Acacia for COSMO

الزبادي 🙏
معروف ان ماسك الزبادي من اسهل و اسرع الماسكات الي مممن تتعمل و بتنور الوش كدا و بتعمل عظيمة حرفيا ❤️
تعالو سوا نعرف فوائد الماسك ده بشكل علمي و بالتفصيل ❤️

1. بيرطب البشرة جدااا و يمكن ده بيبقي الهدف الرئيسي لماسك الزبادي ، خصوصا مع العسل ❤️ ، و ده لانه بيزود احتواء البشرة من الميا و كمان بيديلها نضارة و اشراقة تحفة 🌟

2. بيقلل التجاعيد و الخطوط الرفيعة ف البشرة 👌 و ده بسبب احتواءه ع حمض اللاكتيك الي بيعمل ك مقشر للبشرة و بيشيل طبقة الجلد الميت من ع الوش عشان يدينا بشرة صحية ، مشرقة اكتر ، و شبابية 👌😉

3. بيحارب حب الشباب و بيعالجها 😇 و ده لاحتواءه ع كمية كبيرة من الزنك " اتكلمنا عن دوره ف محاربة الحبوب قبل كدا" و كمان حمض اللاكتيك و دول فعالين جدا ف محاربة الحبوب ❤️👏

4. ماسك الزبادي و اللمون قادر انه يزيل آثار الحبوب و البقع الغامقة الي ف الوش و يدي الوش اشراقة جميلة جدا ❤️ و ده طبعا بفضل اللاكتيك اسيد الي موجود ف الزبادي و بسبب مكونات اللمون الي اتكلمنا عنها قبل كدا 🌟👌

5. كمان الزبادي حلو جدا للهالات السودا و انتفاخات العين ، و ده لان الزبادي مضاد لالتهابات ف قادر انه يخفف من اتفاخات العين و كمان اللاكتيك اسيد بيقدر انه يقلل من شكل الهالات السودا بشكل تدريجي ❤️

6. بيقدر يشيل علامات الشمس و الحروق الي بتتعرض ليها البشرة بسبب الاشعة الفوق بنفسجية و التعرض المستمر للشمس و الي بيدمرو البشرة ، الزبادي بيقدر يعالج العلامات دس و يصلح الضرر الي ف البشرة و ده بسبب الزنك و لان الزبادي مضاد للالتهاب ❤️🌟

طب و الشعر
نستخدمه ازاي بقي 🤔
*ماسك الزبادي التقليدي ، بنجيب كمية زبادي مناسبة حوالي معلقين كبار و نضربهم بالمعلقة شوية عشان يبقي قوامه اخف و نحطه ع البشرة من نص ساعة ل ساعة و بعدين نغسله بمية باردة
ممكن إضافة العسل للترطيب ، او اللمون لاثار الحبوب و الاشراق "نص معلقة صغيرة لمون"
او اي اضافات تانية حسب الرغبة عادي ❤️
* و ممكن نعمل اسكراب الزبادي بردو
كمية زبادي عليهم كمية من الشوفان "يفضل شوفان مجروش" و سيبهم يجمدو شوية ف بعض " الشوفان هيشرب الزبادي و يتحجر كدا ، و بعدين نحاول نقلبهم عشان نفكهم شوية و نستخدمه ك اسكراب للبشرة
مش بنستعمل سكر لان السكر بيدوب ف الزبادي 😉
* و لو عايزين نستخدمه للهالات او الحبوب بشكل خاص
هنغطس قطنة ف الزبادي و نحطها ع الكين و نسترخي كدا لمدة نص ساعة ، او نحطها ع مكان الحباية و نستني نص ساعة بردو

