Naturopathy Workshop

中秋佳節快樂！

親愛的，時間過得好快，今年係「自然坊」搬入漢國佐敦中心同大家度過嘅第一個中秋節！

雖然換咗新環境，但我哋為您守護健康同青春美麗嘅初心一直始終如一 ❤️。

感謝您們一直以來對我哋嘅信任同支持！

在此祝您們同家人中秋節快樂、月圓人團圓！

希望未來的日子，我哋可以繼續陪住您們，為您們嘅健康與美麗保駕護航 ✨。

自然坊 敬上 🌸

【塊面瘦咗但臉就凹晒？驚變係「臉部肌少症」？真相其實係⋯⋯！】

最近聽到個新名詞叫「臉部肌少症」，唔少朋友即刻被嚇親走嚟問我：乜除咗手腳，連塊臉都會肌肉流失？凹陷、法令紋、嘴邊肉浮晒出來，係咪要狂做 Face Yoga 練返大塊肌？

即刻同大家拆解真相，兼送上防老懶人包！

真相 1：醫學界根本冇「臉部肌少症」！ 呢個其實係行銷新名詞，醫學上冇呢個診斷！ 塊臉變老變鬆，唔係單純「少咗肌肉」，而係骨頭流失、脂肪下垂、筋膜鬆弛同肌肉萎縮成個團隊集體打退堂鼓。

但留意：太陽穴凹陷 就真係同肌肉（顳肌）流失最直接相關！

最易變「凹陷臉」嘅 3 類人：

1️⃣ 打「瘦面針」或爆急減肥者：瘦得太快，脂肪同肌肉一齊流失，結果體重跌、顏值都跟住跌！

2️⃣ 蛋白質食唔夠嘅人：冇磚頭，肌肉點起得成？

3️⃣ 牙口唔好、成日食軟飯嘅人：少咗咬嘢，咀嚼肌好容易「廢用性萎縮」。

常見迷思一秒破解：

❌ 狂做臉部瑜伽／做表情運動？ 別傻了！臉部肌肉係直接連住皮膚嘅。過度重複表情，肌肌未練成，反而在先擠出更多動態紋同皺紋！

❌ 搽保養品可以補返肌肉？ 保養品又唔係高蛋白粉！塗塗抹抹最多去到真皮層，幫你保濕、補膠原蛋白。期待保養品長肌肉，真係諗多了～

真正有效嘅「保臉」對策：

🥩 蛋白質食夠數：肉、蛋、豆類要食足，有營養先保得住肌肉量。

🐢 減肥切忌太猛：循序漸進，配埋肌肉訓練，先唔會瘦身變老態。

🦷 照顧好牙齒：牙好咀嚼好，太陽穴同下巴支撐先夠力。

✨ 理性護膚：保養品用嚟維護皮膚屏障同彈性，定位要清楚！

你有冇試過減肥減到塊臉凹晒？或者試過乜嘢奇奇怪怪嘅「面部瑜伽」？ 留言區分享吓，一齊避開防老陷阱！👇💬

#抗老保養 #瘦瘦針 #臉部肌少症 #膠原蛋白 #減肥迷思 #護膚心得 #健康飲食

【家用醫美神器真係可以取代美容院療程？】

想自己 Save 錢？
小心最後 Save 唔到錢，仲整壞張臉！

近年網上勁多來自韓國嘅家用射頻 (RF)、HIFU 同 Pico 機器，標題寫到「屋企邊睇劇邊做，效果媲美美容院幾萬蚊療程」。

……但事實真係有咁美好？

好多女士買咗返屋企，用咗幾次發現效果同想像中差天共地，甚至越整膚質越爛、兩邊臉唔對稱。

到底問題出喺邊？等我即刻拆解自家動手嘅 3 大「交學費」陷阱！

1. 左手右手永遠「非對稱」：人體工學唔會騙人 自己幫自己打，永遠都有視線同角度嘅盲區！你用右手做左臉覺得好順手，但做返右臉嗰陣，隻手就要扭到好似打瑜伽咁。

• 探頭變「飛碟」： HIFU 同 RF 探頭必須 100% 垂直貼實皮膚。你睇唔清自己側面，探頭一傾斜，能量打唔入深層事小，表皮直接被「煎熟」燙傷事大！

• 左右力道大不同： 慣用手同非慣用手施加喺臉上嘅力道完全兩回事，好容易打出「左臉精緻、右臉隨緣」嘅神奇效果。

2. 能量唔夠＋做得多＝免費送你「爛臉套餐」！ 家用儀器為咗安全，能量通常得專業醫療級儀器嘅 10%–20%。 好多人覺得「咦？做一次好似冇乜 Feel 喎」，於是掉入心理陷阱——天天做、隔天做，以為「勤能補拙」，結果直接打爛皮膚屏障：

