Dr Hagar Safina Dermatology specialist

المسام الواسعة.. ليه بتظهر؟ وهل ممكن تتعالج؟ 🤔✨

كتير من البنات بيشتكوا من شكل المسام الواسعة خصوصًا في منطقة الأنف والخدين، وبيكون ليها تأثير على نعومة البشرة وثبات المكياج.

🔹 أسباب اتساع المسام:
• زيادة إفراز الدهون في البشرة الدهنية.
• العوامل الوراثية.
• التعرض المزمن للشمس.🥵
• تراكم الدهون والخلايا الميتة داخل المسام. 😷
• التقدم في العمر وفقدان الكولاجين. 👵
• عدم علاج حب الشباب بشكل صحيح.

🔹 هل المسام ممكن تقفل نهائيًا؟ 🤔
المسام جزء طبيعي من الجلد ولا يمكن إغلاقها بالكامل، لكن يمكن تصغير مظهرها بشكل واضح وتحسين ملمس البشرة.

🔹 طرق العلاج:
✔️ روتين مناسب للبشرة يشمل الغسول والمرطبات المناسبة.
✔️ استخدام منتجات تحتوي على أحماض التقشير أو الريتينويدات تحت إشراف طبي.
✔️ واقي الشمس يوميًا.
✔️ جلسات تجميلية زي:
الديرمابن
الفراكشنال ليزر.
التقشير .
بعض أجهزة تجديد البشرة وتحفيز الكولاجين.

💡 اختيار العلاج المناسب يعتمد على سبب المشكلة ونوع البشرة ووجود آثار حب شباب من عدمه.👌💫

#جلديةوتجميل #بشرة #مساماتواسعة

Hello Hello 👋 ☺️

لكل الي كان مأجل أي جلسات عشان يعرف يتفسح في العيد ، إحنا بقينا بعد العيد 😂🤎

Waiting for you all 🥳✨️

✨ كل عام وأنتم بخير ✨
💫عيدكم مبارك 💫
أعاده الله عليكم بالخير واليُمن والبركات،
ورزقكم أيامًا مليئة بالراحة والسعادة والطمأنينة 🤍

عيد سعيد عليكم وعلى أحبابكم 🌸

إيديكِ بتكشف عمر البشرة أكتر من الوش أحيانًا🫣

فإيه الجلسات اللي ممكن تحسن جلد اليدين وتديها نضارة ونعومة؟ 🤍

🤎 البلازما PRP
تحفّز الكولاجين وتحسن جودة الجلد وتدي نضارة طبيعية للإيدين.
💧 الميزوثيرابي
يرطب الجلد بعمق ويغذي البشرة بالفيتامينات والمعادن، خاصة لو الإيد ناشفة ومجهدة.
✨ حقن السكين بوستر
تعطي ترطيب ولمعة وتحسن ملمس الجلد والخطوط الرفيعة.
🪄 الفراكشنال ليزر
يساعد في تحسين التجاعيد وآثار الشمس وتجديد الجلد.
🌸 التقشير الكيميائي أو البارد
يفتح التصبغات ويوحد لون الجلد ويخلي الملمس أنعم.

🤍 ومع العناية اليومية واستخدام واقي الشمس والترطيب… النتيجة بتكون أحلى وأطول ✨
#جلديةوتجميل #تفتيح #اليد

سؤال عابر من مرافقة الحالة : ممكن تكتبيلي حاجة للقشرة؟ 🤔

و لما افحصها ألاقي المنظر دة🤦‍♀️

القشرة ليها أسباب كتير وكل حاجة ليها علاج سواء قشرة عادية أو اكزيما دهنية أو صدفية أو حتى تينيا الرأس