القهوة ❤️❤️
ليها فوائد كتير جدا للبشرة و ده لانها مصدر غني ب مضادات الأكسدة الي بتحارب الي free radicals الي بتدمر البشرة 💔
1. القهوة بتقدر انها تقلل علامات السيلوليت الي بتضايقنا ، و ده لانها بتوسع الاوعية الدموية الي تحت الجلد ف تزود محري الدم اكتر للمنطقة دي ، و هوا ده الي هيقلل شكل العلامات 👌
2. استخدام القهوة بشكل مباشر ع الجلد بيقلل الخطوط الرفيعة و التجاعيد و آثار الشمس و الاحمرار ف البشرة 👌
3. بيحتوي ع Vitamin B3 و ده بيعمل وقاية من سرطانات الجلد و بيحارب تكونها 🙏
4. مضاد لالتهابات ، و عنده فعالية ف توحيد لون البشرة و انه يرجعها ل لونها الطبيعي حسب الدراسة الي ربطت بين التهاب البشرة و تكون البقع الغامقة فيها
5. ليه فعالية ف معالجة حب الشباب ❤️🙏 و ده بفضل مادة ال CGAs الي بتعمل ك مضادة للالتهاب و مضادة للبكتيريا
6. اهم و اشهر استخدام للقهوة هوا ف علاج الهالات السودا و ده بسبب احتواءها ع الكافيين 😁🤝 و الكافيين بيقدر يوسع الاوعية الدموية الي ف منطقة تحت العين و ب كدا بيعمل ع تخفيف ع شكل الهالات بشكل تدريجي و ملحوظ ❤️👌
نستخدمه ازاي ؟
اسهل طريقة تقدر تستخدمه عن طريق ماسك القهوة ❤️
عبارة عن :
خليط من كميات مساوية من القهوة و زيت الزتون و ممكن تحط نقطة مية لو حاسس إن الخليط جامد شوية
و بعدها تحطها ع البشرة و تسيبها فترة يعني نص ساعة ل ساعة و بعدها و انتي بتشيليها ، اعملي اكنه اسكراب ، حبيبات القهوة هتشيل الجلد الميت
و اغسلي وشك ب مية بارد
و بالنسبة لمنطقة تحت العين ، متعمليش فيها حركة الاسكراب خااالص ، شيليه بالمية الباردة بس
و يتعمل بيه اسكراب ف منطقة السيلوليت : سكر و قهوة و زيت زتون و تعملي اسكراب كويس للمنطقة
و بس كدا ❤️❤️

فلاولة ❤️🍓
كلنا بنحب الفراولة جدا ، من الفواكه القمر😘
و كمان مفيدة جدا لبشرتنا 💪
1. فيها عدد كبير جدا من مضادات الأكسدة زي
including ellagic acid and anthocyanin
و دول بيمنعوا تأثير الاشعة الفوق بنفسجية للشمس من تدمير البشرة لانهم بيأثرو ع الانزيم المسؤل عن تدمير و تمسير الكولاجين ف بيمنعوه 👌
و ده طبعا بيحافظ ع نسبة الكولاجين ف البشرة و يخليها دايما مشدودة و صحية و يأخر ظهور اي كرمشة او تجاعيد ف الوش 🤝

2. بيعالج مشكلة انتفاخات العين المزعجة 😥و ده لان عندها خصائص قابضة و تقدر بشكل طبيعي تخفي انتفاخات العين و تقلل الالتهاب الي بيسببها

3. التخلص من خلايا البشرة الميتة 🙏 و ده لانها بتحتوي ع hydroxy acids و ده بيخلّص البشرة من الخلايا المينة و يسيبها مشرقة و ناعمة ❤️

4. بيزيل البقع السودة و الآثار و كمان بيفتح البشرة ❤️
بسبب احتواءه ع ال salicylic acid, a beta hydroxy acid
و ده غير انهم بيفتحو البشرة و يرجعو ليها لونها الطبيعي ، فهي كمان قابضة للمسام
و بيحتوي كمان ع Vitamin C الي عارفين بيعمل ايه كويس جدا ❤️❤️🙏

نستخدم الفراولة ازاي ؟🤔
ممكن نقطع الفراولة شرايح و نحطها ع وشنا direct و ع العين كمان ، و نسترخي كدا لمدة ربع ساعة و بعدين نشيلهم و نغسل وشنا بمية باردة.

