iMPROVE HAiR

【乾洗髮10個秘密，廠商唔會同你講🤫💨】

香港又濕又熱，朝早洗完頭，未到lunch已經油淋淋😩
有瀏海嘅姊妹更加日日同「條碼瀏海」搏鬥⋯⋯
乾洗髮呢幾年好紅，但你有冇諗過：到底用得多有冇問題？可唔可以代替洗頭？

Koon Sir同你講吓人哋唔會話你知嘅真相👇

❓ 用完乾洗髮仲要洗頭嗎？
要呀！乾洗髮係「急救品」唔係「洗頭水代替品」。用完當晚一定要用洗頭水徹底清潔，唔好留過夜。

❓ 會唔會塞毛孔、甩頭髮？
只要你揀冇滑石粉、礦物油、酒精嗰啲，只係救急用（開會前、約會前），同埋當晚洗乾淨，就唔怕。

❓ 同爽身粉、蜜粉有咩分別？
乾洗髮粉末幼細好多，專門吸頭油；爽身粉太粗，用完會泛白又「笠」。

❓ 乾洗髮= 蓬蓬粉？
唔同。乾洗髮主打吸油，蓬蓬粉主打變蓬鬆（但難洗啲）。而家有啲乾洗髮兩樣都做到。

❓ 咩髮質啱用？
油性、混合性、細軟扁塌最啱。乾性中性都可以急救用。極敏感頭皮用前要試一試。

❓ 噴霧同粉裝有咩分別？
噴霧式方便又均勻，樽裝粉好難控制，容易一撻撻。

❓ 會唔會爆炸？
任何高壓噴霧（定型水、殺蟲水）都要遠離火源同高溫，唔好放喺車入面暴曬。

❓ 幾時用最好？
瞓過頭冇時間洗頭、戴完頭盔扁晒、下晝瀏海變一條條、見客前、放工約會前。放支喺手袋公司就搞掂。

❓ 用咗會唔會減少出油？
唔會。佢只係吸走現有嘅油，唔會改變你頭皮出油量，除非有加薄荷嗰類降溫成分。

❓ 仲有冇野要留意？
噴嗰陣保持距離，噴完用手或梳撥鬆，唔好積住一舊。當晚一定要洗乾淨。

💡 Koon Sir 話你知：
乾洗髮係偉大發明，但唔係「唔洗頭嘅藉口」。用得啱，日日都保持到 freshly washed 嘅蓬鬆感；用錯方法，頭皮就會抗議。

👉 你試過邊隻好用？留言分享吓～

📍 想知自己頭皮適合邊種護理？可以預約免費頭皮檢測
📲 WhatsApp 988 555 98

#乾洗髮迷思 #油頭救星 #香港護髮 #唔好唔洗頭

『女子本弱，為母則剛』
💝祝每位媽媽：母親節快樂！💐🌷

【Koon Sir話你知🥛✨ 黑芝麻豆漿 ＝ 日常養髮聖物！】

Koon Sir成日畀人問：「點先可以養返濃密光澤嘅頭髮？」
答案可能就喺你屋企廚房 ~ 黑芝麻豆漿！🔥

🧑‍🏫 Koon Sir拆解黑芝麻威力：
✅ 維他命E＋亞麻油酸＋鐵質，養血補腎、滋潤髮膚
✅ 專救乾旱、脫髮，飲完髮絲濃密到反光💁‍♀️

🥛 加埋豆漿，雙倍養生：
黑芝麻＋豆漿 ＝ 營養Double Up💥
促進新陳代謝、抗氧化、仲可以暖胃～
朝早冇胃口？一杯搞掂！

👩‍🍳 Koon Sir教路：超簡單做法
熱無糖豆漿 + 黑芝麻粉 = 攪拌均勻
（想甜啲加少少蜜糖，好飲過珍珠奶茶😋）

💡 Koon Sir溫馨提示：
日日一杯，當早餐或下午茶，
由內靚到外，好過你亂買 supplements！

👉 想知自己頭皮情況？或者想學更多養髮秘技？
📲 WhatsApp Koon Sir 預約免費頭皮檢測，等佢同你逐個拆解！

#黑芝麻豆漿 #由內靚到外 #改善脫髮 #濃密光澤 #養生 #免費頭皮檢測

【護髮素 + 蘋果醋｜粗硬頭髮變軟秘方🍎🧴】

好多人都問：「點樣用㗎？」

講真，唔係就咁倒落去就得㗎！
想知正確比例同用法？🤔

📲 WhatsApp koon sir話你知！
仲可以順便預約免費頭皮檢測～
睇清你個頭皮真實狀況，再教你點樣用得最啱自己！

👉 快啲禁落去問啦！

📍 尖沙咀金巴利道73號
📲 WhatsApp 988 555 98

#護髮素加蘋果醋 #粗硬頭髮救星 #平民護髮秘方 #免費頭皮檢測 #想知點用 #香港人護髮日常

Koon sir話你知
～整頭髮前須知！

