RAMY Perfumes

🔥إيه هو الهرم العطرى ؟!🔥
و هل فعلا هو موجود ؟! تعالوا بينا نعرف:-👋
🧪بكل إختصار الهرم العطرى بيساعد على فهم وصف الزيوت العطرية.💧
🌼يعنى كل ما الزيت العطرى كان سريع التبخر و التطوير يكون فى القمة و كل ما كان متوسط التطاير يكون فى وسط الوسط و كل ماكان الزيت العطرى بطئ فى التطاير يكون فى القاعدة.
💎فالنقطة دى مهمة جدا لمصمم العطور لأنها لتساعده على صياغة العطر و وضع كل زيت عطرى فى مكانه المناسب
( يعنى لو كان زيت خفيف و سريع التطاير💨 ماينفعش يبقى فى القاعدة و لو كان بطئ التطاير ماينفعش يكون فى القمة ).
🔔فكل ما كان الوزن الجزئيى خفيف كان الزيت العطرى سريع التطاير و كل ما كان أثقل كان بطئ التطاير، فلما مصمم العطور يعرف معلومة زى دى يعرف يصمم عطر متدرج النوتات.
💥طب إزاى نعرف الزيوت هل هى سريعة و لا متوسطة و لا بطيئة التطاير؟
🔊لما تدخل على مواقع بيع الزيوت العطرية( الأحادية) ملناش دعوة بزيوت عطور التركيب دلوقتى.
هتلاقى كل المعلومات ( كثافة الزيت،الوزن الجزيئى ،درجة الحرارة عند الغليان 🔥 و درجة الحرارة عند البرودة❄️.
و معلومات تانية كتير هتفيد مصمم العطور فى توظيف كل نوع زيت عطرى فى مكانه المناسب علشان يقدر يصمم عطر ثابت و فواح💪🌪️

🔊تعالى أقولك على شوية خطوات أو عوامل لو اتوفرت هتساعد على ثبات البرفيوم و فواحانه بشكل كبير 💪👍
١ـ 🌼الزيت العطرى🌼
جودة الزيت العطرى( الزيت الخام) هى الأساس، كل ما جودة الزيت العطرى كانت عالية كل ما هتاخد نقاء افضل👃
٢-🌹التعتيق🌹
🧪كل ما مدة التعتيق تزيد كل ما البرفيوم ثباته بقى أكتر💪 و فواحان البرفيوم بيزيد💨
٣-🔥الإستخدام🔥
أو بمعنى أصح (الإرتداء)، البرفيوم إستخدامه على الملابس القطن أو الصوف علشان بيثبت اكتر على نوعية الأقمشة دى
غير كده الثبات هيبقى فى خبر كان💨
💎يعنى لا تحط برفيوم على جسمك و لا على ملابس ذات أقمشة صناعية و بلاش على الچواكيت الجلد علشان ممكن يتقشر😢
👂يبقى ارتداء البرفيوم على الملابس فقط و حاول تبعد إيدك مسافة شبر أو ١٥ سم مثلا علشان البرفيوم يتوزع على الملابس و لو الملابس لونها فاتح مأتتاثرش و تبقع
و يفضل نحط البرفيوم على الملابس قبل إرتداءها لأكتر من سبب
💥أولا: منعا لإستنشاق الكحول و بالأخص الناس اللى عندها جيوب أنفية
💥ثانيا: البرفيوم هيثبت على نسيج الملابس أكتر وبالتالى ثبات أفضل
٤- 🌧️العوامل الجوية⛈️
👀لو لاحظت هتلاقى ثبات البرفيوم فى الشتاء افضل من الصيف بمراحل و ده بسبب ( الحرارة العالية و التعرض للشمس بطريقة مباشرة على حسب طبيعة شغلك)
٥- 👔طبيعة شغلك🥼
💎طبيعة عملك بتفرق فى ثبات البرفيوم ، بمعنى إن اللى شغال و هو قاعد على مكتب فى التكييف❄️ غير اللى بيعمل مجهود بدني 💪و بيتعرض للشمس بطريقة مباشرة🌞

