Baikal Jana

Ганц таарсан ч сэтгэлээ асгартал уудалмаар хүн байдаг.
Хичнээн таньдаг ч бүхнээ нуумаар хүн байдаг...

Амаа билүүддэг хүмүүс хов живтэйгээ арил
Араар муулдаг нөхдүүд хогийн санаатайгаа арил
Сэтгэл сэмлэдэг хүмүүс нулимсыг минь аваад арил
Сэмхэн гэтдэг нөхдүүд итгэлийг минь үлдээгээд арил

Уулзсан бүхэндээ уурлаад явдаг адайр ааштай биш ч
Учирсан бүхэндээ хошуугаа дэвсдэг нялцгар наалинхай нь бүр биш...

Ул шагайдаг хүмүүс ужиг бодолтойгоо арил
Урам хугалдаг нөхдүүд өөрсдөө мэдээд арил
Итгэл ашигладаг хүмүүс цөхрөлийг минь аваад арил
Инээд үргээдэг нөхдүүд жаргалыг минь үлдээгээд арил

Тав гурван үгэнд тунирхаж гомдоллоод суудаг эмзэг биш ч
Танилцсан бүхэндээ таалагдахыг хичээдэг өөрийгөө умартагч бүр биш...