Dr . Essential
Share
we will care you
19/07/2021
وفي نهار يوم عرفه.. اللهم بدل اقدارنا الى اجملها فأنك القادر الذي لايعجزه شئ 🙏🙏
عيد أضحى مبارك 🐑
أعاده الله علينا بالخير و الصحة والعافية واليمن والبركات ❤️🤲🏼
12/05/2021
كل عام وأنتم بخير وتقبل منكم صيامكم وقيامكم وعساكم من عواده.💙♥️🙏
أسعد الله أيامكم وتقبل الله طاعاتكم وجمعنا وإياكم على خير عيد فطر سعيد.💚💛🙏
بأنوار الرسول أمسيك وبعيد الفطر أهنئك وأدعي الله من الكوثر يسقيني ويسقيك.💙💜🙏
أسأل من أعاد العيد وطوى الشهر الفقيد أن يمدك بعمر مديد إن شاء الله.🧡💛🙏
تقبل الله منا ومنكم صالح الأعمال وكل عام وأنت بخير.🧡💜🙏
أدام الله عليك الأعياد دهور وألبسك من تقواه نور عيدك مبارك. 💙💚🙏
نتقدم بتهنئة حضراتكم بمناسبة حلول عيد الفطر المبارك 🕌🕋
كل عام و انتم بخير 💙
اعاده الله علينا جميعا بالخير و اليمن و البركات
لا تنسوا فلسطين من دعائكم 🇵🇸🇵🇸
نتمنى لكم صوما مقبولا 💙♥️✨🕋🕌🌙
خلينا نتكلم فى موضوع تكليف صيادلة ٢٠١٨ و ٢٠١٩
هنطول شوية معلش بس عاوز نحط شوية نقط على الحروف كدا و نبدأ من بدري شوية 🤔🤔
⬅️ ليه امتحان الثانوية العامة بيكون موحد على الجمهورية كلها (( اكيد هتتفق معايا فى الإجابة عشان مبدأ تكافؤ الفرص ))
كدا ..... 1 / 1
⬅️ طيب انت لو صاحب مكان عمل حكومى أو خاص و لسه بتفتح جديد و المفروض تعين ناس للشغل المفروض و عندك مثلا فرص عمل ل ١٠ أشخاص طبيعى تعين ١٠ أو ١٢ مش تعين ١٠٠٠
بردو اعتقد لسه متفقين مع بعض ...... ٢/٢
هناخد بقا من النقطتين دول موضع بداية لكلام كتير
حضرتك كمسئول مثلا عارف أن استيعابك لخريجى صيدلة و ليكن 100x
العدد دا طبيعى مقسم على جميع محافظاتك
فمن الطبيعى و المنطقي جدا و انت بتحط تنسيق الثانوية العامة بتشوف المحافظة كذا محتاجة مثلا 2x و بالتالى اخد العدد دا عشان لما الناس دى تتخرج تتعين فى نطاق محافظتها
دا العقل و المنطق لسه متفقين صح
اعتقد لسه متفقين
(( فى واحد هيطلع يقولى طيب ما مش كل المحافظات فيها كلية صيدلة
حلو جدا انا معاك ما معاليك يعنى مش هتفضل ظالم كل الناس اللى مفيش فى محافظتها كلية صيدلة فالطالب دا بيعيش ٥ أو ٦ سنين كلية متغرب فى اقرب محافظة ليه و بعدين انت متكرما كمسئول المفروض بتبقى عامل plan أن الصيدلى دا انا قبلته بمجموعه و انا اللى محدد التنسيق عشان هو من ضمن 2x فى منطقته و اللى هما اصلا جزء من 100x اللى انت بردو حددتهم ))
كدا اول حجة باظت .... كدا 1 / 0 للصيدلى ❌
هل فى رقابة لإعداد الكليات الخاصة
(( انا مش ضد الكليات الخاصة بس ضد كل حاجة لا تخضع لقانون تحت منظومة معروفة ))
يعنى مثلا لو استيعاب مصر من الصيادلة ١٠٠٠٠ صيدلى سنويا
انت كمسئول بتقسمها اذاى فى التنسيق لو فى ١٠٠٠٠ صيدلى حكومى هتعمل ايه فى الخاص 🤔🤔
طيب بلاش السؤال دا
لو معاليك عامل نسبة و ليكن انت عندك فرصة ل ٥٠٠٠ صيدلى خاص و دول متقسمين مثلا علىى١٠ كليات خاصة يعنى كل كلية ٥٠٠ طالب
لو بكرا فتح عندك ١٠٠ كلية خاصة مطابقة للشروط و الاحكام هتعمل ايه فى الاعداد تعرف تجاوبني 🤔🤔
كدا 2 / 0 للصيدلى ❌
يعنى كدا وصلنا انك لو حاطت plan صح لاحتياجات كل محافظة مع اختيار التنسيق الصحيح كان زمان موقفك دلوقتى احسن ....