عشان كدة بنقول مفيش حاجة اسمها سؤال أو كشف بالوصف أو حتى صورة على الواتساب 🤷‍♀️

ودة لمصلحة المريض 👌💫
#جلديةوتجميل #قشرة

Papular Urticaria
أو حساسية لدغ الحشرات 😶

الحالة دي ممكن تلف على كل دكاترة الجلد عشان مش بتخف مع انها بتاخد علاجها والسبب بسيط جدا أن مفيش وقاية من قرص الحشرات اصلا 🤷‍♀️

المريض مش بيكون مقتنع ان كل الحساسية دي بسبب ناموس أو بق أو براغيث وبيفكر انها عدوي ومش بتخف
في حين انه لو ماتعرضش للدغ الحشرات هيخف على طول 🤝

الموضوع بيظهر غالبًا في صورة:
حبوب حمراء شديدة الحكة
أحيانًا فيها نقطة صغيرة في المنتصف
بتزيد عند الأطفال أكثر
وتظهر غالبًا في الذراعين أو الساقين
ممكن حالات شديدة أكتر تبقى فقاقيع فيها سائل

هنا فعلا الوقاية خير من العلاج 👌

#جلديةوتجميل #حساسية #حكة

سؤال متكرر:
"ينفع أعمل بوتوكس وأنا حامل؟ أو لو ناوية أحمل؟"🤰
الإجابة ببساطة 👇

قبل الحمل:
ينفع تعملي جلسة بوتوكس بشكل طبيعي لو مفيش حمل قائم، لكن الأفضل يكون فيه فترة مناسبة قبل التخطيط للحمل للاطمئنان .

⚠️ أثناء الحمل:
عادةً بننصح بتأجيل جلسات البوتوكس خلال الحمل، مش لأنه ثبت ضرره بشكل مؤكد، لكن لعدم وجود دراسات كافية تؤكد أمانه الكامل على الجنين.

🤱 وأثناء الرضاعة؟
الأغلب بيعتبره منخفض الامتصاص، ودراسات اتعملت على أمهات لقوا نسبة بسيطة من مادة البوتوكس في لبن الأم ، وأمهات كملت رضاعة طبيعية بعد حقن البوتوكس لعلاج الصداع النصفي ، لكن الأفضل التأجيل ✔️

أهم حاجة دائمًا:
أي إجراء تجميلي أثناء الحمل أو الرضاعة لازم يكون بعد استشارة طبيب متخصص وتقييم الحالة بشكل فردي.

تفتكري بقى حقن الميزوثيرابي أمان أثناء الحمل أو الرضاعة؟🤔

#بوتوكس #الحمل

First step is done ✔️
Next step is loading 😎

#جلديةوتجميل #علاج

سؤال متكرر “الكلف بيرجع بعد العلاج؟” 🤔

للأسف… أيوه، ممكن يرجع.
وده لأن الكلف من الحالات المزمنة اللي بتتأثر بعوامل كتير زي الشمس والحرارة والهرمونات.
لكن الخبر الحلو ✨
إننا نقدر نتحكم فيه بدرجة كبيرة جدًا مع:
☀️ استخدام واقي الشمس بانتظام
🧴 الالتزام بالعلاج المناسب
🔥 تقليل التعرض للحرارة والشمس المباشرة
⏳ والمتابعة المستمرة سواء بكريمات أو جلسات حقن أو ليزر
يعني الهدف مش بس تفتيح الكلف…
لكن كمان الحفاظ على النتيجة لأطول فترة ممكنة 🤎

#جلديةوتجميل #تفتيح #كلف

ديتوكس الشعر Hair detox بعتبره خطوة مهمة قبل أي علاج للشعر 💆‍♀️

سواء اكزيما دهنية ✔️
او صدفية ✔️
أو تكتلات القشرة وتراكم الزيوت والكريمات على فروة الرأس ✔️

بعد الديتوكس فروة الرأس بتبقى قادرة تستقبل أي علاج والنتيجة بتكون أسرع وأحسن👌💫

#جلديةوتجميل #شعر #ديتوكس #قشرة #صدفية