ISSA Swimming Academy

الصيف عالابواب ... استعد 🏊‍♂️
وانضم لأكبر اكاديمية لتعليم السباحة في اكتوبر واستمتع بأسعار تدريب تنافسية ومدة تدريب هي الاكبر مقارنة ببقية الاكاديميات الاخري ومدربين سباحين ولياقة بدنية على اعلي مستوي من الكفاءة وحمامات سباحة مغطاه ومناسبة لجميع فصول السنة

الصيف خلاص بدء واطفالنا هتحب جداً تنزل المياه وتتمرن 😍
يالا شجعوا اولادكم وخليهم يحبوا الرياضة 💃🏻
اطفالكم معانا في ايد امينه👌🏻

#الصيف داخل وعاوز تمرن الولاد #سباحة
منتظرينكم يومياً بمشيئة الله مع اقوى العروض 🤩

لوكيشن حمام سباحة نادي الداخلية فرع اكتوبر 📌
https://maps.app.goo.gl/DsoqSTMwFmn9tG1B8?g_st=aw

للحجز والاستعلام
الاتصال علي الارقام التالية :
01033888311 (Mobile) 📞
01115761040 (Whatsapp) 🌍
01116334574 (Mob & Whats) 📧
د. إبراهيم شورى
ك. عبد الرحمن طارق

ISSA☝
International Swimming Science Academy 🏊‍♂️

تدريب السباحة في اكاديمية ISSA بنادي الداخلية بحدائق اكتوبر غير ومش هتلاقيه في اي مكان تاني
🏊‍♂️🏊🏊‍♀️
وده لأننا بنطبق افضل اساليب التدريب الحديثة وان مدربينا سباحين أبطال جمهورية وحاصلين علي جوائز وبطولات 🥇🏆
الجدية والالتزام والايمان بأهمية ممارسة رياضة السباحة بتظهر في مدربينا وهما بيعلّموا الاولاد السباحة
اسلوبنا الاحترافي بيخلينا نقدر نجمع بين الالتزام والسعادة والابتسامة اللي مش بتفارق وشوش مدربينا وابطالنا الصغيرين 😊
ابنك او بنتك هيتأسسوا صح في السباحة وكمان هيكون عندهم فرص الحصول على الاستارات الاربعة والتسجيل باتحاد السباحة والاندية المختلفة والمشاركة في البطولات🥇🏆

بيتم التدريب في حمام سباحة اوليمبي مجهز بمياة دافئة شتاءاً وعلى اعلى مستوى ⭐
متواجدين في :
لوكيشن حمام سباحة نادي الداخلية فرع اكتوبر 📌
https://maps.app.goo.gl/DsoqSTMwFmn9tG1B8?g_st=aw

للحجز والاستعلام عن المواعيد والأسعار برجاء التواصل على الارقام التالية :
01033888311 (Mobile) 📞
01115761040 (Whatsapp) 📧
01116334574 (Mob & Whats) 🌍
د. إبراهيم شورى
ك. عبد الرحمن طارق

Thanks Dr. Omar Talaab & Dr. Mohamed Goda For This Awesome Day 🤩
🏊‍♂️

قرأتم كل منشورات نصايح المدربين وقت البطولات وحفظتوها؟ وبما ان ده وقت البطوله انا هقول لكم بعض النصايح كسباح ومدرب وقت البطولات من وجهة نظر مختلفة تمام عن اي منشور قبل كده وانا هقول كلام مرسل وسهل على قد ما اقدر 👌

يوم السباق مش يوم لتعديل اي حاجة ولكن يوم للراحة والتأمل الاسترخاء وتفصل نفسك عن اي مؤثرات خارجية ومش مطلوب منك غير انك تركز في نفسك وسباقك وبس

مالكش دعوة بحد واوعي تتابع سباقات ال NT وافصل نفسك تماما لان ال NT ممكن تلاقي فيه ارقام اتحطت تجيب رعب وتوتر وانت مش ناقص

افصل نفسك عن المدربين وعن باقي السباحين لأن الكلام الجانبي ممكن يفصلك عن تركيزك لما تسمع كلام زي سمعت عن فلانة نازلة دي جامدة قوي او الكابتن فلان وهو بيقول انا معايا فلانة في البرايفت هتحط على كل الناس وكل ده هيخرجك عن تركيزك

حط السماعات في ودنك وشغل مزيكا بتحبها وحاولت تكون قوي عقليا ومفيش اي مؤثرات خارجية تأثر فيك وابعد عن اي رغي حواليك.