او ممكن نهرس الفراولة ف الكبة و نفرد المعجون ده ع البشرة " بيكون كفاءته اكبر"

الموز ❤️ معروف ب فوائده للصحة بشكل عام
بس النهاردة هنعرف فوايده للبشرة كمان 🙏
الموز ملياااان مكونات مفيدة جدا للبشرة و هي :
1. بيحتوي ع البوتاسيوم 👏 و ده فعال جدا ف ترطيب البشرة خصوصا الجافة 🔥
2. B vitamins
مجموعة من فيتامين ب بأنواعها 💪 و دي الي بتقدر تحارب علامات تقدم السن و التجاعيد و بتحارب ال free radicals الي بتسبب اكسدة البشرة و الشيخوخة المبكرة 🌼
3. Vitamin A
بيعالج آثار الحبوي و التصبغات الداكنة و كمان بينعم البشرة جداااا و بيعالج تشققات البشرة او الكرمشة الناتجة عن الجفاف الزايد ❤️
4. Zinc
و الزنك معروف ب قدرته ع محاربة حب الشباب لانه بيقتل الحراثيم و البكتيريا الي بيتسببها
5. Vitamin c 💖
و اتكلمنا قبل كدا عن فيتامين سي الي بيحارب ال free radicals و يمنع اكسدة البشرة و كمان بيديها نضارة ده غير انه بيحارب ظهور التجاعيد و يحافظ ع البشرة نعمة و منورة ❤️و كمان بيساعد ف التحكم بدهون البشرة و عدم افراز كمية زيادة 🤚
6. Vitamin E
و اتكلمنا بالتفصيل عنه ف بوست سابق ، ممكن نرجع له 🙏🌝
7. مادة ال ليكتين lectin و المادة دي فعالة جدا ف قتل البكتيريا الي بتسبب حب الشباب و الدمامل
8. اخر حاجة و هي الاحماض الامينية amino acids
و دي بتقدر انها تخافظ ع مرونة البشرة و قوتها و بتدي البشرة بريق مميز جدا و بيحافظ ع شبابها ❤️
كل ده موجود ف صابع موز تخيلو! 👏❤️
طب نستخدمها ازاي ؟
* ماسك الترطيب : موزة تكون مستوية و ناضجة و نهرسها كويس و نحطها ع وشنا بس نتجنب المنطقة حوالين العين و حوالين الفم ⚠️ ونستني ربع ساعة و نغسل وشنا ب مية ساقعة ❤️ و طبعا قبل اي ماسك لازم نكون غاسلين وشنا بالغسول و منشفينه كويس

*لو عايزين ماسك للتحكم ف افراز الدهون بالنسبة للبشرة الدهنية : نفس الماسك الي فات بس هنضيف عليه شوية عسل ابيض و نص معلقة صغير من عصير اللمون

*لو عايزينه للتجاعيد : موزة مستوية و مهروسة و عليها زبادي و معلقة عصير برتقال 💙

* لو ل معالجة الحبوب : ممكن تستخدم قشر الموز و تفرك البشرة بالناحية الداخلية للقشرة "الطرية" و ده يكون يوميا
او تعمل ماسك موزة مهروسة و عسل و زيت شجرة الشاي

و طبعا اي ماسك من دول هيديك كل الفايدة الي ف الموز بس بنضيف عليهم عوامل مساعدة لغرض معين ❤️
اي ماسك لازم الالتزام عليه ع الاقل مرتين اسبوعيا عشان نلاقي نتائج 💙

Vitamin E ❤️
من احلا ال فيتامينات الي ممكن تستخدم للبشرة 🙏
1. مرطب جميل جدا للبشرة ، بيمنع جفاف الجلد 👌
2. بيقلل ب التهاب البشرة و الشعور بالحكة و بالتالي مناسب جدا لاصحاب البشرة الحساسة
3. بيمنع ظهور كرمشة الوش و الخطوط الرفيعة الي بتبوظ شكل البشرة و جمالها و ده طبعا بالمساعدة عن طريق استخدام واقي شمس مناسب 🙏👌
4. حلو جدا لتقوية الضوافر و تجنب لون الضوافر الاصفر المزعج ⚠️ بيخليها قوية و صحية و كمان بيرطب الجلد المحيط بالضافر و ده بيخليه غير جاف و مشقق ❤️🙏
5. حسب ريفيوهات الناس ان استخدام فيتامين e بشكل مستمر الى حد ما ، بيدي نضارة للوش و بيقلل من التصبغات ف البشرة و كمان بيفتح البقع الداكنة ، و لكن مفيش دراسة علمية أكدت ده 😥
نستخدمه ازاي ؟
هنجيب زيت فيتامين e الطبي ، بيكون ف شكل سيروم جوا ازازة " و حقي ملقتش اي معلومات بتقول اننا ممكن نستخدم كبسولات فيتامين e و نفضيها و ناهد الزيت الي جواها"
و الزيت ده ياما نضيف منه ع كريمات الترطيب بتاعتنا او ماسك الشعر او الشامبو
او نحط نقط من الزيت مباشرة ع البشرة
او اضافة قطرات منه ع اي ماسك للوجه