📢نصيحة صغيرة كده ع الماشي
لو رايح تشترى برفيوم هتعمل اللى هقولك عليه🤚
أولا : ماتشربش سجاير 🚬قبل ماتشترى البرفيوم لأن بنسبة كبيرة حاسة الشم هتتأثر و الإختيار هيكون صعب.( بطل سجاير علشان صحتك قبل أى حاجة)
ثانيا: إختار البرفيوم اللى يتماشى مع المناسبة بتاعتك.
ثالثا: لا تشترى فى ٣ دقائق⏳️ ،ضع البرفيوم أو الزيت العطرى على ظهر إيدك أو على ورق الإختبار و اتركه ٥ دقائق🖐 على الأقل و كلما تركته أكثر كلما كان الإختيار موفقا. 👍
رابعا: لو بتختار ما بين أكتر من برفيوم، ماتشمش كل الأنواع مرة واحدة خد وقتك ما بين كل برفيوم و التانى منعا للتشتت و اللخطبة
و لو حصل شم شوية بن ( متقلقش هتلاقيه موجود فى محل العطور للظروف اللى زى دى لو كان صاحب المكان شخص فاهم)

⚘️تعتيق العطور ⚘️
🤔كتير مننا بيسأل يعنى إيه تعتيق؟ و إزاى نعتق البرفيوم؟ و إيه المدة الكافية اللى بتساعد على ثبات و قوة البرفيوم؟
تعالى معايا بقى و أنا هقولك
بص يا سيدى 👀
✨️التعتيق: هو ترك و الإحتفاظ البرفيوم بعد خلط مكوناته ( كحول _زيت عطرى_ ماء مقطر) . فى ظروف معينة و لمدة زمنية معينة تختلف من برفيوم لأخر على حسب النوتات العطرية لكل برفيوم
💥و كلما زادت مدة التعتيق كلما زاد التجانس بين مكونات البرفيوم مما يجعل البرفيوم يظهر بشكل أكثر قوة و أطول ثباتا. 💪
🗯كيفية التعتيق: يعتق البرفيوم فى مكان رطب معتم( مظلم) بعيدا عن الضوء المباشر و الحرارة العالية لأنهم يفسدوا التوازن الكيميائي للبرفيوم.
🤚و يوضع فى عبوات زجاجية داكنة و لا يفضل وضعه فى عبوات ألومنيوم أو بلاستيك.
لأن البلاستيك مع مرور الوقت يتفاعل مع مكونات البرفيوم و يغير رائحته.
🌲و العبوات الألومنيوم بتتأكل مع مرور الوقت و ممكن تسرب البرفيوم.
مدة التعتيق: لا تقل عن شهر و فى بعض الأحيان قد تصل إلى ستة أشهر.
🌴ملحوظة : كلما كانت نوتات البرفيوم نفاذة و قوية ( توابل ،تبغ) و بعض العطور الشرقية كلما قلت مدة التعتيق
و كلما كانت نوتات البرفيوم خفيفة و ذات طابع هادئ( حمضيات) كلما زادت مدة التعتيق.

🤚بتستخدم البرفيوم على الملابس و لا على الجلد؟
📢كتير بنسمع ناس محسوبين على مجال العطور يقولك إستخدام البرفسور على الجلد و على أماكن النبض و هرى كتير أوى و اللى يقولك حط فازلين على بشرتك و بعدين إستخدام البرفسور على جلدك علشان يدوم أكتر.
🚶🚶تعالى معايا كده واحدة واحدة نتكلم كلام واقعي
💥أوضحلك الفرق بين الزيت الخام و البرفسور المخلوط بالكحول من حيث الأداء و العبوة و الإستخدام.
🧪الزيت العطرى الخام ثباته أفضل إلى حد ما من البرفيوم و بتكون ريحته مكتومة شوية، لكنه يفتقد للإنتشار( و دى وظيفة الكحول إنه بيخفف كثافة الزيت العطرى و بيساعد على إنتشاره).💨
💦أما بالنسبة للعبوة فبتكون Roll on( (بلية دوارة) و ماينفعش يتحط فى زجاجة بخاخ لأن الزيت كثافته عالية و تقيل .
💫أما عن الإستخدام بيكون على البشرة فقط و يفضل إستخدام فى الشتاء لو انت مش متعود تستخدمه، لأن فى الصيف مع الرطوبة العالية و الحركة فى الشمس هتحس إنك مش مستحمل ملمس بشرتك.
أما البرفيوم المخلوط بالكحول بيكون إنتشاره و فواحانه أفضل بسبب الكحول.🌬
أما عن العبوة يوضع فى زجاجة بخاخ ماينفعش يتحط فى زجاجة Roll on علشان البرفيوم قوامه خفيف و ممكن يوقع من الإزازة.
🛎و نيجى بقى لأهم نقطة🛎
و هو كيفية الإستخدام( الإرتداء)
على الملابس فقط ( قطن أو صوف) لأن النوعية دى من الأقمشة بتحتفظ بأى شيئ يلامسها👕
📌و تبعد إيدك مسافة شبر أو ١٥ سم علشان البرفيوم يتوزع على أكبر مساحة ممكنة من الملابس .
💯يفضل تحط البرفيوم على الملابس قبل إرتدائها علشان البرفيوم ياخد وقته على الملابس و يثبت على نسيج الملابس اكتر فتاخد منه ثبات أفضل و فى نفس الوقت اللى بتشتكي من جيوب الأنفية مايشمش ريحة الكحول و يتأذى
عارف لو استخدمت البرفيوم على جسمك هيحصل إيه ؟ أولا الثبات مش أفضل حاجة لأن مع أول شوية عرق مفيش برفيوم
و لو استخدمت البرفيوم على جسمك و مشيت فى الشمس ٥ دقايق النتيجة إسمرار فى الجلد ، تهيجات فى البشرة
❤️‍🔥جرب تستخدمه زى ما قولتلك و شوف الفرق
و ابقى قولى حسيت بفرق و لا لأ؟

