Club Elle

تخفيضات بمناسبة عيد الأم 😍

صباح الخير علي كل متابعينا
النهردة حبه اكلمكم علي ماسك هايل بجد 😍 و هو ماسك الرز من خلال تجربتي الشخصية فعلا بقالي سنين بستخدمه علي بشرتي مسك الرز من الماسكات الحلوه جدا وطريقته سهله كمان .
الطريقه والمقادير:-
كوب رز وانقعيها فى مية يا دوبك تغطى وش الرز و سبيه لمدة يوم كامل وبعدها تصفيه و تاخدي الميه في ازازة ببخاخ وترشي علي وشك كل يوم الصبح بجد بينقي الوش ويفتحه ويقلل التهابات حب الشباب وينفخ الوش وبحفز نمو الكولاجين في البشرة .
جربو و قولولي رأيكم وتعليقاتكم 😍

مسا الفل على كل متابعينا 🌹😍
انهردة مش هنعمل ماسك بس هقولك على حاجة جميلة و مفيدة جدا للبشرة و هى مية الورد فوايدها كتير اوى زى أية بقي تعالى اقولك
بتقلل التجاعيد
و بتأخر ظهور الشيخوخة
و بتعالج البشرة الجافة و بترطبها
و بتنقى البشرة و بتقفل مسام الوش
و بتفتح كمان لون البشرة كمان
و ممكن نستخدمها بكذا طريقة و اسهلها انك تحطيها فى بخاخ او فى عبوات ببخاخ جاهزة للاستخدام علطول.
الطريقة :-
اول ما تصحى تغسلى وشك و تحطى منها و قبل النوم بردو اغسلى وشك و حطى منها و ادعيلى
جربي و قوليلى رأيك ؟

مسا الفل على كل متابعينا 😍
الماسك دة جديد و جميل جدا و هو ماسك البيكنج صودا باللبن و دة يبيض البشرة و يشدها يلا تعالى اقولك ازاى تعمليه
المقادير و الطريقة :-
نص م / ك بيكنج صودا
و ٢ م / ص لبن
بس كدة و تخلطيهم ببعض هتلاقيه بيفور عادى متقلقيش و اصحاب البشرة الحساسة لو قلقانين يجربو الاول على اديهم بس هو مش بيعمل حاجة لأن انا شخصيا بشرتى حساسة جدا و كان حلو معايا اوى و بعد كدة اشطفى وشك بالمية الدافية و رشى مية ورد بعديه هتاخدى نتيجة جميلة .
يلا جربو و قولو لى رأيكم أية ؟

مساء الفل على كل متابعينا 😍
تعالى اقول لكم على وصفة طبيعية و كوالجين طبيعى من مكونين بس و هما ( لبان الدكر + النشا ) و الماسك دة بيفتح البشرة و يشيل اى شوائب و بيقلل من ظهور التجاعيد و بيشد البشرة و بيصفى البشرة خاصة الملتهبة و بيضيع اى علامات قديمة فى الوش
الطريقة بقي ازاى ؟
هتجيبي معلقتين لبان دكر و تنقعيهم فى كوباية مية ليلة أو ليلتين لحد ما لبان الدكر يدوب خالص و بعد كدة تصفيه خالص و تحطى عليه معلقة نشا كبيرة و تقلبي على النار لحد ما يتقل يبقى عامل زى الباشميل كدة و تسبيه يبرد خالص هتلاقيه تقل شوية عادى و تعملى منه ماسك على الوش و تسيبيه لحد ما ينشف و تفركيه بردو بحركات دائرية و تشطفى وشك بمية دافية و متنسيش تدعيلى جربي و قوليلى حسيتى بالفرق و لا أية ؟

صباح الخير عليكم جميعا 🌹
هكلمكم انهردة عن الماسكات الطبيعية من خلال تجربتى الشخصية و اللى اثبتت فعاليتها مع الاستمرارية ( اهم حاجة الإستمرار ) مش مرة و خلاص و من اهم الماسكات ديه ماسك القهوة و هو بيرطب و ينقى و يوحد و يفتح لون البشرة و الطريقة سهلة جدا و مش هتاخد وقت خالص
المكونات و الطريقة :-
معلقة قهوة صغيرة + معلقة صغيرة سكر +معلقة زيت زيتون
اخلطيهم بقى مع بعض لحد ما يبقى قوام كريمى و اى فرشة رسم قديمة عندك ( انا شخصيا بحط بصوباعى 😅) و حطيه على وشك و سبيه لحد ما ينشف و بعد كدة افركيه من على وشك بحركات دائرية و اشطفى وشك بمية دافيه و الفرق هيبان علطول من اول مرة و متنسيش تدعيلى بقى جربوه و قولولى رأيكم اية ؟

Mousse Blusher Powder🥰

ماسكرا شيجلام الجديده 😍
مميزه بشكل فرشتها الجديد من نوعه علشان توصل لكل الشعر و تديكى ايفكت حلو 😍
بتطول الرموش جدااااا و كمان بتكثف و بتقلب الرموش كمان من غير تنايه .

𝙎𝙝𝙚𝙞𝙣 𝘾𝙡𝙚𝙖𝙣 𝙎𝙥𝙤𝙣𝙜𝙚 👌

أسهل وألطف طريقة لمسح الميكب هي الاسبونجات الميكروفايبرز دي بجد إختراع .
كل اللي هتعمليه هتبلي الاسبونج "ميه" بس وتمسحي بيها وشك
الميكب هيتمسح بأقل مجهووود دا غير بقي اهم حاجه بحبها ف خامات الميكروفايبرز انها "ناعمه" جدا علي الوش .
تختلف إيه بقي عن القطن ؟ معظم القطن بيبقي خشن وهو من اكبر مسببات الخطوط الرفيعه اللي بتظهر حول العيون لان الاحتكاك في المنطقه دي بيسبب فيها ترهلات وخطوط فنعومه الاسبونج دي أهم من اي حاجه .
طبعا الاسبونج دي هتعيش معاكي مدي الحياة بعد ما تخلصي تغسليها باي شاور جل او صابون وتسبيها تنشف بتنضف بسهوله جدا وبتنشف أسرع ❤️😍

الاسبونجة السحريه اللى بتحلى الميك اب و بتخلى تحت العين حته واحده 😍
مش هتعرفى قيمتها غير لما تجربيها و بتخلى الميك اب سو سوفت و البشره صافيه ♥️
بتوصل لكل الاماكن الديقه و الصعب تتحكمى فيها زى حول العين و الانف بتثبت اللوس بودر حلو جدا بسهولة و ناعمه جدا
خفيفه اوى و ممكن تلبسيها فى صوابعك لو بتخافى ايدك تطبع على الميك اب 🤩

💅😍