Dr:Malak E.shenuda

إزاي تعرف ان عندك حساسيه من اللاكتوز🤔🤔

أول حاجه لما تصحي من النوم تشرب كبايه لبن كامل الدسم
بعد كده هتدور علي حاجه من الحاجات دي
- انتفاخ
-غازات
-إسهال
-غثيان
- وجع
-مغص
أي حاجه من الحاجات دي بتدل أن جسمك عند مشكله في هضم اللاكتوز

حاجه تاني ممكن تعملها لو أنت بتقيس السكر في الدم ممكن تقيسه قبل وبعد ما تشرب اللبن
لو السكر رفع يبقي جسمك امتص سكر اللاكتوز لو مرفعش يبقي في مشكله ...

تعمل اي لو عندك مقاومه انسولين...

• بعيدا عن نظام الكيتو عشان ليه بوست لوحده 😌

ممم طيب وانا اعرف منين ازاي كان عندي ولا لء
👈اول حاجه هتلاقي غمقان في منطقه الرقبه و تحت الباط
👈تاني حاجه يبقي محيط الوسط اكبر من 94cm في الرجاله و 80cm في البنات
👈 و كام عرض تاني بس دول الحاجات البارزه
_____________________________________________
🔻 طيب نعمل اي بقي ..

متقلقش شويه عادات بسيطه هتعملها والدنيا هتبقي احسن إنشاءالله 😌😌
👈لازم تعمل دايت وتقلل نسبه الدهون مع شويه رياضه .. دي اهم حاجه
👈لازم تبطل حلويات و سكريات واي حاجه بترفع نسبه السكر فالدم بسرعه
👈هتقسم الاكل بكميات قليله علي عدد كبير من الوجبات يعني مثلا تاكل تلت وجبات رئيسيه و اتنين snakes بينهم
👈تاكل فواكه وخضروات كتير عشان فيها الياف هتساعد علي خفض نسبه السكر فالدم وكمان هتحسسك بالشبع ...

👌و بس كده شوفت الموضوع بسيط ازاي ...

لو حد عنده سؤال عن اي حاجه تخص الدايت او الرياضه...هرد عليه في اسرع وقت ..

#دايت

مكمل الكرياتين 😌❤️❤️
=ايوه ماله يعني
=زي الفل مفهوش حاجه 😂
👈بس يريت لما تقرر تاخده تاخد احتياجك من الميا من 3 ل 4 لتر في اليوم ده لو معدل نشاطك في الطبيعي
👈وبالنسبه للمده حلو تاخده فتره وتقطع نصها يعني لو خدته شهرين تقطع شهر بعدها وهكذا ...
👈وتخلي بالك طبعا لو عندك مشاكل في الكلي او حد في العيله عنده مشاكل ترجع لدكتور التغذيه او الباطنه وهو هيحدد حالتك
👈و ايوه عادي تعمل loading طالما معندكش مشاكل ممكن تاخد لحد 20g في اليوم من 4 أيام لاسبوع
و بعد فتره ال loading ممكن تاخد 3g فاليوم كفايه جدا
----------------------------------
لو عندك سؤال عن اي حاجه تخص الدايت او الرياضه ابعتلي ..و هرد عليك في اسرع وقت ☺️☺️👌

#دايت

لو عاوز تقيس وزنك في كام حاجه كده لازم تخلي بالك منها😁
👈 مينفعش نقيس الوزن بعد التمرين مباشراً عشان بيبقي في pump فالعضلات وضربات القلب عاليه
👈ولا برضه في فتره ال period عند البنات عشان بتبقي الهرمونات متلغبطه فبتأثر علي الوزن
👈مينفعش نقيس بعد الاكل مباشرة او لو شربنا سوائل كتير
المختصر يعني
👈لازم تثبته فوقت معين وافضل حاجه انه يكون بعدما تصحي علي طول واكيد طبعا من غير كوتشي و هدوم خفيفه عشان متأثرش عالوزن 😌✅✅
👈يفضل يكون كل اسبوع عشان لو كل يوم مش هتحس بالفرق ولو كل شهر فكتير اوي


#دايت #رياضه

فطار صحي وسريع بالشوفان....
هتجيب 100جرام شوفان و هتضيف عليهم كوبايه ونص لبن دافي وتسيبهم 5 دقايق لحد ما يبرد بعدين هتقطع عليهم موزه متوسطه وممكن ترش عليهم شويه جوز هند وقرفه

السعرات الحرارية:550cal
بروتين : 25g
كارب :100g
الدهون : 7g