Mona Mahmoud Processing the bride

قسما بالله العلي العظيم
انا ما هرد تاني علي اي سؤال إجابته موجودة في لينكات ال بعتهالك وال عاوزة تزعل براحتها انا محدش اشتراني 🫷

عميلة جديدة عميلة قديمة عروسة مش عروسة هتقدريني انتي علي راسي.. مش هتقدري اخرجي من صفحتي في صمت حرفيا الواحد في ال مكفية وفايض 🙌

من فضلكم برجاء منكم ال حبه تتعامل الفترة الجاية معايا تقرأه اخر بوستين علي الصفحة
عشان انا طاقتي خلصت خلاص بجد 🙌

بنات أو ستات الكلام للكل كبير وصغير عموما عروسة أو غير عروسة الكل علي راسي

اولا
انا إنسانة دم ولحم وإحساس وطاقة ذي ذيكم بالظبط ويمكن اقل منكم والله العظيم خلاص السن بيكبر والطاقة بتخلص وال عندي مش عندكم من مسئوليات والعكس .. فذي ما انا بقدركم محتاجة اتقدر وبس
انا ببعتلك كل التفاصيل ال محتاجاها وال مش محتاج لها عشان تعرفي كل حاجة ومش تفضلي مستنية ارد عليكي بي ٣ و ٥ ايام وتضايقي واعطلك عن حجز في مكان تاني لو انا مش عجبتك وأنا كمان اشوف حالي وشغلي وبيتي وحياتي انا إنسانة برضو ومتنسوش برضو اني ليه طاقة بتخلص انا مش حديد ولا افني ولا استحدث من عدم انا مش طاقة متجددة ليكم انتم وبس ...

لما انا بصحي ٣ الفجر وأخرج من بيتي ٦ صباحا واركب مواصلات مش مواصلة واجيلك وافضل واقفة علي رجلي واشتغل مع العروسة واتنين تلاتة أربعة من عندها لو حد طلب مني حاجة فوق شغلي مع العروسة وكل ده واقفة علي رجلي واللحظة ال بقعد فيها علي حيلي هي لحظة وانا بعمل رجلك والباديكير ال بيوجع ايدي ودرعاتي وجع فوق ساعتين قسما بالله في باديكير مع عروسة بياخد ساعتين عشان انتم بتمشو حافيين بعد ما انا نقعت رجلك بي ٦ ساعات في مياة واملاح وخلطات عشان ترجع ذي ما كانت قبل من انتي تهملي في نفسك وتبهدليها عشان انا بحب اطلع شغلي صح اووي مش باخد فلوس وأحط في كرشي وبس ذي غيري من الناس .... تمام بكون قبلها واقفة علي حيلي حوالي ١٠ ساعات وانتي قاعدة علي كرسي حتي لو مريح ليكي بتكوني صعبتي عليه بقولك قومي مشي رجلك قومي ادخلي التواليت قومي كولي سندوتش قومي ردي علي الموبايل قومي خدي بريك وافردي ضهرك وده ليه عشان انتي اول مرة تقعدي القاعدة دي واول مرة تبذلي المجهود ده في حياتك اصلا ف اكيد انتي تعبانة أضعاف مني بس محرجة تقولي ولكن انا جسمي اخد علي كده يتوجع امتي لما اركب وانا راجعة أو لما اوصل بيتي خلاص واكون مش قادرة اخد شاور ولا قادرة اركع اصلي ولا أسجد لله عشان ادعي واحسبن علي واحده حرفيا ذي ال حارقة دمي في الشات ده بجد وياريت ال يعرفها يقولها كده عشان ال مش بيقدر تعب الناس ربنا يبعتله ال مش يقدر تعبه ويحزنه علي صحته وعلي مجهوده العمر كله باذن الله يتردلها كلامها ال حرق دمي أضعاف أضعاف في حياتها أن شاء رب العالمين..

المهم لما اخلص معاكي ٢ بليل وانا جيالك ٩ او ١٠ صباحا وتقعدي تدوري علي حاجة تروحني واوصل للموقف والعربية تحمل الساعة ٤ وقت الفجر وتتحرك وتوصل القاهرة علي ٧ او ٨ صباحا اقل شي وبعدها اركب عشان ارجع بيتي اوصل ١٠ صباحا متخيلين صاحية ٣ الفجر راجعة تاني يوم بيتي ١٠ صباحا احسبوها انتم بقالي كام ساعة صاحية في شقي وتعب حتي لو نمت في العربية بقوم عيوني مورمة حرفيا عشان مخي شغال وانا نايمة كمان ومش هكدب عليكي زمان كان عندي صحة اركب ارد علي الرسائل واشتغل انهاردة بركب انام وقسما بالله لو العربية عملت حادثة بعد الشر عني وعن الناس ال معايا يعني مالهومش ذنب اتمني لهم الشر بس بالفرض قسما بالله هموت من غير ما اقول الشهادة حرفيا وغالبا من التعب هقوم الاقي نفسي مدفونة وبتحاسب خلاص ...

