Shrouk Taher makeup artist

عمتو قلبي😘💗💗💗💗💗💗💗💗
ام العروسه السُكر

ام العروسه السُكر🙈💗💗💗💗💗💗

اي رأيكم🫣؟؟؟؟؟؟؟؟؟؟؟؟؟

اسراء السُكر😘🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍

الفرق بين اللوك دا واللوك دا سنتين
النهارده بقاله سنة على بداية مرحلة مختلفة ومهمة جدا في مشواري كـ Makeup Artist
أنا مش بدأت الميكب من سنة أنا كنت بشتغل قبل كده وكان عندي بنات وعرايس عملتلهم ميكب لكن من سنة بدأت مرحلة مختلفة بدأت فيها الناس تعرفني أكتر وبدأ اسمي ينتشر وبدأت أبني لنفسي اسم ومكان في المجال اللي بحبه ولما ببص على شغلي من سنة وبقارنه بشغلي دلوقتي بحس قد إيه أنا فخورة بنفسي وفخورة إني ما وقفتش عند أي غلطة وما استسلمتش للحاجات اللي كنت لسه محتاجة أتعلمها
السنة دي علمتني إن الشطارة مش إنك تبدأي كاملة الشطارة إنك تكملي وتتعلمي وتتطوري كل يوم غيرت في شغلي وفي الماتيريال وفي طريقتي وفي تفاصيل كتير كنت عارفة إنها محتاجة تتظبط واشتغلت عليها واحدة واحدة لحد ما وصلت للمستوى اللي أنا عليه النهارده وحاجات زمان ما كنتش بعرف أعملها اتعلمتها وحاجات كنت بخاف أجربها جربتها وحاجات غلطت فيها اتعلمت منها بدل ما أخليها توقفني ويمكن أكتر حاجة محدش شافها في الرحلة دي هي اللي كانت بتحصل بعيد عن الكاميرا النجاح ده مكانش دايما سهل ومكانش دايما شكله حلو من جوايا كان فيه ضغط نفسي وإرهاق وأيام كنت بكون فيها تعبانة جدا وأوقات كنت بحس إني مش قادرة أكمل وأوقات كنت بشك في نفسي وفي شغلي وفي إذا كنت فعلا هقدر أوصل للمكان اللي نفسي فيه بس برغم كل ده كنت بحاول وأعافر وأكمل ويمكن من أجمل الحاجات اللي حصلتلي خلال السنة دي إني بقيت أقابل بنات في الشارع أو في المواصلات أو في أماكن مختلفة ويوقفوني ويقولولي إنهم يعرفوني وإنهم بيحبوا شغلي ومعجبين باللي بعمله بنات من محافظات مختلفة بقوا يعرفوني ويتابعوني ويشجعوني وأنا حتى ما أعرفهمش شخصيا يمكن بالنسبة لحد تاني الموقف ده يكون عادي لكن بالنسبالي كان من أكتر الحاجات اللي خلتني أقف مع نفسي وأقول إن كل التعب اللي تعبته وكل مرة حسيت فيها إني مش قادرة وكل خطوة أخدتها كانت بتوصلني لحاجة حقيقية
إن اسمي بقى يتقال من ناس ما قابلتهمش قبل كده وإن واحدة توقفني في الشارع عشان تقولي إنها بتحب شغلي دي حاجة عمرها ما كانت بسيطة بالنسبالي 🤍
كل مرة كنت بتعب فيها وأرجع أمسك الفرشة كانت بتعلمني حاجة وكل بنت وثقت فيا كانت بتديني دافع وكل عروسة اختارتني كانت بتخليني أحس إن تعبي له معنى ومن أول بنت وثقت فيا في بداية المرحلة دي لأول عروسة لحد البنات والعرايس اللي بثقتهم فيا بقوا جزء من مشواري كل واحدة فيهم كانت خطوة وكل خطوة كانت بتقربني أكتر من الحلم يمكن أنا لسه عندي حاجات كتير عايزة أتعلمها ولسه عندي أحلام أكبر بكتير من اللي وصلتله بس أكتر حاجة فخورة بيها إني ما بطلتش أحاول أنا فخورة بالبنت اللي بدأت وفخورة أكتر بالبنت اللي كملت فخورة بكل مرة عدلت فيها من نفسي وبكل مرة غيرت حاجة في شغلي وبكل مرة طورت من نفسي ومن شغلي وبكل مرة تعبت وكملت وبكل مرة حسيت إني مش قادرة وكملت برضوا والأجمل من كل ده إن السنة دي ما بنتش شغلي بس بَنت شروق بنت عندها حلم وعندها إصرار وبتحاول كل يوم تثبت لنفسها قبل أي حد إنها تقدر سنة كاملة من التعب والتعلم والغلط والتعديل والنجاح والخطوات الصغيرة اللي عملت فرق كبير شكر لكل بنت وثقت فيا ولكل عروسة اختارتني ولكل حد شجعني ولو بكلمة
إنتوا جزء من كل خطوة وصلتني لهنا 🤍
وده مش احتفال بس بسنة عدت ده احتفال بسنة أثبت فيها لنفسي إني أقدر
واللي جاي بإذن الله أكبر وأجمل بكتير
سنة من بداية انتشار الحلم وسنين كتير جاية بإذن الله
والحلم لسه في أوله 🤍