• 天天射頻 (RF)： 讓皮膚長期處於慢性發炎狀態，屏障被破壞，變薄又變敏感。

• 過度 HIFU： 次數同深度控制唔好，過度熱傷害隨時搞到面部脂肪萎縮（俗稱「凹臉」，秒變骷髏）。

• 亂打 Pico/脈衝光： 手法同能量一搞錯，直接激怒黑色素細胞，斑點唔單止冇淡到，反而變黑甚至「反黑（PIH）」！

3. 去美容院，你買嘅從來唔止係一部機 專業醫美療程最貴、最值錢嘅，係背後嘅「專業知識＋即時判斷＋術後修復」：

• 解剖學大腦： 治療師清楚知道面部神經、血管同脂肪墊點分佈，精準避開禁發區（唔會盲目亂打）。

• 即時執生： 睇住你當日嘅角質層厚度、水分同發炎狀況去調校參數，而唔係好似做機械人咁跟說明書死板操作。

• 及時救火： 儀器加熱之後，皮膚需要即時補給高濃度的修復成分（例如外泌體、重組膠原蛋白），幫肌膚快速再生，呢點自己喺屋企搽普通面霜根本做唔到。

總結： 家用儀器頂多只能當作兩次專業療程之間嘅「日常加餐維護」，想完全取代專業儀器同治療師嘅手藝？根本做不到啊！

想真正安全、精準咁逆齡，真係唔好拎自己張親親嘅臉當實驗品，將專業嘅事，交返畀專業嘅人處理啦！

#醫美知識 #家用醫美儀器 #射頻 #皮秒 #皮膚保養 #美容院專業療程 #自然坊

【究竟高質素嘅「三型膠原蛋白」同坊間「三型膠原蛋白」差別喺邊度？】

最近有幾個客嚟問我：「Edmond，市面上咁多都話自己係『三型膠原蛋白』，價格由幾十蚊幾百蚊到幾千蚊都有，到底有咩分別呀？係咪真係一分錢一分貨？」

如果淨係睇名，真係好似「太陽蛋」同「溫泉蛋」咁，聽落都係蛋，但入口個口感同功夫，完全係兩回事！

想知點解我哋堅持用最高級別嘅重組人源三型膠原蛋白？

今日就同大家拆解背後嘅祕密，教教大家做個聰明嘅精明眼！

1️⃣ 「原廠配件」vs「雜牌零件」
• 普通/平價版： 很多時係喺豬、牛、魚皮提煉出嚟嘅動物膠原。雖然都係膠原，但同人體結構唔同，好容易引發過敏甚至排斥，而且分子大，肌膚根本「食唔入」。

• 我哋嘅高質版： 採用高科技 100% 人源化序列！簡單講，佢就係你肌膚嘅「原廠 100% 匹配配件」！完全無排斥風險，貼合度極高，一入到肌膚就識得精準對接，真正激發自己嘅膠原再生！

2️⃣ 「編織好嘅防護網」vs「散落嘅線頭」
• 普通/平價版： 只係切碎咗嘅單鏈膠原，塗落去好似好保濕，但洗個臉就冇咗，完全冇支撐力。
• 我哋嘅高質版： 保有穩定嘅三螺旋活性結構！就好似幫你嘅真皮層鋪上一張堅固嘅彈力網，唔單止即時填補，仲可以長時間鎖住水分同養分，撐起幼嫩肌！

3️⃣ 「純淨醫藥級」vs「雜質發炎源」
• 普通/平價版： 提純技術不夠精細，發酵過程容易留低「內毒素」，用完隨時會起紅粒粒或者發炎。
• 我哋嘅高質版： 經過醫藥級超淨化提純，純度高達99% 以上，內毒素控制到極低！即使啱啱做完高能量儀器或微創療程，皮膚最脆弱嗰陣用，都可以即時鎮靜同極速修復，安全感爆燈！

4️⃣ 「直達真皮層」vs「只喺表面打轉」🚀
優質嘅膠原蛋白，仲要配合埋精準嘅導入技術（例如高壓水光、Pico、Hifu、無針導入等），先可以真正送佢去真皮層發揮功效。如果唔係，買幾貴都只係「搽咗個寂寞」！

💡 Edmond 溫馨提示： 護膚呢啲嘢，真係入落自己塊臉度，安全同效果永遠係第一位！出面平嗰啲可能係「心靈慰藉」，但我哋呢度畀你嘅，係實打實嘅科技與安全保障！😎

想知你嘅肌膚適合點樣搭配三型膠原蛋白？歡迎 PM 我哋或者嚟親自試吓，體驗吓「原廠配件」嘅威力啦！👇✨

#自然坊 #人源三型膠原蛋白 #膠原再生 #醫美修復 #精明護膚

去韓國打膠原蛋白針打到滿臉「肉粒」？
即睇「結節」形成真相與救急指南!

