Pet Research Unit of ARRI

‏أنا لما حد بيقولي الإنسان أولى
بقوله كلنا بنعمل ما قدرنا عليه الله
ولكن الإنسان بيعرف يشتكي ويتكلم ونفهم منه
لكن الحيوان للأسف مفيش تواصل بينك وبينه غير إن ربنا يحط في قلبك رحمة تقدر بيها تكون رحيم بمخلوقات الله
💔💔💔

في اليوم العالمي للحيوانات بتحب مين اكتر
الكلاب ❤️ ولا القطط 👍

بعض النصائح بخصوص الصيف و التربية بشكل عام
١- لو القطة او الكلب بدأ يلهث (يطلع لسانه و ينهج) كتير الأفضل انه يحلق دا هيقلل من تأثير الحر عليه
٢- الاستحمام مرة اسبوعيا او كل أسبوعين خلال فترة الصيف و لا يفضل الاستحمام للحيوانات اللى عندهم تاريخ إصابة بالفطريات
# انواع الشامبو
-شامبو حشرات
-شامبو فطريات
-شامبو للحفاظ على الشعر و تقليل التساقط
٣-التساقط من اعراض الإصابة بالديدان و الحساسية و نقص بعض العناصر بالجسم و الحلاقة مش بتحل المشكلة هي بتحد من ظهورها و بالتالى مع الحلاقة لازم نستخدم علاج
٤-بعض المربين بعد سنه او اتنين و يمكن اكتر من التربية فجأة القطة تصاب بفشل كبدي و بدون اي اعراض سابقة و دا لأن استخدام الأدوية بدون الرجوع للطبيب بيسبب مشاكل على المدى البعيد و كمان الممنوعات بالنسبة للأكل (دي أمانة)
٥-الدراي فوود ايا كان نوعه لا يفضل انه يكون ١٠٠% من اكل القطة و اكل البيت مهم.
٦-استخدام بعض الأدوية دون ضبط الجرعة من الطبيب ممكن يسبب تسمم حاد لأليفك و يكلفك كتير.
حافظ على أليفك 🙏
العنوان: ٥ شارع حدائق البحوث الهرم الجيزه
المواعيد: من الساعة ١٠ صباحا ل ٢ مساءا
التواصل: 01009453372

🐶🐶🐶🐶🐶🐕🐕🐕🐕

أصغر وأجمل 10 كلاب في العالم الجميع يحبون الكلاب الكبيرة، فالكلاب هي أفضل صديق للبشر منذ القدم, ولكن ما لا يعرفونه انه يمكن لانواع الكلاب الصغيرة ايضا والتي يطلق عليها عادةً كلاب الزينة ...

✔️السعار من الامراض المشتركة بين الانسان و الحيوان

تطعيم السعار من التطعيمات الاجبارية لصديقك الاليف
لحمايته و حماية اسرتك من الاصابة بمرض السعار المميت

في حالة التعرض للعض او الخربشة او اختلاط لعاب بجروح علي سطح الجلد من اي حيوان(ليس معه شهادة صحية تثبت تلاقيه لقاح السعار) يجب غسل المكان المصاب فورا بالماء و الصابون و التوجة لاقرب مستشفي حكومي لتلقي جرعات السعار 🚨

الحمل فى القطط
فترة الحمل من الفترات اللى محتاجة رعاية بشكل كبير و دا حفاظا على صحة الام و الاجنة و كمان تحملها لفترة الرضاعة.
اولا فترة الحمل بتتراوح بين 57 الى 62 يوم فى القطط بحد أقصى.
تقدر القطط انها تولد فى خلالها من 1 ل 12 جنين.
الحمل زى اى كائن حي بيحتاج مواد غذائية و فيتامينات و معادن و دا عشان يكتمل بشكل صحيح و كمان عشان اللبن يتكون بكمية مناسبة و خصوصا لما بيكون عدد الأجنة كبير.
عشان كدا محتاج تعرف ان زيادة كمية الاكل لمرة و نصف على اقل تقدير و خصوصا فى التلت الأخير من الحمل مهم جدا و كمان ان يكون الاكل منظم و يحتوى على جميع العناصر الغذائية.
كمان مكملات و فيتامينات الحمل اللى بتكون مهمة جدا عشان صحة الأم و خصوصا وقت عملية الولادة نفسها و الرضاعة و دى طبعا لازم تكون تحت اشراف طبيب لاختيار ادوية مناسبة للحمل و لا تسبب اضرار.
تحضير مكان مخصص للولادة مهم بردو ان يكون دافيء و دا لان الاجنة مش بتقدر تنظم درجة حرارة جسمها و البرد ممكن يعرضهم للخطر الشديد.
فالنهاية لو حابب انك تطمن على قطتك و تعرف تتصرف ازاى وقت الحمل تقدر تتواصل معانا او تزورنا فى المركز فى مواعيد العمل الرسمية..
العنوان : ٥ شارع البحوث الهرم الجيزه
المواعيد : من الساعة ١٠ صباحا حتى ٢ مساءا
التواصل : 01009453372

Pet Research Unit of ARRI تشخيص وعلاج المشاكل التناسلية في الكلاب والقطط