坐得多的士，唔等於你識揸的士；
成日話「久病成醫」，真係唔好咁幼稚！
照咁講，以後有病咪直接去深切治療部搵病人，仲使咩去搵專業醫生？

業內時常聽聞，有唔少客人
聽埋網上傳聞就當自己識哂，
淨係親身經歷過一次，就以為有百分百肯定答案，
用住一副「專家口吻」，講緊好基礎嘅知識，有陣時仲講錯添。

亦都聽聞有一啲顧客，一入到髮廊就好似好專業咁查問，
一開口就問店裡用緊咩產品，
又話自己一向只用大品牌。
點知當介紹專業線產品俾佢了解時，佢就一樣都唔認識。
再問返佢平時用開咩名牌，
佢就好自信講出電視上常見嘅牌子，仲以為有賣廣告就等於名牌。

其實有好多專業美髮產品，一般人根本唔認識，
因為呢啲屬於專業線產品，只供髮型師使用，
亦唔會喺電視、超市賣廣告。
你諗下，醫生開嘅藥，又有幾多會喺電視見到賣廣告？

但Koon sir同大家講清楚：
無論幾好嘅產品，都需要髮型師專業判斷同正確使用。
唔好以為用完頭髮柔軟，就一定係好產品、一定適合你。
如果本身頭髮已經過份幼細、髮量又不多，
亂用呢類產品，只會愈用愈差，用錯就真係大錯！

想搵個真正好嘅髮型師，其實好簡單：
平時多觀察身邊朋友，
見到佢好多年頭髮都保持得好靚，
轉髮型每次都恰到好處，又係你鍾意嘅風格，
就可以問清楚佢嘅髮型師係邊度、收費係咪自己可接受，
直接請佢推薦，呢個方法最實際、最穩陣。

去髮廊唔好覺得自己係專家，
唔好考驗髮型師，亦唔好亂指揮、亂插嘴。
聆聽美髮專業人士意見及溝通，先至最穩陣！

【洗頭前30秒做呢個動作💆‍♀️ 髮量竟然可以翻倍？！】

有冇發現：點解人哋頭髮越洗越多，你嘅頭髮越洗越少？😱 枕頭、浴室地板成日「收成」一堆頭髮，唔係你錯覺，亦唔關壓力事❗

🔍 真相係：血液循環差，頭皮接收唔到養分，髮根自然撐唔住

好消息係：唔使買貴价護髮產品，只要洗頭前做多1個動作，就可以幫你救返把頭髮！✨

🌟 洗頭前必做動作：90%人都跳過嘅關鍵一步

先梳頭，後洗頭！

用寬齒梳由髮尾慢慢向上梳，輕輕鬆鬆做到3件事：
✅ 掃走灰塵油脂
✅ 梳順打結位置
✅ 減少洗頭時拉扯斷髮
記住：頭髮濕水後脆弱過玻璃，帶住死結直接洗，每一次搓揉都係傷害！😭

🌿 洗頭加2步按摩，養出豐盈髮量
Step 1｜指腹畫圓按摩全頭皮
唔好用指甲！用指腹輕輕打圈，成個頭皮都要按到，促進血液循環～
Step 2｜加強按壓兩大穴位
✨ 百會穴｜頭頂正中央
按此穴＝打通全身陽氣，養分直送毛囊！💉
✨ 天柱穴｜後頸髮際線凹位
按此穴＝改善髮根環境，等新生頭髮生得健康濃密！🌱

📋 正確洗頭6部曲
1️⃣ 洗髮前梳頭：寬齒梳由髮尾向上梳，動作要溫柔
2️⃣ 濕髮起泡：洗髮精先喺手心起泡，再帶入髮根
3️⃣ 指腹按摩：全頭皮畫圓按摩1-2分鐘
4️⃣ 按百會穴：頭頂正中垂直按壓30秒
5️⃣ 按天柱穴：後頸凹位向上頂壓30秒
6️⃣ 徹底沖洗：沖水時間要比你想像中再長啲！

💡 日常護髮小貼士
* 每次洗頭花2-3分鐘按摩頭皮，唔好急住沖走泡泡
* 避免用太熱水洗頭，熱水會抽乾頭皮水分🔥
* 睡前用手指輕撫頭皮，促進夜間血液循環🌙

👉 你今日洗頭前梳咗未？
Tag你身邊成日話「頭髮薄咗」嘅朋友，等佢知呢個洗頭前秘訣！🤝

#洗頭前先梳頭 #養髮秘訣 #髮量急救 #頭皮按摩 #百會穴 #天柱穴 #正確洗頭方法 #香港護髮小知識 #在家養出好髮量 #甩頭髮救星 #香港頭髮護理 #頭皮護理

📍 頭髮及頭皮護理查詢：
📩 馬上私訊預約，解鎖你的天然美髮之旅！
📍 門市資訊：尖沙咀金巴利道 73 號
📞 預約專線：WhatsApp 988 555 98（只限文字）
💬 FB / IG 留言告訴我們：你的頭皮 / 頭髮煩惱是什麼？我們會有專人回覆你！