Mai Mahrous SkinCare Expert

ومساء الجمال علي كل الجميلات المصريات وغير المصريات انهاردة مصر بتحتفل بافتتاح المتحف المصري الكبير وبالمناسبة دي قولت اتكلم عن التجميل عند القدماء المصريين .المصريين القدماء اول من اخترع مستحضرات التجميل من مكياج وعطور وادوات العناية الشخصية واللي انتقلت من خلالهم لجميع دول العالم واصبحت صناعة عالمية.
استخدم المصريين القدماء ادوات التجميل والعطور والمراهم في الطقوس الدينية والتجميل والوقايه من الأمراض.
ومن اهم المواد اللي استخدمها القدماء المصريين
1- الزيوت والكريمات للوقاية من اشعة الشمس وحمايه الجلد من الرياح الجافة.
2- الكحل كان اساسي في الحضارة المصريه للرجال والنساء ولحمايه العين من الالتهابات وللتجميل ومن الطقوس الدينية وكان بيتكون من النحاس والرصاص واللوز المحروق والرماد مع عصير البصل.
3- احمر الشفاه وكان يستخرج من معدن الهيماتيت ومن الاحجار زي أوكسيد الحديد ومصادر حيوانيه زي دم الغزال وبعض الزهور زي زهرة الكاركاديه والبنجر. وخلطها مع زيوت طبيعيه.
4 - الماسكات الطبيعية استخدموا الاقنعة للجسم والوجه من اللبن والعسل وزيت الزيتون والحلبه والترمس المطحون وماء الورد والرز المطحون والدقيق المطحون ويعتبر حمام كليوباترا من أشهر الأشياء للعنايه بالبشرة وكانت تستخدم مغتس حمام اللبن بالعسل للحفاظ علي نعومة بشرتها.
5 -صنفرة الملح اللي استخرجوها من البحر لقدرة املاح البحر علي تجديد خلايا الجلد وعلاج بعض الامراض الجلدية وإخراج الطاقه السلبيه من الجسم.
6- تونر الورد والروز ماري اللي كانت بتستخدمه كليوباترا في غسيل وجهها اللي بيطهر البشرة وبينظفها وبيحافظ علي نضارة وشباب الجلد.
7- زيت الزيتون سواء للبشرة او الشعر واستخدموه في تنظيف الجلد ومرونته واعطائه النضارة واللمعة الصحيه لاحتوائه علي مضادات الأكسدة والاحماض الدهنية .
8- الزيوت للشعر استخدموها في تصفيف الشعر وصنعوا مثبت لتصفيف الشعر من دهون الحيوانات والشموع والزيوت وبرعوا في علاجات الشعر والحفاظ علي الشعر من الصعلبه والصلع الوراثي.
9- طمي النيل واللي استخدمته المرأة المصريه في العناية بالبشرة والجسم والوجه لما فيه من فوائد عديدة لنظافة الجلد كما استخدموه في صناعة الصابون المكون من الطمي مع الزيوت العطرية. لو عجبتك النصيحة شييريها عندك عشان اكبر عدد من الجميلات يستفيد وكل نصيحة وانتم جميلاتي جميلات مي محروس #كليوباترا.

