Fatma Toema Makeup Artist

روتين العنايه بالبشره الدهنيه والمختلطه😍😍

البشره الدهنيه من اكتر انواع البشره الى مبتكبرش بسرعه مع الزمن
بس من ناحيه تانيه
هي اكتر انواع البشره بتكون بثور ومسامات واسعه والتهابات
عشان كده هنتكلم عن روتين العنايه بيها النهارده

اى روتين عنايه بالبشره بينقسم لروتين صباحى وروتين مسائى 😅

روتين البشره الدهنيه الصباحى 🌞

1- الغسول
الغسول هو أول خطوة فى روتين العناية بالبشرة الدهنية
لأنه دوره إزالة الأتربة و الزيوت الزائدة
التى تقوم بإفرازها البشرة ومش بس كده بيعمل على فتح المسامات

بس خلى بالك
ممنوع نحط المكياج عالطول بعد غسل الوجه لأن المسامات لسه مفتوحه
ممنوع أستخدام الصابون العادى للبشرة
أفضل أنواع الغسول
😄😄 روتين البشرة الدهنيه 😄😄

منتجات vichy normaderm مناسبه جدا
غسول uriage
أو غسول فيشى نورماديرم اللبنى
غسول Topi_gent
غسول نيتروجينا
غسول افين
...

2- التونر
ثانى خطوة فى روتين العناية بالبشرة
هى إستخدام التونر بعد الغسول
عشان يقفل المسامات المفتوحة
عشان ميتجمعش فيها المواد المضرة علي البشرة
والتى تؤدى إلي ظهور الرؤوس السوداء

أنواع التونر
تونر pharmacirs
أو bel clinic
أو Eucerin

ضرورى للبشره الدهنيه يكون فى نسبة كحول ب التونر عشان التطهير
..
3-المقشر
ضروره ازاله الجلد الميت وازاله الشوائب وتجديد الدوره الدمويه للبشره بيستخدم من مره لمرتين فى الاسبوع..
أنواع المقشر
ستيفز الأمريكي المخصوص الدهنيه والحبوب
وبيكنج بودر الكوري

3- مرطب البشرة
ترطيب البشرة مهم جدا لكل انواع البشره عشان البشره متجفش وتشيخ
ملحوظه واحنا بنشترى المرطب لازم يكون مفيهوش زيوت
أنواع المرطب

مرطب loreal hydra total 5
أو بيبانثين
هاليرونك vichy
كليو
...
5- واقى الشمس مهم جدا لحمايه البشره
والبشره الدهنيه او المختلطه نستخدملها واقى الشمس خالى من الزيوت fluid

🌟🌟🌟🌟🌟🌟🌟🌟🌟🌟🌟
Vichy sunblock
Avène sun block
Uriage
Larosh
بس لو البشره حساسه تبعد عن صان بلوك لاروش

الروتين الليلى للعنايه بالبشره الدهنيه :-

1-غسول طبعا وتونر
2-ترطيب البشره والجسم قبل النوم
3-كريم العيون للحمايه من الهالات السوداء نستخدمه بليل
4-كريمات التفتيح وكريمات علاج البثور
5-كريمات المضاده للتجاعيد بردو ليلا

معلومه على الماشى لازم نعملها للعنايا بالبشره
1-حمام البخار
لازم نقوم بيه مرة واحدة اسبوعياً فقط لاغير
حمام البخارمهم اووى للأشخاص اللي عندها بثور سودا

