سکون/skoen

ریکارډ!
په نړۍ کې شاوخوا ۱۱۳ میلیونه او ۴۰۰ زره کسانو ته د «محمد» نوم ورکړل شوی دی او پرې کېښودل شوی دی.

عبدالله بن عمرو رضي الله عنه وايي:

يو سړي د رسول الله ﷺ نه پوښتنه وکړه، چې داسې څه کولای سم، چې پۀ اسلام کې ورباندې بهتر او غؤره سم، نو نبي كريم ﷺ ورته وفرمايل: «بل چاته خوراک وركوه او سلام اچوه؛ پر هغه چا چې که يې پېژنې يا يې نه پېژنې».
(رواه البخاري)

تازه:
په ټولو نړۍ کې ترټولو مشهور نومونه اول« محمد» او دوهم «مریا» ونومول شول.

لږ تم شه!
د یوې الجزایرۍ یتیمې ناوې غوښتنه: "دوه چرګان مې پکار دي چې د واده په شپه مېلمنو ته ډوډۍ ورکړم"
دغې ساده جملې ټول الجزایر پر سر واخیسته.
#کیسه څه ده؟
څو ورځې وړاندې د الجزایر عین الدفلی ولایت د «سیدي لخضر» سیمې د شهرزاد په نوم یتیمې الجزایرۍ ناوې په یوه ویډیو کې غوښتنه وکړه چې واده یې دی خو د خوراک څه نلري، کوم ګاونډي یا خېرخوا کس دې یوازې دوه چرګان ورکړي، څو د واده په شپه د خپلو څو مېلمنو لپاره خواړه برابر کړي.
د هغې دې ساده او عاجزانه غوښتنې د ټول هېواد د خلکو زړونه نرم کړل.
ډلې ډلې خلک ورغلل. قیمتي فرنیچر، عصري برېښنايي وسایل، د څو میاشتو خوراکي توکي او د سرو زرو قیمتي ډالۍ یې ناوې ته ورکړې.
یوه سعودي سوداګر یې د عمرې بشپړ سفر لګښت پر غاړه واخیسته.
یوه ځايي سوداګر بیا د زوم لپاره دایمي دنده برابره کړه او د ناوې مور ته یې د ټول عمر لپاره میاشتنی مالي امتیاز وټاکه.
د واده په ورځ، زرګونه ناپېژندل شوي نارینه او ښځینه د بدرګې لپاره ورغلل، د موټرو اوږد کاروان، دودیزې موسیقۍ او امنیتي ځواکونو په ملتیا، شهرزاد د یوې شهزادګۍ په څېر خپل نوی ژوند پېل کړ.
هغه وایي:
«نن زه نور ځان یتیمه نه احساسوم، بلکې ویاړم چې د ټول الجزایر لور یم!»
Copy

د ټېسلا شرکت خپل نوی تولید روډ سټر سپورټي موټر نندارې ته وړاندې کړ.

د ازمایښتي نندارې پر مهال دې موټر د لنډ وخت لپاره هوا ته ټوپ وهل، په هوا کې تاوېدل او بېرته پر ځمکه کېناستل ښودل شوي.
دا موټر د سپېس‌اېکس له راکټي ټکنالوژۍ څخه په الهام جوړ شوی او د فشار شوې هوا د غورځوونکو نلونو سیستم لري؛ خو لا هم د الوتکې یا چورلکې په څېر د دوامدارې الوتنې وړ نه دی.

د روډسټر طرحه لومړی ځل په ۲۰۱۷ کال کې وړاندې شوې وه او ټاکل شوې وه چې سپارل یې په ۲۰۲۰ کال کې پیل شي، خو پروژه څو ځله ځنډېدلې ده.