يا مساء الجمال علي كل جميلاتي نصيحة انهاردة عن الرمان سواء عصير الرمان ودبس الرمان وزيت الرمان . الرمان غني بحمض ودهون أوميجا3 المشهورة بتجديد خلايا البشرة وإنتاج خلايا جديدة ،كمان بيحتوي على فيتامين A-E اللي بيحافظوا على شباب البشرة و فيتامين ج لعلاج البشرة الدهنية والتحكم بإفرازاتها،وهو يحتوي على نسبة من المعادن لصحة البشرة مثل الزنك والكالسيوم والبوتاسيوم وحمض الفوليك وهكذا يساعد في علاج الحبوب والبقع الداكنة،كمان إحتوائه علي عناصر مضادة للإلتهاب وتساعد على شفاء الجروح ،و الرمان غني بأحماض اﻷلفا هيدروكسي والمواد المضادة للتأكسد ، مايجعله سلاح لمحاربة الشيخوخة
-كيف تستخدم بذور وعصير الرمان؟
عند ضرب الرمان في الخلاط نستخدم العصير في الماسكات ونستخدم البذور بعد تصفية العصير في عمل اسكرب مقشر للبشرة وده بيكون بتجفيف البذور وطحنها وإضافة شوية زيت زيتون أو عسل لو البشرة دهنية وصنع عجينة توضع على الوجه مدة 15 -30 دقيقة ونفركها في حركات دائرية ثم إغسليها تستخدم لتقشر الوجه والجسم وإزالة الخلايا الميتة المتراكمة وتخلص البشرة من الدهون الزائدة . ماسك كمان وهو ماسك رائع للبشرة وهو عبارة عن 3 معالق عصير رمان مع ملعقه صغيرة ماء ورد مع ملعقه كبيرة بودرة تلك مع ملعقه زيت زيتون و لوالبشرة دهنيه ضيفي ملعقه ليمون و يوضع على البشرة نصف ساعة.
فوائد دبس الرمان للبشرة:
يقوم دبس الرمان بالحفاظ على نضارة البشرة ونعومتها. يعمل على تأخير ظهور علامات الشيخوخة على البشرة، فهو يحتوي على مضادات الأكسدة بالإضافة إلى فيتامين (C).كمان بيساعد البشرة على إنتاج مادة الكولاجين المهمّة.يساعد في التخلص من حب الشباب. ينظف البشرة بشكل جيد ويرطبها فهو مرطب فعال للبشرة الجافة وده لو استخدمتيه علي وشك كل يوم بليل بعد غسل الوجه بغسولك المناسب بواسطة مسح الوجه بقطنه بدبس الرمان وتركه علي الوجه نصف ساعة بعدها إشطفيه وامسحي وشك بماء ورد وحطي كريم مرطب .
فوائد زيت الرمان للشعر والبشرة :
- يعمل زيت الرمان على علاج الشعر التالف والمتقصف والشعر المصبوغ حيث يعمل زيت الرمان على تثبيت لون الصبغة لمدة أطول .
- يعمل زيت الرمان على تجديد خلايا البشرة وحتى الطبقة الداخلية للبشرة بتنشيط الدورة الدمويةو التخلص من علامات التجاعيد والخطوط الرفيعة التي تظهر على الوجةو علاج الأكزيما والتشققات الجلدية وحروق الشمس .
يا رب أكون قدرت اقدملكم شرح وافي،لو عجبتك النصيحة يا ريت لايك وشير عشان اكبر عدد من الجميلات يستفيد وكل نصيحة وانتم جميلاتي جميلات مي محروس #بشرتك

يا مساء الجمال علي كل جميلاتي نصيحة انهاردة بخصوص المسام الواسعة في الوجه وجتلي أسئلة متكررة من ناس كتير اوي عنها وبتكون دايما عند البشرة الدهنية وحلها
●1- استخدام غسول مناسب للبشرة الدهنية صباحا ومساء ويليه استخدام تونر عشان يظبط ال ph للجلد ويقلل افراز الدهون .
●2- استخدام سيرم الناسيناميد وهو فيتامين B3 لانه بيقلل افراز الدهون وبيوحد لون البشرة واثار الحبوب ويقبض حجم المسام .
●3-استخدام مرطب مناسب للبشرة الدهنية يحتوي على ساليسيلك اسيد لتنظيم افراز الدهون .
●4-استخدام روتين اسبوعي للبشرة مكون من سكرب لازالة الخلايا الميتة اولا بأول يليه ماسك طمي Clay mask لعمل ديتوكس لخلايا الجلد وتنظفها.
●5-عمل جلسة تنظيف بشرة عميقه عند متخصصة بشرة مرة شهريا و بعدها جلسة ديرمابن او Microneedling بميزوثيرابي مخصص للمسام.
●6-حاولي تدخلي ماء الورد أو الليمون في أي ماسك بتعمليه وكمان مشي تلجة علي وشك صباحا ومساء
●7-حولي تستخدمي دايما مية باردة مش سخنة في غسيل وشك
●8- النشا من الحاجات الهايلة لتضييق المسام فاعملي ماسك نشا بزبادي ساقع بنقطتين ليمون يوميا مساء قبل النوم بعدها اشطفي وشك و امسحيه بقطنة بتونر وحطي كريم الليل. الماسك ده للبشرة الدهنية والعادية بس الجافة تعمله من غير ليمون الماسك ده بجد هايل بينظف ويفتح وبيضيق المسام الواسعة . جميلاتي كل نصيحة وانتم جميلات. #بشرتك