يوم السباق مش وقت لسه الكابتن هيدربك على الاستارت الصح او افتكر افرد ايدك ولا هيعلمك تقسيمة السباق ازاي ما كان عندك فترة اعداد تعمل الكلام ده كله في التمرين وتحفظ سباحينك ستارت وتقسيمة السباق مش جاي قبل السبق بنص ساعة لسه هتعلمه.

يوم السباق لازم يكون مجرد يوم اخر لحاجة انت عملتها الف مرة في التمرين قبل كده خلال الاشهر اللي فاتت فانزل سباقك مركز في اللي اتمرنت عليه وماتحاولش تفتكس حاجة من دماغك ولا تجرب تقسيمة سباق جديدة ولا تفكر هفتح اول خمسينة ازاي ولا هفنش ازاي وانزل اعمل تمرينتك وبس واللي اتعلمته في التمرين.

ابعد قدر الامكان عن مدربك قبل السباق لو هيفكرك تفرد دراعك او هيقولك ماتنساش ستريم لاين انت مش ناقص توتر وانا عن نفسي بكلم بابا في التليفون علشان اسمع منه كلام زي انت اجتهدت وانا فخور بيك مهما كانت النتيجة وانزل استمتع برياضة بتحبها.

النصيحة الجاية دي انا هقولها ليكم وهي انك ماتفكرش كتير ولا تشغل بالك هيحصل ايه بعد السباق ولا تفكر مين جنبك في التصفية ولا مين مركز معاك من الجمهور ولا فلان هيشوفك ازاي ولا رأي مين هيكون ايه عنك وحاول تسكت دماغك وبالنسبة لي السماعة في ودني سواء مشغل مزيكا او حتى لو محطوطة منظر بتسكت الضوضاء جوا دماغي شوية وبتخليني اركز شوية في السباق

لا الاكل ولا الشرب قبل السباق هيحسن من ارقامك ولكن اختيار اكلات بسيطة سريعه الهضم بتقلل من حدة التوتر على جهازك الهضمي والقولون وبطنك ماتكركبش ومفيش اكله سحرية هتخلي رقمك يتحسن بصورة مبالغ فيها ولكن فكرة اختيار الاكلات السهلة قبل السباق زي موزة او سيريلاك هي انك مابتحسش انك اكلت حاجة وبتدي جسمك غذاء مناسب ووطاقة ولا بأس بها والمكسرات ولا الفول السوداني هيحولك لسوبر بندق

نام كويس واصحى بدري وصلي وادعي وحاول تدخل في حالة استرخاء عقلي وحاول قبل يوم السباق تكون عارف تسخينتك ايه وسخنها مع نفسك بعيدا عن مدربك خالص لان هوب بتاعة المدرب لوحدها بتجيب توتر وبالنسبة لي بوصيهم محدش يصفر لي ولا ينده عليا انا اصلا كده كده مش سامع ولو سمعت بالصدفة هيبعدني عن تركيزي في السباق.

ربنا يوفقكم كلكم وانا في عون كل سباحين مصر ويا رب كلكم ناجحين ومستعد اساعدكم حتى لو هتكسبوني وهبقى فرحان من قلبي وفخور بيكم.

🏊‍♂️💕

💢يعنى اى الDQ ؟؟🤔
الDQ اختصار لكلمة ( Disqualification) بمعنى الاستبعاد

طيب اى هى أسباب الDQ ؟
🌟 انك تنط قبل الصفاره
🌟انك تتهز علي الاستارت
🌟خطأ في اداء العومه 🏊‍♀️
🌟 انك تشد في الحبل
🌟انك تدخل حاره غير حارتك
🌟 انك تعمل استريم اكتر من ١٥ متر 🏊‍♀️
🌟 عدم اللمس بالطريقه الصحيحة لكل عومه 👋
🌟عمل التيرن بالطريقه الخطأ (عمل شدات حره في سباحه الظهر او عمل ضربات رجلين -عمل اكتر من ضربه وسط دولفين في الشده و نص لسباحه الصدر في الترن او الاستارت )
🌟اللمس بذراع واحد في تيرن او نهايه السباق لسباحه الصدر او الفراشه 🤚
🌟اللمس بذراع اعلي من الثاني في تيرن او فنش سباحه الصدر او الفراشه (عدم اللمس في نفس الوقت بكلتا اليدين)
🌟انك تعوم اي عومه غير نوع السباق ماعادا سباحه الحره (لان ممكن تعوم بدل الحره اي عومه اخري )🏊‍♀️
🌟يلغي سباق فريق التتابع الذي يقفز أحد أفراده إلي الحوض بخلاف السباح الذي عليه الدور أثناء سير السباق قبل أن ينهي جميع سباحي الفرق السباق
🌟الوقوف علي قاع الحمام أثناء السباحة الحرة أو أثناء السباحة الحرة في سباقات المتنوع