طيب خلاص كل الكلام دا غلط و انت اللى صح
بردو انت كمسئول بتمشي على أول نقطة خالص و هى أن امتحان الثانوية موحد عشان مبدأ تكافؤ الفرص و انت بردو هتكلفنى حسب تقديري
طيب فين مبدأ تكافؤ الفرص
عاوز تعمل كدا يبقى طبق محتوى علمى واحد و امتحانات موحدة على كل كليات صيدلة و يبقى كل واحد وشطارته بس دا مبيحصلش
الصيدلى 3 / 0 ❌ النتيجة شكلها هتتقل
كل اللى فوق دا خلاص كلام على ورق و اللى حصل حصل
انت دلوقتى نجحت و كنت واعد اصحابك انك تعزمهم على حاجة بس الدنيا مش ماشية معاك تعزم واحد واحد و لا تعزمهم كلهم و تضغط نفسك
انا بديلك ابسط مثال بتاع حضانة يعنى
طبعا بردو كلنا متفقين على الإجابة
معاليك مكلفتش و لا ٢٠١٨ و لا ٢٠١٩ و بقا عندك اماكن فاضية ايه اللى يخليك تجازف بالدفعتين
ما كنت تبدأ ب ٢٠١٨ و ساعتها مكنش حد من ٢٠١٩ قالك عملت كدا ليه لان معاليك هيبقى عند رد جاهز و هو (( الأولوية ))
انت كمسئول فين من كل دا
هو أنا شخصيا مش متضرر لانى مش من الدفعتين دول بس دا ظلم بين غير مبنى على أسس أو تفكير أو تخطيط و بيتعمد سياسة الضغط على الناس عشان يتنازلوا عن حقوقهم ...
*هذه تهنئة سيدنا رسول الله صلى الله عليه وسلم لأصحابه بقدوم رمضان، وأنا أهنئكم بها*
(أتاكم رمضان شهر يغشاكم الله فيه،، فينزل فيه الرحمة ،، ويحط الخطايا،، ويستجيب الدعاء ويباهي بكم ملائكته، فأروا الله من أنفسكم خيرًا،، فإن الشقي من حرم فيه رحمة الله )...
بلغنا الله وإياكم صيام هذا الشهر المبارك وقيامه،، الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،، الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...