صباح الجمال علي كل جميلاتي فيديو من ٥ سنين

النهاردة ميعادنا مع رابع حلقات weekly Lady Talent 😊😍 مع Mai Mahrous makeup Artist and Skin Care Expert حلقات 💗 Ladies Got Talent 💗 الإسبوعية بتقدملكم كل اسبوع سيدة أعمال ناشئة بتحكيلنا مشروع كفاحها ونجاحها وبتعرفنا على منتجاتها والخدمات اللي بتقدمها للمجتمع. لو عايزة تبقي الليدي اللي تحكي قصتها وتعرفي الناس بمشروعك في حلقة اسبوعية تبقي فيها انتي المصورة والمقدمة لنفسك و لمشروعك/شركتك؟ سجلى بياناتك في الفورم دي https://forms.gle/9LwkhAkkN7osP2um8 اتعرفوا معانا على خبيرة التجميل والعناية بالبشرة المبدعة @mai mahrous المحترفة في تنظيف البشرة والميكاب تواصلي معاها عبر: page : Mai Mahrous Makeup Artist and Skin Care Expert Instagram https://www.instagram.com/invites/contact/?i=1n1rtvr73lchg&utm_content=nmxzon #LadiesGotTalent #WeeklyLadyGotTalent

مساء الجمال علي كل جميلاتي اللي منورني انهاردة هتكلم عن انتفاخات العين واسبابها وعلاجها واللي مظهرها بيكبر في السن
أسباب انتفاخ ما حول العين:

أولا: قلة النوم وعدم الحصول على وقت كافي للنوم
ثانيا: التعب والارهاق والحالة النفسية
ثالثا: كثرة البكاء. خصوصا البكاء قبل النوم .
رابعا: التدخين.
خامسا: الحساسية والتي تنتج بسبب التغير المفاجئ والسريع في حالة الجو من الدافئ الى البارد وتكون أيضا من الأطعمة.
سادسا: التقدم في السن حيث ترتخي العضلات
سابعا: تراكم الدهون في الوجه والخساسان المفاجئ

طرق التخلص من هذه الانتفاخات:

أولا: وضع مكعبات الثلج على منطقة الانتفاخ ولها تأثير كبير.
ثانيا: وضع شرائح الخيار على العينين من 15 الى 30 دقيقة.
ثالثا: وضع أكياس شاي باردة لدقائق سواء اخضر او شاي عادي
رابعا: الاكثار من شرب السوائل بما يتراوح بين اللترين.
خامسا: وضع كمادات بالماء البارد.
سادسا: تجنب فرك العينين.
سابعا: النوم بما لا يقل عن 8 ساعات.
ثامنا: وضع كريم العين يوميا صباحا ومساء في حركات دائرية من بره لجوه لتنشيط الدورة الدموية للعين وكريم العين حسب السن .
لو عجبتك النصيحة شييريها عندك عشان اكبر عدد من الجميلات يستفيد وكل نصيحة وانتم جميلاتي....مي محروس.

صباح الجمال علي كل جميلاتي حلقة من ١٠ سنين عن الماسكات الطبيعيه للبشرة

خبيرة التجميل والعناية بالبشرة / مي محروس وماسكات طبيعية للبشرة ..برنامج دانتيل Nyd de videoer og den musik, du holder af, upload originalt indhold, og del det hele med venner, familie og verden på YouTube.

يا صباح الجمال علي كل جميلاتي اللي متابعني و نصيحة انهاردة عن زيت البقدونس وهو رائع جدا جدا للبشرة لأنه بيزيل الحبوب والبثور الصغيرة وينقي البشرة واستخدامه بيكون بعد غسيل البشرة بالغسول اليومي يمسح الوجه بقطنه بالتوتر ثم يدهن زيت البقدونس زي الكريم ويكرر مرتين يوميا و شوفي جمال بشرتك ونضارتها شرط متكونيش خارجة في الشمس
ومن استخداماته الآخرة علاج التهاب البشرة بعد الفتلة أو علاج الجروح والحروق كمان التهاب الثدي أثناء الرضاعة 👍👍👍🌺🌺🌺 وفيه خلطات طبيعيه للبقدونس نفسه زي منقوع البقدونس و طريقه المنقوع
تسخني ميه لحد الغليان وبعدين تحطي فيها بقدونس وتخليه عشر دقايق وتصفيه بعدها تعصري عليه نص ليمونه وتحطيه في مكعبات ثلج و مرريه علي وجهك مرة في اليوم ده بيساعد علي توحيد لون البشرة لو في غمقان أو كلف أو بقع كمان بيعالج البشرة ذات الحبوب لو ادهن يوميا علي الحبوب الملتهبة
غير بقي فوائده الكتيرة لعلاج الغدة الدرقية وأمراض القلب والسمنة لو يتشرب منه فنجان صباحا ومساء لو عجبتك النصيحة شييريها عندك عشان اكبر عدد من الجميلات يستفيد ... يا رب اكون افدتكم وكل نصيحة وانتم جميلات ...❤️مي محروس ❤️. #بشرتك