الدراسة ولا التمرين ؟
سؤال كل سنة مع بداية دخول المدارس !! بس هو ليه اصلا نسأل السؤال ده ؟! 🤔

عارفين حجم الضغوط على أولياء الأمور والمقارنة ما بين الدراسة والمذاكرة والرياضة والتمرين وكل تفاصيلهم 😪

بس احنا ليه اصلا نوقف حاجة على حساب حاجة ونقارن بينهم 🙄
الرياضة هدفها الأساسي الصحة مع المتعة
الرياضه مرتبطه جداً بالتعليم

الرياضة مهمة جداً ليهم زى الدراسة بالظبط لأنها بتحافظ على قوة واداء اجسامهم وصحة العقل و القلب وده اللى هيساعد الطفل على انه يقدر يقوم بمهامه الدراسية بأفضل شكل 👌🏼

الدراسة بتعمل ضغط كبير جداً على عقول الاطفال 🤯 خصوصا مع زيادة المواد الدراسية و الدروس و الكورسات عليهم ودايماً بيكون عندهم احتياج لمساحة يخرجوا فيها طاقتهم والضغط النفسى العصبى عليهم 🤕😵‍💫

نصيحتنا لكم جميعا ان تحافظوا على التمارين الرياضية و ماتوقفش لان زى ما بنقول العقل السليم فى الجسم السليم و دورك كبير هنا يا ست الكل انك تنظمى جدول يومهم بالصورة المناسبة بين الرياضة والدراسة
اوعى تنسى ان الاثنين بيكملو بعض
💯 ناس كتير فهمت ده وكملت وعملت الموازنه الصح
🛑 ولى الأمر ديماً هو بطل القصه
تتمنى لكم السلامه ❤️

الف مبروك للسباحة / فريدة هاني 2016 حصولها على استار 1 & 2 ⭐️🎖⭐️ مع اطيب التمنيات بالنجاح والتوفيق لجميع السباحين والسباحات 🌹🏊‍♂️❤️
مع انتم دائما في تقدم 👌

للحجز والاستعلام
الاتصال علي الارقام التالية :
01033888311 (Mobile) 📞
01115761040 (Whatsapp) 📞
د. إبراهيم شورى

الإصابات .. مسئولية ووقاية ثم تأهيل ثم منافسه 👌
=====================================
بنتكلم في البوست ده ...
مش بصفة الطبيب لا .. بصفة سباح ثم مدرب ثم باحث 🤔
عن كل مسببات الاصابه اللي ممكن يتعرض لها السباحين ...
وممكن تكون ماخدتش بالك منها ، او ماتعرفش انها ممكن تكون بداية دخول في دوامة الاصابة لابنك السباح

👈 ايه هي مراحل الوصول للاصابة :
٤ مراحل ( اجهاد ثم التهاب ثم أصابه ثم الم مزمن )

👈 ايه هي درجات الاصابة :
٣ درجات ( اولي ، تانيه ، تالته )

👈 ايه هي اسباب الاصابه او ممكن او بتيجي منين :

❌١- اصطدام بعيدا عن حمام السباحه
ده ممكن يحصل في ( جري ، مدرسة ، لعبه تانيه ) والنهاية بنتحملها احنا باصابة غريبه ممكن تعطلنا كتير عن اهدافنا

❌٢- اصطدام مباشر بالحمام او مع الزملاء
ده ممكن يحصل باصطدام في الحبل او السلم او الحائط او مع سباح تاني عايم في نص الحاره او نزل علي بستارت

❌٣- مافيش day off اثناء الاسبوع او المبادلة
دي بتحصل لما تحط تمرين اضافي في يوم اجازتك برايفت او فيتنيس تعمل اجهاد نتيجة ان مافيش اعادة تعبئة للطاقه

❌٤- انهاك يوم مزدحم من مدرسة ودروس وفيتنيس وميه
ده معناه سباح بيصحي من ٧ الصبح بره البيت ١٤ ساعه ومفروض يعوم بشكل قوي بعد فقد كل طاقته قبل ما يبدء

❌٥- عدم التسخين والتاهيل الجيد للتمرين والقياس
ده لازم يبقي مناسب للسباح ومش كل حاجه بتناسب الكل زي اللي بيختار تسخين ارضي او قليل لسباق قوي

