Shaykh ishaq elewa ila

IṢẸ́ NI OÒGÙN ÌṢẸ́

Múra sí iṣẹ́-ẹ̀ rẹ ọ̀rẹ́-ẹ̀ mi
Iṣẹ́ ni a fií di ẹni gíga
Bí a kò bá r'ẹ́ni fẹ̀yìntì
Bí ọ̀lẹ làá rí
Bí a kò bá r'ẹ́ni gbẹ́kẹ̀lé
Àá tẹra mọ́ iṣẹ́ ẹni
Ìyá-à rẹ lè l'ówó l'ọ́wọ́
Bàbá sì lè l'ẹ́ṣin léèkàn
Bí o bá gbójú lé wọn
O tẹ́ tán ni mo sọ fún ọ
Oun tí a kò bá jìyà fún
Kìí le t'ọ́jọ́
Oun tí a bá f'ara ṣiṣẹ́ fún
Níí pẹ́ lọ́wọ́ ẹni
Apá l'ará
Ìgúnpá ni'yèkan
Bí ayé ń fẹ́ ọ lónìí
Bí o bá l'ówó l'ọ́wọ́
Ni wọn á máa fẹ́ ọ lọ́lá
Tàbí tí o bá wà ní ipò àtàtà
Ayé á yẹ́ ọ sí tẹ̀rín-tẹ̀rín
Jẹ́ kí o di ẹni tí ń rágó
Kí o rí b'áyé tií ṣímú sí ọ
Ẹ̀kọ́ sì tún ń sọ 'ni d'ọ̀gá
Múra kí o kọ́ọ dáradára
Bí o sì rí ọ̀pọ̀ ènìyàn
Tí wọn ń fi ẹ̀kọ́ ṣe ẹ̀rín rín
Dákun má ṣe f'ara wé wọn
Ìyà ńbọ̀ f'ọ́mọ tí kò gbọ́n
Ẹkún ń bẹ f'ọ́mọ tó ń sá kiri
Má f'òwúrọ̀ ṣeré ọ̀rẹ́-ẹ̀ mi
Múra sí 'ṣẹ́, ọjọ́ ńlọ.

Àròkọ: Alawiye J. F. Odunjọ
Àwòrán : IBMARF