ولازم ماسك مره في الاسبوع زي الفحم

Soriee look ❤️
Soft and beautiful ❤️❤️

مبتدئين الميكب
ايه الحاجات اللى لازم تكون عندكم
بنوتات الجامعه
❤️اول حاجه ابعدوا تماما عن الالوان الصارخه فى الروج
❤️اختارى لون فونديشين قريب من لون بشرتك
نفس الدرجه
❤️وللجامعه الصبح لازم تستعملى صن سكرين لحمايه بشرتك من اشعه الشمس الضاره
❤️لو هتحطى ميكب ممكن تستعملى واقى شمس ملون زى كريم الاساس
و ده فى منه انواع كتير
هنذكرها بالصور فى بوست منفصل
❤️لو هتحطى بودره و ده مش مفضل
هتجيبى بودره شفافه بدون لون
عشان تتفادى اللوك المجير الباهت اللى مش محبوب ابدا بالنهار فى الجامعه او الشغل
❤️البلاشر
او احمر الخدود
بيدى حيويه و جمال للبشره
و اختارى بين لون وردى فاتح و هادى
او خوخو هادى
و ابعدى عن الدرجات القويه
و طبعا اللى بتبمع و فيها جزيئات جلستر دى لا تصلح تماما
❤️زبده كاكاو ملونه
و ده اختيار لطيف جدا لو عايزين شكل حلو للشفايف من غير ما يكون مبالغ فيه ولا ملفت
مع ترطيب حلو كمان للشفايف
❤️قلم او بودره الحواجب
و ده لازم نختاره افتح من درجه الحواجب
ابعدى عن الاسود تماما بالمره
الاسود بيدى لوك قاسى و غريب
اختارى درجات البنى حسب لون حواجبك
بنى فاتح او غامق
و متظلليش بقوه يادوب رتوش لمظهر طبيعى
❤️الكحل
يقوم الكحل بدور كبير فى توسيع العيون، لذا استخدميه على الخط السفلى لجفنك ليبقى عينيك متوهجة ومتيقظة، فهو يضفى عليهما سحر مميز.
❤️الماسكارا
تساهم الماسكارا فى تغيير شكل العين بدرجة كبيرة، فاحرصى على اختيار نوع جيد يساعدك على إظهار جمال عينيك ولا يجعلها تبدو بشكل مبالغ فيه، واعلمى أن صلاحيتها 6 أشهر فقط بداية من موعد استخدامها لأول مرة.



https://www.instagram.com/fatma.toema.makeupartist/

Smokey look ❤️👁️

لقيت الصور دي قدامي وحبيت أنزلها علشان البنات اللي معندهاش خبره
الموضوع ده في كذا نقطه مهمه 🤔

1_أول حاجه البنات اللي بتكون سمرا ودي طبيعه بشرتها وعايزه تطلع بيضا اوي
أكيد هتجيري والله العظيم هتجيري وهيبان الفرق بين ايدك ووشك لما الميكب ارتيست بتقولك انها بتطلعك بطبيعتك او افتح درجه بتزعلوا علي أساس انها كده مش عارفه تشتغل
بس هي عارفه النتيجه هتكون ايه😭

2_البنت اللي وشها كله حبوب بارزه وبتبقي فاكره ان الميكب هيخفيها
طيب ازاي الميكب ارتست مش ساحره ولا هتسفلت وشك طالما فيه حبوب بارزه هتظهر هتظهر
متبصيش للصور اللي الوش ناعم وجميل
لو بشرتك كلها عيوب الميكب هيحسن منها بس مش هيضيعها نهائي 👌👌

3_الخطوط الرفيعه والتجاعيد
البرايمير بيقلل شويه بس برضو مش هيخلي الجلد متساوي
فلو بعد الميكب وشك كله خطوط دي مش مشكله الميكب خالص دي مشكله بشرتك وحلها انك تعملي بوتوكس او فيلر

4_الوش اللي بيقشر والميكب ارتيست بتفضل ترطب فيه كتير وبرضو يظهر قشور
ده علشان مش بتهتمي ولا بتعملي روتين ولا ماسكات ولا مهتمه ببشرتك

لازم نعرف ان الميكب مش عمليه تجميل
اهتمامك ببشرتك هو اللي بيطلع فنش الميكب حلو😍😍

الصور دي كلها قبل الايديت طبعا
البنات لما بتشوف صور الممثلين كلها ايديت وجميله وبعدين تروح تعمل ميكب وتكون متخيله نفسها هتطلع زي الصور وتتصدم

نصيحه لاي بنت داخله علي مناسبه
او اي عروسه انك تتهمي ببشرتك وتعملي ماسكات وسكراب
علشان هيفرق معاكي جدا في مظهر اللوك النهائي
روتين البشره ده أساسي ليكي سواء عندك مناسبه او لا ❤️❤️