Tomorrow is Better than yesterday

"በማህበረሰቡ ዘንድ ጠንካራ የስራ ባህልን በመገንባት ድህነትና ተረጅነትን ታሪክ ለማድረግ መስራት አለብን" አቶ ሰዒድ ዓሊ

የልደታ ክ/ከተማ ዋና ስራ አስፈፃሚ አቶ ሰዒድ ዓሊ እንደተናገሩት የተረጅነት ስነ-ልቦናን በጠንካራ የስራ ባህል በመስበር ድህነትን ታሪክ ማድረግ ይኖርብናል ብለዋል።

ከተረጅነት መላቀቅ የሉዓላዊነት ጉዳይ በመሆኑ ሁሉም ዜጋ ተፈጥሮ የሰጠችንን ፀጋ ተጠቅሞ ጠንክሮ በመስራት አምራች ሊሆን እና ድህነትን ታሪክ ሊያደርግ ይገባል ብለዋል ዋና ስራ አስፈፃሚው በመልዕክታቸው።

እንደ ልደታ ክፍለ ከተማ ዜጎች በምግብ ዋስትና እራሳቸውን እንዲችሉ ስንሰራቸው የነበሩ የከተማ ግብርና የሌማት ቱርፋት ስራዎች የበለጠ ተጠናክረው ይቀጥላሉ ያሉት አቶ ሰዒድ ዜጎችም ያላቸውን አቅም ሁሉ ተጠቅመው አምራች እንዲሆኑና መንግስት ድህነትን ለማጥፋት እያከናወነው ያለውን ተግባር እንዲያግዙ አሳስበዋል።

የምግብ ዋስትናችንን በማረጋገጥ የተረጅነት አመለካከትና ድህነትን ለማጥፋት ቆርጠን ተነስተናል እና በጋራ እንስራ ብለዋል ዋና ስራ አስፈፃሚው