🌹 سؤال بيشغل بال كتير من الناس🌹
ليه نفس البرفيوم بتكون رائحته مختلفة من مكان للتاني؟ 🤔

🔹 أولًا:
الشركة الواحدة ممكن تصنع من نفس الزيت العطرى أكتر من كود (درجات يعنى) (نخب أول 💎 – اقتصادي 💰 – شعبي 🧴)، وكل كود ليه تركيبة ورائحة مختلفة! فضلا عن إختلاف رائحة الزيت العطرى و لونه من شركة لأخرى🧪

🔸 ثانيًا:
الكحول (المذيب) بيأثر بشكل كبير جدًا! 🧪
هو اللي بينقل رائحة البرفيوم بكل تفاصيلها بدون تغيير، فلو بتستخدم كحول طبى نقاءه عالى هتلاقى نتيجة ممتازة برفيوم راقى و فخم💎 ولو كان الكحول ردئ 👎 النتيجة بتكون عكسية تمامًا!
📌 تخيل تعمل كوباية شاي بأفخر الأنواع ☕ لكن للأسف 💧المية مش نظيفة... هتستمتع؟ أكيد لأ 😅

🔹 ثالثًا:
رائحة الجسم والعرق ليهم دور مهم جدًا! 💦
لما البرفيوم يتفاعل مع رائحة جسمك، ممكن يديك برفيوم راقي 👑 أو يفسده تمامًا 😖
🧍‍♂️ مثال: أوقات كتير بتشم برفيوم على شخص تعرفه وتحس إن البرفيوم فخم و راقى جدًا، تشتري نفس البرفيوم من نفس المكان تلاقيه عادي أو أقل!

🗣️ شاركونا تجاربكم مع البرفيوم!
إيه أغرب موقف حصل معاكم؟ 💬

🔔 بعض المعلومات المغلوطة🔔
إحنا ممكن نسميها هبد👎 أكتر منها معلومات.📖
💥 الهبدة الأولى🧪 لون الزيت العطري و قوامه دليل على جودته العالية.
💥 الهبدة التانية😂إحنا عرفنا نتواصل مع الشركة المصنعة للبرفيوم الأورچينال و إشترينا منهم الزيت العطري.
💥الهبدة التالتة🌵 إنك لما ترتدى البرفيوم ده البنات هتجرى وراك 🏃🏃🏃
💥الهبدة الرابعة🌱 هعملك برفيوم تركيب زى الأورچينال بالضبط و بنفس التدرج العطرى و بعشر سعر الأورچينال.
💥الهبدة الخامسة😂لف الإزازة فى شراب🧦 أو حتة صوف و حطها بين المراتب بتاعت السرير🛌.
💥الهبدة السادسة 😱كل ما تزود التركيز( الزيت العطري)، البرفيوم هيثبت معاك .
🔥الهبدة السابعة 🧴حط ڤازلين على جسمك بعدين حط البرفيوم على جسمك علشان يثبت معاك👍😂
و أنت كمان قولنا إيه أغرب حاجة سمعتها؟👂