اللمون 🍋
من احلا الحجات الي ممكن تتحط ف اي منتج للبشرة
اللمون ليه مميزات كتير اوي اوي ❤️
1. الحمضيّات عموما ليها خصائص مضادة للبكتيريا و الفطريات و ده بيخليها اختيار ممتاز لعلاج حب الشباب
2. حلوة جدا للرؤوس السودة و بتساعد ع اختفاءها ❤️
3. ليه تأثير جميل جدا جدا ف تفتيح البشرة و البقع الداكنة و ده بسبب احتواءه ع فيتامين سي ❤️ الي كمان بيدي نضارة محصلتش للبشرة 🙏
4.كمان ممكن تبيض الاسنان 🌝 بانك تعمل معجون من عصير اللمون و ال baking soda "بيكربونات الصوديوم" و وضعه ع الاسنان لمدة من 30 ث ل دقيقة ، بس مش اكتر من كدا
و بالراحة نشيل المعجون من ع الاسنان بطريقة الاسكراب ب فرشة الاسنان
5. تقليل الدهون من البشرة و ده لاصحاب البشرة الدهنية جميل جدا جدا
6. تفتيح مناطق الكوع و الركبة 🙏
7. بيشيل آثار الحبوب من البشرة
طب نستخدمه ازاي ؟ 🙋‍♀️ حسب الاحتياج بالظبط يعني :-
* لو عايزين نزيل بيه الرؤوس السودا او منع تكوينها
هنجيب نص لمونة و نحط عليها حبة عسل صغيرين و ندعك بيها المنطقة الي بيظهر فيها الرؤوس ، و هي الانف و الدقن بشكل خاص
* لو عايزين نعالج بيه الحبوب او منع ظهور حبوب بعد كدا ، هنعمل منه تونر للوش ، هنضيف عصير لمون ع زيت شجرة الشاي او خلاصة الشاي الاخضر و نحط عليهم كمية محترمة من المية المقطرة عشان نخفف حموضة اللمون
* لو عايزين نستخدمها للكوع و الركبة ، هندعك المناطق دي بنص لمونة بشكل مباشر
* و اسهل طريقة للاستخدام للتفتيح و ازالة اثار الحبوب هوا الماسك ، عمل اي ماسك مرطب و اضافة عصير اللمون عليه
او اضافة عصير اللمون ع الكريم المرطب
⚠️⚠️⚠️⚠️ مممنووووووع لاصحااااب البشرة الحسااااااسة
يفضل استخدام vitamin c منفصل بدون المكونات الحمضية الي ف اللمون

