Femme Dz

🔴تعيين العالمة الجزائرية على رأس معهد باستور بفرنسا في سابقة تاريخية 🇩🇿

فخر الجزائر

✅ لأول مرة في التاريخ الـ "Biology"
باحثة جزائرية 🇩🇿 على رأس معهد باستور (Pasteur) الفرنسي 😍

✨ تم تعيين البيولوجية الجزائرية البروفيسورة «ياسميــن بلقايــد» كمديرة لمعهد باستور بباريس ؛ البروفيسورة خريجة شعبة العلوم البيولوجية بجامعة هواري بومدين – باب الزوار (الجزائـر) ،و أكملت دراستها متنقلة مابين فرنسا و أمريكا ، تحصلت على عدة جوائز و أصدرت أكثر من 200 بحث في علم المناعة و علم الأحياء الدقيقة.

✨ البروفيسورة الجزائرية «ياسميــن بلقايــد» تعتبر المدير رقم 17 لمعهد باستور الفرنسي الذي أنشأ سنة 1887 على يد العالم «لويـس باستـور» ،و ستشغل هذا المنصب لمدة 6 سنوات إبتداءا من جانفي 2024 كخليفة للبروفيسور «ستيـوارت كـول» المدير الحالي.

رسائلكم
يا لبنات دورك انا خدامة ونخلص 3.5 ملايين ماتقولوش ماعلبالناش صحا ايا خطيبي يخدم تان أيا كل شهر نفليكسيله 2000 ونعطيه مليون باه يقضي لدارهم (ريفيطايما وخضرا) أيا هاد الخطرة قالي كلش راه غلا ومليون ماتكفيش ڨتله نزيدك مية على المليون أيا زعف وعايرني وڤالي مخلوعة وراه في يومين ماهدرش معايا انا مانجمتش نتنفس بلابيه فارسيتله مليون ونص وفليكسيتله 2000 عيطلي ڨالي مكيش متهلية فيا غادي نرسل ما تدي الصوالح ونفسخ الخطبة لبنات كي ندير بلا بيه مانجمش انا راني نڨول نولي نعطيله 2ملايين وصايي انصحوني وبلاتجريح باسكو القلب لحمة💔
🙄

من رسائلكم
انا هي اللي تسرعت في زواجي السيد جاء خطبني في شهرين ونص تزوجت بيه خطراش كنت خارجة من علاقة حب فاشلة والله انسان مشاء الله عليه لكن راني صايمة وهذا رمضان نتمنى الموت ولا واش تفاجئت في راجلي دارلي عرس ولا في الاحلام تخيلو يبوسلي رجلي يابنات لكن من نهار العرس من ليلة الدخلة مزادش حط يدو عليا صدقوني راني مصدومة زينة الف واحد يتمناني لكن هذا الراجل راه كيما خويا مكان والو مفيهش يعني مهوش راجل انا الشيء اللي محيرني علاه فسدني وبواش فسدني هذيك الليلة كنت خايفة ياسر محسيت بوالو المهم فرحت كي شفت الدم وناضو يزغرتو لكن على وجه ربي واش ندير منيش حابة نطلق ونرجع لدارنا راني في عز كبير بصح محرومة من معنى الزواج على وجه ربي حطي قصتي للبنات مفهمتش روحي والله تعبت معرفتش واش ندير واستريني ربي يسترك اختي على وجه ربي شكون فاتت كيما قصتي راني مضرورة
ديروني اختكم وانصحوني مقدرتش تعريت قدامو تلحت عليه عاد يبكي قالي منيش راجل اسمحيلي راني محطمة ومنيش لاقية روحي غايضني جهازي وفراشي وزيني اللي راح هكاك راني خايفة خايفة انصحوني 😭

من رسائلكم
بالقدر لبنات
خواتاتي انا انسانة مطلقة وعندي علاقة صداقة تربطني بواحد مزوج عرفتو معنديش بزاف والمشكل ميعرفش حتى وجهي وهذا الانسان يحكيلي كلشي على مرتو ويحبها وتحبو حب مابعد الزواج مي يمدحني ياسر وساعات نقلق نقولو امشي تروح يقعد يحكي معايا بسوايع بصح والله صديق فقط ويشريلي حوايج يبعثهملي وديما يقولي وش تحتاجي نعطيك بصح وجهي والله ميعرفو وصراحة والفت بيه 😢 انا نعرفو مليح ونعرف مرتو وقصة زواجهم مكانش على حب بصح يحترمها يشريلها مقلشها بكلش ربي يعطيها مي يمدحني حتان مايعجبنيش الحال وتتقابض معاه يقولي والله نتمسخر ومنقدرش مانهدرش معاك قولولي وش ندير ومرتو على بالها بلي نحكي معاه والشيء اللي مدوخني عادي جدا راني محتارة على بالها بلي صديقي فقط بصح انا في بلاصتها منقبلش هذا الشيء.خايفة خواتاتي من اللي جاي وش تنصحوني 😭

اللهم استقامة مهما مالت بنا الأيام ✨🤍

الغليلة الجزائرية❤

الحطة ❤