❌٦- تكنيك خاطئ ٤ عومات واشهر اصابتها التهاب
ده معناه ان اي حركه غلط بتضغط علي عصب او وتر او رباط او تويست غلط لعضله بينتج عنها التهاب ثم اصابه ولازم المدرب يدرس اخطاء ال٤ طرق وازاي اصلحهم

❌٧- وزن زايد او عودة من اجازه او راحه سلبيه
ده بالظبط كأنك داخل جيم وبتحط اوزان زيادة عن طاقتك كل ده ضغط علي جسمك اخره استسلام لاصابه

❌٨- العوده من الاصابه واستعجال المكسب
ده بيتحمله المدرب ولي الامر بزيادة تحفيز السباح علي اارجوع لفورمته وارقامه وهو لسه مش مستعد للكلام ده

❌٩- لياقه بدنية من البداية تاسيس واوضاع وعضلات
ده لازم له قاعدة بدنية كامله علشان اتخصص طريقة معينه واعرف ازاي اشتغل كل تمرين في الجيم واقف وامسك البار ازاي واعرف ايه اهم عضلاتي والمساعده لها

❌١٠- اسباب وراثية متعلقه بمورفولوجي وتكوين المفاصل
ممكن اثناء البلوغ عضمة او نتوء يضغط علي عصب او وتر يعمل مشكله وممكن خطا اثناء الولاده ولسه مكمل وممكن وراثيا المفاصل تكوينها ضعيف مش بيستحمل الضغوط

❌١١- شكل وتكوين الجسم زي النحافة والعضلات والسمنه
اي حاجه من دول ممكن تكون سبب اصابه نحافه وبالتالي مافيش عضلات تحمي المفاصل ، او عضلي بزياده ماثره علي المدي للمفصل ، والسمنه بوجود احمال طبيعيه عليه

❌١٢- الover use وتحميل زائد بدون ريكوفري وتموجيه
مش كل حاجه تخصص تخصص لازم تنويع ما بين حره وتخصص ومتنوع ، وماينفعش كل المجموعات ورا بعض بشده عاليه في تمرين واحد وماينفعش اسبوع كامل جامد

❌١٣- سوء تغذية وقلة مكملات والسوائل
لازم تغذية جيده مش اكل وخلاص ده بنزين السباح لازم يكون نقي ومناسب للفترات ومواعيدها واحمالها وتعويض بالمكملات للبالغين والسوائل لتنقيه الدم وتنشيط العضلات

❌١٤- المسكنات وكريمات التسخين في فتره العلاج
انت بتخدر مكان مصاب جزئي علشان مايحسش بالوجع وانت بتشغله فبيحصل انه بيتصاب كاملا ، وبتحط كريم تسخين لمكان ملتهب فبيلتهب اكتر بزيادة النزيف الداخلي

❌١٥- اللايف استايل من .. شنطه ولبس وكوتشي وموبايل
لبس وبنطلون وكوتشي غير رياضي مش مريح وبيجيب اصابات مزمنه كمان ، قلة النوم بتمنع الاستشفاء ، الموبايل والنومه الغلط بتجيب التهاب عمود فقري وفقرات عنقيه

👈واجبات المدرب :
ازاي تتوقع الاصابه من مظاهر ع السباح بدايه من شكله
🚩- بدني من شكل جسمه :
لو لاحظت عدم تناسق في الجسم او انحناء او اي تشوه قوامي وقف فورا وابدء العلاج
🚩- الاجهاد بشكل عام :
من شكله ولون عينه وشفايفه ووشه وطريقة مشيته وكلامه لو مش تمام وقف فورا
🚩- الجانب النفسي والعصبي :
تبلد واستسلام للخسارة ومافيش حماس للتنافس وعصبية ونرفزه بدون داعي علامه مش حلوه
🚩- التكنيك ومتطلباته لكل عومه :
لازم كل طريقه سباحة جزء من الجسم ماينفعش يكون في غلطه بدنية زي مفصل الركبه للبريست

👈 اول خطوات العلاج rice
راحه rest تلج ice ضغط compress رفع elevation

👈ازاي ترجع سباح من اصابه
لازم البناء المتكامل في وقت واحد من تصليح ستايلات وتظبيط مكونات الجسم من ميه ودهون وعضلات وبرنامج تغذية للعيوب وبرنامج وطبعا برنامج فتنس تدريجي

👈اخطر شئ بعد العوده
انك تعوم بالبورد ورجلين بس علشان كتف مصاب لانك كده بتعمل full range للمفصل او تعمل دراعات بس لو الرجل مصابه لانك بتنقل كل الحمل علي محركين بس بدل ٤

