Nawel beauty

حبايبي 🤍

تحبو تشوفو ألوان شعر جديدة، نصائح حصرية، وطرق سهلة للعناية بالشعر؟ ولا تبغو أي معلومة مرحبا 💇🏻‍♀️✨

روحو فوراً وابونيلي في إنستغرام 👇
📲 Nawel Beauty https://www.instagram.com/naw_el2016?igsh=MTkzcjN0MDZ6MWRoNg%3D%3D&utm_source=qr

✨ بعد ما تصبغي شعرك… هذي أهم نصيحة لتثبيت اللون! ✨

كي تصبغي شعرك، اغسليه غير بالماء فقط في نفس اليوم،
وديري ماسك مغذي باش نغلقو الشعر ونعطوه ترطيب 🤍

⏳ استني 24 ساعة كاملة،
ومن بعد اغسليه بالشامبو الخاص بالشعر المصبوغ.

✔️ هكذا اللون يثبت أكثر
✔️ ويحافظ على اللمعان
✔️ وما يبهتش بسرعة

العناية بعد الصبغة أهم من الصبغة نفسها 😉✨

� الأشقر البلاتيني البارد قنبلة الموسم 🤍
لون راقي وناعم يعطي إضاءة للوجه ويبان طبيعي ✨
النتيجة تكون صبغة فقط بدون ديكاباج إذا كانت القاعدة مناسبة 👌

🔸 الطريقة:
المرحلة 1️⃣: نفتح الشعر الغامق حتى نوصل لدرجة 9 أو 10.
المرحلة 2️⃣: نطبق 10.0 بلاتيني مكثف مع نفس الكمية أوكسيدون 30vol.
⏱️ الوقت: من 30 إلى 35 دقيقة حسب طبيعة الشعر.

النتيجة: بلوند بارد، نظيف ولامع 💎

� تفتيح الشعر من 2 إلى 4 درجات بصبغة فقط

كاين طريقة آمنة نفتحوا بيها الشعر بدون ديكباج 👌
نستعمل صبغة BN أو 100 من Andréa Dotti،
وهي مخصصة لتفتيح لون الشعر الطبيعي بخفة ولمعان 🤎

✨ تساعدنا نرفع اللون من درجتين حتى 4 درجات
ومن بعد نقدروا نطبقوا ألوان كيما:
ماغو عسلي 🍯
كويفري 🔥
شاتان
شاتان كلاغ

💡 الطريقة لي نخدم بيها أنا:

✔️ علبة BN أو 100
✔️ أوكسيدو 30 vol)
✔️ بروتين بيوبلاكس أو شوية زيت لحماية الشعر

نخلط مليح ونطبق على الشعر من 30 حتى 45 دقيقة ⏰
يتغسل غير بالماء 💦

⚠️ نخلو الشعر يرتاح يومين، وبعدها نصبغو اللون المرغوب باش يخرج صافي وثابت 💗

إذا حبيتو نصائح أكثر على الألوان والعناية بالشعر
ديرولي جام وكتبولي في الكومنت 🤎✨

.
حبيباتي❤️❤️
ما نقدرش نخدمكم هاد العام ،
بصح راني نبقى دايماً معاكم هنا 💇🏻‍♀️✨
نمدلكم نصايح، دروس في التلوين، أسرار تغطية الشيب، وكل ما يفيدكم.

يمكن بدلت البلاد…
بصح شغفي بالمهنة ومحبتكم ما تتبدلش 🤎

شكراً لكل وحدة وثقت فيا يوم من الأيام 🤍
ونقولكم ديما: الجمال يبدأ بالثقة 🌸

🫶🏽 محبتكم ديما في قلبي

كي نفتحوا الشعر الغامق (أسود أو بني داكن)،
أول مرحلة يمرّ بيها هي 🔥 الأحمر → البرتقالي → الأصفر

إذا حبّسنا التفتيح في مرحلة 6 أو 7،
راح يبقى في الشعر انعكاس برتقالي نحاسي 😩

وهنا يجي دور 🎨 الدائرة اللونية

📌 البرتقالي يقابلو الأزرق
يعني:

💙 الأزرق = يحيّد البرتقالي

⸻

💎 درجات الرمادي (.1) الأقوى في تحييد البرتقالي

الانعكاس .1 يعني رمادي
(فيه أزرق يبرد اللون)

🌿 6.1

مناسب لبني فاتح فيه نحاسي واضح.

🌿 7.1

مثالي لأشقر داكن فيه برتقالي خفيف.

🌿 8.1

لشقراء فاتحة فيها دفء نحاسي.

🌿 9.1

يعطي نتيجة باردة على قاعدة مفتوحة مليح.

🌿 8.11 أو 9.11

رمادي مكثف
تحييد أقوى للبرتقالي 🔥❄️

⸻

💡 نصيحة للمبتدئات:
إذا كان البرتقالي قوي بزاف، ما يكفيش غير تونر…
لازم تكملي التفتيح شوية باش توصلي لقاعدة أفتح 👌

❤️ #رواحي نقولك حبيبتي… مشي أي ميلونج يديرلك تغطية شيب!

تغطية الشيب عندها تقنية خاصة 💡
ودرك نفهمكم باش تبداو وحدكم تعرفو تختارو اللون الصح 👇

مثلاً 👈
🔸 5.0 يغطّي الشيب
🔸 لكن 5.1 وحدو ما يغطّيش الشيب

علاش؟ 🤔
لأن رقم 0 بعد الفاصلة هو اللي يكون فيه الأساس الطبيعي (Base naturelle)
وهو المسؤول على تغطية الشيب 👌

📌 أي لون تلقاو فيه بعد الفاصلة:
0 أو 00 👉 يغطي الشيب
أما إذا كان بعد الفاصلة رقم آخر (1 – 2 – 3…) 👉 ما يغطيش الشيب وحدو

مثال:
5.1 – 8.1 – 9.1 ❌ ما يغطيش وحدو

🤎 الحل؟ نميلونجوه 👇

✔ 5.0 + 5.1
✔ 6.0 + 6.1
✔ 7.0 + 7.1
✔ 8.0 + 8.1

باش نربحو:
تغطية + انعكاس لون ✨

💪 وإذا كان الشيب عنيد بزاف
نستعملو لون مدعّم (مركز) 👇
5.00 – 6.00 – 7.00 – 8.00 – 9.00
هذا يعطي تغطية مكثفة وقوية للشيب 🔥

🤎 معاكم دايماً باش تفهمو اللون مشي غير تطبقوه 😉�
Nawel beauty