Pure N Alluring Beauty & Lifestyle

VAKARAUWAI - 11/04/2026
ULUTAGA: Mo Kusarawa Ka Dro Tani Mai Na i Bulubulu
LESONI: Marika 16: 5–8
TIKINA KOULA – 8:
“A ratou sa lako kusarawa yani, ka dro mai na i bulubulu; ia, eratou sa sautaninini ka kidroa; eratou sa sega talega ni kaya e dua na ka vua e dua; ni ratou sa rere”.
NA KENA I VAKAMACALA
Ko vuravura ena gauna oqo e sa tao tu ga ena i bulubulu ka lewe vuqa vei keda eda sega ni rawa ni dro tani mai kina. Tubu tiko ga na kaukauwa ni veiraravui kei veivaluvaluti ni veimatanitu lelevu (Rusia kei Ukraine; Isireli kei Irani; Amerika kei Irani); ena noda vanua lomani qo e Viti e tubu tiko ga na kisi ni wainimate gaga ni veivakamatenitaki; sivia ni gunu yaqona kei na vakatavako; tubu cake tikoga na kisi ni bukete dole; HIV AIDS kei na STD’s; kucu; laba; butako kei na c**a veiwekani. Oqori na noda veibulubulu ka vakavuna na tu vakadua ka sega ni rawa ni da toso ki liu. Na veikisi lelevu oqo sa sureti keda tikoga ki na i bulubulu, ka sa vakavuna na ririko ena noda bula veimaliwai vakaveiwekani ena loma ni noda veitikotiko kece sara.
Na noda tikina koula ni kua, eda sa vakaroti kina me da kusarawa ka dro tani mai na i bulubulu. Oqo na yavu levu duadua ka tekivutaki kina na matasiga ena gauna nei Joni kei Jalesi Wesele; ko ya, ena nodra sa drotaka mai na tamata na cudru ni Kalou ena vuku ni valavala ca ka ra sa gadreva dina sara me ra vakabulai mai kina.
Eda kacivi kina vakatamata yadudua, vakaveiwatini, vakavuvale, vakaveiwekani me da veivutuni ka dro tani mai na i valavala ca ka dro mai vei Jisu me da bula.
2 Veigauna 7:14
“Kevaka era sa vakamalumalumutaki ira ko ira na noqu tamata era sa vakayacani e na yacaqu, ka masu, ka gole vei au, ka lesu mai na nodra i valavala ca; au na qai rogoca mai lomalagi, ka bokoca na nodra i valavala ca, ia ka’u na vakabula na nodra vanua.”

ULUTAGA ME MASULAKI:
Meda masulaki Viti me veivutuni ka dro tani mai na bulubulu ni valavala ca.

1) MEDA DROTANI RAWA MAI NAI BULUBULU NI MATE KEINA RARAWA
**MARIKA 16:8 - A ratou sa lako kusarawa yani, ka dro mai nai bulubulu; ia eratou sa sautaninini ka kidroa; eratou sa sega talega ni kaya e dua na ka vua e dua; ni ratou sa rere.

2) NA KALOU GA ENA SEREKI KEDA MAI NA KAUKAUWA NI BULUBULU KA VAKABULAI KEDA MAI NA MATE.
**OSEA 13:14 - Ka'u na sereki ira mai na kaukauwa ni bulubulu; ka'u na vakabulai ira mai na mate: Ko iko mate, sa evei na nomu dauveivakararawataki? Ko iko bulubulu, sa evei na nomu dauveivakarusai? ena tabonaki ga mai na mataqu na veivutuni.

TINITINI
Na vosa kusarawa ka drotani mai nai bulubulu sa dusia na vakatotolo ena gauna saraga oqo keina kakuwa ni volekata tale mo lako tani mai nai bulubulu.

Eda dau drotani mai na veika eda dau rerevaka ka sega ni vinakata me tiko tikivi keda tale, meda kua ni qai veitokani se veiwekani vata kaya tale.

E tiki tu ni noda bula meda dau rerevaka vakalevu na mate, noda rerevaka na mate eda sa laki rerevaka kina nai bulubulu, ia e tukuni vei keda nikua meda drotani mai nai bulubulu.

Sa dusia tiko na vakasama oqo ni bulubulu e vanua e tu kina na mate na meca keina ca. Sa dodonu kina meda kusarawa ka drotani rawa ni bera ni qai tilomi keda ena nona kaukauwa.

Sa levu nai bulubulu ni meca keina ca era dalaga rawa tu e Viti ena gauna oqo, na kisi ni bukete dole; HIV AIDS kei na STD’s; kucu; laba; drugs; na veidabui, na veivaqumi, na butako kei na c**a veiwekani. Oqori nai bulubulu ka sa vaka talega na matetaka sa tadoka vakaca tu kina ko Viti ena gauna oqo.

Sa kena I wali levu duadua ga meda laveta cake nai vakatagedegede ni noda bula taka na Vosa ni Kalou ena noda veisaqata ni bula kecega, meda guraka na cakacaka ni masumasu keina lolo, na veiyagani keina veitokani ena loloma keina veikauwaitaki.

Meda masulaki Viti me lutuka tale mada na noda vanua na buka ni Yalo Tabu me buluta ka vakarusa nai bulubulu ni meca keina ka vakacabera na veigauna vinaka ni veiliutaki ni Yalo Tabu ena noda vanua.

Eda sa vakamasuti meda drotani mai nai bulubulu ni meca keina ca, ia sa mosimosi dina ni lewe vuqa vei ira na wekada era sa marautaka mera dau laki bula lako ena veibulublu ni meca sa vakavolivoliti keda tu oqo.

E. M. .E. .N. .I
Me kalougata saka noda vuvale vakaturaga.

(Ai katalau vakayalo ni matakac**a)

Backyard planting is a good ideas .
Grow your own food to save money.
fromthefarm

# vanilla