زبدة الشيا ✨
قبل ما ندخل ع فوايدها الي حرفيا ملهاش آخر... هي من اكتر انواع الزبدات الي ملائمة لكل انواع البشرة ❤️
و ده لانها خالية تمام من اي مواد تسبب التهاب للجلد و مش بتسد المسام 😍 لان الجسم بيمتصها سريعها يعني مش تقيلة ع الجسم خاالص زي انواع الزبدات التانية 👌
و مفيهاش طبعا اي مواد كيميائية تسبب جفاف الجلد بعد الاستخدام زي المنتجات المصنّعة 🤺
1. زبدة الشيا من احلا منتجات الترطيب الي ممكن نستخدمها ف حياتك 🙏😍 سواء للبشرة او الجسم او الشعر جميلة جدا ❤️ و ترطيبها بيدوم فترة طويلة ممكن طول اليوم كمان و متحتاجيش تعيدي الترطيب تاني 💙
و ده لانها بتعمل اعادة تعبئة للدهون الي ف البشرة ف بتخلق ترطيب 💙
مش مجرد مادة دهنية ع الجسم تمنع فقد الميا بس 🙋‍♀️
2. ليها خصائص مهدئة و ملطفة للجلد يعني تنفع جدا لاصحاب البشرة الحساسة 🙏
3. خفيفة جدا ع البشرة و هتسيب البشرة زي بشرة الاطفال 😇
و طبعا استخدامها سهل جدا ، بتتخط بشكل مباشر ع الجسم للترطيب ، و كمان ع الوش قبل النوم عشان تصحو ب بشرة ناعمة و مرنة ❤️
و ممكن تعملو بيها ماسك اسبوعي عبارة عن زبدة شيا و زيت لوز حلو او زيت جوز هند او أرجان او زيت مفضل عندكم ، بنضيف كمية بسيطة من الزيت عشان نخلي قوام الماسك مرن شوية ، و اي اضافات زيادة بتحبوها بقي زيت شجرة الشاي ، عسل ، زبادي ، لبن بودرة ،الي عايزينه
و بيتساب ع الوش من ربع ساعة و بيتغسل بعدها
و لكنه الماسك ده مش محبب للبشرة الدهنية لانه ممكن يتسبب ف حبوب 💔

الشوفان حلو لصحتنا وكمان حلو لبشرتنا 😁❤️❤️ من النباتات اللي مليانة عظمة جدا جدا جدا وبالذات للبشرة الدهنية هي الشوفان 😉
من أحسن انواع الشوفان المستخدمة هي colloidal oatmeal..
1-يقوم الشوفان على ترطيب البشرة لانه يحتوي على الألياف ولما بتتعمل بتبقى زي الجل كدا فبتحبس الرطوبة جوه الجلد 😁❤️
2-يقوم على تغذية البشرة لانه يحتوي على معادن عظمة زي الماغنسيوم
3-يمنع ظهور حب الشباب والرؤوس السوداء لانه بيقلل افراز الدهون الي ملهاش لازمة 😂 في البشرة الدهنية
4-يستخدم لتنظيف البشرة وخصوصا الدهنية 😉
5-يعمل على توحيد لون البشرة وبيشيل الحروق والتهيج الي ناتج من الشمس
6-يحتوي على مضادات اكسدة و احماض امينية بتحفز على افراز الكولاجين فبالتالي بيحمي الوجه من التجاعيد بعد سن متأخر 🧓🧓
⭐طيب ممكن نستخدمه ازاي؟! 🙄
ممكن نستخدمه في ماسكات
1-ماسك لمنع ظهور حبوب الشباب :- هنضيف الشوفان مع سكر بني وعسل ابيض وزيت الجوجوبا وندلك بيه الوجه ونسيبه لمدة عشر دقايق وبعد كدا نغسله بماء دافئ ❤️💦
2-ماسك لتقشير البشرة وتوحيد لونها:- الشوفان مع عسل ابيض مع زيت جوز الهند مع حليب دافئ ☺️

يا بتاع النعنع يا منعنع 🍃💃
النعناع يا جماعة 💚 و جمال النعناع يا جماعة 🙏
1. النعناع له فعالية كبير ف تخفيف الألم الناتج عن لسعات الشمس الي بتحصل ف البشرة خصوصا أصحاب البشرة الحساسة 🙏
2. بيدي بريق للبشرة و نضارة تحفة و بيساعد عن تفتيح لون البشرة لو شارك ف الروتين ده
3. له تأثير مضاد للبكتيريا و بيحتوي ع حمض السالسيلك و بالتالي بيقدر انه يقاوم حب الشباب و يقلل منها و يمنع ظهورها و كمان بيحتوي ع فيتامين أ 🌼
4. بينقي الوش من اي شوائب و بيقدر ينضف المسام كويس جدا و بيخلي الجلد ناعم ✨و كمان بيقلل الرؤوس السودا و يمنع ظهورها
5. النعناع كمان له خصائص مرطبة للبشرة الجافة و بيقدر يشد مسام الوش
6. بيحتوي ع مضادات الأكسدة الي بتحافظ ع الجلد بشكل صحي و تأخر ظهور التجاعيد و بيقدر يعزز الدورة الدموية ف البشرة و تجديد الخلاية و ده بيدي بريق للبشرة و حيوية 💪
7. بيقلل جدا من آثار حب الشباب و الندبات و يوحد لون البشرة و التخفيف من الهالات السودا كمان ❤️
طب تستخدمه ازاي ؟
الحل الامثل لادخال النعناع ببساطة ف الروتين اليومي و الاستفادة من كل فوايده هوا الماسك 🧖‍♀️
خيارة ع 10 او 15 ورقة نعناع و نضربهم بالكبة كويس اوي اوي و بعدين نضفيهم و ناخد منهم ميتهم و اضافة العسل الابيض عليهم او جل الصبار او زيت جوزالهند او زيت شجرة الشاي "اي اضافة انتو عايزينها"
و تعجنوها ب نشا و تتفرد ع الوش او تتشرب ب كبسولة ماسك اسرع ❤️
استخدامه مرة او اتنين اسبوعيا هتنبهرو ❤️❤️

