Dr. Lilian Radana

كل سنة وانتم بخير..
مولد نبوي شريف🤍

بتحبي تشتري من مين (seller) عشان بتحبيها و بتشتري ايه؟ 🤍

أكبر إنجاز تقدر تعمله لنفسك في الزمن ده هو إنك تكون إنسان محترم ، و متربي و مسيطر على نفسك و سلوكك و محافظ على كرامتك ..
متحكم في أفعالك و دائماً عندك مسطرة أخلاقية ماشي عليها و عارف حدودك ..

Bonjour 🤍

"سيعوضك" و "سيراضيك" و "سيجبر بخاطرك" ♥

"العمل
عمل ربنا"

أقولها وأنا لا أملك في أمري شيء ولا أعرف ماذا أفعل..
سينقذني الله مثل كُل مرة :))

حبكم غمرنا🤍 قريت لماما كل الرسايل و بسببكم نفسيتها احسن بكتير..
احنا الحمدلله خرجنا من المستشفي ..
و لكن العملية كانت صعبة جدا و زي مانتم عارفين قعدت ١٦ ساعة جوة غرفة العمليات.. و كان فيه نزيف.. و بنعمة ربنا خرجتلنا بالسلامة..

العملية كانت "ورم في المخ"
المشكلة انه كان في مكان حساس جدا
بين المخيخ و جزع المخ.. و كان كبير اوي و زانق المخيخ جامد.. و كان مسببها الام مبرحة..
لدرجة ان الدكتور قال ان الالم اللي بتوصفه اقل بكتير من اللي بتحس بيه..

بعد خروجها بالسلامة بمعجزة

الدكاترة قالوا ان اطرافها مش هتتحرك تاني.. و لكن ربنا كان ليه رأي تاني.. و الحمدلله كل الأطراف سليمة ..

دلوقتي فيه تحسن بطيء.. و لكن احسن من مفيش..
و الموضوع بس مسألة وقت..

أنا بكتب ده عشان كذا حاجة..
اي حد بيمر بأزمة لازم يثق في ربنا لانه ديما موجود و بيرأف بينا و بيعمل الصالح
متفقديش ايمانك مهما كان

كمان كل يوم بيجيلي رسايل كتير اوي و مبقدرش ارد عليها
بس لازم أطمنكم و أعرفكم التطورات لان ده حقكم علينا زي ما دعوناها تعرفوا ان دعواتكم اُستجابت..

تالت سبب.. ان اي حاجة وحشة او ازمة بتمري بيها.. طالما مش مرض او موت بجد هي صغيرة اوي اوي و متستاهلش وجع قلبك..

رابع حاجة.. بجد اهل المريض و المريض بيحتاجوا حبايبهم اوي اوي كل سؤال و كل زيارة.. فلو تعرفوا حد تعبان بجد اسألوا عليه.. حد لو مردش.. هيشوف رسالتكم و هتفرق معاه..

خامس حاجة.. متهمليش اي وجه او احساس غريب يجيلك.. و اعملي اشاعة و اطمني على نفسك .. لان للاسف ماما قعدت فترة بتعاني من الام كانت بتتعالج من حاجة تانية خالص و راحت لكذا دكتور هنا .. لغاية ما فيه دكتور في الاخر غيرهم طلب اشاعة و هو اللي كشف الموضوع
و كان بقالها كذا سنة عندها حاجات مش مظبوطة و كل دكتور يديها مضادات التهاب او مضاد حيوي .. كله ماشي بالفهلوة

متنسوهاش في دعواتكم و اسألوا عليها علطول..
لان مش هقدر اكتب ع العام الوضع عامل ازاي🙏🏼

شكرا شكرا شكرا مليون مرة
و ماما بتقول لكل واحدة فيكم ربنا يفرح قلوبكم 🤍

صباحو❤️❤️❤️
وحشتوني ❤️❤️❤️

متحمليش نفسك فوق طاقتها..

لما إحساس الذنب يعلى جواك فكر نفسك بالأسباب اللي خلتك تاخد القرار حتى لو اكتشفت بعدين إن أسبابك مكنتش صح أو إن كان فيه طريقة تصلح بيها الأمور..
لازم تفكر نفسك إنك أخدت القرار بناء على المعطيات اللي كانت عندك وقتها..
مش منطقي دلوقتي إنك تلوم نفسك على حاجات مكانتش متواجدة أو متشافة وقت ما أخدت القرار.

ف بين يديك اليوم سائلاً شفاء هذا المريض. أرجو أن تلمس جسده، وتزيل عنه كل داء وألم، وتعيد إليه عافيته.

امنحه السلام والراحة والشجاعة في هذا الوقت العصيب. أرشد الأطباء وكل من يعتني به، وألهمهم الحكمة لاتخاذ القرارات الصائبة.

يا رب، اجعل شفاءك يفيض على جسده. اجعله يتعافى تماماً ويستعيد صحته وقوته.

احفظه من كل داء، وأحطه بمحبتك ورحمتك. امنح أهله القوة والأمل وهم ينتظرون الأخبار السارة.

أؤمن أنه لا شيء مستحيل عليك. لتكن مشيئتك، وليخرج هذا المريض من هذا المرض أقوى وأكثر صحة.

آمين.