🤦‍♂️ورجااااااء 🤦‍♂️
لا تلقوا بأنفسكم الي التهلكه ماتنبهرش بالمدرب اللي ماسك الصفارة ساعتين ورا بعض وكله طاخ طاخ .. وبتشهدله ان عنده ضمير ، ده مش ضمير ده جهل ... وده اسوء من اللي بيعملها قصد مش فتونه انك تفضل دايس علي وش اللاعب
لا تربيه رياضيه ولا سباح ولا تعليم عالي ... مين ده ؟؟؟

🔱لازم تعرف تختار مدربك ويكون قاموس لكل حاجه🔱
يعرف اساسيات حاجه من كل حاجه
زي الفيتنيس والتغذية والسيكولوجي والتكنيك طبعا
وخصوصا التكنيك ...
ايه افضل شكل لكل عومه ... وايه العيوب اللي عنده ...
وازاي يكتشفها ... وازاي يصلحها ... وايه انسب عومه ليه علي حسب راحته النفسية والبدنيه وهو عايم وحسب أرقامه ولشكل جسمه ونمطه اللي هيبني عليه كل اللي فات

وانت كمدرب لازم وانت واقف ع التمرين
تبقي دايما عينك ع الكل ومراقب كل تفصيله بتحصل
لازم تبقي عندك فراسه او خبره او لماح لاي مشكله لاي سباح
لازم تبقي عامل زي السواق الشاطر
عارف تجري امتي وتهدي امتي وتوقف امتي ، وازاي تقلل او تزود احجام او شده او حتي في اختيار نظام الطاقه بتاعك تبقي مرتبه كويس علي تمرينك
انت بتشتغل فجر ولا العصر ولا بليل وهل في تمارين قبلك ولا لا والسباح بتاعك كان عنده ايه طول اليوم وجايلك fresh ولا جايلك مستهلك من يوم دراسي او مشاوير او تمارين تانيه فيتنيس او بيمارس لعبه تانيه
علشان احنا في النهايه او التدريب لعبه هدم مش بناء ❌️
ف لازم تبقي عارف السباح داخل ليك حالته ايه
علشان انت المفروض هتكمل هدم علي اللي باقي منه 🤏

نتمني تكونوا استفادتوا من المقال واضافنا ولو جزء بسيط ❤️

كيفيه التعامل مع اللاعب اثناء البطولات

١. عدم الزام اللاعب بوضع رقمه اثناء السباق كده انت بتحطه تحت ضغط اكبر من الضغط اللي عليه حمسه قوله انت تقدر وكل شئ نصيب ولو هو متدرب كويس هينزل يكسر رقمه اصلاً.

٢. كيفية التعامل مع جميع حالات السباحين أثناء البطولة وهي كالتالي :-

أ. حاله تسمي (استعداد وكفاح) دي حاله بتبقى عند معظم السباحين بيكون متحفز بطريقه قويه جداً السباح ده مينفعش تحفزه بالكلام العكسي تهديه تعرفه ازاي يخوض السباق ويقسمه تعرف ازاي يعوم على نفس الرتم اللي اتمرن عليه وتبدا تهديه بالكلام لان لو لم يتم تهدئه هذا السباح ممكن من كثرة استعداده ينط قبل الصفاره ممكن يتزحلق.

ب. حاله تسمي (حمي البدايات) بتبقى عند معظم السباحين المبتدئين بيبقى خايف وهايب الموقف المفروض متتكلمش معاه على السباق قد ما بتتكلم معاه على دي اول بطوله مثلاً ليك عادي لو خسرت عادي لو مجبتش رقمك احنا بنتعلم وقفتك على الاستارت دي لوحدها بطوله كلام من هذا النوع وايضاً يجب وضعه في سباق التتابع ويكون في نصف السباق ليس بالاول او بالاخير لاعطائه الثقه.

ج. حاله تسمي (حاله اللامبالاه) هذا النوع يكون بقله في البطولات وخصوصاً فئة ١٤ الى ١٥ سنه يبقي داخل السباق مش فارقه معاه يكسب يخسر يعلق ميعلقش النوع ده عكس النوع الاول بيتم تحفيزه بكلام وشحنه طاقه إيجابية وبيتم تحفيزه باغاني وطنيه موسيقى بيحبها او أي شئ بيتم تحفيزه من خلاله ولكن اذا لم يتم تحفيزه سيفقد كثير من حماسه.