من أهم وأرخص الحاجات الي ممكن نستخدمها للبشرة هي ماء الرز 😍💦
ماء الرز يحتوي على بروتينات ونشا وفيتامين E ومجموعة من فيتامين B كمان انه يحتوي على مضادات أكسدة فدا يخلي له أهمية كبيرة جدا في علاج الكثير من مشاكل البشرة زي التجاعيد والهالات السوداء و انه بيصغر المسام الواسعة في الجلد فيدي جلد ناعم وصحي ☺️ وكمان انه ملطف جدا للجلد فاستخدام ماء الرز البارد ع جلد ملتهب يهدئه ويشيل الالتهاب 💜😁
وكمان له أهمية كبيرة للشعر انه بيقوي الشعر لانه يحتوي على مادة انسيتول 😉❤️ ويديه لمعان ويتسلك بسهولة ويقلل الهيشان حيث انه يقلل احتكاك الشعر ببعضه فبكدا الهيشان يقل 😁
⭐طب نستخدمه ازاي؟! 🙄
مبدأيا كدا احنا هنجيب شوية رز ونغسلهم كويس وبعد كدا ننقعهم حوالي 4 او 5 ساعات وناخد المية دي نسيبها تتخمر فترة يوم كمان في درجة حرارة الغرفة العادية دا بيخليها تدي مفعول حلو جدا 👌👌 وبعد كدا تتحفظ في التلاجة لمدة 5 او 6 ايام وكمان نستخدم كمية رز قليلة على مية كتير وليكن معلقين رز على كوبايتين مية لانه بيشرب المية ونستخدمها مرة صباحا ومرة مساءا بعد غسل الوجه كويس ❤️❤️
⬅️احنا ممكن نستخدمها في تفتيح البشرة.. اننا نضيفها على كمية متساوية من مطحون دقيق الحمص مع رشة بسيطة من الليمون مع كمية بسيطة، جدا من الكركم 😉
⬅️وكمان ممكن نستخدمه للهالات السوداء اانا نجيب قطن نبله بيها ونضعه حوالي ربع ساعة ع العين دا هيقللها وكمان هيقلل انتفاخ العين والخطوط 👀❤️

العسل 🐝
العسل مش بس للفطار 🌝 ده لوشنا كمان 🚴‍♂️
1. العسل فيه خواص مضادة البكتيريا و الفطريات و مواد مطهرة 🦠
و بالتالي له دور مهم ف علاج حب الشباب 😉👌
2. فيه عدد لا يحصى من مضادات الأكسدة و مواد محفزة لانتاج الكولاجين ✨ و ده معناه انه جبار ف تأخير الشيخوخة و التجاعيد و ببشد الوش و يديله مرونه ده غير انه بيدي نضارة للوش محصلتش ✨✨✨
3. العسل من اكتر المواد المرطبة الي ممكن تستخدمها ف حياتك حتي للبشرات شديدة الجفاف 🐝 حاجة كدا سحر ف الترطيب
4. العسل فيه مواد بتساعد ع التئام الجروب بسرعة و مواد بتعمل ع تنعيم طبقات البشرة و ده بيخلي له دور فعال جدا ف ازالة آثار الحبوب او الندبات من الوش 😁
5. العسل بيقدر يتغلغل جوا مسام البشرة و بيقدر يشيل منها اي تراكمات سداها او اوساخ الغسول معرفش يوصلها 👌
6. و عشان نخلي ختامه مسك ، فالعسل بيسيب بشرتك برّاقة حرفياً✨💯
لانها بيحتوي ع انزيمات بتشيل الجلد الميت المتراكم ع البشرة عشان يخلي البشرة زي السيراميك ف الملمس و اللمعان ❤️
طب نستخدمه ازاي ؟
اول طريقة اننا نغسل بيه وشنا ديركت كدا اكنه ميا ، الطريقة دي يوميا بتعالج معظم مشاكل البشرة بشكل سريع 🌝
تاني طريقة و هي الماسك ، نحطه ع وشنا و نسيبه من تلت ل نص ساعة و بعدها نغسله ✨
تاني طريقة و هوا اضافته لاي ماسك اخر زي ماسك اللبن او الزبادي او الشوفان او غيرهم 🌻

