HY Naturals

منو القال ليك النضارة معناها تغيّري لونك؟ 🤔

كل لون و ليهو سحرو 🤭💚..

بنشوف بنات كتار بباروا الخلطات والكريمات الحارة..
بس عشان يجاروا ضغط المجتمع وكلام الناس..

والنتيجة؟ يدوووب بقو في مشاكل أكتر و ضغط أعلى.. لمن حاجز بشرتهم يتدمر و تجيهم تصبغات💔

المشكلة عمرها ما كانت في لون بشرتك.. المشكلة في البهتان 💚..

يا يمة رطبـي قدرتك.. و ديييك يا العروكات و ديييك يا الاسكربات

و التقشير برضو مااا فيهو مشكلة 💚..
بس التفتيح دة خليك بعيدة منو..

و احنا هنا في هاي ناتشورالز ح نساااعدددك 😁..

و بنقدم ليك روتين عناية يومي متكامل مستوحى من خيرات طبيعتنا السودانية ( العرديب، صمغ اللبان، التبلدي، والكركديه)..

ومصنوع بمعايير علمية دقيقة 💚.. عشان 👇🏻

* يعالج مشاكل المسام والحبوب..

* يرطب بشرتك بعمق ويحمي حاجزها الطبيعي..

* يدي وشك النورة و الإشراقة و ثقة..

حبّي لونك، واهتمي بصحته، لأنو بشرتك دايماً بتستحق الأفضل💚..

دقيقة.. ادينا قلب يلا 😒

صمغ اللبان كان زمان حكر على " البخور " والوصفات البلدية، لكن أسي بقى هو الملك في عالم العناية بالبشرة..

اللتر الواحد من زيت صمغ اللبان حالياً بـ 40 ألف جنيه مصري عند بعض البراندات المحترمة.. ما يعادل ٣ مليار ج سوداني بدون مبالغة 🙃..

فلو كنتي قايلاهو للبخور و الريحة السمحة في البيت..

تعالي أوريك السحر الحقيقي الما قالوهو ليك 💚..

بتتذكري زمان لما حبوباتنا كانوا بيبلو اللبان في الكاسة ويمسحو بيهو وشهم؟

كنا شايفنو كلام حبوبات ساي ( أحلى ناس الحبوبات) ♡..

بس احنا أخدناهو وصفّيناهو ليك بتركيز عالي عشان بشرتك تستاهل الدلال..

و أسي العلم أثبت إنو اللبان دة بحلحل مشاكل كتيير 😁، يعني مثلاً لو:

* وشك باهت و ما فيهو نورة ..

* بشرتك مرخية كدة و ما مشدودة ..

عليك بي السيروم دة.. نقط منو بالليل قبل تنومي..

بالمواظبة إن شاء الله ح تلقيهو بقى 👇🏻

✅ مشدود زي المراية.

✅ منور وفيهو لمعة و نضارة ( حرفيييا الناس حيسألوك عاملة شنو!)..

منو فيكم جربت منقوع اللبان في البيت؟ وعارفة إحساس الشد بتاعو؟

المرة دي ما حتتعبي في البل والتصفية، السيروم جاهز ومستنيك طوالي.. اطلبي هسي و الرقم ف الكومنتات 💚..

لمن جاتك أول مرة.. عملتي شنو؟ 🫣💔

متذكرة أوّوّوّل حبة شباب ظهرت ليك في وشك؟.. والرعب الخلاك تتحولي لخبيرة تجميل و تجربي وصفات المطبخ كلها 🤣

معجون الأسنان: قالوا بـ ينشف الحبة .. نمتي و صحيتي بحروق داكنة وجفاف قعد شهور 💔

الفحم والملح: قالو ليك بتقلع الخبة من جذورها .. والنتيجة دمرت حاجز البشرة ونشرت الحبوب أكتر! 🌚

الخلطات العشوائية دي هي السبب في انو الحبة العابرة تتحول لبقع وعلامات عنيدة و آثار تستمر بالشهور 💔..

بشرتك ما محتاجة دة كلو.. محتاجة علاج علمي مدروس يسيطر على الحبوب بدون ما يأذيها 💚..

شاركينا في التعليقات:
أغرب أو أكعب وصفة جربتيها في بداياتك مع الحبوب شنو؟ (كلنا في الهوى سوى! 🤫👇)

يبنااااات القشششرة بتطلع بي شنووو 😭😭
عندي قشرة لاصقة ما قادردة أطلعها 😭

حصل قلتي الجملة دي؟ 😁
حصل استخدمتي مقشر و القشرة أبت تطلع؟ 😁

الليلة احنا جينا نريحك من التفكير.. و الحيرة 😓

قشرة يعني يوريا..

يوريا يعني هااااي ناتشورالز 😁

💚. كريم التركيب باليوريا 10٪؛ و زبدة الشيا، بإذن الله يطلع القشرة و يطلع حنانها 😁😂💚💚

تاني معاهو ماف وحدة ح تشتكي من القشرة 👌

اتمسحي صباح و ليل و مساء و نهار، و خلي سمك حريييير 💚

و القشرة اللايوقة ح تفارقك و تلخقي مناسبات بمزاااج 😁

طبعا عارفين الطلب من وين صح؟

البوست دة جاكم في جرح.. اعملو save من أسي..

طبعا دة الروتين المناسب لي اغلبكم انا عارفة 😁😂😂..

مناسب للطالبات المصدر دخلهم محدود..

مناسب للموظفات العاوزين حاحة ساهلة قبل يطلعوا ..

مناسب للأمهات الما عندهم وقت..

مناسب للبنات الصغار اليادوووب عاوزين يبدوا يهتموا ببشرتهم..