❤️

((دكتور إبراهيم شورى)) 👨‍🎓

🏊‍♂️
ومدرب دولي معتمد من البورد الدولي للمدربين المعتمدين وعضو الرابطة الاماراتية لمدربي السباحة منذ عام 2009م



✔️ دكتوراة الفلسفة في التربية الرياضية جامعة بنها

✔️ ماجستير الفلسفة في التربية الرياضية جامعة بنها

✔️ بكالوريوس التربية الرياضية جامعة حلوان

✔️ البعثة التخصصية للتربية الخاصة من وزارة التربية والتعليم

⭐️

✔️ مدرب سباحة بالنادي الأهلي مرحلة 16 سنة

✔️ مدرب سباحة بالعديد من الأندية : الزمالك والجزيرة والقاهرة والطالبية ومدينتي والاعلاميين

✔️ مدير فني جهاز السباحة بنادي مدينة نصر الرياضي

✔️ مدرب عام فرق السباحة بنادي الترسانة

✔️ مساعد مدرب منتخب مصر لمدة ٣ سنوات عالتوالي

🏆🥇🥈🥉🏅

✔️الحصول على كأسي المركز الأول مرحله 16 سنه ناشئين وناشئات ببطوله كأس مصر 2024م

✔️الحصول على كأسي المركز الأول مرحله 15 سنه ناشئين وناشئات ببطوله الجمهورية 2023م

✔️الحصول على كأس المركز الأول في الترتيب العام ببطوله القاهرة الصيفية 2023م

✔️الحصول على كأسي المركز الاول مرحله 15 سنه ناشئين وناشئات ببطوله كأس مصر 2023م

✔️الحصول على كأسي المركز الاول مرحله 15 سنه ناشئين وناشئات ببطوله القاهرة الشتوية 2023م

✔️الحصول على كأس مرحلة 14 سنه ناشئين وناشئات والدرع العام بجميع بطولات السباحة لموسم 2022م

✔️الحصول على كأسي المركز الاول مرحله 18 و 19 سنه ناشئين وناشئات ببطوله الجيزة للسباحة لموسمي 2018 و 2019م

✔️الحصول على كأس احسن رقم للسباح احمد حامد عباس (٢٠٠٥) ببطولة الجيزة 2018م

✔️الحصول على كأس احسن سباح وتحطيم رقمين قياسين مرحلة (٢٠٠٢) ببطولة الجيزة 2016م

✔️تحطيم 3 أرقام قياسية ببطولة الجيزة 2012م

✔️الحصول على كأس أحسن رقم للسباحة ميار عماد الدين رشدي (٢٠٠١) ببطولة الجمهورية 2011م

✔️الحصول على العديد من الميداليات بجميع البطولات المحلية

🌐

✔️المشاركة في مؤتمر إعداد قادة المستقبل من أكاديمية السادات للعلوم الإدارية

✔️المشاركة في المؤتمر الدولي للتربية الخاصة

✔️المشاركة في المؤتمر الدولي للتقنيات الحديثة للمكفوفين

✔️المشاركة في فعاليات المؤتمر العلمي الدولي بعنوان (الرياضه قوه وطن ورساله سلام)

📌

#حاصل على العديد من الشهادات والدورات الرياضيه الدولية والمعتمدة من اللجنه الاولمبية الدولية والاكاديمية الدولية لعلوم الرياضة

ابرزها:
✔️دورات التدريب والادارة الرياضية والاصابات والتدليك
✔️دورات دولية للياقة البدنية من جولدز جيم
✔️دورات البحث العلمي والتطور الرقمي
✔️دورات التربية والتعليم

🎊

✔️ حاصل على توصية من لجنة الاشراف والمناقشه بكامل هيئاتها بطبع رساله الماجستير على نفقة الجامعه وتداولها بين الهيئات والجامعات الاخرى

✔️درع تكريم من نادي الترسانة للحصول على كأس المركز الثالث لبطوله الجيزة للسباحة

✔️درع تكريم من نادي مدينة نصر لعمل بطولات ومهرجانات لفرق السباحة بالاشتراك مع الاندية الاخرى.

🎉

✔️حضور اكثر من 30 ورشه علمية في كافه المجالات الرياضية

✔️حضور اكثر من 25 ندوه علميه في كافه المجالات الرياضيه

✔️لدية العديد من الابحاث المنشوره بالمجلة العلمية بكلية التربية الرياضية جامعه بنها

⭐️

✔️عضو بالاتحاد المصري للسباحه
✔️عضو النقابه العامه للعاملين بالتربية والتعليم
✔️عضو النقابه العامه للمهن الرياضية
✔️عضو لجنة حقوق الأنسان وسفير مصر للمساهمة في استراتيجية مصر 2030م

