Waajjira Daandii fi Loojistikii Aanaa Adoolaa Reeddee

Guraandhala 25/2017 Aanaa Adoolaa Reeddee Ganda Masinaatti Riqichi Laga Raaroo Rakkoo Bulchiinsa Gaarii Ta'ee Yeroo Dheeraaf Ture Baajata Mootummaa Naannoo Oromiyaa Qarshii Miliyoona 37 fi Kuma 600 Oliin Hojjachuuf Wal Harkaa Fuudhiinsi Koontiraaktara Wajjiin Taasifame.

Godina Gujii Aanaa Adoolaa Reeddee Ganda Masinaatti Riqicha Laga Raaroo irratti hojjatamuu dhabuu isaatiin rakkoo bulchiinsa gaarii ta'ee ture baajata Mootummaa Naannoo Oromiyaa qarshii miliyoona 37 kuma 620 fi dhibba 661 akka ijaaramuuf Firee Baqqalaa GC1 & WWC1 wajjiin Bulchaa Aanaa Adoolaa Reeddee Obboo Caalaa Waaree, I/G Waajjira Daandii fi Loojostikii Godina Gujii Obboo Hayilee Dheekkamaa fi I/G Waajjira Daandii fi Loojistikii Aanaa Adoolaa Reeddee Obboo Taaddagaa Alamaayyoo iddoo ummammanni naannichaa argamanitti wal harkaa fuudhiinsi taasifameera.

Bulchaa Aanaa Adoolaa Reeddee Obboo Caalaa Waaree Mootummaan Paartii Badhaadhinaatiin hogganamu ilma keessan waan ta'eef wanta ummata isaatiif hojjatu irratti sassannaa malee akka hojjatu ummatatti himan.

Akkasumas, piroojektiin kun yeroo gabaabaa keessatti hojjatamee waan xumuramuuf isaan ogummaa isaaniitiin hojjatan cinaa ummanni akka dhaabbatu dhaaman.

Hogganaaa Waajjira Daandii fi Loojistikii Godina Gujii Hayilee Dheekkamaa hojii kana ariisisuuf koontiraaktaroota kana cinaa dhaabbachuun deeggarsa barbaachisu gochuun nagaa isaaniis eegsisuu qabdan jechuun ergaa dabarsan.

I/G Waajjira Daandii fi Loojistikii Aanaa Adoolaa Reeddee Obboo Taaddagaa Alamaayyoo Riqichi Laga Raaroo hojjatamuuf wal harkaa fuudhiinsi gaggeeffamuu isaatiin rakkoon duraan ture furamuuf karaa qabachuu isaatti gammadee jira jedhan.

Godina Gujii Aanaa Adoolaa Reeddee Ganda Odaa Buttaatti Ijaarsi Riqicha Laga Mandi'aa Sadarkaa Xumurarra Geyaa Jira.

Bishaan laga kanaa miidhaa Lubbuu fi qaamaa ummataa fi qabeenya ummata naannichaa irraan geyaa turuun komii ummataa ta'ee waggoota baay'eef gaaffii te'ee jira. Paartii Badhaadhinaa rakkoo ummataa itti dhikaatee hubatee yeroo gabaabaa keessatti deebii quubsaa kennaa jira. Riqichi kun baajata mootummaa qarshii miliyoona 6.4 fi deeggarsa ogummaa dhaabbata Helvetasiitiin hojjatamaa kan jiruudha.

Riqichi rarra'aan kun haaraa sibiila qofaan hojjatamaa jiruuf yeroo xumurametti Turziimiifis kan filatamuudha. Ijaarsi riqaa kanaa muuxamnoo Ardii keessaa kan fudhatame yemmuu ta'u, umrii dheeraa kan tajaajiluudha. Nama, mootoraa fi beeyladoonni ykn horiin kamiiyyuu irra bu'uu ni dande'a. Muuxamnoo Addunyaarra jiru fiduun Badhaadhina biyya teennaa milkeessuuf haaraa akkanaa baay'isaa deemuun gahee paartii Badhaadhinaati.

Riqichi kun guyyaa muraasa keessatti xumuramee eebbifamuun tajaajila ummataatiif banaa ni ta'a. Ummanni Ganda Odaa Buttaa fi Aanaa Girjaa baga gammaddan; baga waliin gammanne jechaa guyyaa eebba isaatiif sagantaa qopheessine nurraa hin hafinaan dhaamsa keenna!

Godina Gujii Aanaa Adoolaa Reeddee Ganda Qilxuu soorsaatti hojii daandii hirmaannaa Ummataatiin hojjatamaa jiru haala baay'ee namatta toluun itti fufee hojjatamaa jira.

Godina Gujii Aanaa Adoolaa Reeddee Ganda Dooleetti hojii daandii hirmaannaa Ummataatiin hojjatamaa jiru haala baay'ee namatta toluun itti fufee hojjatamaa jira.

Godina Gujii Aanaa Adoolaa Reeddee Mana Qopheessaa Bultuma Reeddeetti Daandiin Magaalaa Keessa Keessa Hojjatamaa Jira.

Ergaa baga geettanii I/G/W/D/L/A/Adoolaa Reeddee Obboo Taaddegee Alamaayyoo Daadee dabarsan

Ummata Itoophiyaa Hundaaf:
Baga Eegumsi Waaqayyoo Nuuf Baay'atee Bara Haaraa 2017 Nagaan Dhaqqabdan:Baga Dhaqqabne!

Bara 2016 keessatti hanqinnoota bacaa adoo qannuu, hujii teennaa fi amalli keenna adoo Waaqa mufachiisuu araarrii fi dhiifansi Fayyisaa fi Goottaa keenna Iyyesuusi Kiristoosii nuuf baay'atee qaxxaamurree bara haaraa 2017 dhaqqannee jirra. Bara 2016 keessa akka biyya teenna Itoophiyaatti Qormaanni fi rakkoo baay'ee nu mudattulle Waaqayyoo dabarsee harka hamooleetti nu hin kennine. Bara 2016 keessa waan nu miidhuuf nutta karoorfate hunda Waaqayyo harka araaraatiin nutta gollee, ila hamoolee qabee dudda nurraa galchee jira. Baga gammadan: Baga gammanne!👏👏👏👏

Bara Haaraa 2017 kana hanqinnoota bara 2016 qabnu sirreeffannee, ciminna xiqqaa qabnu dachaa baay'een daballee, bara hojii misoomaa baay'ee hojjanne ummata keenna gammachiisnee Eebba gudda Waaqarraa fudhannu nu haa taasisu!

BARRI 2🌻17 KUN:
▬▬▬▬▬▬▬▬
🌻 Kan Gammachuu!
🌻 Kan Milkaa'innaa!
🌻 Kan Badhaadhinaa!
🌻 Kan Jaalalaa!
🌻 Kan Tokkummaa!
🌻 Kan Guddinnaa!
🌻 Kan Haaromsaa!!
🌺 Isiniif!
🌺 Maatii keessaniif!
🌺 Ollaa keessaniif!
🌺 Hiriyyoota Keessaniif!
🌺 Biyya KEENYAAF!

🎄Bara Itti Mul'anni keessan dhugoomu!

🎄Bara itti bakka yaaddan geettanu.

🎄Bara itti hojjettanii milkooftanu!

🎄 Bara itti firii keessanitti gammaddanu!

🌺 ISINIIF HAA TA'U! 🌻

Ayyaana Gaarii!!!!

Taaddegee Alamaayyoo Daadee
Fulbaana 01/2017