ف الأستاذة ال في البوست عاوزة تسال ٤ مرات نفس السؤال وانا اجاوب اربع مرات عشان ده حقها مين أداها الحق ده اصلا مين قالها أنها من حقها تستهلك طاقتي انا ك إنسانة ٤ مرات عشان تكون مبسوطة وعشان انا اقدم لها خدمة واخد فلوس لاني مش بشتغل ببلاش
مين قال اني بكون جاية ليكي عارفة وزنك كام وطولك كام وجسمك محتاج مني وقت ايه مين قال إنه وقت البرنامج الصح ال هوه حقي وحقك وحق الله وحق طاقتي وجسمي عليه يكون ٨ ساعات وانا اقعد في جسمك انتي بس بي ١٨ ساعة انا اخر مرة واصلة عند العروسة شغالة من ٨ صباحا مخلصة ١ صباحا عدو انتم كام ساعة وانا راضية بحكمكم عليه في حد بيعمل كده الوقت ده كله انا مش نمت مش اكلت حاجة عدلة الا كيس بيك رولز حادق وشربت شاي اخضر عشان مش أهبط وعشان انا صعب اكل وانا شغالة الغدة بتخليني اكل وانام يا جماعة افهمو انتم مش اشترتوني ولا انا بعرض عليكم اني ابيع لكم نفسي غصبن عني ..... انا إنسانة بحب شغلي وبحب الناس وبحافظ عليهم وتعبانة وشقيانة حرفيا وبرضي ربنا اووي وضميري وقلبي صاحي اووي وربنا الف حمد بيحبني اووي وانا عارفة ده كويس اووي دعوتي علي واحده ذي دي او غيرها وانا قلبي محروق هتكون وحشة اووي حسبنتي علي واحده تحرق دمي ذي دي او غيرها وحشة اووي وربنا يستجيب بجد لان انا مش ظلمت حد ولا جيت علي حد ولا زعلت حد ده انا بفكر فيكم قبل نفسي عيب كده عيب والله العظيم ال بيحصل ده عيب اووي انتي فين عقلك وانتي تبعتي كلام يحرق دم واحده ذي تعبانة معاكي ومع غيرك ...
مين اداكي الحق اصلا تستحلي تعبي معاكي اربع مرات بلا مقابل عشان عاوزة تدلعي عليه ولا علي جوزك ولا علي غيري اصلا وانا يارتني مش قدرتك ده انا قدرتك ٤ مرات وانتي جبلة حيطة مافيش دم عندك حتي ردي عليكي كان بمنتهي الاحترام وردي موجود في اللينكات ما تفتحيها وتقري وتعرفي المفروض اعمل ايه اكتر من كده ....

وفي النهاية حسبي ربي وكفي في كل إنسانة تستحل تعبي لمزاجها وتحرق دمي وتحسسني اني بلا قيمة واني أقل منها ربي يبعتلها ال يحزنها كده علي تعبها وشقاها وكرامتها أضعاف أضعاف أضعاف ويوجع قلبها ذي ما وجعت قلبي وغيرت دمي ونفسيتي حسبي ربي وكفي بالله وكيلا وبس 🙌🙏🙏🙏🙏🤲