الشاي الاخضر 🌱
1. الاستخدام المستمر له بيحمي من سرطان الجلد الي ممكن اي حد يتعرض له نتيجة التعرض المستمر للشمس 🙏 و دي من حكم ربنا ف الحياة 👌
2. بيحمي من الشخوخة المبكرة و ظهور التجاعيد طب ازاي بقي ؟🤔
فيه مادة اسمها ECGC و دي anti-oxidant مضادة للأكسدة ، المادة دي بتحمي الخلايا انها تتأكسد و تموت بل بتصلح الخلايا البهتانة التعبانك و البهتانة و الي فقدت حيويتها كمان ❤️ و كمان فيها فيتامين B2 و ده بيحافظ ع افراز الكولاجين الطبيعي ف البشرة عند تركيزه المناسب فالبشرة تفضل مشدودة و صحية و تبان أصغر من عمرها كمان ❤️
3. الشاي الاخضر فظيع جدا لاصحاب البشرة الحساسة لانه بيهدي اي التهاب او احمرار ف البشرة و استخدام الشاي الاخضر ع البشرة مباشرة بيقدر يعالج آثار حروق الشمس لاصحاب البشرة الحساسة الي بيعانو من الموضوع ده 😉
4. اشهر استخدام للشاي الاخضر هوا انها بتعالج حب الشباب و ده حقيقي ✨ لانها مليانة مواد مضادة للاكسدة و مضادة الالتهاب و مضادة البكتيريا كمان و ده بيدي فعالية كبيرة ف علاج الحبوب و مناسب اكتر لاصحاب البشرة الدهنية 👌 لان مادة ال polyphenol الي موجودة فيه بتقلل افراز الدهون جدا 👯‍♂️
بس كدا ؟
لا طبعا ، اكاشيا النهاردة بتضحي و جايبالكم خاصية خامسة يمكن محدش يعرفها
و هي ان الشاي الاخضر كمان بيدي ترطيب لطيف للبشرة ❤️ لانه بيحتوي ع Vitamin E الي بيلطف و يرطب البشرة و يساعد ف توحيد لونها
طب نستخدمه ازاي طيب ولا امتي ؟ هوا انتو بتدونا المعلومة و تجرو ؟
لا طبعا 🙏 اكاشيا مش ناوية تسيبكم الا و انتم معاكو كل حاجة 😉
الشاي الاخضر ممكن يستخدم ب كذا طريقة
ممكن يتعمل بيه تونر مبدئي ، تعملي كوباية شاي اخضر منغير سكر و تحطيها ف بخاخ و بس كدا بقي معاكي تونر قمر لمل انواع البشرة 😂 ❤️ بس خدي بالك انه لازم يتحفظ ف التلاجة و مش اكتر من 6 ايام بالكتير و ترميه لانه بيفسد بعد كدا
او تعمليها ماسك عن طريق انك تغلي كمية شاي كبيرة ف مية قليلة عشان يكون مركز ، و تخدي المية المركزة دي و تعجنيها ب نشا او جيلاتين و تفرديها ع وشك ، او تحطي في المية دي كبسولة ماسك مضغوطة و خلاص
تأثير الشاي الاخضر بيبان بعد الانتظام عليه يوميا لمدة من 20 ل 30 يوم ❤️