مُبارٓكٌ علٓيْكُمْ شّٓهرُ رٓمٓضٓان
وكل عام وأنتم بخير
اللهم ادخل رمضان عليكم وانتم فى صحة وعافية وستر 🕌🕋🌙🌙
03/01/2021
طبعا كلنا شوفنا امبارح كارثتين بمعنى الكلمة سواء فى مستشفى زفتى و مستشفى الحسينية 💔💔
طيب دا تصنيفه ايه ضعف موارد استهتار إهمال فقد اعصاب مهما كان الاسم
الفكرة بردو أن دا وضع كان قائم و لسه هيستمر طول ما الناس بتسمع و مبتحكمش عقلها 🚶🚶
اولا كدا كل الدعم للقطاع الطبى فى مصر سواء دكاترة مممرضين صيادلة مسعفين كل من يعمل بالمنظومة الطبية كل الدعم ليهم فى الفترة دى
بس خطأ صغير من شخص غير مسئول و الاكيد أنه مش محسوب من الأبطال اللى اتذكروا فوق دول يضيع مجهود ناس زى دى بتضحى بنفسها عشان يلحقوا اى حد 🍀🍀
و دا أقل كلام يتقال فى حق القطاع الطبى
https://www.facebook.com/106111924391379/posts/130988731903698/
بس ممكن سؤال ؟!
كلنا فى مصر عارفين أن طول ما انت بتحاول تساعد و تشتغل تحت إمكانيات ضعيفة هيفضل الوضع قائم كما هو بدون اى تغيير طالما انت قابل الوضع و بتمشي الدنيا 🤔🤔
هل المسئولين منتظرين أن الدكاترة تاخد اجراء مثلا زى اعتصام عن العمل عشان يبدئوا يحققوا و يشوفوا الوضع
زى لما نقابة الأطباء نزلت بيان من 6 شهور لما الدكاترة اتحرمت من المسحات !!
هل اعتذار دكتور عن عمله دلوقتى يدينه لما يكون منطقه إن هو حاليا مجرد ما يكمل يوافق يعمل فى منظومة متهالكة زى دى بيكون سبب فى موت ناس
فرص النجاة بتاعتهم كبيرة جدا و لو فى شوية إمكانيات و نظام 😔😔
طالما الأكسجين متوفر زى ما بتقولوا الناس بقت شغالة فيه ليه ؟!
احنا لينا باللى كلنا شوفناه بنفسنا مش تصريحات عشان نقفل بيها شوية اوراق 🤐🤐
تخيل الإجراء الوحيد اللى اتاخد أنه ممنوع تصور فى العناية المركزة 🤔🤔
صحيح حتى الناس بتاعت الطرق و الكباري
دا حتى و احنا بنروح المستشفيات مش لاقين الطرق و الكباري اللى بتتكلموا عليها دى 😎😎
الفيديو فى اول كومنت
ربنا يرحم كل موتانا 🤲🤲
29/12/2020
من حوالى 6 شهور كدا عملت البيدج دى بغرض التوعية ضد كورونا و اذاى ممكن نحافظ على نفسنا و كنت بعمل تحاليل و تقارير للأرقام الموجودة لأنها كانت تقترب من المنطقية و المصداقية و هتلاقوا فى الصور شوية من شغلنا اللى فات ⬇️⬇️⬇️
كان الطبيعى انى اكمل كدا فى الموجة التانية (( الموجة الأولى اصلا مكنتش انتهت فى مصر ))
بس دى مش مشكلتنا
بس الواحد مينفعش ينزل ارقام لا تعبر عن الواقع بأى صلة لأهداف مختلفة بقا أنهم عاوزين يكملوا عجلة الاقتصاد على حساب أرواح الناس
للاسف حتى لو انت ملتزم غالبا بردو هتتصاب فأنت تحمد ربنا على ستره معانا احنا بناخد بالاسباب
خلينى كدا اكلمك شوية كلام عادى كدا مش كلام علمى كلام منطقي نفهمه مع بعض 🤔🤔