باختصار الروتين من أبسط الروتينز الممكن تمشي عليها 💚..

غسول مناسب لنوع بشرتك..
و احنا عندنا ليكي الغسول المناسب 💚..

تونر يشد البشرة و يقبض المسام، و ينعنش بشرتك، خااااصة لو كنتي في بلد زي السودان..

سيروم الذي لا غنى عنه لا لكبير و لا لصغير..
و الحلو أنو مناسب لكل أنواع البشرة وآمن للحوامل والمرضعات 💚..

طبعا الروتين دة سعرو هديييية و في منو مقاس صغير و واحد تاني كبير 💚..

أسألي عن سعرو ف الكومنتات 😁💚..

كلنا عارفين السيناريو بتاع أنو يكون عندك عرس، تخريج، أو أي مناسبة مهمة ومجهزة أي حاجة و متحمسة..

و تصحي الصباح تلقي حبة منورة في نص وششك.. كأنها معزومة معاك! 💔

حبة المناسبات بدل ما تحاولي تخفيها بالمكياج وتزيدي الطين بلة..

الحل بقى عندك في خطوة واحدة وبمنتج طبيعي وعلمي في نفس الوقت 😁ميسلار العرديب بالسالسليك أسيد..

ليه الميسلار ده بالذات هو المنقذ؟

💚. السالسليك أسيد (Salicylic Acid)
بيمشي طوالي بيدخل في المسام، بيقشر الخلايا الميتة، وبيدوب الدهون اللي مسببة الحبة عشان تنشف وتختفي في أسرع وقت..

💚. سحر العرديب
غني بمضادات الأكسدة والأحماض الطبيعية (AHA) اللي بتنضف البشرة، بتفتح مكان الحبة أو الأثر بالاستمرار..

💚. دة غير أنو بيمسح الأوساخ والمكياج والدهون الزايدة من غير ما يجفف بشرتك أو يهيج الحبة.

بللي قطنة بميسلار العرديب والسالسليك، وامسحي وشك بالكامل وركزي على الحبة..

دخليهو في روتينك الصباحي والمسائي.. وشوفي كيف الحبة حتلملم حاجاتها وتمشي ! 👋

اطلبيهو حالاً واستعدي لمناسباتك بكل ثقة الدنيا 😁

رقم الاستشارات و الطلبات
https://wa.me/249990262611

يومك في السودان يعني..

تعب

ارهاق

شمس

زيت بقفل المسام

عرق بقفل المسام

غبار بيقفل المسام

و مكياج

و بقايا واقي شمس

كل الحاجات دي لو ما عرفتي تتخلّصي منها كوويس و تهندليها كوويس و تشيلي أي ذرة فيها.. وشك ح يتحوول لي كااارثة 💔

ميسلار العرديب بشيل البقايا و بنضف المسام..

كلمة ميسلار أصلا معناها مغناطيس، لانو بجذب البقايا زي المغناطيس 💚..

و كمان فيهو السالسليك اسيد البدوّب الدهون 💚..

مناسب للبشرات العادية و الدهنية كمان 👌

لو عندك أي سؤال.. اسالينا ف الكومنتات 👇🏻

قالت في يوم من الايام وشي كان هااايج و محبحب ( مليااان حبوب) 🤣

بعد ما فشلت كل الحلول أنها تظبطوا لي و توقف الحبوب 😔..

جات عمتي و لقتني محتااارة و حكيت ليها الحاصل..

فإذا بها تقول لي جربي الفازلين بالملح 🫣..

أيوووة الفازلين بالملح في وشي عدييل كدة..

لولا أني متأكدة من حبها الشديد لينا كان قلت عمتي حربوية🫣

لكن عارفة أنو النصيحة دي قد تكون هي جربتها و ظبطت معاها صدفةً..

لكن دي حاجة مستحيييل نعممها، و مستحيييل ننصح بيها ناس البشرة الدهنية..

الازاليك قصر في شنو؟ الساسلسليك، الجليكوليك، البنزويك أسيد، السلفر و غيرهم و غيرهم..

فازليييين؟

فازلييين انتو جادييين؟

الحمد لله البتنا طلعت واااعية و ما سمعت كلامها..

عليكم الله أخرف خرافة سمعتوها كانت شنو؟ 😭

أسرة هاي ناتشورالز تهنّـئكم بحلول عيـد الاضحـى المبارك 💚..
أعاده الله عليكم باليمن و البركـات 💚..

و بتقول ليكم ينعاد عليكم في بيوتكم آمنييين مطمئنيين
لا فاقدييبن و لاا مفقووديين 💚..

بما أنو الدنيا عيد و العيد عيد شيّـة 🤤

و إنتي أسي قاعدة تفكري كيف أقدر أستمتع بالشيّـة و الشطة من دون ما تطلع لي حبوب 🤔

احنا بتقول ليك في حاجات بسييييطة تلتزمي بيها 😁..

💚. مثلا :

تشربي موية كتييييير، و دي اتكلمنا عنها كتير قبل كدة..

تلتزززمي بي روتينك كااامل و ما توقفيهو عشان تخففي الأضرار 😂..

و أهم حاجة في روتينك منتجات السالسليييك أسيد البتفتت الدهون و تذوبها..

ميسلار العرديب ماااا يفارقك أبداً 💚.. و ممكن تخليهو على وشك ما تغسليهو..

و آخر و أهم حاجة..
استمتعي هو الواحد بعيّـد كم مرة ف السنة؟ يعني شنو لو جاتك حبة؟
احنا ما لازم نكون بيرفكت طول الوقت، المهم نكون مبسوطين 😁💚💚..

و كـل سنة و احنا بنهتم بيكِ 💚..