نجع حمادي ناااااووووو
اول مرة القطار يوصل قبل ميعاده لاه وكمان جاه القاهرة قبل ميعاده ولحقته في الجيزة بعد معادي وهوه ماشي من علي الرصيف 🙈🙈🙈
وكنت هقع وانا بركب برضو وهوه ماشي من الجيزة 😌😌😌
وحجزت تذاكر درجة تانية وجنبي حد وانا مش بحب كده وبكون قلقانة اقعد جنب حد.. وانا بحجز التذاكر رجوع مافيش من نجع حمادي من بعد ٤ العصر ولا من قنا لازام اروح سوهاج من نجع حمادي بي ميكروباص عشان اركب من سوهاج القطار ال راجع القاهرة ...
طب هخلص امتي وهرجع امتي مش عارفة حاولت احجز قطار ١٢ بليل مافيش واحده صباحا مافيش تذاكر التقديم علي الجامعات قافل كل الحجوزات وواخد كل التذاكر رغم أنه العروسة بعتتلي الفلوس من قبلها ب ١١ يوم ومش قصرت بس حظي وحظها مش اد كده خالص 🙂‍↔️🙂‍↔️🙂‍↔️
لاقيت حجز كرسي في قصاد الباب درجة تانية من سوهاج الي اسكندرية تذكرة كاملة ومن القاهرة الي اسوان وانا راحة لها درجة تانية متخيلين المبلغ المدفوع ده كله وتسالوني ليه تاخدي ١٥٠٠ ج انتقالات الصعيد عشان كل ال بحكيه ده كله 🤦🤦🤦
حوالي ١٠٧٠ ج مصروفات تذاكر قطار ومن بيتي لي قطار رمسيس ومنه لي قطار الجيزة ١٢٠ ج مواصلات ولسه مش روحت بيت العروسة وحاليا انا في الكافية من الساعة ٦ صباحا لي سبعة ونص صباحا عشان خايفة اصحي العروسة عشان تعبانة وسهرانة وخايفة اقلقها وبالفعل صحيتها والله الساعة ٧ وصعبت عليه اووي واديتها نص ساعة كمان وهتحرك لها ٨ مش مشكلة انا اتعب بقول انا استحمل تعب بس انتم بتكونو في تعب كتير الفترة دي وانا بحاول في يومي انا اكون الحاجة الحلوة ال شوفتوها بعد الغلب ال قابلتوه في فترة التحضيرات دي كلها 🩶🩶🩶🩶
وللأمانة البنت محترمة وجميلة واسمها وردة وهي تعاملها رقيق كالوردة بجد بس حظنا انا وهي قليل مع بعض مش متظبطة خالص وطاقة الاوردير ده مش حلوة خالص بتمني تخلص علي خير وارجع بيتي علي خير ... لاني مش لاقيت غير حجز كرسي درجة تانية الساعة ٥ وتلت صباحا من سوهاج الي القاهرة وحاجزة تذكرة كاملة برضو لحد اسكندرية عشان هوه ده المتاح والموجود وال اراده ربنا ...
بس بجد كفاية الخضة اني اركب قطار وهوه ماشي وبيتحرك وناس تمسكني وتشلني وتشيل حاجاتي ويخدوني في حضنهم ويمسكو ايدي ويفضلو جنبي لحد ما اخد نفسي ويجبولي مياة عشان اعرف اهدي وضربات قلبي كانت فوق الاحتمال ونفسي كان مش موجود والناس علي رصيف الجيزة كلهم صوتو صوات وخافو عليه بشكل مرعب بقيت عاوزة انزل ابوس دماغ كل شخص خاف عليه والله العظيم.. عشان هوه دول ال ربنا بيبعتهم ليه ويكونو ملائكة الأرض بسبب عملي الحلو معاكم وضميري ال شغال من قلبي لوجه الله اولا مش الفلوس اولا 🍀🍀🍀
من اول يوم اشتغلت فيه صعيد من ١٤ سنة ودي رابع مرة يحصل فيها المشهد ده فيه مرة كان قطار واحده وتلت صباحا ولحقته وركبت وناس شالوني انا وحاجاتي حرفيا وهوه خلاص بيجري علي الرصيف 🙈
خلو بالكم انا بكون نازلة من البيت قبلها بساعتين بس ربنا بيبعت اي شي يعطلني يعني امبارح سواق نزل في نص الطريق اتخانق مع اتنين ستات وضربهم او اتنين بنات وضربهم عشان شتموه وهوه ماشي وراح من وقتي نص ساعة وانا اقوله عندي ميعاد قطار وهوه عصبي ويسوق بجنون ف انا حرفيا قلبي كان كده كده هيوقف من الموقفين وراه بعض عشان كده ركبت القطار نمت وقمت تعبانة ومصدعة وبطني وجعاني وعمالة قاعدة اشرب ينسون ونعناع في المحطة عشان اهدي شوية مش بهدي عاوزة اروحلها وانا نفسيا احسن بجد وهي تكون صحيت مش معقولة اكون رخمة معاها عشان ال انا شوفته 🙈🙈🙈

اتمني يكون ال جاي احسن وحظ افضل باذن الله 💚💚
ربنا يحفظنا جميعا 🫂🤲💚🍀

ال هتحجز باكدج الخامات الشخصية في محافظة نجع حمادي او سوهاج هنتقابل تاخدية مني بعد الساعة 8 مساء باذن الله الي 12 مساء
بدون شحن

ال محتاجة باكدج الخامات الشخصية ال ب1000 ج في نجع حمادي او سوهاج باذن الله موجودة هناك يوم 17/8
بدون شحن

عرايس شهر ٩ احجزي من الآن 👌🙌
ال بتفكر لسه بتوع اخر وقت 🙈🤦
مش هشتغل يومين وراه بعض مهما عملتي كفاية حوارات ومشاكل شهر ٧ & ٨

لسه في حد منكم محتاج يحجز في شهر ٨ يا بنات .. بتوع اخر وقت ولحظة ال بيفكرو كتير .. هقفل حجز ٨ يوم الاتنين القادم 🙌

ادي الاشكال المريضة ال بنشوفها كل يوم بعد ما اطفح الدم معاكم في رسائل وبعدها في شغل جوة بيتك واجي ارد عليكم اشوف الهم التقيل ده