有人特登飛去韓國打膠原蛋白增生劑，點知搞到成面硬塊（結節）返香港，睇到都心慌慌。

其實「結節」究竟係咩？真相其實好簡單：打膠原蛋白增生劑，本質上係比皮膚一點「可控的微發炎」，就好似去 Gym 健身刺激肌肉生長咁；但如果發炎失控咗，皮膚就會結成一粒粒硬塊，這就是結節。

點解有人打完好靚，有人打完出事？

任何牌子都有機會生結節，關鍵出喺個人體質同醫生技術：
• 體質係主因：如果你長期熬夜、飲酒、體內本身有慢性發炎，或者有「自體免疫疾病」（例如紅斑狼瘡、類風濕關節炎），身體的發炎機制好容易「一去不復返」。打針前一定要老實評估生活習慣同病史。
• 醫生打錯位、揀錯產品：大部分出事案例，都是因為產品打錯層次。例如將深層貼骨打的產品，打咗去眼窩、淚溝、額頭呢啲皮膚極薄的地方，結節就會即刻浮現。

不幸摸到硬塊？救援黃金期大公開!

萬一真係打出硬塊，千萬不可以心急自己亂處理（絕對唔好自行按摩、熱敷冰敷或亂食藥，只會刺激發炎更嚴重！）：

時間點/狀況與應對方法:

打完 1 星期內 正常消腫期：微腫係正常的，正常情況 7 日內會消退。

打完 2 至 3 星期（黃金急救期） 快啲搵返原本的醫生！ 呢個時候硬塊未被纖維組織包死，醫生打少少低劑量消炎針（類固醇），有機會令硬塊變小甚至消失。

拖超過 1 至 2 個月 可能要開刀取出：硬塊已經被纖維完全包住，藥物很難吸收，多數要靠微創或手術取出。

最後溫馨提示：出現呢個警訊就要即刻睇醫生！

如果打完過咗一星期，面部依然紅、腫、熱、痛，摸落去有明顯硬塊而且壓痛，就係發炎失控的訊號，一定要立刻回診。

記得打針時一定要留底產品牌子同名稱，即使真係有問題，醫生才能第一時間幫你化解危機。

美得安全，才是真正的漂亮！

去旅行，真係唔係因為我有錢。

​我和美雲姐選擇去旅行，唔係因為富足到可以隨便揮霍，而係我好清楚，要等到「有錢、有時間、又有體力」嘅嗰一日，好可能等一輩子都等唔到。

​旅行從來唔係為了炫耀，而係趁仲行得走得，把有限嘅時間同積蓄，換成值得一輩子好好細味嘅記憶同體驗。

​我哋想睇多啲呢個世界，去感受唔同嘅文化同風景。

當眼界闊咗，人嘅心胸自然就會跟住闊。

​趁仲有衝動，幫自己安排一趟旅程啦，別讓人生只剩下重複嘅日常，給生活添多一點色彩。

好多人夏天淨係記得搽防曬同敷面膜，但就全忘記咗頭皮其實係「臉部肌膚嘅延伸」！

夏天高溫濕熱，頭皮出油量會爆升 30%–40% ，加上全日被太陽晒住，好容易引發頭皮癢、頭髮扁塌，甚至引起毛囊發炎同甩頭髮！

想今個夏天保持清爽？

即睇【夏日頭皮養護秘笈】:

1️⃣ 認清頭皮性格，洗頭洗得精！

• 油性頭皮（半日就塌）：切忌越洗越猛！揀溫和嘅胺基酸洗髮水，一星期做 1–2 次深層清潔，洗頭水溫控喺 37°C 左右（水太熱反而刺激出油）。

• 乾性頭皮（洗完緊繃/有頭屑）：你需要嘅係滋潤！揀含神經醯胺、B5 成分嘅產品，兩日洗一次就夠。

• 敏感頭皮（容易泛紅/刺痛）：避開酒精、香料同薄荷醇，去戶外戴透氣帽或用頭皮防曬噴霧！

2️⃣ 夏日頭皮保養 3 招！

• 洗頭用指腹：洗髮水先喺手心起泡，用指腹按摩 2–3 分鐘（千祈唔好用指甲抓！）。如果有用造型產品，記得洗兩次！

• 吹頭前加精華：洗完頭吹至半乾，搽少少控油或鎮靜精華（如積雪草、B5），幫頭皮保濕平衡。

• 小習慣大改善：洗完頭一定要即刻吹乾！枕頭套一星期換一次，頭盔內襯記得定時洗。

🚨 警示訊號：幾時要睇醫生？ 如果頭皮持續癢超過 2 星期伴隨紅腫、每日落髮超過 100 根、或者出現膿包同傷口，就唔好再自己試產品，建議直接尋求專業皮膚科醫生協助！