ماذا تعرف عن جهازك العصبي 🤔
مقال تحليلي لجملة ... انت قوي ، عصب ولا عضل 💪

الجهاز العصبي هو المؤشر والباعث لكل الحركات الارادية واللا ارادية اللي بنعملها في حياتنا عموما العادية والرياضية ، ربنا خلقنا كلنا بجهاز واحد بنفس مكوناته ، بس بيختلف في طبيعة وظايفة وقدرته وامكانياته ، الجهاز العصبي هو اللي لينقل وبيترجم كل امر العقل بيبقي عايز يعمله عن طريق العضلات ، واكيد ب٤اء الجهاز ده في حاله جيده يعني اداء الحركات بشكل مظبوط وبطريقه صحيحه وفي توقيت مظبوط زي ما انت كإنسان او مرياضي بتطلبها من جسمك بالظبط ، في المقال ده هنحاول نقربك اكتر من تفاصيل مهمه للحفاظ علي جهازك العصبي وفهم بعض التفاصيل الخاصه به

اهم اعراض حالات ضعف الاعصاب :

🚩 الرعشة الواضحه : ودي ليها كذا درجه من حيث تواجدها اثناء الراحه او اثناء المجهود او بعد انتهاء التمرين
🚩 عدم القدرة : علي تنفيذ متطلبات الانشطه اليوميه ومتطلبات وواجبات التدريب بالنسبه للسباحين
🚩 بطئ الاستجابة : وبطئ اداء الحركات او توليد السرعه بانواعها سواء رد الفعل او الحركية او الانتقالية
🚩 الأخطاء في تنفيذ الأوامر : وده بيتمثل في ارتكاب الاخطاء الفنيهوفي الاظاء او المخالفات القانونية

اهم طرق علاج حالات ضعف الاعصاب :

✅ علاج اولي : بالكشف الطبي الكامل سواء بالاشعة او التحاليل او الاختبارات البدنية للتأكد من صحته
✅ علاج بايقاف العادات السيئة : لابد من التوقف تماما عن كل حاجه بتمارس بشكل خاطئ تؤثر علي صحته
✅ علاج بالتقويات العضلية : لابد من زيادة تدريبات التاهيل والتاكد من كفاءة العضلات الرئيسية للنشاط
✅ علاج بالتغذية بالاوميجا ٣ : ويفضل الطبيعية بشكل اولي زي الاسماك وزيت كبد الحوت وبعض الفاكهه
✅ علاج كيمائي بفيتامين ب ١٢ : وده اخر اختيار نلجأ ليه بالتعويض بمكملات غذائية في شكل كبسولات او بالحقن

اهم مسببات حالات ضعف الاعصاب :

◀️ اولا : مرضية خاصة بالتكوين :
الجهاز العصبي في كل المخلوقات واحد ، بنفس تكوينه الكامل بدءا من المخ والحبل الشوكي والاطراف العصبية ، هناك سبب رئيسي في ضعف اداء الاعصاب وذلك يمكن ان يكون بسبب خلقي في عدم اكتمال او عدم كفاءة او عدم قدرة علي اداء وظيفته وهنا علي الشخص الرياضي الكشف اولا ومحاولة معالجة الامر بشكل طويل الامد في تقويات وعلاج تلك المشاكل.