★ اول دولة خدت التطعيم بريطانيا و هى أول دولة قفلت (( لسه بدري على التطعيم فمتصدقش حقن تخدير الرأي العام دا )) و كمان افكرك أن الصين اللى استوردت منها اللقاح راحت هى استوردت لقاح امريكا ..... البيزنس يحكم 🤐🤐
★ دول اقوى منك بكتير اقتصاديا و تنظيميا و كل حاجة تتخيلها قفلت اصل انك تقفل دولتك مش عيب اقفلها لفترة ظبط وضع الدنيا و المستشفيات و بعدها خد قرارك 🚶🚶
★ حاضر يا سيادة الوزير هتبقى نتعلم المانى دا فعلا أهمية تصريحاتك فى كورونا 😎😎
★ تصنيف مصر الكام عالميا فى التعليم عشان نتمسك اوووى بالامتحانات كدا 🤔🤔
★ تحليل بقا نسب الوفيات بيقول أن فى الشهر اللى فات زادت اعداد الوفيات بمقدار 30 الف وفاة عن نفس الشهر اللى فات مشوفناش زلزال و لا بركان يعنى فى سبب تانى غير كورونا ؟؟
احكم انت بقا
طيب نسبة الوفيات المفروض تمثل 1٪ من الاصابات فى العالم كله اضرب انت كدا 30000 * 100
وصلت لنتيجة الرقم 💔💔
★ طيب الدكاترة اللى بتطلع تتكلم عن صعوبة الأمر ايه قابضين بردو و لا ايه 🤔🤔
★ مش هكلمك عن إهمال طبى عشان انت اكيد شوفته بعينك أو حصل لحد يخصك أمر مفروغ منه 🤐🤐
★ حاضر هدفع خمسين جنيه و تعدى غيرك مش مهم ... قرارات هادفة جدا 😎😎
★ عاملين هشتاج عشان ندافع عن طالب اتفصل عشان طلع اتكلم و قال إن التكدس فى الجامعة غلط عليهم 🤔🤔
★ طالب يقول العميدة حالتى كورونا مش هعرف انزل و متوافقش و ينزل و يموت 💔💔
★ للاسف انتم وصلتوا الناس لمرحلة أن اصلا هما حياتهم مش فارقة معاهم
فمتطلبش منه التزام بقا دا اذا كان هو مش شايفك ملتزم فى طريقة تحافظ عليه 🚶🚶
★ عارفين امتى هياخدوا قرارات صارمة لما يتم الإعلان أن م بؤرة للمرض ساعتها عشان هيبقى عشان شكلنا فى العالم مش عشان حياة الشعب 💔💔
★ طيب و هو العالم لسه متكلمش عننا ؟
لا راجع كدا تصريحات امريكا و أن مصر وصلت المرحلة الرابعة
و تصريحات المانيا و تصريحات منظمة الصحة
طب ايه بقا 🤔🤔
#كورونا
21/12/2020
صباح الخير او مساء الخير حسب الوقت اللى هتشوف فيه البوست 🍀🍀
اتمنى لو انت من الناس اللى بتابعنى تكمل البوست دا اه هو يبان أنه طويل
بس الموقف دا لو محصلش فى دايرة معارفك فدا معناه حاجة من اتنين أنه بيحصل دلوقتى و انت مش عارف أو لسه هيحصل فخد بالك بقا 🤔🤔
اولا انا شخص محسوب على القطاع الطبى فأنا اول واحد هكون عايز اكتب عن اى إيجابيات فيه
دا بس عشان بعد شوية من البوست نبعد عن نظرية المؤامرات و شغل الهروب من الواقع دا
و خلى دا على جنب كدا بس متفتحوش الا لما تكمل قراءة
https://www.facebook.com/106111924391379/posts/130988731903698/
اولا ياريت كلنا نقرأ الفاتحة على روح خالى و ندعيله و البوست دا يبقى صدقة جارية على روحه ♥️💙
بس تعالى اعرف خالى توفى اذاى من الإهمال الطبى انا بحكيلك واقع انا عشته على مدار 4 ايام
بس فعلا من كتر ما هو واقع سئ انت ممكن متصدقش ممكن متصدقش أن دى قصة تحصل فى فيلم اصلا
