Aymen Flaw

البنت المزاجية .. 💛

ما كايناش شي حاجة أصعب من أنك تتعامل مع بنت مزاجية..ممكن تعيشك حالة فرح و سعادة ما عمرك عشتيهم فحياتك كاملة غير حيت ڭلتيلها كلمة زوينة و لا حيت حسستيها شي إحساس فشكل..و ممكن تقلبلك حياتك اسفاها على علاها لمجرد أنك ڭلتيلها شي حاجة قلقاتها و لا غضبتيها..و كاينة مشكلة اخرى اللي هي تقدر تعيشك فالحالتين بجوج بلا سبب..هي و ڭانتها~..فجأة تعاملك معاملة تحسسك بيها راك ملك و بلي انت أهم و أحسن راجل فالدنيا و تبقا تمدح فيك من هنا للصباح و ماتساليش..فهاد الوقت كاتبالك واحد البراءة فكلامها و وجهها..و شوية يشدها حماقها عاود و تحسسك بلي انت ما عندك حتا دور فحياتها و بلي انت أبعد شخص ليها و كتكرهك و ماباغياش تشوفك..و هنا غايبقا يدخلك الشك فراسك وتبقى تڭول غير مع عقلك ياكما هاد اختنا عندها انفصام الشخصية بكثرة التقلبات اللي فشخصيتها..كيكون عندها ديما كيبرياء و قوة لدرجة أنك ما يمكنش تتخيل بلي هاد الإنسانة كتبكي..و فاش تبين ضعفها قدامك و تبكي كتخليك تسول دماغك.."كيفاش هادي كاتبان قوية هاكا؟! "..فاش كتعيش شي حالة،كاين أمل تعطيك إحساس بلي "لاڤي أون غوز"و زوينة بزاف و ما كاين حتا مشكل فالحياة..و فاش تيأس،حرفيا..كتعقدلك الدنيا و تخليك باغي تلوح راسك من شي قنت..فاش كاتناقش معاها كتولي تسمع منها هضرة تحرف لك دمك و تعصبك و عادي جدا ممكن من موراها بساعة ترجع تضحك معاك و تشد فيك بحال إلا ما وقع والو..بأبسط كلمة ممكن تعاملك كأنك دخيل ولا عدوها..و بكلمة صادقة تعاملك بمعاملة انت بنفسك ماكاتعاملش راسك بيها..وتقدر تسمح فحقها و على شحال من حاجة غير على قبلك انت باش تخلي الضحكة مرسومة على وجهك و ما تفارقكش فخطرة..باغياك ديما انت القائد و المسؤول عليها..ولكن ما كاتحملش إحساس الأمرو السيطرة و خاص حتا هي تشد زمام الأمور و تكون المسؤولة..تقريبا الراجل اللي كايبغي بحال هاد البنت المزاجية كيكون محتاج لصبر أيوب إلا لا كان حتا هو بحالها فالقضية كتهون شوية ههه..و حتا إلا تزوجتي شي بنت هاكا خاصك تعرف بلي شحال ما كانوا عندكم د الدراري خاصك ضروري تعاملها على أساس راها بنتك اللولا حيت فالغالب هاد الشخصية كتكون حمقا و مجنونة لدرجة أنها ممكن تغير عليك من ولادكم..ولكن بالرغم من ڭاع هاد الحماق والتسطية و التخربيق والتصرفات المنطقية و الغير المنطقية اللي كاديرهم.. كتكون هاد الينت أطيب و أحن و أرجل شخصية عرفتيها فحياتك.. وكيكون قلبها كبير و ابيض لدرجة ما كاتشدش، فخاطرها من جيهتك إلا غلطتي فحقها وكتكون متسامحة معاك.. وتقدر تعطيك أكثر من فرصة فكل مرة غتغلط معاها.. لكن فإطار ما تفوتش حدود أنك تهرس قلبها ..ولكن هادشي كامل إيلا عزفتي تتعامل معاها بطبيعة الحال 😍
#خربشات

🥀

الشخص اللي كيسولك ، واش مقلق مني على أبسط حاجة ، حافظ عليه .. حيت كايبغيك ديال بصاح."
🖤