頭皮照顧得好，連臉部輪廓都可以保持緊緻～快啲 Tag 身邊個頭皮成日出油嘅朋友睇啦！👇

#夏日頭皮保養 #頭皮養護 #頭皮出油 #頭髮護理 #美髮知識 #頭皮健康

【自然坊溫馨告示】

各位尊貴的客人：為了以更佳狀態繼續為大家提供優質專業服務，自然坊將於 9月4號（星期五）至 9月7號（星期一） 期間休假出外旅行！

休假期間網上訂購和所有醫美療程將暫停運作。

營業安排如下：
• 9月4號（五）至 9月7號（一）： 休息（暫停營業）
• 9月8號（星期二）： 恢復正常營業

休假期間，若有任何查詢或預約需求，歡迎繼續於 Facebook 專頁或 WhatsApp :9861 7104留言，我們會儘快依序回覆大家！

感謝大家的體諒與支持，祝大家 Weekend 愉快！

自然坊生活小貼士安全提醒: 提防假冒順豐 SMS 詐騙短訊！

最近不少朋友和客人反饋，每天都收到假冒「順豐速運」的提示短訊。

騙徒手法層出不窮，但只要大家細心觀察，就會發現裡面漏洞百出！

大家可以留意以下幾個極為常見的騙局破綻：

• 公司名稱寫錯：將官方「順豐速運」誤寫成「順豐速通」。

• 發件人英文拼錯：抬頭顯示為拼錯的 Expresss SF（多了個 s）。

• 號碼混入字母：電話號碼中的 0 被換成大寫字母 O（例如 3852-73OO），藉此規避電訊商的過濾系統。

• 缺乏具體單號：內容完全沒有提及您的個人姓名或具體運單編號。

正牌物流公司通常會透過官方 App 或已認證的官方短訊通道發送通知。

若收到要求撥打不明電話或點擊陌生連結的短訊，請切勿理會！

自然坊關心大家的健康，也關心大家的財物安全。

快將這個提醒分享給身邊的家人朋友，一起提高警惕！防範詐騙！❤️

📍 自然坊 Naturopathy Workshop 地址：九龍尖沙咀山林道 7 號漢國佐敦中心 18 樓 1803-04 室

查詢/預約：WhatsApp 聯絡我們: 9738 6824

#自然坊 #健康生活 #防騙資訊 #順豐詐騙 #提防詐騙 #生活小貼士

每到夏天, 「點樣變白」永遠係詢問度最高嘅熱門療程。

美白針、皮秒、傳明酸、各式防曬……選擇越多, 反而越容易迷失。

其實想擁有一張透亮健康嘅素肌, 關鍵唔係盲目「進攻」, 而是學識「先防禦；後養膚」。

1. 守護第一步：防曬同埋保濕先係王道
美白最重要、亦最易被忽略嘅，永遠係防曬。
未做好抗紫外線嘅準備就急急忙忙去打皮秒雷射, 只係本末倒置。
好好搽防曬、定時補擦、撐陽傘，先把第一道防線守住,; 如果皮膚水分唔夠, 角質層代謝減慢, 都會令黑色素排得更慢; 做好防曬同埋保濕, 後續嘅美白保養與療程先可以真正發揮效益。

2. 夏天策略：專注「養膚」與降低發炎
剛曬黑或肌膚處於不穩定狀態時，強行打皮秒雷射，很容易刺激黑色素細胞，甚至引發反黑。
夏天嘅核心思維係「降溫與修復」。
先透過溫和嘅養膚手段修護肌膚基底膜、舒緩發炎；等中秋過後、紫外線減弱、膚況穩定，再進行皮秒等色素打擊，效果反而事半功倍。

3. 處理棘手肝斑：重修護，不硬碰硬
肝斑嘅形成往往伴隨真皮層慢性發炎。
過度使用高能量攻擊色素，只會令黑色素細胞受到二次傷害。

現代精準醫美嘅觀念已轉變為：優化肌膚微環境
幫肌膚「熄火」、修護屏障，黑色素分泌自然會回歸平衡。

4. 理性看待美白針
美白針主要成分為抗氧化嘅維生素C與傳明酸，作用因人而異且偏向輔助。
因傳明酸具凝血特性，若有心血管問題或特定健康狀況，必須由專業醫療團隊嚴謹評估，切勿盲目跟風。

給肌膚的一份夏季溫柔： 夏天用心防禦，秋冬精準保養。不急不躁、順應肌膚嘅修復節律，自然能由內而外散發自信光采。