و دا مش اول مرة نتكلم على حاجة زى دى
و خلى دا على جنب بردو
https://www.facebook.com/106111924391379/posts/126725715663333/
خالى المفروض أن هو مش بيعانى من اى أمراض مزمنة و لا اى حاجة و الحمد لله صحته جيدة
و مفيش اى شكوى لأى مرض
المهم يوم 12 / 12 لقيتهم بيبعتولى روشتة لخالى اللى هى بروتوكول كورونا فلما سألت عرفت أنه راح مستشفى الطوارئ و دا اللى اتكتبله طيب بسئل عن التحاليل و الأشعة يقولوا مفيش حاجة اتعملت
طيب خدنا قرار نعمل كل دا برا بس خد بقالك هو خرج من المستشفى على أساس أن صحته كويسة ...... 1️⃣
المهم اتعمل التحاليل و التحاليل طلعت كويسة و مفيش اى حاجة و لكن نسبة الاكسجين أقل من المعدل الطبيعى فتم توفير اسطوانة اكسجين و علقنا اكسجين فى البيت الكلام دا يوم 13 / 12 يومها بالليل كذا دكتور قال إن دى حالة مستشفيات و لازم يروح مستشفى راح المستشفى تانى و بردو اتعمله جلسة اكسجين طيب التشخيص ايه مش عارفين
طيب نروح اى مستشفى خاص مش بنقبل حالات كدا طيب باقى مستشفيات الاستقبال لا عندك الصدر راح و اتعمله جلسة و مشى .... 2️⃣
يوم الاتنين 14 / 12 الوضع لسه زى ما هو خلاص و كلمنا وسايط كتير أنه لازم يدخل المستشفى بس كلام مستشفى الصدر أن فى تسجيل ل 1100 حالة
أيوة انت شوفت الرقم صح الحالات دى منقسمة على الاستقبال و العناية العادية و العناية المركزة
طيب الحل ايه انت خالك هيقعد فى الاستقبال كدا فى الجو البرد دا و يفضل معلق اكسجين النسبة وصلت 30 ٪
طيب التشخيص لا هو كويس و يومين و هيخف
طيب ممكن نوديه عند دكتور خاص لأ مينفعش يقوم من على الأكسجين طيب مفيش إسعاف مجهز يوصله لأ مفيش ..... 3️⃣
يوم التلات الصبح 15 / 12 الحالة بتسوء كلمنا وسايط اكتر و هو لازم يتعمله أشعة مقطعية فين بقا فى المستشفى الدولى ؟؟ طيب فى عربية إسعاف مجهزة لأ طيب احنا نتصرف لأ بس لو خرج من المستشفى مش مسئولين عن اللى هيحصل
و البعض يقول إن المستشفى الصدر اصلا فيها بس لازم لما مدير المستشفى يوصل ؟!
يعنى عذر اقبح من ذنب الذنب أن مستشفى صدر مفهاش أشعة مقطعية و العذر أن لو فيها أننا مستننين المدير ..... 4️⃣
الوقت بيعدى و مفيش حل قالك هنكتفى بالأشعة العادية مع تأكيد من بعض المسؤولين فى المستشفى أن فى غرف عناية مركزة موجودة بس دى لكبار القوم أيوة كبار القوم ❗❗⁉️‼️
المهم فى قرار اتاخد أنه لازم يتنقل عزل تمى الامديد طيب يا جماعة الحالة مش كورونا
لا يقعد 3 ايام عناية مركزة طيب ماشي
طيب فى طريق العزل المسعف و الدكتورة قاعدين قدام جنب سواء الاسعاف و جه إشارة الإسعاف أنه يرجع مستشفى الصدر فى مكان بقا فاضي حلو
عرفنا الخبر منين خالى اتصل بينا و قال الكلام و مفهمناش باقى الكلام من كتر الكحة و ضيق التنفس طيب ادينا نكلم حد من اللى معاك كلهم قدام مفيش حد معاه فى الإسعاف ...... 5️⃣