⏪ ثانيا : حالة الجسم الصحية المكتسبة :
ودي بيتحملها الشخص نفسه او اضرار مكتسبه بتحدث بسبب تصرفات او عادات سيئة بتمارس يوميا وبتاثر سلبا علي الجهاز العصبي للانسان وبتسبب في اضطرابه والاضرار به وتقليل كفائته وبالتالي اضطراب الاشارات العصبية اللي بتوصل للعضلات وبالتالي عدم كفائتها وتادية المطلوب منها ، ومنهم :
🚫 ١- النوم والراحه :
وده يعتبر العامل الاول في استقرار اداء الجسم بالكامل وسر من اسرار كفاءة كل اجهزة الجسم ، لان السهر الزائد بيضغط علي الاجهزة بالعمل بكفاءة في اوقات هي المفروض تكون فيها في حالة راحه واستعداد وتاهيل لأنشطه اليوم الجديد او التدريب التالي ، وبتتراوح فترات النوم او الراحه بشكل كبير ما بين الناشئين والكبار ووفقا للحجم التدريبي والشده المطلوبه لاداء التدريب في مدي كفايتها لراحة الجسم.
🚫 ٢- المخدرات :
بكل انواعها مضره للانسان العادي ، فاكيد هتدمر الرياضي والسباح بالاخص ، المخدرات بتدخل بتدمر خلايا المخ ، وبالتالي في حركات كتير بتتعطل ، عدد كبير من الخلايا بتدمر وبالتالي الاشارات العصبية اللي واصله للعضلات بتتاثر سلبيا ، وبالتالي العضلات مش بتقدر تنفذ طلبات الرياضي وبيحصل خلل كبير في ادائها ، وبالتالي اضرار عصبية ومنها بدنية ومنها نفسية ومنها اجتماعية.
🚫 ٣- الكحول :
اذا كانت المخدرات مضره ، فالكحوليات اشد ضررا ، لان الكحول بيتم تناوله من الفم ومنها للمعده ليختلط بالدم ومنه للاجهزة الحيوية زي الرئتين والكبد والكليتين والقلب ومنهم للمخ اللي بيعمل خلل في كيمياء الدم وبالتالي ضعف عام في الاتصال بين المخ وكل العضلات والاجهزة والاطراف ، بالتالي اضطراب في وظائفهم جميعا ، ده كله كله بيسيب خلل رهيب في قدرة الرياضي علي اداء متطلباته في التدريب بدنيا ونفسيا
🚫 ٤- التدخين :
يؤثر التدخين بشكل قوي على المخ و الجهاز العصبي ويسبب تقلص الشرايين ، مما يعوق تدفق الدم الى المخ ، و وجد الاطباء ان التدخين يعمل على تدمير خلايا المخ أو ما يطلق عليه الاطباء ( تعفن المخ ) و من المعورف طبيا ان خلايا المخ لا تتجدد بالتالي فان التدخين يعمل على الموت البطيئ للمخ .
🚫 ٥- الصوديوم :
اذا زاد الافراط في تناول الاغذية والاملاح المشبعة بالصوديوم واهمها مشروبات الطاقة او الكاتشب لانه هتزداد معها خطورة التعرض لارتفاع ضغط الدم ، الاصالة ممكن تتعب اي رياضي وبالذات السباح ، بالتالي هيحصل اضطراب في كمية الدم المرسلة إلى المخ ، المشكلة الي هتسبب ضعف في قدرات المخ على المعرفة والإدراك وبالتالي فشل وضعف في ترجمة كل اهداف عملية التدريب ، وغالبا بيؤدي ارتفاع ضغط الدم إلى السكتة الدماغية
🚫 ٦- المواد الصناعية :
عند التغذية السليمة يفضل تجنب المواد الكيماوية التي يصنعها الانسان قدر الامكان حيث تشير الابحاث الى ان العديد من المواد الكيماوية التي يشيع استخدمها في الاطعمة المختلفة (مثل المواد الحافظة و مكسبات اللون و الطعم ) وفي المنازل (مثل مواد التنظيف ) وفي الحدائق والاراضي الزراعية ( مثل مبيدات الحشرات و الافات و الاعشاب الضارة ) من الممكن ان تسبب ضرر كبير للمخ و تمنع الجهاز العصبي من العمل بفاعلية طبيعية لذلك يجب الامتناع تمام عن اي غذاء مجهول المصدر والصلاحية ومكونات الفذاء وتاريخ انتاجه وبيان بنسب العناصر الغذائية بكل منتج.
🚫 ٧- الاعشاب الطبية :
اخيرا من ضمن قائمة المواد المضرة للمخ وللجهاز العصبي انه يوجد بعض الاعشاب التي تستعمل للتطبيب او التخسيس السريع ، لذا يجب الحذر الشديد من تناول الاعشاب الطبية عشوئيا بافراط لان هناك بعض منها تحتوي مواد لها تاثير بليغ على المخ و على الجهاز العصبي للانسان ، وإذا كنت تتناول أي أدوية صيدلانية ، فيجب استشارة الطبيب او الصيدلي قبل تناول اي اعشاب طبية ، لان بعض الاعشاب إذا استخدمت مع ادوية اخرى من الممكن أن تقلل من مفعول الدواء أو تسبب في حدوث اعراض خطرة مثل فقد للماء من الجسم او تاثيرات وأعراض جانبية على الجهاز العصبي .

🔚🔚🔚 نتمني ان يكون المقال اضاف القليل لكم ، ونتمني من كل ولي امر او مدرب توصيل كل تفاصيله لسباحينه بالطريقه اللي يختارها ، لانه ضروري جدا مع السباحين وخصوصا الاطفال البراعم والناشئين بعد امرهم بالتوقف عن عاده سيئه او ممارسة خاطئة تعريفهم بمدي خطورة افعالهم وآثارها السلبية علي جسمهم ومستقبلهم الرياضي.

🏊‍♂️💪🥇🏆