hala Fawzy Abo Samra

1️⃣ خلي بالك ان طفلك يكون نايم كويس
أو تعرف الموجودين انه ناقص نوم 😴

2️⃣من اول سن السنة
لو قاعدين في قعدة عائلية و حد بيتنمر على طفلك حتى لو كبير لازم تردي بشكل محترم وضروري تردي علشان طفلك يحس ان في حد بيهينه أو أن محدش قادر يدافع عنه🥹

مثال :
- إنت نكدي ليه كده!
- لا يا جدو ده (فلان) جميل و حبوب جدا

3️⃣من سن 3سنين
زيارة الناس لينا من الحاجات اللي بتحسسنا بالعيد
لكن ضروري تمهدي لطفلك ان في ضيوف هتزورنا🤍
و انه مثلا لو بيحب العاب معينة مش بيوافق حد يلعب بيها هيحتاج انه يعينها في مكان علشان يحافظ عليها و يقدر يلعب بيها بعد ما الضيوف يمشوا
ويطلع الألعاب اللي يحب يلعب بيها مع الأطفال اللي هتيجي
والاحسن اننا نقابل بره الأماكن المفتوحة هتدي مساحة للطفل انه يجري و يلعب براحته في مناطق واسعة والأفضل تكون حدائق 🤍

4️⃣العيدية 💸
من سن 3سنين
نتفق مع الطفل ان لو حد قدم ليه عيدية يشكره بكلمة مهذبة و اختارو سوا الجمل المناسبة
و بلاش فين العيدية يا عمو❌

5️⃣من سن سنة
القعدة مع بعض كأسرة من أهم اهم اهم الحاجات اللي طفلك محتاجها علشان يتملي حب وقيم من صغره🫂
بهجة البيت تيجي باللعب الجماعي زي :
استغماية. البالونات. حرب المخدات. بوكس بس براحة دي لعبة 😅😂
أو اخترعوا آنتو لعبة تحبوها
لكن المهم ان يحصل ضحك في البيت مش بس علشان بابا نايم مش عايز صوت ولا اهدى مش عايزة دوشة
ركز انت بتعمل ذكريات هتعيش معاه🤍🫂

6️⃣كوباية الشاي
تعرف ان كوباية الشاي هي معيار أمان البيت
بكوبايتين شاي بتاعت ماما وبابا الطفل هيشوفكم قاعدين مع بعض جنب بعض بتتكلموا بتهزورا😃
هيعرف منكم إزاي يتعامل وازاي يتكلم🤍
و بعد سنين وسنين هيعمل كده مع زوجته أو البنت مع زوجها انتم المصدر❤️

رمضان كريم 🌙🌠

كوتش / هالة فوزي أبو سمرة

🏅تقديم ورقة العمل بعنوان التنوع والشمول فى بيئة العمل من منظور البطاقات العليا الأربعة

...كوتش. هالة أبوسمرة 🏅

اللهم اجعله طاعة لك فى الارض وقربى لك يوم العرض
جمعتكم طاعة وعبادة

أكاديمية كيان الدولية كشريك حياة نجاح للمنتدى الثقافي التدريبي الدولي

حضرت ورشة بالأمس (حزم فى عصر اللين )
لمست فيها قمة الاحسان❤️

بجد الورشة وماقبلها ومافيها ومابعدها علمتنى لمتدربة ومدربة الكثير والكثير

#دمتم محسنات

الترويقة المرة دي في مكان مميز و روحه حلوة و استمتعت لما كنت فيه🥰

هستناكم بكرة يوم الأربعاء ان شاء الله في Maraj lounge الساعة 9

يومكم هنا 🌷