رجع الصدر فين المكان لا طلع مفيش مكان لأ دا احنا بنهزر بقا ‼️⁉️
خلاص هيرجع العزل تانى
استنوا شوية لما اتجمع 3 حالات و طلعوا طريق العزل 3 اسعاف معاهم دكتورة واحدة و ممرض و طبعا راكبين قدام مش مع الحالات
و خالى لغاية اللحظة دى رافض يركب على ترولى و ماشي على رجله و الأكسجين طول ما هو موجود الحالة كويسة خالى ودعنا و سلم علينا و بيطمن نفسه و يطمنا انه هيقعد 3 ايام و راجع
طيب الاسطوانة الأكسجين قليلة يا عم المسعف رده ايه بقا لخالى اقسم بالله الرد كان هنفتح الشباك و انت ماشي هيجيلك هوا ‼️⁉️ .... 6️⃣
خالى مشي من المنصورة الساعة 6 الا عشرة خالى توفى الساعة 7 و نص
3 حالات اللى اتنقلوا اتوفوا كلهم
و منهم حالة اتوفت فى الطريق
حق خالى دا بقا فين ⁉️‼️
حق مريض نسبة الأكسجين 31 ٪ فين ⁉️‼️
اللهم لا اعتراض و لكل اجل كتاب 🍀🍀
بس خالى توفى نتيجة إهمال طبى ❌❌
و كلنا عارفين يعنى ايه إهمال طبي فى مصر
انا مسئول عن كل كلمة فى البوست
و بالنسبة لكورونا فهنتكلم عنها فى بوست تانى
لانى كنت متابع مع حالات كتير و كلهم دلوقتى كويسين الحمد لله
⬅️⬅️ياريت نشير البوست دا على قد ما تقدر لعله يكون سبب انك تلحق حد قبل ما يتكرر نفس الموقف 🔁🔁🔁🔂
الصورة فى البوست توضح أن مصر فى المرتبة السابعة من حيث وفيات كورونا 💀💀
بس طبعا التقرير اليومى لازم يبدأ بارتفاع عدد حالات الشفاء و كله ضحك على الناس ‼️‼️
29/11/2020
اهلا وسهلا بيكم من جديد بعد غياب فترة مش قصيرة 💙💙
كنت اتمنى لما نرجع نتكلم عن حاجة مختلفة و أن جائحة كورونا يكون تم السيطرة عليها و لكن لا جديد يذكر بشأن السيطرة على المرض 😔😔
خلينا بس نقول إن الوضع الحالى
douple edged weapon
يعنى الوضع الحالى سلاح ذو حدين
الحد الجيد و دا اللى هنبدأ بيه
★ أن حاليا مفيش أزمة فى الأدوية أو المستلزمات الطبية زى ما كانت موجودة فى بداية الجائحة بل بالعكس تقريبا معظم البروتوكولات حاليا معظم الأدوية المدونة بيها متوفرة و أن فى شركات مصرية كتير خدت حقوق لصناعة أدوية خاصة بكورونا
★ تانى حاجة كويسة أن كمان بقا فى لقاحات واعدة ذات نتائج جيدة و خلاص الموضوع كله بقا مسئلة وقت 👌👌
****************************
الحد الغير جيد أو السئ يتمثل فى حاجات كتير
★ مبدئيا هو توقف عمل المسحات للحالات المشتبه بها و بالتالى الأرقام لا تعبر عن الأعداد الحقيقية لأن الارقام الحالية هى الارقام التى توثق فى أماكن حكومية و ليست مستشفيات أو عيادات خاصة
★ طول ما الارقام ليست معبرة عن الواقع و قليلة كدا دا هيقلل فرص أن مصر تبقى من الدول الأولى التى تحظى باللقاحات لأن هدف اللقاح هو الحد من انتشار الوباء فالدول اللى معدل الإصابة فيها اعلى هتبقى ذو أحقية بكدا