الثقافة العطرية 📖 ( الجزء الثانى)
🗣️إتكلمنا فى الجزء الاول عن ضرورة الثقافة العطرية لك كواحد بيشتغل فى مجال العطور و قد إيه العميل هيثق فى خبرتك و كلامك .
🔔🔔فى البوست ده هنتكلم عن فايدة تانية.
📢ألا و هى إنك لما تعرض على العميل المتشابهات العطرية لعطره المفضل فأنت كده بتفتح لنفسك المجال لفرص بيع اكتر و يا سلام بقى👌 لو العميل مكانش يعرف حاجة عن المتشابهات العطرية اللى انت بتعرضها عليه و يا سلامين👍👍 بقى لو كل الانواع اللى انت بتعرضها عليه عجبته.😍
🍀هتلاقى العميل بدل ما كان هيشترى منك عبوة واحدة ممكن يشترى ٣ أو ٤ عبوات ، و ساعتها هو هيشهد لك انك بياع شاطر و عرفت تغريه و تخليه يشترى أكتر.
💥يا ريت نرتقى بنفسنا مهنيا و أخلاقيا و مانسيبش مكان بينا للغوغاء و الجهلة و المحنكين اللى ميعرفوش حاجة عن العطور إلا إنها بتخلى البنات تجرى وراك .🧝🧝
نسأل الله لهم الهداية🤲

الثقافة العطرية📖 (الجزء الأول)
💥من الضرورى إن أى فرد من أهل مهنة العطور إنه يتابع كل جديد فى مجاله و يرتقى بنفسه علميا و عمليا .
زى ما الدكتور🧑‍⚕️ بيذاكر علشان يواكب التطور فى علوم مهنته و يرتقى بعلمه فكذلك الأمر فى سائر المهن الراقية.
📖لازم تتابع البرفيومز الجديدة و أفضل زيت عطر لكل برفيوم جديد بيتم إصداره ، و تبحث على الإنترنت على شكل العبوة الأصلية و هل فى إصدارات تانية منه بروائح مختلفة لكنهم مشتركين فى نفس شكل العبوة مع إختلاف لون العبوة الأصلية نفسها.
مثال بسيط برفيوم يفوريا Euphoria من دار أزياء كيلڤن كلاين تم إصدار ثلاث برفيومز
(Euphoria - Euphoria intense - Euphoria liquid gold)
👌الثلاث إصدارات متشابهين فقط فى ( التصميم) الشكل الخارجى للعبوة الأصلية.
💧لكن كل إصدار له لون مختلف( لون العبوة الخارجى) و له نوتات مختلفة.
🌹🌹🌹🌹🌹🌹🌹🌹
💥ادخل على موقع زى فراجرانتيكا و شوف النوتات العطرية للبرفيوم و يا سلام بقى لو تبص كمان على إسم البرفيومر🧑‍🔬 ( اللى صاغ البرفيوم).
🔥فبالطريقة دى هيكون عندك قدر كبير جدا من المعلومات اللى هتخلى عميلك ينبهر بمدى ثقافتك العطرية و مدى إلمامك بالبرفيومز و متشابهاتها من البرفيومز الأخرى و هيتولد عند العميل ثقة كبيرة فى كل كلمة أو نصيحة بتقولها و ساعتها هيعرض عليك الميكسات الغريبة و العجيبة اللى بيشوفها على التيك توك من بعض المحنكين .
🗣️و يستشيرك فى مدى صحتها بدل ما العميل يكلمك و يحاول يفرض عليك معلومات و ميكسات غير مهنية و غير إحترافية بالمرة .
👀مش علشان المعلومة اللى سمعها العميل صح و لا إنه بيثق فى قائل المعلومة .
🍀العميل بيكون منبهر بثقة قائل المعلومة على التيك توك فى نفسه و هو بيتكلم ( و ده اللى إحنا بنسميه هبد من النوع الفاخر).
👎و للأسف فى قطاع كبير جدا من أصحاب المحلات بيخافوا إن العميل يخرج من المحل من غير ما يشترى، فبينفذوا له طلباته كلها حرفيا ،حتى لو كانت غلط.
و بعد كده يطلع صاحب المحل يقولك العميل عايز كده.
يتبع .