و ياصباح الجمال علي كل الجميلات الصغيرات وكل سنة وانتم طيبين وعام دراسي سعيد أن شاء الله . جميلاتي بنات إعدادي وثانوي والجامعة دي بعض النصائح عشان تحافظي علي بشرتك نضرة .:
1 -استخدام غسول مناسب لنوع البشرة صباحاً ومساء
2 -مسح الوجه بقطنة بتونر صباحا ومساء
3 -وضع صن بلوك قبل الخروج
4 -خدي معاك أكل صحي عبارة عن ساندوتش وثمرة فاكهة و أي حاجة من الخضار زي الخيار أو الجزر وبلاش الأكل الغير صحي لأنه بيضر البشرة زي الشيبسي والمقليات و كل الحاجات المكيسة والمعباءة ... صدقيني سندوتشات ماما بتاعت البيت احلي وأحسن ومش عيب ولا حاجة أن تاخدي أكل من البيت .
5 -اشربي مية كتير وخدي معاك ازازة مية كبيرة وعصير طبيعي وبلاش مياه غازية .
6 - اهتمي بشفايفك لاننا داخلين علي الشتا وخلي معاك دايما زبدة كاكاو شفافة ها بلاش حوار زبدة الكاكاو الحمرا ده في المدرسة ولو في الجامعة حطتي درجات روج هادية .
7 -وانت بتذاكري بلاش لب لأنه بيوتر و بيعمل عدم تركيز وعامل زي الإدمان اول ما تأكليه تفضلي تأكلي لحد ما تخلصي الكيس وده بيزود الحبوب في البشرة .
8 - بلاش اللعب في أي حبوب تطلع في البشرة وحطي عليها مرهم مضاد حيوي فيوسيدين لو ملتهبه او زنكوديرم كريم.
9 - خلي دايما فوطة صغيرة لوشك خاصة بيك وبلاش تنشفي في فوطة الحمام اللي بينشف بها اللي رايح واللي جاي ونقول بعدها وشي طلع فيه حبوب .
10 - الاستحمام اليومي والنظافة الشخصية مهما جدا للبشرة واستخدام أدوات ومنتجات اصلية من الصيدلية من شامبو و بلسم وسيرم وشورجل وغسول وتونر ومعجون أسنان ومزيل عرق وكريم مرطب وزبدة كاكاو شفافة ... ها ..
وأخيرا وليس مؤخرا لازم تعرفي سيدتي الصغيرة أن الاهتمام بألانوثة يبدأ من سن 12 سنة مش قبل الزواج فقط وياما بنات بيعلجوا البقع وآثار الحبوب والغامقان والبثور والرؤوس السودا بسبب عدم اهتمامهم بنفسهم من سن صغير وده دور كل أم عندها أنثي صغيرة في البيت . كل سنة وانتم جميلات .... ❤ مي محروس ❤️ #بشرتك

مين قال انك لازم تكون محبوب من الجميع ؟؟
ماهو لو انت ابن اصول هايكرهك الواطى
لو انت شريف هايكرهك الحرامي
لو انت ناجح هايكرهك الفاشل
لو انت عندك ضمير هايكرهك عديم الضمير
لو انت ليك حضور هايكرهك اللى مش عارف يبقي زيك
لو انت صادق هايكرهك الكداب
لو انت محبوب هايكرهك المكروه
هتلاقي فى الاخر ان كلما زاد عدد اللى كارهينك كلما دل على انك شخصية ناجحة جدا
لان الناس الكويسة وقلبها ابيض ماعندهمش وقت للكره ولا وقت يضيعوه مع هؤلاء ولا شايفينهم من أساسه 👌🏻 والحمد الله علي شويه الناس الحلوة اللي في حياتنا الوحش مش عايزينه يخليه مع اللي زيه ...❤️مي محروس ❤️