★ مصر امبارح مسجلة 351 إصابة الرقم بالظبط من شهر 170 حالة و بكدا نشوف تضاعف العدد
(( دا مقتصر على حالات المستشفيات الحكومية بس )) و حرفيا اى صيدلى واقف فى صيدليه اكيد بيشوف كم الحالات اليومية اللى جاية تصرف روشتات كورونا
★ زى ما فى متغيرات فى طريقة التعامل كمان فطبيعى يكون فى متغيرات فى طبيعة الفيروس انى ممكن بيتمحور لشكل اقوى و أعراضه تكون اكتر و أنها توصل للجهاز الهضمى و العصبى
★ يمكن كمان تعامل مصر على أن الوضع عادى عمل حالة اعتياد و ارتياح عند المعظم فى حالة عدم الاهتمام و عدم الالتزام بقواعد السلامة
طيب دور الصيدلى و الطبيب و الجمهور فى الموضوع دا
هنتابع فى البوستات الجاية 💙💙
هل طريقة مصر هتكون مختلفة المرة دى فى التعامل و هنتعلم من خطأ الماضى ؟؟🤔🤔
طيب تعالوا نفتكر طريقة التعامل اصلا كانت ايه https://www.facebook.com/106111924391379/posts/125309155804989/
اللينك دا كمان فى لينك خاص باى سؤال او استفسار هجاوبكم عليه
https://curiouscat.qa/Ahmed_Amr_ElGoHarY
ربنا يتم شفاء جميع المرضى على خير
و يرحم جميع ضحايا هذا الوباء 💙💙
( 1 / 4 )
30/07/2020
كل عام وأنتم بخير
عيد اضحى مبارك علينا جميعا 💙♥️🙏
أدام الله عليك الأعياد دهور وألبسك من تقواه نور عيدك مبارك. 💙💚🙏
أهنيك بقدوم العيد وأيامه وكل عام وأنت بخير.
ازاى نربط بين التنمية البشرية و أزمة كورونا 🤔🤔
و هل محتوى الفيديو مقتصر على أزمة كورونا فقط ؟!
شوف الفيديو و اعرف بعض morals اللى ممكن تطبقها فى كتير من أزماتك و ازاى تتغلب عليها 👌👌
و هل اول مبدأ موجود فى الفيديو بيوضح أن الإعلام حاليا هو اللى بيصنع الواقع و يعيش الناس فى الوهم و يخليهم يصدقوه و ازاى يقدر يوجه رأى الناس و فكرهم لاتجاه معين !؟
لو عجبك شير و لايك ☑️☑️🔝✨✨
قناة اليوتيوب
متنساش لايك و الشير و الاشتراك 🔝🔝☑️☑️
https://www.youtube.com/channel/UCioLno9z6b6_-AE0jiJ4bag
وزارة الصحة اليوم حذفت فى تقريرها اليومى خانة (( عدد الحالات التى تحولت نتائج تحاليلها من ايجابية إلى سلبية )) 🤔🤔
كمل الفيديو و شوف أننا من ٣ شهور علقنا على الموضوع دا لانه كان بمثابة صناعة الوهم و بيدعوا الناس للاستهترار لأن ناس كتير كانت بتستخدم الرقم دا فى محاولة توضيح أن نسب الشفاء عندنا عالية 🥺🥺💔
خليك فاهم و متخليش حد يضحك عليك 👌👌
امتحان طلاب التخرج 🤔🤔
تضيع سنة من حياتك و لا تموت ❌❌
فين حق الطالب اللى بيسافر حوالى ٤ ساعات و بيركب اكتر من مواصلة 🤔🤔
هل فى مكان فى مصر قادر على تطبيق احتياطات و تعقيم لدفعات تصل ل ٤٠٠٠ طالب ؟!
كل صوت مسؤول يعارض هذا القرار يتم إغلاق صفحته 🧐🧐
قرار سيادي بعيد عن أرض الواقع 💔💔
المساواة فى الظلم عدل 🚶🚶
Click here to claim your Sponsored Listing.
Category
Website
Address
قناة السويس
Mansoura