💥إتكلمنا فى البوستات اللى فاتت عن أنواع الكحول.
🌹🌹🌹🌹🌹🌹
🌺هقولك النهاردة على تجربة تعملها علشان تعرف بيها نوع الكحول المستخدم فى البرفيوم بتاعك.
هنجيب طبق ستانليس🥣 أو أى طبق بيتحمل الحرارة 🔥🔥🔥
و هنفضى فيه كمية بسيطة من البرفيوم بتاعنا، و ليكن مثلا (٥ مللى ) ، و هنولع فيهم 🔥🔥🔥🔥
لو لقينا اللهب لونه أصفر 💥💥💥💥💥يبقى الكحول طبى إيثيلى و مفيش منه ضرر إن شاء الله .
🔔🔔لو لقيت اللهب لونه أزرق و فيه لون أحمر بسيط
كده الكحول ده ميثانول( صناعى) .
📢📢ونصيحة منى لك يا ترجع البرفيوم للمكان اللى اشتريته منه
يا إما ما تستخدموش.🗑️🗑️
💥💥الموضوع مش بسيط ،احفظ البوست عندك أو ابعته لأصدقائك .
🔊و متنساش الدال على الخير كفاعله.

💥إتكلمنا البوست اللى فات عن الكحول الإيثيلى
فى البوست ده هنتكلم عن الكحول الإيثيلى( Methyl):
و المعروف بالكحول الصناعى أو كحول الخشب🪵
ليه إسمه كده؟
💥💥💥💥💥💥💥💥💥💥
👊علشان كان بيتم تصنيعه فى الأصل بالتقطير الإتلافى للخشب(حرق الخشب فى غياب الهواء)🪵.
لكن دلوقتى بيتم إنتاجه صناعيا بتمرير الهيدروجين المضغوط و أول أكسيد الكربون فوق المحفزات بعد كده بيعملوا تكثيف لناتج التفاعل للحصول عليه فى صورته السائلة💦
🔥🔥🔥🔥🔥🔥🔥🔥🔥🔥🔥
😮و بصراحة شديدة مالوش أى مميزات خالص غير إن سعره رخيص.
🤔طب هو ليه فى ناس بتستخدمه ؟
😱لأن كل مهنة أو مجال فيها فئة معندهاش ضمير، و يهمها المكسب و بس.
💥فهو بيذيب الزيت العطري بسرعة ،لكنه بيقلل من جودته و أداءه بشكل عام .
🔥وممكن يغير لون الخلطة العطرية إلى اللون الأحمر أو البنى و خصوصا عند إستخدام زيوت عطرية شعبية ذات جودة متدنية.👎
أما عن أضراره 😱😱😱
عد معايا كده.
🥤لو حد شرب منه هيموت نتيجة الإصابة بالتسمم، يسبب العمى،سرطان الجلد،بيدمر الجيوب الأنفية👃،سرطان الرئة،بيدمر الجهاز العصبى المركزى🧨
🪨فكل ذرة ميثايل فيها ذرة كربون علشان كده أضراره كارثية
و معروف برائحته النفاذة ، و غالبا بتكون ريحته زفرة
ربنا يعافينا و يحفظنا جميعا من كل سوء💖💖💖💖
👊البوست الجاى هقولك على تجربة تعملها تعرف بها نوع الكحول المستخدم فى البرفيوم بتاعك من غير ما تسلم ودنك و دماغك لأى حد بيهبد و يألف

🔥البوست اللى فات قولنا إننا هنتكلم عن أنواع الكحول.
و النوع اللى هنتكلم عنه النهاردة
هو :
💥الكحول الإيثانول أو الإيثيلى( Ethyl):
و إحنا هنا بنتكلم عن تركيز ٩٦ و ٩٩٪.
💦و هو المعروف بالكحول الطبى النقى، فهو آمن على الجلد و حتى لو لامس جرحا يتحول إلى مطهر.
❤️‍🔥و يمتاز بالنقاء و غياب الشوائب، و يعطى أداء أعلى للبرفيوم ثباتا أطول و يمنح التركيبة مساحة للتطور و الإنتشار بطريقة آمنة و يساعد فى حفظ البرفيوم لسنوات دون تغيير فى اللون أو الرائحة.🌹
😮 المشكلة الوحيدة إنه بعد خلطه بالزيت العطرى بيحتاج للتعليق علشان أداءه و ثباته يكون أفضل.💪
علشان كده بنقول هو أفضل كحول ممكن تشتغل به 👌
🍃أه صحيح نسيت أقولك الكحول تركيز ٧٠٪ اللى بتشتريه من الصيدلية ماينفعش للإستخدام فى العطور لأنه مضاف إليه ماء مقطر بنسبة كبيرة جدا ،فهو يصلح التعقيم و التطهير فقط.