم اقل شي ٣ لتر لان المايه بتساعدك تحافظي علي ترطيب بشرتك و بالتالي مش بتاخد اللي ناقصها من الفونديشن
Bride Amira ♥️
Makeup .makeupartist
Veil

اولا اكونت حبيبه عشان هي دي اللي هتخلي شكلك تحفه بعد الميك اب اكتر 🥰🥰

يلا بينا
الروتين اليومي الأساسي دا سواء فرحك كمان سنه او شهر او ست شهور او شهرين
دا الروتين الأساسي لاي بنوته المفروض مالوش علاقه بكونك عروسه او لا
•تنضيف البشره (Double Cleansing): بليل، استخدمي غسول زيتي وبعده الغسول العادي. ده بيشيل كل الرواسب والدهون اللي بتسد المسام وتطفي لون البشره وتخليها شاحبه او بهتانه
• الترطيب العميق: اختاري مرطب فيه "هيالورونيك أسيد" أو "سيراميد". البشرة المترطبة بتبان مليانة (plumped) وبتعكس الضوء طبيعي.
• واقي الشمس (Sunscreen): ودي أهم خطوة بالذات في الفتره اللي جايه خلي بالك الشمس هي العدو الأول لتوحيد لون البشرة. استخدميه يومياً حتى لو مش هتخرجي، عشان تمنعي التصبغات.
الصن بلوك مهم جدا جدا جدا

ثالثا روتين العروسه بقي
لو فرحك كمان 3ل 6 شهور، تقدري تدخلي مواد فعالة تدريجياً:
• فيتامين C (صباحاً): بيدي نضارة فورية وبيحمي البشرة من العوامل البيئية.
• النياسيناميد (Niacinamide): ممتاز لتصغير شكل المسام والتحكم في الإفرازات الدهنية لو عندك مسام واسعه بجد هيفرق جدااااا معاكي و في ثبات الميك اب من غير فونديشن
• الريتينول (Retinol): ابدأي فيه "بالليل" مره واحده بس في الاسبوع بعد كدا الاسبوع التاني مرتين بس في الاسبوع و بعد كدا الاسبوع التالت ٣ مرات خلاله ودي اقصى حاجه تقدري تستخدميه فيها مينفعش اكتر من ٣ مرات في الاسبوع مهما كنتي متعوده عليه ولازم بعديه ترطيب قووووي جدا هو السحر في تجديد الخلايا وعلاج الخطوط الرفيعة وتحسين ملمس الجلد. ( ولازم توقفي استخدامه تماماً قبل الفرح بشهر).
٣. التقشير (Exfoliation)
بدل السكراب الخشن، استخدمي المقشرات الكيميائية (AHA/BHA) مرة أو مرتين في الأسبوع. دي بتشيل الجلد الميت بلطف وتخلي ملمس بشرتك ناعم جداً زي الأطفال، فالفونديشن لو فكرتي تحطيه "ميجيرش" أو يقطع و كمان لو بشرتك درجاتها موحده متحتاجش فونديشن أصلا

٤. عادات بتفرق في "اللمعة" الطبيعية
• المياه والنوم: الكلام التقليدي بس نتيجته بتبان جداً بعد شهرين فلازم استمراريه و بجد المايه بتفرق كتيييييييير في شكل الميك اب . 3 لتر مية و7 ساعات نوم بيغيروا شكل الهالات تحت العين و كمان بتحسن من جوده الجلد تحت العين

نصيحة أخيرة لو عندك مشكلة محددة زي "تصبغات قوية مثلا " أو "حفر"، الـ 6 شهور وقت كافي جداً إنك تعملي جلسات (ليزر أو تقشير بارد) عند دكتور جلدية، ودي هتغنيكي تماماً عن الفونديشن. الريل الجاي جايبالكم خصومات و عروض من عيادات و دكاتره ممتاززززززين